💞ആയിരം കണ്ണുമായി – 12 Likeഅടിപൊളി 

 

അച്ഛൻ : എന്നോട് ഇങ്ങനെയൊക്കെ പറയാൻ അവൻ പറഞ്ഞോ..

 

ശ്രുതി : എന്താ അച്ഛാ ഇത്….

 

അച്ഛൻ : ആ മിട്ടായിയും തേയിലപൊടിയുമൊക്കെ അവൻ വാങ്ങി തന്നത് ആയിരിക്കും അല്ലേ..

 

ശ്രുതി : എങ്ങനെ മനസ്സിലായി…

 

അച്ഛൻ : അതൊക്കെ മനസ്സിലായി…

 

ശ്രുതി : അച്ഛാ അഖില് പാവമാ…

 

അച്ഛൻ : അല്ലാന്ന് ഞാൻ പറഞ്ഞോ…

 

ശ്രുതി : പിന്നെ എന്തിനാ അവന്റെ കാര്യം പറയുബോൾ സീരിയസ് ആകുന്നെ…

 

ഇത് കേട്ട ശ്രുതിയുടെ അച്ഛൻ ഒന്നും മിണ്ടിയില്ല…

 

ശ്രുതി : അച്ഛാ അഖില് എന്നോട് ഇഷ്ടമാണെന്ന് പറഞ്ഞു…

 

“അഹ്… അഹ്…”

 

അപ്പോഴാണ് ഭക്ഷണം ശ്രുതിയുടെ അച്ഛന്റെ മണ്ടയിൽ കയറിയത് …

 

ശ്രുതി : അയ്യൊ.. അച്ഛാ…

 

അയാൾ പതിയെ വെള്ളം കുടിച്ച ശേഷം അവളെ നോക്കി…

 

ശ്രുതി : ഞാൻ എന്താ മറുപടി പറഞ്ഞത് എന്ന് ചോദിച്ചില്ലല്ലോ…

 

അച്ഛൻ : എന്തായിരിക്കും പറഞ്ഞത് എന്ന് എനിക്ക് അറിയാം… കുറച്ച് മുൻപ് നീ തന്നെ പറഞ്ഞല്ലോ അഖില് പാവമാണെന്ന്…

 

ശ്രുതി : അച്ഛാ…

 

അച്ഛൻ : അവനാണോ കുറച്ച് മുൻപ് ഫോണിൽ വിളിച്ചത്

 

ശ്രുതി : ഉം….

 

അച്ഛൻ : കഴിച്ചു കഴിഞ്ഞ ശേഷം അവനെ വിളിച്ചു നാളെ രാവിലെ ഇങ്ങോട്ട് വരാൻ പറയ്..

 

ശ്രുതി : എന്തിന് അച്ഛൻ അവനെ തല്ലാൻ പോകുവാണോ…

 

അച്ഛൻ : തല്ലണോ എന്നൊക്കെ അവൻ വന്നിട്ട് തീരുമാനിക്കാം…

 

ശ്രുതി : ദേ.. അച്ഛാ…

 

അച്ഛൻ : കളിക്കാതെ വിളിച്ചു പറയ് ശ്രുതി.. അവൻ ആള് എങ്ങനെയാ എന്ന് എനിക്കൊന്ന് അറിയണം… കാണാൻ എങ്ങനെയുണ്ട് വല്ല ഉടായിപ്പുമാണോ… ഇതൊക്കെ നോക്കണം…

 

ശ്രുതി : ഇതൊക്കെ മനസ്സിലാക്കാൻ അച്ഛന് വല്ല ദിവ്യ ശക്തിയുമുണ്ടോ…

 

അച്ഛൻ : ഉണ്ട്… നീ അവനോട് വിളിച്ചു നാളെ വരാൻ പറയ്…

 

**************

 

കുറച്ച് സമയത്തിന് ശേഷം അഖിൽ തന്റെ വീട്ടിൽ ശ്രുതി നൽകിയ ഡ്രീം ക്യാച്ചർ തൂക്കിയ ശേഷം അതിൽ നോക്കി കിടക്കുവായിരുന്നു.. പെട്ടെന്നാണ് അവന്റെ ഫോൺ റിങ്ങ് ചെയ്തത്…

 

അഖിൽ : ശ്രുതിയാണല്ലോ ഇതെന്താ ഇപ്പോൾ..

 

“ഹലോ അഖിലേ..”

 

അഖിൽ : പറ ശ്രുതി… കുറച്ച് മുൻപ് വിളിച്ചതല്ലേ ഉള്ളു… അതിനുള്ളിൽ വീണ്ടും എന്റെ ശബ്ദം കേൾക്കാൻ തോന്നിയോ…

 

ശ്രുതി : അതൊന്നുമല്ല… അച്ഛന് കാണണം എന്ന് പറഞ്ഞു…

 

അഖിൽ : കാണണമെന്നോ… എന്തിന്

 

ശ്രുതി : ഞാൻ അച്ഛനോട് കാര്യം പറഞ്ഞു…

 

അഖിൽ : എന്ത് കാര്യം…

 

ശ്രുതി : നമ്മൾ തമ്മിൽ ഇഷ്ടമാണെന്ന്…

 

അഖിൽ : 🤯 ഇന്ന് തന്നെ പറഞ്ഞോ…

 

ശ്രുതി : എന്താ പറയണ്ടായിരുന്നോ…

 

അഖിൽ : ഹേയ് അങ്ങനെയല്ല… ഇതിത്തിരി ഫാസ്റ്റ് ആയിപോയില്ലേ…

 

ശ്രുതി : എന്തായാലും ഞാൻ പറഞ്ഞു… നിന്നെ കാണണം എന്നാ അച്ഛൻ പറയുന്നെ…

 

അഖിൽ : എന്താ ശ്രുതി ഇത്… എനിക്ക് തല്ലെങ്ങാൻ തരുവാനാണോ…

 

ശ്രുതി : അറിയത്തില്ല… എന്തായാലും രാവിലെ തന്നെ വന്നോ…

 

അഖിൽ : ഞാനൊന്നുമില്ല നീ പോയേ…

 

ശ്രുതി : ഇത്രയും ധൈര്യം ഇല്ലാത്ത ആളാണോ ഇഷ്ടമാണ് മറ്റേതാണ് എന്നൊക്കെ പറഞ്ഞെ.. പറ്റുമെങ്കിൽ വാ… ഇല്ലെങ്കിൽ നീയൊരു പേടിതൊണ്ടൻ ആണെന്ന് ഞാൻ കരുതികോളാം… അച്ഛനും അങ്ങനെ തന്നെ കരുതും… ശരി വെക്കുവാ…

 

അഖിൽ : ശ്രുതി… ശ്രു… ഹോ വച്ചു…

 

************

 

പിറ്റേന്ന് രാവിലെ ശ്രുതിയുടെ വീട്…

 

അച്ഛൻ : നീ അവനോട് വരണം എന്ന് പറഞ്ഞിരുന്നല്ലോ അല്ലേ…

 

ശ്രുതി : ഉം…

 

അച്ഛൻ : എന്നിട്ട് ഇതുവരെ കണ്ടില്ലല്ലോ…

 

ശ്രുതി : വരും…

 

അച്ഛൻ : എനിക്ക് തോന്നുന്നില്ല…

 

ശ്രുതി : ഇങ്ങനെ പെട്ടെന്ന് വരണം എന്നൊക്കെ പറഞ്ഞാൽ ആരായാലും പേടിക്കില്ലേ…

 

അച്ഛൻ : ഇങ്ങനെ പേടിയുള്ളവനാണോ പ്രേമമിക്കാൻ നടക്കുന്നെ അവൻ നിനക്ക് ശെരിയാകുമെന്ന് തോന്നുന്നില്ല…

 

ശ്രുതി : അച്ഛന് ഇഷ്ടമില്ലെങ്കിൽ അത് പറയ് അല്ലാതെ…

 

അച്ഛൻ : എങ്കിൽ നീ തന്നെ പറയ് അവൻ എവിടെ…