💞ആയിരം കണ്ണുമായി – 12 Likeഅടിപൊളി 

 

ടക്.. ടക്…

 

അപ്പോഴാണ് അവർ വീടിന്റെ ടോറിൽ ഒരു മുട്ട് കേട്ടത്…

 

ശ്രുതി : വന്നു എന്താ പോരെ… 😁…

 

ശ്രുതി വേഗം പോയി വാതിൽ തുറന്നു അത് അഖിൽ തന്നെയായിരുന്നു..

 

ശ്രുതി : ഇത്രയും നേരം എവിടെയായിരുന്നു…അകത്തേക്ക് വാ

 

അഖിൽ : വേണോ…

 

ശ്രുതി : വാടാ പ്രശ്നമൊന്നുമില്ല…

 

അഖിൽ പതിയെ ശ്രുതിയോടൊപ്പം അകത്തേക്ക് എത്തി… അവിടക്ക് എത്തിയ അഖിലിനെ ശ്രുതിയുടെ അച്ഛൻ അടിമുടി ഒന്ന്‌ നോക്കി…

 

അച്ഛൻ : പേരെന്താന്നാ പറഞ്ഞെ…

 

ശ്രുതി : അച്ഛനെന്താ പേര് അറിയാത്തപോലെ..

 

അച്ഛൻ : നീ മിണ്ടാതെ ഇരിക്ക് ശ്രുതി…

 

അഖിൽ : അഖിൽ…

 

അച്ഛൻ : അപ്പോൾ അഖിൽ ഇരിക്ക്…

 

അവൻ പതിയെ അയാളുടെ അടുത്ത് ഇരുന്നു..

 

അച്ഛൻ : എന്തിനാ വിളിച്ചത് എന്ന് അഖിലിന് മനസ്സിലായോ…

 

അഖിൽ : ഇല്ല…

 

അച്ഛൻ : അഖിൽ ശ്രുതിയോട് ഇഷ്ടമാണെന്ന് പറഞ്ഞോ…

 

അഖിൽ : അത് പിന്നെ….

 

അച്ഛൻ : അപ്പോൾ പറഞ്ഞില്ലേ…

 

അഖിൽ : പറഞ്ഞു…

 

അച്ഛൻ : ഇഷ്ടമെന്ന് പറയുമ്പോൾ ചുമ്മാതെ ഒരു ഇഷ്മാണോ ഉദ്ദേശിക്കുന്നെ…

 

ശ്രുതി : അച്ഛാ അവനെ പേടിപ്പിക്കല്ലേ…

 

അച്ഛൻ : ഞാൻ സീരിയാസായി ചോദിച്ചതാ ശ്രുതി… അഖില് പറയ്…

 

അഖിൽ : ചുമ്മാതെ അല്ല… കല്യാണം കഴിക്കാൻ താല്പര്യമുണ്ട്…

 

അച്ഛൻ : നിനക്ക് എത്ര വയസ്സുണ്ട്..

 

അഖിൽ : 23…

 

അച്ഛൻ : ശ്രുതിക്ക് 20…നിങ്ങള് ഒരു ക്ലാസ്സിൽ അല്ലേ… പിന്നെ എങ്ങനെയാ വയസ്സ് വ്യത്യാസം വന്നെ…

 

അഖിൽ : +2 കഴിഞ്ഞപ്പോൾ ബ്രേക്ക് വന്നു….

 

അച്ഛൻ : എങ്ങനെ…

 

അഖിൽ : സത്യം പറഞ്ഞാൽ…+1 ൽ സ്കൂളിൽ നിന്ന് ഡിസ്സ്മിസ്സ് ചെയ്തു… രണ്ട് വർഷം പഠിക്കാൻ പറ്റിയില്ല… പിന്നെ… വീണ്ടും പോയി…

 

അച്ഛൻ : അപ്പോൾ പ്രശ്നക്കാരനാണ്..

 

അഖിൽ : അന്ന് അങ്ങനെയൊക്കെ പറ്റിപോയി…

 

അച്ഛൻ : ഈ കോളേജിൽ പകുതിക്കല്ലേ വന്ന് ചേർന്നെ അതെന്താ…

 

ശ്രുതി : മതിയച്ചാ… അഖില് പൊക്കോ… അച്ഛൻ വെറുതെ…

 

അച്ഛൻ : ശരി പോകുന്നെങ്കിൽ പൊക്കോട്ടെ…

 

അഖിൽ : പഴയ കോളേജിൽ നിന്ന് ഡിസ്മിസ്സ് ചെയ്തു…

 

അച്ഛൻ : അപ്പോൾ അന്ന് മാത്രമല്ല പറ്റിയത്…ശ്രുതി ലക്ഷ്മിയെ കുറിച്ചല്ലാതെ മാറ്റാരെ കുറിച്ചും എന്നോട് അങ്ങനെ സംസാരിച്ചിട്ടില്ല… കുറച്ച് നാൾ മുൻപ് തൊട്ട് അഖിലിനെ കുറിച്ചും പറയാൻ തുടങ്ങി… പെട്ടെന്ന് ഒരു ദിവസം ക്ലാസ്സ്‌ കട്ട് ചെയ്ത് പുറത്ത് പോയേന്ന് ഇവളുടെ ക്ലാസ്സ്‌ ടീച്ചർ വിളിച്ചു പറഞ്ഞു… പിന്നീട് മനസ്സിലായത് അത് അഖിലിന്റെ കൂടെയായിരുന്നു എന്നാ… ശ്രുതി അതിന് മുൻപ് അങ്ങനെയൊന്നും ചെയ്തിട്ടേ ഇല്ല…

 

ശ്രുതി : അച്ഛനോട് ഞാൻ അതിനെ പറ്റി പറഞ്ഞതല്ലേ…

 

അച്ഛൻ : ഉം… പറഞ്ഞു… അതിന് ശേഷം ശ്രുതിക്ക് നിന്നോട് എന്തോ ഒരു ഇഷ്ടം ഉണ്ടെന്ന് എനിക്ക് മനസ്സിലായി എന്റെ മോളെ എനിക്ക് അറിയാലോ… അതുകൊണ്ട് ഞാൻ അഖിലിനെ പറ്റി കുറച്ച് കുട്ടികളോടൊക്കെ ചോദിച്ചു…

 

ശ്രുതി : എപ്പോൾ

 

അച്ഛൻ : അതൊക്കെ ചോദിച്ചു… എല്ലാവരും മോശം കാര്യങ്ങളാ പറഞ്ഞെ…പിന്നെ ശ്രുതിയെ പറ്റി അറിയാലോ പഠിക്കണം സർക്കാർ ജോലിവാങ്ങണം എന്നൊക്കെയാ അവളുടെ ആഗ്രഹം…

 

അഖിൽ : എനിക്ക് മനസ്സിലായി… ഇനി ശ്രുതിയെ ശല്യം ചെയ്യരുത് എന്നല്ലേ പറഞ്ഞു വരുന്നെ…

 

അച്ഛൻ : അങ്ങനെ…

 

ശ്രുതി : അഖില് പൊക്കോ… സോറി അഖിലേ… അച്ഛന് ഇഷ്ടമല്ലെങ്കിൽ എന്നോട് പറഞ്ഞാൽ പോരായിരുന്നോ… എന്തിനാ ഇവനെ ഇങ്ങനെ വിളിച്ച് അപമാനിച്ചേ… ഞാൻ എന്താ അത്ര വലിയ ആളാണെന്നാണോ അച്ഛൻ കരുതുന്നെ…ഇങ്ങനെ ഓരോന്ന് പറയാൻ തുടങ്ങിയാൽ എനിക്കാ കൂടുതൽ കുറവുള്ളെ.. പുറത്ത് ഇറങ്ങിയാൽ പലരും എന്റെ പേര് പോലും വിളിക്കില്ല നൊണ്ടി അതാണ് ലേബൽ… അഖില് പോ… ഇത് നടക്കില്ല…

 

ശ്രുതി പതിയെ കണ്ണ് തുടച്ചു…

 

അഖിൽ : ശ്രുതി അച്ഛൻ പറഞ്ഞതിൽ തെറ്റൊന്നുമില്ല… എന്തായാലും നിന്റെ അച്ഛൻ കേട്ടതിനെക്കാൾ മോശമായിരുന്നു സത്യത്തിൽ ഞാൻ…പിന്നെ നോക്കിയാൽ ഇത് മാത്രവുമല്ല വേറെയും കാര്യങ്ങൾ ഉണ്ട്..അങ്കിള് അതും കേട്ടുകാണും അച്ഛനും അമ്മയുമൊക്കെ ഉണ്ടെങ്കിലും ഇപ്പോൾ ഇല്ലാത്തപോലെയാ… ഇനി ഉണ്ടാകും എന്നും തോന്നുന്നില്ല… നിങ്ങൾക്കും ആരും ബന്ധുക്കളായി ഇല്ല എന്ന് നീ പറഞ്ഞിട്ടില്ലേ.. അപ്പോൾ പിന്നെ എനിക്ക് കൂടി ആരും മില്ലെങ്കിൽ എങ്ങനെയാ… ശ്രുതിയുടെ അച്ഛനെ കുറ്റം പറയാൻ പറ്റുമോ… പിന്നെ നീ നേരത്തെ പറഞ്ഞില്ലേ ഒരു ലേബൽ അത് നിന്നെ അറിയാത്തവർ നിനക്ക് തരാൻ നോക്കുന്നതാ… നീ എന്താണെന്ന് നിന്നെ അറിയാവുന്നവർക്ക് നന്നായി അറിയാം… നീ പറഞ്ഞിട്ടില്ലേ ഈ കാലും വച്ച്കൊണ്ട് നീ പാട്ട് പാടും ഡാൻസ് ചെയ്യും രണ്ട് കാലും ഇല്ലെങ്കിൽ ഇഴഞ്ഞുകൊണ്ട് അതൊക്കെ ചെയ്യുമെന്ന്… ചിലർക്കൊക്കെ രണ്ട് കാലും ഉണ്ടെങ്കിൽ പോലും ഇതൊക്കെ ചെയ്യാൻ നൂറ് ജന്മം വേണം…ശെരിക്കും പറഞ്ഞാൽ നിന്നെ ആഗ്രഹിക്കുക എന്നൊക്കെ പറയുന്നത് എന്നെ സംബന്ധിച്ച് ഒരു അത്യാഗ്രഹമാ ശ്രുതിയുടെ അച്ഛൻ അത് പറഞ്ഞന്നെ ഉള്ളു… അല്ലെങ്കിൽ തന്നെ ഞാൻ ശ്രുതിക്ക് ശെരിയാകത്തില്ല… സോറി അങ്കിളെ… ശ്രുതി ഞാൻ ഇറങ്ങുവാ…