ഭാര്യ ഭർത്താക്കന്മാർ – 1

Bharya bharthakkanmaar | Author : P B

[ Previous Part ] [ www.kambi.pw ]

---

സൂര്യൻ ഒരു ചുവന്ന ഗോളമായി കടലിൽ താഴുന്നത്
അപ്പാർട്ട്മെന്റിന്റെ ബാൽക്കണിയിൽ നിന്ന്
നോക്കി നിൽക്കുമ്പോളാണ് എന്റെ ഫോൺ അടിക്കുന്നത്. നാട്ടിലെ നമ്പറാണ്, ആരാണോ ഇപ്പൊ ശല്യം ചെയ്യാൻ. ഞാൻ എടുത്തില്ല.

സൂര്യാസ്തമയം എനിക്ക് പറഞ്ഞറിയിക്കാൻ പറ്റാത്ത സന്തോഷവും സമാധാനവും തരുന്ന ഒരു
കാഴ്ചയായിരുന്നു, അതിനു വേണ്ടിയാണ്
പടിഞ്ഞാറ് കടൽ നോക്കി നിൽക്കുന്ന
ഏറ്റവും ഉയരം കൂടിയ ഈ അപ്പാർട്ട്മെൻറ് വാങ്ങിയത് തന്നെ.

എന്റെ പേര് ബിജീഷ്
ഞാൻ ഇപ്പൊ എത്തിനിൽക്കുന്നിടം ഒരിക്കലും സ്വപ്നം കണ്ടിട്ട് കൂടിയില്ല. ജീവിതം ഇവിടെ എത്തിച്ചതാണ്.
ഒന്നുമില്ലാത്തവന് എല്ലാം നഷ്ടപ്പെട്ടപ്പോൾ
വേറൊന്നും നോക്കാനില്ലാരുന്നു. ഒരുപാട് കഷ്ടപ്പെട്ടു. അടിതെറ്റി വീണപ്പോൾ വീണ്ടും എണീച്ച് പിന്നെയും കഷ്ടപ്പെട്ടു. ഇപ്പൊ എല്ലാമുണ്ട്.
പക്ഷേ എന്ത് ചെയ്യണം എന്ന് അറിയില്ല, എന്തിനായിരുന്നു ഇതെല്ലാം
എന്നുപോലും മറന്നുപോയി.

ഫോൺ പിന്നെയും അടിക്കാൻ തുടങ്ങിയപ്പോ കുറച്ച് നീരസത്തോടെ എടുത്ത് ഹലോ പറഞ്ഞു. അപ്പുറത്ത് നിന്ന് ശബ്ദം ഒന്നും കേൾക്കാഞ്ഞപ്പോൾ ഒന്നുടെ ഹലോ എന്ന് ഉറക്കെ പറഞ്ഞു.

ഒരു പുരുഷൻ ഇടറിയ ശബ്ദത്തിൽ അപ്പുറത്ത് നിന്ന് ഒരു ഹലോ പറഞ്ഞിട്ട് ചോദിച്ചു,
ഇത് ബിജിഷിൻ്റെ നമ്പർ അല്ലെ?

അതെ, ഇതാരാ സംസാരിക്കുന്നത്?

എന്റെ പേര് പ്രണവ്.

ഞാൻ: പറഞ്ഞോളൂ പ്രണവ് എന്താണ്?

പ്രണവ്: അത്… ഞാൻ മിലിയുടെ ഫ്രണ്ട് ആണ്

ആ പേര് കേട്ടപ്പോൾ ഞാൻ ഒന്ന് ഞെട്ടി, എന്റെ ഹൃദയം പടപട ഇടിച്ചു, ഒരുപാട് വർഷങ്ങൾക്ക് ശേഷമാണ് ഞാനീ പേര് വീണ്ടും കേൾക്കുന്നത്. ഒരിക്കൽ ഈ പേരിന്റെ ഉടമ എനിക്ക് എല്ലാമെല്ലാമായിരുന്നു.

ഞാൻ: ഒക്കെ. മിലിക്ക് എന്ത് പറ്റി?

പ്രണവ്: ഏയ് അവൾക്ക് ഒന്നും പറ്റിയൊന്നുമില്ല.

ഞാൻ: സോറി ഞാൻ പെട്ടെന്ന് എന്തോ തെറ്റിദ്ധരിച്ചു. പറഞ്ഞോ പ്രണവ്, എന്താ കാര്യം?

പ്രണവ്: അത്, അവൾക്ക് നിങ്ങളോട് മിണ്ടിയാൽ കൊള്ളാമെന്നുണ്ട്.

ഞാൻ: അവൾ അങ്ങനെ പറഞ്ഞോ?

പ്രണവ്: പലപ്പോഴും പറഞ്ഞിട്ടുണ്ട്.

ഞാൻ: പിന്നെ എന്താ അവൾ വിളിക്കാത്തത്?

പ്രണവ്: പേടിയായിട്ടാ, ഇത്രേം നാൾ ആയില്ലേ.

ഞാൻ: എന്ത് പേടി? അവൾക്ക് എന്നെ നല്ലോണം അറിയില്ലേ?

പ്രണവ്: പണ്ടത്തെ പോലെ ആണോ ഇപ്പോളും എന്ന് അറിയില്ലേലോ

ഞാൻ: ഓക്കേ, പ്രണവിന് മിലിയെ എങ്ങനെയാ പരിചയം?

പ്രണവ്: അത് ഞങ്ങൾ SS ഹോസ്പിറ്റലിൽ ഒരുമിച്ച് ജോലി ചെയ്തതാ.

ഞാൻ: ഓക്കേ, അവൾ പ്രണവിനെ കുറിച്ച് പറഞ്ഞതായി എനിക്ക് ഓർമ്മയില്ല.

പ്രണവ്: പറയാൻ വഴിയില്ല, ഞങ്ങൾ അന്ന് അത്ര അടുപ്പം ഒന്നും അല്ലായിരുന്നു. പിന്നീടാണ് ഫ്രണ്ട്സ് ആവുന്നത്.

ഞാൻ: ഓക്കേ, അവളുടെ കല്യാണം കഴിഞ്ഞില്ലേ? ഇപ്പോൾ എവിടെയാ അവൾ?

പ്രണവ്: കല്യാണം കഴിഞ്ഞില്ല, ഇപ്പോ അവൾ ഒരു ഹോസ്റ്റലിൽ നിക്കുവാ.

ഞാൻ: അവളുടെ കല്യാണം ആയെന്നാണല്ലോ ലാസ്റ്റ് ഞാൻ കേട്ടത്.

പ്രണവ്: അത് നടന്നില്ല, മുടങ്ങിപ്പോയി.

ഞാൻ: നടന്നില്ല? അതെന്ത് പറ്റി?

പ്രണവ്: ആ പയ്യന് എന്തോ മാനസിക പ്രശ്നമുണ്ടായിരുന്നു, കല്യാണത്തിന് ഒരാഴ്ച മുന്നേയാണ് അറിഞ്ഞത്.

ഞാൻ: അത് ഞാൻ അറിഞ്ഞില്ല. ഞാൻ കരുതിയിരുന്നത് അവളുടെ കല്യാണം കഴിഞ്ഞു എന്നാണ്. പിന്നെ കല്യാണം ഒന്നും നോക്കിയില്ലേ അവൾക്ക്?

പ്രണവ്: നോക്കി പക്ഷേ ഒന്നും അവൾക്ക് ഇഷ്ടപ്പെട്ടില്ല.

ഞാൻ: അവൾ ഇപ്പോഴും അവിടെ തന്നെയാണോ ജോലി ചെയ്യുന്നത്?

പ്രണവ്: അല്ല, അവൾ അന്നേ അവിടുത്തെ ജോലി വിട്ടായിരുന്നു, പിന്നെ വേറെ ഒരിടത്ത് ജോലിക്ക് കയറി, അവിടുന്ന് ഇറങ്ങിയിട്ട് ആറുമാസമായി. ഇപ്പൊ ജോലിയില്ല, നോക്കുന്നുണ്ട്.

ഞാൻ: അവൾക്ക് എന്താ പെട്ടെന്ന് എന്നോട് മിണ്ടണം എന്ന് തോന്നാൻ?

പ്രണവ്: പെട്ടെന്നൊന്നുമല്ല അവൾ കുറെ നാൾ കൊണ്ട് പറയുന്നു, പക്ഷേ വിളിക്കാൻ മടി. ഇപ്പോൾ എങ്ങനെയാണ് എന്നൊന്നും അറിയില്ലല്ലോ.
ഒരു കാര്യം ചോദിച്ചോട്ടെ, ഇപ്പോൾ റിലേഷൻഷിപ്പിൽ വല്ലതുമാണോ?