അപ്പുറത്ത് നിന്ന് അച്ചുവിന്റെ നേർത്ത ചിരി കേട്ടു. അവൾ വളരെ ശാന്തമായി മറുപടി നൽകി,
“ഹരി… നിന്നോട് ഞാൻ എല്ലാ കാര്യങ്ങളും പറഞ്ഞ് പെർമിഷൻ വാങ്ങിയിട്ടല്ലേ ഓരോന്നും ചെയ്തത്? അന്ന് നീ വേണ്ട എന്ന് പറഞ്ഞപ്പോൾ ഞാൻ അത് ഒഴിവാക്കാൻ തീരുമാനിച്ചതല്ലേ? പിന്നെ എന്തിനാണ് നീ തന്നെ എന്നോട് അത് ചെയ്തോളാൻ പറഞ്ഞത്? നീ അത് മനസ്സുകൊണ്ട് ഉൾക്കൊള്ളാൻ തയ്യാറായതുകൊണ്ടാണ് സമ്മതം തന്നത് എന്നാണ് ഞാൻ കരുതിയത്.”
അവളുടെ ആ വാക്കുകൾ കേട്ടപ്പോൾ ഹരിക്ക് മറുപടിയില്ലായിരുന്നു. താൻ ആവേശപ്പുറത്ത് സമ്മതം മൂളിയ ആ നിമിഷത്തെ ഓർത്ത് അവൻ ലജ്ജിച്ചു. തന്റെ ഉള്ളിലെ ആ വിചിത്രമായ ഉത്തേജനം കാരണമാണ് താൻ അന്ന് സമ്മതിച്ചതെന്ന് അവൾക്കറിയില്ലല്ലോ.
”അച്ചു… ഞാനിത്രയ്ക്ക് വിചാരിച്ചില്ലടാ,”
ഹരി ഇടറിയ ശബ്ദത്തിൽ പറഞ്ഞു.
“നമ്മൾ ഒരുമിച്ച് ഉള്ളതിനേക്കാൾ കൂടുതൽ നീ ആ വീഡിയോയിൽ അവനോട് അടുത്തിട്ടുണ്ട്. അത് കാണുമ്പോൾ അവൻ നിന്നെ മുതലാക്കി സുഖിക്കുകയായിരുന്നു എന്ന് എനിക്ക് തോന്നുന്നു. അതാണ് എന്നെ വേദനിപ്പിക്കുന്നത്.”
അച്ചു അല്പം ഗൗരവത്തോടെ പറഞ്ഞു,
“ഹരി, അവൻ സുഖിച്ചിട്ടുണ്ടാവില്ല എന്ന് ഞാൻ പറയുന്നില്ല. പക്ഷേ എന്റെ ഭാഗത്ത് നിന്ന് ആ വർക്ക് പരമാവധി ഭംഗിയാക്കാനുള്ള ചിന്ത മാത്രമേ ഉണ്ടായിരുന്നുള്ളൂ. ഒരു ആർട്ടിസ്റ്റ് എന്ന നിലയിൽ എന്റെ കഷ്ടപ്പാടുകൾ വെറുതെയായില്ല എന്ന് ഇപ്പോൾ എനിക്ക് മനസ്സിലാകുന്നുണ്ട്. നോക്കൂ, വീഡിയോ സോഷ്യൽ മീഡിയയിൽ കത്തിക്കയറുകയാണ്.”
അവൾ അല്പം കൂടി അടുപ്പത്തോടെ തുടർന്നു,
“നീയിത് മനസ്സിലിട്ട് ഇങ്ങനെ ആളിപ്പടർത്തല്ലേ ഹരി. ജനങ്ങൾക്ക് മുന്നിൽ ‘അർച്ചന’ എന്നൊരു ആർട്ടിസ്റ്റ് ഇവിടെ ഉണ്ടെന്ന് കാണിക്കാൻ മാത്രമാണ് ഞാൻ ഇതൊക്കെ ചെയ്തത്. അതൊരു തുടക്കം മാത്രമായിരുന്നു. ഇനി ഇതുപോലെയുള്ള ബെഡ് സീനുകൾ ഒന്നും ഞാൻ അഭിനയിക്കില്ല, എനിക്ക് നിന്റെ സമാധാനമാണ് വലുത്. ഇപ്പോൾ സമാധാനമായോ?”
അവളുടെ ആ ഉറപ്പ് ഹരിയുടെ ഉള്ളിലെ ഭാരത്തിന് നേരിയൊരു ആശ്വാസം നൽകി.
“ഉം… സമാധാനമായി,” അവൻ പതുക്കെ പറഞ്ഞു.
”എങ്കിൽ നീ പോയി കിടന്നുറങ്ങ്. ഞാനും വല്ലാതെ തളർന്നിരിക്കുകയാണ്. ഗുഡ് നൈറ്റ് ഹരി, ലവ് യൂ,” എന്ന് പറഞ്ഞ് അവൾ ഫോൺ വെച്ചു.
ഫോൺ കട്ടായെങ്കിലും ഹരി ആ വീഡിയോയിലെ ദൃശ്യങ്ങളെക്കുറിച്ച് വീണ്ടും ചിന്തിച്ചു. അവൾ ഇനി ചെയ്യില്ല എന്ന് പറഞ്ഞെങ്കിലും, ആ വീഡിയോ നൽകിയ പ്രശസ്തിയും ജനശ്രദ്ധയും അവരുടെ ജീവിതത്തെ എങ്ങോട്ടാണ് കൊണ്ടുപോകുന്നത് എന്നൊരു ആകുലത അവന്റെ ഉള്ളിൽ ബാക്കിയായി.
ദിവസങ്ങൾ പിന്നെയും വേഗത്തിൽ കടന്നുപോയി. അച്ചു എനിക്ക് നൽകിയ വാക്ക് പാലിച്ചിരുന്നു. പിന്നീട് അവൾ സോഷ്യൽ മീഡിയയിൽ പങ്കുവെച്ച വീഡിയോകളെല്ലാം സാധാരണ ഡാൻസ് പെർഫോമൻസുകൾ മാത്രമായിരുന്നു.
അതിലൊന്നും പഴയതുപോലെ അമിതമായ ഇന്റിമസിയോ ഗ്ലാമറോ ഉണ്ടായിരുന്നില്ല. പക്ഷേ, ആ ഒറ്റ മ്യൂസിക് വീഡിയോ അവളെ മറ്റൊരു തലത്തിലേക്ക് എത്തിച്ചിരുന്നു. എവിടെ നോക്കിയാലും അവൾ ഒരു പോപ്പുലർ ഡാൻസറായി വാഴ്ത്തപ്പെടുകയായിരുന്നു.
എങ്കിലും അതിന്റെ മറ്റൊരു വശം എന്നെ വല്ലാതെ വേദനിപ്പിച്ചു.
യൂട്യൂബിലും ഇൻസ്റ്റഗ്രാമിലും ‘അർച്ചന ഹരി ഹോട്ട്സ്’ എന്ന ടാഗ് ട്രെൻഡിംഗ് ആയിക്കൊണ്ടിരുന്നു. അവൾ അറിയാതെ തന്നെ അവളുടെ വീഡിയോകളിൽ നിന്നുള്ള ചില ഭാഗങ്ങൾ ക്രോപ്പ് ചെയ്തും സ്ലോ മോഷനിലാക്കിയും പലരും അശ്ലീലമായ രീതിയിൽ പ്രചരിപ്പിക്കുന്നുണ്ടായിരുന്നു.
അവളുടെ ശരീരത്തിന്റെ വടിവുകളെയും ആ വീഡിയോയിലെ ഭാവങ്ങളെയും കുറിച്ച് മോശമായ കമന്റുകൾ ഇടുന്നവരുടെ എണ്ണം കൂടിവന്നു.