”വാവ്! അച്ചു… ഇത് വലിയൊരു അച്ചീവ്മെന്റ് ആണല്ലോ! കൺഗ്രാജുലേഷൻസ് ടാ. .”
ഞാൻ ഹൃദയം നിറഞ്ഞ് അവളെ അഭിനന്ദിച്ചു. അവളുടെ കഠിനാധ്വാനം ഫലം കാണുന്നതിൽ എനിക്ക് അഭിമാനം തോന്നി.
”താങ്ക്സ് ഹരി… പക്ഷേ എനിക്ക് ഒരു വിഷമമുണ്ട്. ഇത്ര വലിയൊരു സന്തോഷം ആഘോഷിക്കാൻ നീ എന്റെ കൂടെയില്ലല്ലോ എന്നോർക്കുമ്പോൾ…” അവളുടെ മുഖം അല്പം വാടി.
അതായിരുന്നു ഞാൻ കാത്തിരുന്ന നിമിഷം. എന്റെ സർപ്രൈസ് പൊട്ടിക്കാൻ ഇതിലും നല്ലൊരു സമയം വേറെ കിട്ടാനില്ല.
”അച്ചു… നിനക്കൊരു സർപ്രൈസ് ഉണ്ട്. എനിക്ക് കമ്പനിയിൽ നിന്ന് ഒരു മാസത്തെ ലീവ് സാങ്ഷൻ ആയി!”
അവൾ ഒരു നിമിഷം സ്തംഭിച്ചു നിന്നു
. “എന്ത്? സത്യമാണോ ഹരി? നീ തമാശ പറയുകയല്ലല്ലോ?”
”സത്യമാണ് അച്ചു. ഒരു മാസം കഴിഞ്ഞാൽ ഞാൻ നിന്റെ അടുത്തെത്തും. നിന്റെ ആ വലിയ പെർഫോമൻസിന് സാക്ഷിയാകാൻ ഞാനും ഉണ്ടാകും.”
അവളുടെ മുഖത്ത് വിരിഞ്ഞ ആ ചിരി എനിക്ക് വിവരിക്കാനാവില്ല.
“ഹരി… എനിക്ക് വിശ്വസിക്കാൻ പറ്റുന്നില്ല! നീ വരികയാണല്ലേ… എനിക്ക് ഇപ്പോൾ തന്നെ നിന്നെ കെട്ടിപ്പിടിക്കാൻ തോന്നുന്നു!”
അവൾ സന്തോഷം കൊണ്ട് തുള്ളിച്ചാടി. ആ ചാട്ടത്തിൽ അവളുടെ ബനിയൻ അല്പം കൂടി ഉയർന്നു പോയതും അവൾ ശ്രദ്ധിച്ചില്ല.
”നമുക്ക് അടിച്ചു പൊളിക്കണം അച്ചു. ഒരു മാസത്തെ ഈ കാത്തിരിപ്പ് ഇനി സന്തോഷത്തിന്റേതാണ്.”
ഞങ്ങൾ കുറെ നേരം ആ യാത്രയെക്കുറിച്ചും വരാനിരിക്കുന്ന ആഘോഷങ്ങളെക്കുറിച്ചും സംസാരിച്ചു. പരസ്പരം ചുംബനങ്ങൾ കൈമാറിയും വിരഹത്തിന്റെ നോവ് മാറ്റിയും ഒടുവിൽ നിറഞ്ഞ മനസ്സോടെ ഞങ്ങൾ ഫോൺ വെച്ചു.
നാട്ടിലേക്കുള്ള ആ യാത്രയ്ക്കായി, അച്ചുവിനെ എന്റെ നെഞ്ചോട് ചേർക്കാൻ ഇനി ദിവസങ്ങൾ മാത്രം!