💞ആയിരം കണ്ണുമായി – 12 Likeഅടിപൊളി 

 

അല്പമൊന്ന് പതറിപോയ അഖിൽ നേട്ടലോടെ ശ്രുതിയെ നോക്കി…

 

ശ്രുതി : ഇത് ഇന്നലെ രാത്രി ചെയ്തതിന്…

 

ഇത്രയും പറഞ്ഞു ഒന്ന്‌ കൂടി ചുറ്റും നോക്കിയ ശ്രുതി അഖിലിന്റെ അടുത്ത കവിളിലും മുത്തമിട്ടു

 

ശ്രുതി : ഇത് എക്സാമിന് ജയിച്ചതിന്…

 

അഖിൽ : ശ്രുതി….

 

ശ്രുതി : പിന്നെ…ഇനി ഇന്നലത്തെ പോലെ എങ്ങാനും ചോദിക്കാതെ ദേഹത്ത്‌ തൊട്ടാൽ… എന്താടാ ഇങ്ങനെ നോക്കുന്നെ…

 

അഖിൽ : അത്… പിന്നെ എനിക്ക്…

 

ശ്രുതി : നീ പറഞ്ഞില്ലേ ഇഷ്ടമാണെന്ന്… എനിക്ക് ഒക്കെയാ… എന്തായാലും നീ ഒന്ന്‌ കൂടി ആലോചിക്ക് എന്റെ കാര്യമൊക്കെ അറിയാലോ… എന്താ ഇങ്ങനെ മിഴിച്ചു നോക്കുന്നെ…പോകാൻ നോക്ക്…

 

ഇത്രയും പറഞ്ഞു ശ്രുതി ചിരിച്ചുകൊണ്ട് തിരിഞ്ഞു നടന്നു…

 

“ആലോചിക്കാൻ ഒന്നുമില്ല…i❤u ശ്രുതി ”

 

അഖിൽ പിന്നിൽ നിന്ന് വിളിച്ചു പറഞ്ഞു പെട്ടെന്ന് തന്നെ തിരിഞ്ഞു നോക്കിയ ശ്രുതി അഖിലിനോട്‌ 🤫 പതിയെ എന്ന് കാണിച്ച ശേഷം വീണ്ടും മുന്നോട്ട് നടന്നു…

 

അന്ന് രാത്രി ശ്രുതിയുടെ വീട്ടിൽ

 

അച്ഛൻ : കാല് വേദ എങ്ങനെയുണ്ട് ശ്രുതി…

 

ശ്രുതി : ഇപ്പോൾ കുറവുണ്ട്… 3 ദിവസം കുറേയൊക്കെ നടന്നില്ലേ അതിന്റെയാ…

 

അച്ഛൻ : എന്തായാലും നിനക്ക് ടൂർ ഒക്കെ ഇഷ്ടപ്പെട്ടല്ലോ അത് മതി…

 

ശ്രുതി : അച്ഛൻ മരുന്നൊക്കെ കൃത്യമായി കഴിച്ചല്ലോ അല്ലേ… ഒരു ക്ഷീണം കാണാൻ ഉണ്ട്… കച്ചവടത്തിനൊന്നും പോയില്ലല്ലോ…

 

അച്ഛൻ : പോയില്ല ശ്രുതി നീ വേണമെങ്കിൽ അവിടെയുള്ളവരോട് ചോദിച്ചു നോക്ക്…

 

ശ്രുതി : ഉം വിശ്വസിച്ചു…

 

അച്ഛൻ : എന്നാൽ ഞാൻ പോയി ഫുഡ്‌ ഉണ്ടാക്കാം…

 

ശ്രുതി : അച്ഛൻ അവിടെ ഇരുന്നേ ഞാൻ ചെയ്തോളാം…

 

അച്ഛൻ : വേണ്ട… അവിടെ ഇരുന്ന് റസ്റ്റ്‌ എടുക്ക്..ഇനി കാലുവേദന കൂട്ടണ്ട..

 

ഇത്രയും പറഞ്ഞു അച്ഛൻ റൂമിൽ നിന്നും പോയി..

 

കുറച്ച് സമയത്തിനുള്ളിൽ ശ്രുതിയുടെ ഫോൺ റിങ്ങ് ചെയ്യാൻ തുടങ്ങി..

 

ശ്രുതി : ഇപ്പഴാ അവന് വിളിക്കാൻ നേരം കിട്ടിയെ ഞാൻ എത്ര നേരമായി കാത്തിരിക്കുവാ…

 

ശ്രുതി പതിയെ ഫോൺ അറ്റണ്ട് ചെയ്തു…

 

അഖിൽ : ഹലോ ശ്രുതി…

 

ശ്രുതി : ഉം പറയ്…

 

അഖിൽ : അത് പിന്നെ…. നീ കഴിച്ചായിരുന്നോ..

 

ശ്രുതി : ഇത് ചോദിക്കാൻ ആണൊ വിളിച്ചെ…

 

അഖിൽ : അല്ല… ഞാൻ രാവിലെ മുതൽ വിളിക്കണോ വേണ്ടേ… എന്നിങ്ങനെ വിചാരിച്ച്…. എനിക്ക് ഒന്നും വിശ്വസിക്കാൻ പറ്റുന്നില്ല… നിനക്ക് ശെരിക്കും എന്നെ ഇഷ്ടമാണോ…

 

ശ്രുതി : എന്താ ഇഷ്ടപ്പെടണ്ടേ…

 

അഖിൽ : അങ്ങനെയല്ല… ഞാൻ ഒട്ടും വിചാരിച്ചില്ല… സത്യത്തിൽ എനിക്ക് ഇഷ്ടമാണെന്ന് നിനക്ക് നേരത്തെ അറിയാമായിരുന്നോ…

 

ശ്രുതി : അറിയാതിരിക്കാൻ ഞാൻ മണ്ടിയൊന്നുമല്ലല്ലോ…ലക്ഷ്മിക്ക് വരെ അറിയാം പിന്നെയല്ലേ…

 

അഖിൽ : അപ്പോൾ ഇത്രയും ദിവസം എന്നെയിട്ട് വട്ട് കളിപ്പിക്കുകയായിരുന്നു അല്ലേ…

 

ശ്രുതി : അതിന് എന്നോട് ഇഷ്ടമാണെന്ന് നീ പറഞ്ഞോ ഇല്ലല്ലോ… ഇന്ന് തന്നെ ഞാൻ അങ്ങനെയൊക്കെ കാട്ടിയത് കൊണ്ടല്ലേ നീ സമ്മതിച്ചേ… ഇല്ലെങ്കിൽ ഒരു 6 മാസം കൂടി നീ പറയാതെ മുന്നോട്ട് പോയേനെ…

 

അഖിൽ : അങ്ങനെയൊന്നുമില്ല ഞാൻ പറഞ്ഞേനെ…

 

ശ്രുതി : പറയും… പറയും… അല്ല ഞാൻ വാങ്ങി തന്ന ഡ്രീം കാച്ചർ റൂമിൽ തൂക്കിയോ…

 

അഖിൽ : അയ്യൊ… അത് വിട്ട് പോയി…

 

ശ്രുതി : കണ്ടോ… വേഗമെടുത്ത് തൂക്കിയേക്കണം കേട്ടോ…

 

അഖിൽ : ഉം ശെരി… ഇനി മൂന്നു ദിവസം കാണാൻ പറ്റില്ലല്ലോ എന്നതാ…

 

ശ്രുതി : കഴിഞ്ഞ മൂന്നു ദിവസം മുഴുവനും കണ്ടുകൊണ്ടല്ലേ ഇരുന്നെ….

 

അഖിൽ : അതുപോലെയാണോ ഇപ്പോൾ… നാളെ നീ ബീച്ചിൽ കാണുമല്ലോ ഞാൻ അങ്ങോട്ട് വരാം…

 

ശ്രുതി : ദേ ഇങ്ങോട്ടെങ്ങാൻ വന്നാൽ…

 

അഖിൽ : ഞാൻ വരും… ബീച്ചിൽ വരാൻ നിന്റെ അനുവാദം വേണോ…

 

ശ്രുതി : നീ കഴിച്ചോ…

 

അഖിൽ : ഇല്ല വാങ്ങി വച്ചിട്ടുണ്ട്…