💞ആയിരം കണ്ണുമായി – 10 17

 

അഖിൽ : മിണ്ടരുത്…. നിന്നോട് ബുദ്ധിമുട്ടാണെന്ന് ഞങ്ങൾ പറഞ്ഞോ…

 

ശ്രുതി : അങ്ങനെ പറയില്ല എന്ന് എനിക്ക് അറിയാം പക്ഷെ അതല്ലേ സത്യം നിങ്ങള് അടിച്ചു പൊളിക്കാൻ പോകുമ്പോൾ… ചിലപ്പോൾ ഒരുപാട് നടക്കുവാനൊക്കെ കാണും ബുദ്ധിമുട്ട് ആകുമെടാ…

 

അഖിൽ : ഒരു ബുദ്ധിമുട്ടും ഇല്ല… ഞാൻ അടുത്ത് തന്നെ നിന്നോളാം എന്താ പോരെ…എടി വാ..

 

ശ്രുതി : അച്ഛനോട് ചോദിക്കണം… വീട്ടില്ലെങ്കിൽ ഞാൻ വരില്ല പിണങ്ങരുത്

 

അഖിൽ : ശരി..പക്ഷെ നീ ചോദിക്കണം അല്ലാതെ വെറുതെ വന്നു സമ്മതിച്ചില്ല എന്നൊന്നും പറഞ്ഞേക്കരുത്

 

ശ്രുതി : ഓഹ് ശെരി…

 

അന്നേ ദിവസം രാത്രി ശ്രുതി തന്റെ വീട്ടിൽ

 

ശ്രുതി : അച്ഛാ അതുണ്ടല്ലോ….

 

അച്ഛൻ : എന്താ ശ്രുതി… നീ കുറേ നേരമായി എന്തോ പറയാൻ നോക്കുന്നല്ലോ എന്താ കാര്യം

 

ശ്രുതി : അത് പിന്നെ അച്ഛാ കോളേജിൽ നിന്ന് അടുത്തമാസം ടൂർ പോകുന്നുണ്ട്…

 

അച്ഛൻ : ടൂറോ.. എങ്ങോട്ടേക്ക്

 

ശ്രുതി : പോർട്ട് കൊച്ചി..വണ്ടർലാ മൂന്നാർ മൂന്നു ദിവസത്തെ ടൂറാ…

 

അച്ഛൻ : 3 ദിവസമോ….

 

ശ്രുതി : ഉം… ഞാൻ പോകണ്ട അല്ലേ… അല്ലെങ്കിൽ തന്നെ വലിയ മെനക്കേടാ… ഞാൻ വെറുതെ പറഞ്ഞെന്നേ ഉള്ളു

 

അച്ഛൻ : മോൾക്ക് പോകണം എന്നുണ്ട് അതാ എന്നോട് പറഞ്ഞെ… ഇല്ലെങ്കിൽ നീ പറയില്ലായിരുന്നു… എത്ര രൂപയാകും

 

ശ്രുതി : ഹേയ് പൈസ ഒന്നും അച്ഛൻ തരണ്ട എന്റെ കയ്യിൽ ഉണ്ട്…

 

അച്ഛൻ : എന്താ കായ് പെട്ടി പൊട്ടിക്കാൻ പോകുവാണോ…. ശരി എന്നാൽ പോയിട്ട് വന്നോ…

 

ശ്രുതി : ശരിക്കും പൊക്കോട്ടെ

 

അച്ഛൻ : പോകാനല്ലേ പറഞ്ഞെ… നീ ഇതുവരെ ഇങ്ങനെ പോയിട്ടില്ലല്ലോ… അതുകൊണ്ട് പോയിട്ട് വാ

 

ശ്രുതി : അപ്പോൾ അച്ഛൻ എന്ത് ചെയ്യും…. മൂന്നു ദിവസം ഒറ്റക്കല്ലേ

 

അച്ഛൻ : പിന്നെ ഞാൻ കൊച്ചുകുട്ടിയല്ലേ… എന്റെ കാര്യം ഞാൻ നോക്കികൊള്ളാം

 

ശ്രുതി : 3 ദിവസം കച്ചവടത്തിന് പോകണ്ട എന്താ

 

അച്ഛൻ : അതൊക്കെ എന്താന്ന് വച്ചാൽ ഞാൻ ചെയ്തോളാം… പിന്നെ നിന്റെ കൂട്ടുകാരിയില്ലേ ലക്ഷ്മി ആ കൊച്ച് വരുന്നുണ്ടോ

 

ശ്രുതി : ഉം വരുന്നുണ്ട്

 

അച്ഛൻ : അവനോ….

 

ശ്രുതി : ആര് 🙄

 

അച്ഛൻ : ആ ടീച്ചറിന്റെ മകൻ

 

ശ്രുതി : എല്ലാവരും ഉണ്ട് അവനും കാണും

 

അച്ഛൻ : എനിക്ക് അറിയാം അതാണല്ലോ നിനക്ക് പോകാൻ ഇത്ര താല്പര്യം

 

ശ്രുതി : എന്നാൽ ഞാൻ പോണില്ല താല്പര്യം പോലും… അവനോട് വരണ്ട എന്ന് പറയാൻ പറ്റോ

 

അച്ഛൻ : പറയണം എന്ന് ഞാൻ പറഞ്ഞോ…

 

ശ്രുതി : ഞാൻ കിടക്കാൻ പോകുവാ ഉറക്കം വന്നിട്ട് വയ്യ…

 

ഇത്രയും പറഞ്ഞു ശ്രുതി റൂമിലേക്ക് പോയി…

 

അല്പനേരത്തിന് ശേഷം

 

ശ്രുതി : ഇതാരാ വിളിക്കുന്നെ…

 

അവൾ പതിയെ ഫോൺ കയ്യിലേക്ക് എടുത്തു

 

ശ്രുതി : അഖിലാണല്ലോ… എന്തായി എന്ന് ചോദിക്കാനായിരിക്കും… എടുക്കണ്ട..

 

ശ്രുതി ഫോൺ കട്ട് ചെയ്തു…

 

അല്പനേരത്തിനുള്ളിൽ വീണ്ടും കാൾ എത്തി

 

ശ്രുതി : ഇവൻ…

 

ശ്രുതി വീണ്ടും കട്ട് ചെയ്തു

 

അഖിൽ വീണ്ടും വിളിച്ചു

 

 

ഇത്തവണ ശ്രുതി അറ്റണ്ട് ചെയ്തു

 

ശ്രുതി : ഹലോ പറയ്…

 

അഖിൽ : നീ എന്തിനാടി ഫോൺ കട്ടാക്കുന്നെ….

 

ശ്രുതി : എനിക്ക് നിന്നോട് നല്ല ദേഷ്യം ഉണ്ട് അതുകൊണ്ട്….

 

അഖിൽ : ദേഷ്യമോ എന്തിന്….

 

ശ്രുതി : നീ കാരണം ഞാൻ അച്ഛന്റെ മുന്നിൽ ചമ്മി നാറി നിക്കുവാ

 

അഖിൽ : ഞാൻ കാരണമോ

 

ശ്രുതി : അല്ലാതെ പിന്നെ നീ കാരണമല്ലേ അച്ഛനോട് ഞാൻ ടൂറിനെ പറ്റി പറഞ്ഞെ

 

 

അഖിൽ : അപ്പോൾ അച്ഛൻ പോകണ്ട എന്ന് പറഞ്ഞോ

 

ശ്രുതി : ഇല്ല അച്ഛൻ സമ്മതിച്ചു…. പക്ഷെ… പക്ഷെ എനിക്ക് നല്ല നാണക്കേടായി

 

അഖിൽ : ഹോ… അപ്പോൾ സമ്മതിച്ചു അല്ലേ… അല്ല നിനക്ക് എങ്ങനെയാ നാണക്കേടാകുന്നെ…

 

ശ്രുതി : അതൊക്കെയുണ്ട് നീ അറിയണ്ട… ഫോൺ വച്ചിട്ട് കിടക്കാൻ നോക്ക്…