ഞാൻ പോയി ഡോറിന്റെ ലോക്ക് തുറന്നു അമ്മയാണ് ഒപ്പം നന്ദു ചേച്ചിയുമുണ്ട്….
“സിദ്ധു മോനേ വേഗം വാടാ നിന്റെ ചേച്ചിക്ക് പ്രാന്തായി…. ”
ഏഹ് പ്രാന്തോ…. ആർക്ക് ഞാൻ വേഗം താഴോട്ട് ഓടി പിന്നാലേ ബാക്കിയുള്ളവരും ഉണ്ടായിരുന്നു….
താഴെയെത്തിയപ്പോൾ ദേവു ചേച്ചി മുത്തശ്ശിയോടും പിന്നേ ആ മറ്റേ കിഴവനോടും എന്തോ പറയുകയാണ്….
എന്തായാലും സുഖ വിവരം അന്വേഷിക്കുകയല്ല എന്ന് എനിക്ക് ഏകദേശം മനസ്സിലായി…. കാരണം ചേച്ചി കലി തുള്ളിനില്ക്കുകയാണ്…. അരുണിന്റെയും ആദിയുടെയും അവസ്ഥ മറിച്ചല്ല…
എല്ലാവരും ചേച്ചിയേ തന്നെ നോക്കി നിൽക്കുകയാണ്….
ഞാനും ചേച്ചിയുടെ വാക്കുകളിലേക്ക് കാതോർത്തു….
അപ്പോഴേക്കും കല്ല്യാണിയും മായയും വൈശുവുമൊക്കെ താഴെഎത്തിയിരുന്നു….
“ദേ തള്ളേ ഞാൻ ഒരു കാര്യം പറയാം ചെറുപ്പം മുതലേ നിങ്ങളെ എനിക്ക് കണ്ണിൽ കണ്ടൂടാ… നിങ്ങളൊക്കെ കൊന്ന് തിന്നതിന്റെ പാപം കാരണം എന്റെ പിള്ളേർക്ക് എന്തെങ്കിലും സംഭവിച്ചാൽ പച്ചക്ക് കത്തിക്കും ഞാൻ എല്ലാത്തിനേം….. നിങ്ങൾക്കൊന്നും ഈ ദേവികയരാന്ന് ഇതുവരെയും അറിയില്ല…. ”
ദേവു ചേച്ചി നിന്ന് തുള്ളുകയാണ്…ചേച്ചിയേ ഇത്രയും ദേഷ്യപ്പെട്ടു ഞാൻ ഇതിനു മുൻപ് കണ്ടിട്ടേയില്ല….
ഇതിനും മാത്രം ദേഷ്യം വരാൻ ഇവർ എങ്ങോട്ടാണ് പോയേ…
ചേച്ചിയുടെ വർത്താനം കേട്ട് മുത്തശ്ശിയുടെ അടുത്തിരുന്നു..പരമേശ്വരൻ ചാടിയെഴുന്നേറ്റു….
“ഇങ്ങനെയാണോ നീ കുട്ടികളെ വളർത്തിയത്… ”
ദേവു ചേച്ചിയേ ചൂണ്ടി അയാൾ അച്ഛനോടായി ചോദിച്ചു….
പക്ഷേ അച്ഛൻ എന്തെങ്കിലും പറയാൻ അവസരം കൊടുക്കുന്നതിനു മുന്പേ കലി തുള്ളി നിൽക്കുന്ന ചേച്ചി വീണ്ടും കേറി പറഞ്ഞു…
“താനൊന്നു മിണ്ടാതിരിക്കടാ മൈരേ…നീ ചെയ്തതിന്റെ കണക്കൊന്നും നീ എന്നെകൊണ്ട് പറയിപ്പിക്കരുത്…..”
😳
ചേച്ചിയുടെ വായിൽ നിന്നും ആ വാക്കുകൾ കേട്ടതും തറവാട് മൊത്തം മൗനമായി….
“ദേവു….”
അമ്മയുടെ ശാസനയെത്തി…..
പക്ഷെ അതിനു മറുപടിയായി ഒരു നോട്ടം മാത്രമാണ് നോക്കിയത്….ആരെയും എരിയിക്കാനുള്ള ചൂട് ആ കണ്ണുകൾക്കുണ്ടായിരുന്നു….
മുത്തശ്ശിയെ നോക്കിയപ്പോൾ അവർ തല താഴ്ത്തി കണ്ണീർ പൊഴിക്കുകയാണ്…
“നീ എന്താടി പറഞ്ഞേ…. ”
അതുംപറഞ്ഞു മായയുടെ അച്ഛൻ ചേച്ചിയേ അടിക്കാൻ തുനിഞ്ഞു…
എനിക്ക് ഓടി എത്താൻ മാത്രംസമയമുണ്ടായിരുന്നില്ല…
അയാളുടെ കൈ ചേച്ചിയുടെ മുഖത്ത് പതിക്കുന്നതിനു മുമ്പായി ആദി അയാളുടെ കയ്യിൽ കയറി പിടിച്ചു….
ശേഷം….
“താനിതിൽ ഇടപെടേണ്ടാ…..”
ആദി ദേഷ്യത്തോടെ അയാളോട് പറഞ്ഞു…
ഇവിടെ എന്താണ് നടക്കുന്നത്….എല്ലാവർക്കും എന്താണിത്ര ദേഷ്യം.അവർക്കല്ലാതെ ഇവിടേ നടക്കുന്നത് എന്താണ് എന്ന് ആർക്കും മനസ്സിലായിട്ടില്ല….
“നിങ്ങളും ഒരു സ്ത്രീയല്ലേ എങ്ങനെ തോന്നി ഇങ്ങനെയൊക്കെ ചെയ്യാൻ… കഷ്ട്ടം…. ”
ചേച്ചി മുത്തശ്ശിയേനോക്കി അവസാനത്തെ ആണിയും അടിച്ച ശേഷം മുകളിലേക്ക് കയറി പോയി…
ചേച്ചി പോവുന്നത് നോക്കി നിൽക്കാനേ എല്ലാവർക്കും കഴിഞ്ഞുള്ളു… ഒരക്ഷരം മിണ്ടാൻ പോലും ആരും ധൈര്യ പെട്ടില്ല….
കുറച്ച് നേരം ഞാൻ അവിടേ തന്നെ നിന്നും ഇവിടേ നടക്കുന്ന കാര്യങ്ങൾ തമ്മിൽ ഇവർക്ക് എന്തോ ബന്ധമുണ്ട് അതത്ര നല്ല ബന്ധമല്ല എന്ന് എനിക്ക് ബോധ്യമായി…
കല്ല്യാണി എന്റെ കയ്യിൽ കയറി പിടിച്ചു ബലമായി ഞങളുടെ മുറിയിലേക്ക് നടന്നു… പിന്നാലെയായി മായയും വന്നു…
ഞങ്ങൾ മൂന്ന് പേരും മുറിയിൽ കയറിയതും കല്യാണി കതകടച്ചു കുറ്റിയിട്ടു…
“എടാ ദേവു ചേച്ചിക്ക് എന്താ പറ്റിയേ ഞാൻ ആദ്യായിട്ട് കാണുവാ ചേച്ചിയേ ഇത്രയും ദേഷ്യപെട്ട്…”
കല്ല്യാണിയുടെ ചോദ്യത്തിന് എനിക്ക് മറുപടിയില്ലായിരുന്നു…. കാരണം ഞാനും ഇതാദ്യമായിട്ടാണ് ചേച്ചിയേ ഇത്രയും ദേഷ്യപെട്ട് കാണുന്നത്….