“എനിക്കൊന്നും കാണണ്ട അച്ചു! അത് പുറത്തിറങ്ങുമ്പോൾ നീ തന്നെ അത് നോക്കിക്കോ. എനിക്കതിലൊന്നും താല്പര്യമില്ല.”
അവൾ എന്നെ നോക്കി വല്ലാതെ കളിയാക്കി ചിരിച്ചു.
“ഓ… കാണണ്ട എന്ന് പറഞ്ഞാൽ ഞാൻ വിശ്വസിക്കുമല്ലോ! നീ ഉറപ്പായും ആദ്യം തന്നെ അത് കാണും, എനിക്കറിയാം.”
ഞങ്ങളുടെ ആ സംഭാഷണം ഒരുതരം വിചിത്രമായ അസ്വസ്ഥതയിലാണ് അവസാനിച്ചത്. അവൾ എന്നെ കളിയാക്കുകയാണോ അതോ അവളുടെ ഈ പുതിയ ലോകത്ത് ഞാൻ വെറുമൊരു കാഴ്ചക്കാരനായി മാറുന്നുവോ എന്ന് എനിക്ക് സംശയം തോന്നി.
ബെഡ്റൂമിലെ ആ കാഴ്ച എന്റെ രക്തം തിളപ്പിക്കാൻ പോന്നതായിരുന്നു. സിദ്ധാർത്ഥ് തന്റെ ലാപ്ടോപ്പ് മെല്ലെ അരികിലേക്ക് മാറ്റി വെച്ചു. അച്ചു നേരെ അവന്റെ അടുത്തേക്ക് നടന്നുചെന്നു, അവന്റെ തോളിൽ കൈയിട്ട് അവനെ തന്നോട് ചേർത്തുപിടിച്ചു.
അവന്റെ മസിലുകൾ നിറഞ്ഞ ശരീരത്തിലേക്ക് അവൾ പറ്റിചേർന്നു നിൽക്കുന്നത് കാണുമ്പോൾ എന്റെ ഉള്ളിൽ എന്തോ ഒന്ന് പൊട്ടിത്തെറിക്കുന്നത് പോലെ തോന്നി.
”ഇതാണ് എന്റെ ഭർത്താവ്… ഫ്രം റീൽ ലൈഫ്!” അവൾ ചിരിച്ചുകൊണ്ട് ക്യാമറയിലേക്ക് നോക്കി പറഞ്ഞു. ശേഷം സിദ്ധാർത്ഥിന്റെ മുഖത്തേക്ക് നോക്കി അവൾ തുടർന്നു,
“സിദ്ധാർത്ഥ്, ഇതാണ് എന്റെ റിയൽ ലൈഫ് ഭർത്താവ്, ഹരി.”
സിദ്ധാർത്ഥ് ഒരു വിജയച്ചിരിയോടെ അച്ചുവിന്റെ ഇടുപ്പിൽ കൈ ചുറ്റി അവളെ തന്നോട് കൂടുതൽ ചേർത്തു നിർത്തി. എന്നിട്ട് അവൻ ക്യാമറയിലേക്ക് നോക്കി, വളരെ കൂളായി പറഞ്ഞു,
“ഹലോ മച്ചാനെ! സുഖമല്ലേ?”
ആ നിമിഷം എന്റെ ഉള്ളിൽ അഗ്നിപർവ്വതം പൊട്ടിത്തെറിക്കാൻ വെമ്പി നിൽക്കുകയായിരുന്നു. എങ്കിലും, ഞാൻ കടിഞ്ഞാൺ പിടിച്ചു.
അച്ചുവിന്റെ മുന്നിൽ വെച്ച് അസ്വസ്ഥത കാണിച്ച് വീണ്ടും പഴയ വഴക്കുകൾ ഉണ്ടാവരുത് എന്ന് കരുതി ഞാൻ ഒരു കൃത്രിമ ചിരി വരുത്തി.
“ഹലോ സിദ്ധാർത്ഥ്, സുഖമാണ്. നിങ്ങൾക്ക് എങ്ങനെയുണ്ട് ഷൂട്ടിംഗ്?” ഞാൻ സൗഹൃദത്തോടെ തന്നെ ചോദിച്ചു.
സിദ്ധാർത്ഥ് വല്ലാതെ പുകഴ്ത്താൻ തുടങ്ങി.
“ഇവളെ ഇത്രയധികം സപ്പോർട്ട് ചെയ്യുന്ന ഒരു ഭർത്താവിനെ കിട്ടിയതിൽ അച്ചു ശരിക്കും ഭാഗ്യവതിയാണ് ഹരി. നിന്നെപ്പോലെയൊരു ഗ്രേറ്റ് പേഴ്സണെ കിട്ടാൻ അവൾ കൊടുത്ത പുണ്യം! ഈ പ്രൊജക്റ്റ് വിജയിക്കാൻ നിന്റെ സപ്പോർട്ടാണ് ഏറ്റവും വലിയ കാരണം.”
അവൻ പറഞ്ഞ ഓരോ വാക്കുകളും എന്നെ കൂടുതൽ പരിഹസിക്കുന്നത് പോലെ തോന്നി. എന്റെ കൺമുന്നിൽ വെച്ച് എന്റെ ഭാര്യയെ അവൻ ചേർത്തുപിടിച്ചിരിക്കുന്നു, എന്നിട്ട് എന്നോട് നന്ദി പറയുന്നു! ഞങ്ങൾ കുറച്ചുനേരം കൂടെ കുശലം പറഞ്ഞു. അച്ചു അപ്പോഴും സിദ്ധുവിന്റെ നെഞ്ചോട് ചേർന്ന് തന്നെ ഇരിക്കുന്നുണ്ടായിരുന്നു.
ഒടുവിൽ, സംസാരം മടുപ്പായപ്പോൾ ഞാൻ തന്നെ ഫോൺ വെക്കാൻ തീരുമാനിച്ചു.
”ശരി അച്ചു, സിദ്ധു… നിങ്ങൾ ഷൂട്ടിംഗ് തിരക്കുകൾ നോക്കൂ. എനിക്ക് കുറച്ച് ജോലി കൂടി ബാക്കിയുണ്ട്. പിന്നെ വിളിക്കാം,” ഞാൻ പറഞ്ഞു.
അച്ചു ഒരു കള്ളച്ചിരിയോടെ വിട പറഞ്ഞു. ഫോൺ കട്ട് ആയതും ഞാൻ ബെഡിലേക്ക് തളർന്നിരുന്നു. മനസ്സിൽ ഒരു കരിങ്കല്ലിന്റെ ഭാരമായിരുന്നു. സിദ്ധുവിനോട് ചേർന്ന് നിൽക്കുന്ന അവളുടെ ആ ചിത്രം എന്റെ കണ്മുന്നിൽ നിന്ന് മായുന്നില്ല.
അവൾ ഈ ഒരു മാസം എന്തൊക്കെയാണ് അവിടെ കാണിച്ചു കൂട്ടിയത്? ആ മ്യൂസിക് വീഡിയോയിൽ ഇനി എന്തൊക്കെ കാണാനുണ്ട്?
ആ ചോദ്യങ്ങൾ എന്നെ അലോസരപ്പെടുത്തിക്കൊണ്ടിരുന്നു. ഒന്നിനും മറുപടി കിട്ടാൻ ഇനി ആ മ്യൂസിക് വീഡിയോ പുറത്തിറങ്ങുന്നത് വരെ കാത്തിരിക്കണം.
അടുത്ത ആഴ്ച അത് പുറത്തിറങ്ങുമ്പോൾ, ഞാൻ കാണാൻ പോകുന്നത് എന്റെ ഭാര്യയുടെ പ്രണയമാണോ അതോ അവളുടെ അഭിനയമാണോ? ആ ചിന്ത എന്റെ ഉറക്കം കെടുത്തി.