💞ആയിരം കണ്ണുമായി – 10 17

 

ശ്രുതി : നീ മിണ്ടണ്ട ലക്ഷ്മി… ചിലപ്പോൾ നീയും കൂടി അറിഞ്ഞോണ്ട് ആയിരിക്കും

 

ലക്ഷ്മി : ഇനി എന്റെ മണ്ടയിൽ കയറിക്കോ… ഞാൻ അറിഞിട്ടില്ലെടി

 

അപ്പോഴേക്കും ലഞ്ച് ടൈമിനുള്ള ബെൽ മുഴങ്ങി അഖിൽ പതിയെ സീറ്റിൽ നിന്നും എഴുനേറ്റ് പുറത്തേക്ക് നടന്നു

 

ശ്രുതി : അഖിൽ അവിടെ നിക്ക്…

 

ശ്രുതി അഖിലിനോടായി വിളിച്ചു പറഞ്ഞു

 

അഖിൽ : 😬….

 

ശ്രുതിയും ലക്ഷ്മിയും പതിയെ ക്ലാസ്സിനു പുറത്ത് അവനടുത്തായി എത്തി

 

ശ്രുതി : നീയാണോ എന്റെ കാശ് കൊടുത്തെ

 

അഖിൽ : ഏത് കാശ്

 

ശ്രുതി : എന്നെ വെറുതെ ദേഷ്യം പിടിപ്പിക്കല്ലേ അഖിലെ.. 😡

 

അഖിൽ : ടൂറിന്റെ പൈസയാണെങ്കിൽ ഞാനാ കൊടുത്തെ

 

ശ്രുതി : ആരോട് ചോദിച്ചിട്ട് 😡

 

ലക്ഷ്മി : എന്റെ ശ്രുതി ഒന്ന് അടങ്ങ്

 

ശ്രുതി : നീ ഇതിൽ ഇടപെടണ്ട…. പറ അഖിലെ ആരോട് ചോദിച്ചിട്ടാ കൊടുത്തെ… ഞാൻ വരുന്നില്ല എന്ന് പറഞ്ഞതല്ലേ

 

 

അഖിൽ : എല്ലാവരും വരുമ്പോൾ നീ മാത്രം മാറി നിൽക്കുന്നത് എന്തിനാ…

 

ശ്രുതി : എനിക്ക് ഇഷ്ടം ഇല്ലാത്തത് കൊണ്ട്… എന്റെ കാര്യത്തിൽ ഇടപെടുമ്പോൾ എന്നോട് ഒന്ന് ചോദിക്കണം അല്ലാതെ… ഇനി അവര് കാശ് തിരിച്ചു തരുവോ എന്ന് ആർക്ക് അറിയാം

 

അഖിൽ : തരണ്ട…നീ വരുകയും വേണ്ട എന്താ പോരെ…

 

ഇത്രയും പറഞ്ഞു അഖിൽ അവിടെ നിന്നും പോയി

 

ലക്ഷ്മി : അവനെ പിണക്കിയപ്പോൾ സമാധാനമായോ…

 

ശ്രുതി : ഞാൻ എന്ത് പിണക്കി എന്നാ അവൻ ആവശ്യമില്ലാത്ത പണി ചെയ്തിട്ടല്ലേ…

 

ലക്ഷ്മി : നിനക്ക് കാശില്ലാത്തത് കൊണ്ട് വരാത്തതാകുമെന്നായിരിക്കും അവൻ കരുതിയത് നീ വിഷമിക്കണ്ട എന്ന് കരുതി കൊടുത്തതായിരിക്കും…

 

***************

 

അൽപസമയത്തിനു ശേഷം

 

ശ്രുതി : എനിക്ക് തോന്നി ഇവിടെ തന്നെ ഇരിക്കുവായിരിക്കും എന്ന്

 

ഗ്രൗണ്ടിനടുത്തേക്ക് എത്തിയ ശ്രുതി അവിടെ ഇരുന്നിരുന്ന അഖിൽനോടായി പറഞ്ഞു

 

അഖിൽ : നീ പോയേ ശ്രുതി എനിക്ക് ഒന്നും സംസാരിക്കണ്ട

 

ശ്രുതി : വേണ്ട സംസാരിക്കണ്ട ഈ ചോറ് കഴിക്ക് വെറുതെ വേസ്റ്റ് ആകും

 

അഖിൽ : എനിക്ക് വേണ്ട… ഞാൻ പൈസകൊടുത്തെന്ന് പറഞ്ഞു എന്തായിരുന്നു… ആ നിന്റെ ചോറ് തന്നെ ഞാൻ കഴിക്കണോ

 

ശ്രുതി : പിന്നെ… ചോദിക്കാതെ ചെയ്താൽ ദേഷ്യം വരില്ലേ

 

അഖിൽ : നിനക്ക് ഒരു സർപ്രൈസ് ആയിക്കോട്ടെ എന്ന് കരുതി… അതിന് ആ ലക്ഷ്മിയുടെ മുന്നിൽ വച്ച് എന്നെ നാണം കെടുത്തിയില്ലേ… അല്ല എനിക്ക് ഇതു തന്നെ കിട്ടണം…

 

ശ്രുതി : ഞാൻ വരുന്നില്ല എന്ന് പറഞ്ഞിരുന്നതല്ലേ… പിന്നെ എന്തിനാ

 

 

അഖിൽ : അതെന്താ വരാത്തെ ആകെ ഒരു ടൂർ അല്ലേ ഉള്ളു… ഇപ്പോൾ വന്നില്ലെങ്കിൽ പിന്നെ എപ്പോഴാ

 

ശ്രുതി : അച്ഛൻ ചോദിക്കുമ്പോൾ ഞാൻ എന്ത് പറയണം… നിന്റെ പൈസക്ക്‌ പോകുവാണെന്നോ… അതെനിക്ക് പറ്റത്തില്ല…

 

അഖിൽ : അതിന് എന്റെ പൈസക്കല്ലോ നീ പോകുന്നെ.. നീ വരുന്നത് നിന്റെ പൈസക്ക്‌ തന്നെയാ

 

ശ്രുതി : എന്റെ പൈക്കോ… നിനക്ക് എന്താടാ

 

അഖിൽ : അതെ… ഉച്ചക്ക് എനിക്ക് തരുന്ന ഊണിന്റെ പൈസ… കുറച്ച് ദിവസത്തേക്ക് ഉള്ളത് ഞാൻ അഡ്വാൻസ് ആയിട്ട് തന്നു എന്നേ ഉള്ളു….

 

ശ്രുതി : നിന്നെക്കൊണ്ട്… ശരി എന്നാലും വരാൻ പറ്റില്ല അച്ഛൻ ഒറ്റക്കല്ലേ… എനിക്ക് എങ്ങനെ വിട്ട് വരാൻ പറ്റും…

 

അഖിൽ : ഒന്ന് രണ്ട് ദിവസം ഒറ്റക്ക് ഇരുന്നു എന്ന് കരുതി നിന്റെ അച്ഛന് എന്ത് പറ്റാനാ അച്ഛൻ കുട്ടിയൊന്നുമല്ലല്ലോ

 

 

ശ്രുതി : അച്ഛന് വയ്യാത്തതാടാ…

 

അഖിൽ : നീ മനഃപൂർവം ഓരോന്ന് പറയുന്നതാ… നീ നിന്റെ അച്ഛനോട് ചോദിച്ചു നോക്ക് നിന്നോട് പോകാൻ പറയും ഉറപ്പാ

 

ശ്രുതി : എന്നാൽ പിന്നെ യഥാർത്ഥ പ്രശ്നം ഞാൻ പറയാം… ഞാൻ എങ്ങാൻ വന്നാൽ നിനക്കും ലക്ഷ്മിക്കുമൊന്നും ടൂർ എൻജോയ് ചെയ്യാൻ പറ്റില്ല… എപ്പോഴും എന്റെ കൂടെ നിൽക്കേണ്ടി വരും… ഈ കാലും വച്ചോണ്ട് എല്ലാം ബുദ്ധിമുട്ടാ