💞ആയിരം കണ്ണുമായി – 10 17

 

അഖിൽ : അല്ല ഞാൻ

 

 

ശ്രുതി ഫോൺ കട്ട് ചെയ്തു….

 

ടൂർ ദിവസം

 

ശ്രുതി : അച്ഛാ ഞാൻ ഇറവങ്ങുവാണെ… സൂക്ഷിക്കണം കേട്ടോ.. എന്തെങ്കിലും ഉണ്ടെങ്കിൽ ഉടനെ വിളിക്കണം… എനിക്കാണേൽ ഒരു സമാധാനവും ഇല്ല അച്ഛാ

 

അച്ഛൻ : ഒരു സമാധാനക്കേടും വേണ്ട മോള് സന്തോഷമായിട്ട് പോയി വാ… എനിക്ക് ഒരു കുഴപ്പവുമില്ല.. പിന്നെ ബസിൽ ലക്ഷ്മിയുടെ അടുത്തിരുന്നാൽ മതി കേട്ടോ..🙄

 

ശ്രുതി : അച്ഛന് എന്തൊരു പേടിയാ ഇത്… ഞാൻ അവളുടെ അടുത്തെ ഇരിക്കു പോരെ..

 

അച്ഛൻ : ശരി എന്നാൽ ഇത് പിടിക്ക്

 

ഇത്രയും പറഞ്ഞു അച്ഛൻ ഒരു 500 രൂപ നോട്ട് അവൾക്ക് നൽകി

 

ശ്രുതി : പൈസയൊന്നും വേണ്ട അച്ഛാ എന്റെ കയ്യിൽ ഉണ്ട്

 

അച്ഛൻ : ഇരിക്കട്ടെ എന്തെങ്കിലും ആവശ്യം വന്നാലോ…

 

ശ്രുതി : ശരി അച്ഛാ

 

ഇത്രയും പറഞ്ഞു ശ്രുതി വീട്ടിൽ നിന്നും ഇറങ്ങി

 

അല്പസമയത്തിന് ശേഷം അവൾ കോളേജിൽ

 

അഖിൽ : എവിടെയായിരുന്നെടി ഇത്രനേരം

 

ശ്രുതി : 6 മണിക്കല്ലേ പോകുന്നെ നേരത്തെ വന്നിട്ട് എന്തിനാ… അല്ല ലക്ഷ്മി എവിടെ

 

അഖിൽ : ഞാൻ അത് നിന്നോട് ചോദിക്കാൻ ഇരിക്കുവായിരുന്നു അവൾ എവിടെ… ഇതുവരെ കണ്ടില്ലല്ലോ

 

ശ്രുതി : നീ വിളിച്ചുനോക്കിയില്ലേ

 

അഖിൽ : വിളിച്ചു പക്ഷെ കാൾ എടുത്തില്ല ചിലപ്പോൾ വന്നുകൊണ്ടിരിക്കുവായിരിക്കും

 

ശ്രുതി : നിക്ക് ഞാൻ വിളിക്കാം

 

ശ്രുതി ഫോൺ കയ്യിലേക്ക് എടുത്തു പെട്ടെന്നാണ് അവളുടെ ഫോൺ റിങ്ങ് ചെയ്തത്

 

അഖിൽ : ആരാ അവളാണോ…

 

ശ്രുതി : ഉം…

 

ശ്രുതി കാൾ അറ്റണ്ട് ചെയ്തു

 

ശ്രുതി : നീ എവിടെയാ ലക്ഷ്മി ബസ് എടുക്കാറായി… ഇല്ലേ… അയ്യൊ… ഇനിയിപ്പോൾ…. ഉം… ശരി…

 

ശ്രുതി ഫോൺ കട്ട് ചെയ്തു

 

അഖിൽ : എന്താ ശ്രുതി അവൾ എത്താറായോ

 

ശ്രുതി : അവള് വരില്ല…

 

അഖിൽ : വരില്ലേ

 

ശ്രുതി : അവളുടെ ഒരു ബന്ധു മരിച്ചുപോയി… അവള് നാട്ടിലേക്ക് പോയികൊണ്ടിരിക്കുവാ.. വരാൻ പറ്റില്ല

 

അഖിൽ : ബന്ധു എന്ന് പറയുബോൾ…

 

ശ്രുതി : അറിയില്ല… അവള് പിന്നീട് വിളിക്കാം എന്ന് പറഞ്ഞു… 😔 അവളില്ലാതെ എങ്ങനെയാടാ

 

അഖിൽ : ഇനിയിപ്പോൾ എന്ത് ചെയ്യും…

 

ശ്രുതി : നമ്മളോട് പോകാനാ അവള് പറഞ്ഞെ… പക്ഷെ അവളില്ലാതെ

 

അഖിൽ : എന്തായാലും അവൾക്ക് വരാൻ പറ്റില്ല അപ്പോൾ പിന്നെ നമുക്ക് പോകാം അത്ര തന്നെ

 

ശ്രുതി ഒന്നും മിണ്ടാതെ നിന്നു

 

അഖിൽ : എന്താ നമുക്കും പോകണ്ടേ… നമ്മൾ ഇവിടെ നിന്നിട്ട് എന്താ കാര്യം… പൈസ പോകും അത്ര തന്നെ… നീ വാ എല്ലാവരും ബസിൽ കയറി…

 

ശ്രുതി : തുടക്കം തന്നെ ഇങ്ങനെയായി.. അവള് നല്ല ആഗ്രഹിച്ചതാ

 

അഖിൽ : നിനക്ക് അപ്പോൾ ആഗ്രഹം ഇല്ലേ… അവള് കുറേ തവണ പോയിട്ടുള്ളതാ… നീയോ… വാ

 

ഇത്രയും പറഞ്ഞു അഖിൽ അവളെ പിടിച്ചുകൊണ്ട് ബസിനടുത്തേക്ക് എത്തി ശേഷം പതിയെ അവളെ ഉള്ളിലേക്ക് കയറ്റി

അഖിൽ : ദാ ഇവിടെ സീറ്റ്‌ ഉണ്ട് കയറിക്കോ… ആ സ്റ്റിക്ക് സ്റ്റിക്ക്‌ ഇങ്ങ് എടുക്ക് ഞാൻ പിടിക്കാം… എന്താടി നോക്കുന്നെ കയറ്

 

ശ്രുതി പതിയെ സീറ്റിലേക്ക് കയറി ഇരുന്നു അടുത്തായി അഖിലും

 

അഖിൽ : എന്തായിരുന്നു കയറാൻ മടി… ഞാൻ പിടിച്ചു തിന്നത്തൊന്നുമില്ല…

 

ശ്രുതി : അങ്ങനെയൊന്നുമല്ല…

 

അഖിൽ : അങ്ങനെ തന്നെയാ എനിക്ക് മസ്സിലായി…അവിടെ ചെന്നിരുന്നു എന്തെങ്കിലും ആവശ്യം വന്നാൽ അവരൊക്കെ നിന്നെ നോക്കുവോ… ലക്ഷ്മി ഉണ്ടായിരുന്നെങ്കിൽ കുഴപ്പമില്ലായിരുന്നു ഞാൻ മാറി ഇരുന്നേനെ…

 

ശ്രുതി : നീ മാറിയൊന്നും ഇരിക്കണ്ട…. അച്ഛൻ ലക്ഷ്മിയുടെ അടുത്ത് ഇരുന്നാൽ മതി എന്ന് പറഞ്ഞിരുന്നു അതാ…

 

അഖിൽ : അതിന് ലക്ഷ്മി വന്നില്ലല്ലോ…

 

ശ്രുതി : ഞാൻ നിന്റെയടുത്ത് ഇരിക്കും എന്ന് കരുതിയാ അച്ഛൻ അങ്ങനെ പറഞ്ഞെ

 

അഖിൽ : അതെന്താ അച്ഛൻ അങ്ങനെ പറഞ്ഞെ… ഞാൻ എന്തെങ്കിലും ചെയ്തോ…