തൊണ്ട വരണ്ടു…ഞാൻ എന്ത് കേൾക്കണ്ട എന്ന് ആഗ്രഹിക്കുന്നതോ അത് തന്നെ അവൾ പറഞ്ഞപ്പോൾ ഉള്ളിലെ കരച്ചിൽ അടക്കി വയ്ക്കാൻ കഴിഞ്ഞില്ല.എന്റെ കണ്ണുകളിൽ നിന്നും കണ്ണു നീർ ധാരയായി പൊഴിയാൻ തുടങ്ങി…
അവൾ നോക്കുമ്പോൾ കാണുന്നത് കണ്ണിൽ നിന്നും കണ്ണുനീർ പൊഴിഞ്ഞ് അവളേ തന്നെ നോക്കി നിൽക്കുന്ന എന്നെയാണ്…
അതു കണ്ടതും അവളുടെ കണ്ണിൽ തങ്ങി നിൽക്കുന്ന കണ്ണുനീരും പുറത്തേക്ക് ചാടാൻ തുടങ്ങി…..
“അയ്യേ എന്റെ പൊന്ന് കരയാണോ….”
അവൾ എന്റെ മടിയിലേക്ക് കയറി എന്നേ കെട്ടി പിടിച്ചുകൊണ്ട് പറഞ്ഞു….
അതും കൂടെയായപ്പോൾ ഞാൻ ശരിക്കും കരഞ്ഞു…. കല്യാണിയില്ലാതെ എങ്ങനെ ജീവിക്കും എന്ന് പോലും എനിക്ക് അപ്പോൾ അറിയില്ലായിരുന്നു….
അവൾ ശക്തിയിൽ കെട്ടി പിടിച്ച് ആശ്വസിപ്പിക്കാൻ തുടങ്ങി…. അവളുടെ കണ്ണു നീർ എന്റെ കഴുത്തിലേക്ക് വന്ന് പതിക്കുന്നുണ്ടായിരുന്നു….
“ഞാൻ വെറുതെ പറഞ്ഞതല്ലേ ഞാൻ നിന്നേ വിട്ട് എങ്ങോട്ടും പോവില്ല… എപ്പോഴും എന്റെ പൊന്നിന്റെ കൂടേ തന്നെയുണ്ടാവും….. ”
ഞാനവളെ ശക്തിയിൽ കെട്ടി പിടിച്ചു എന്തു വന്നാലും അവളെ എന്നിൽ നിന്നും അകറ്റരുതേ എന്നൊരു ഒറ്റ പ്രാർത്ഥന മാത്രമേ എനിക്കുണ്ടായിരുന്നുള്ളു….
മുറിയിലേക്ക് വരുന്ന കാലൊച്ച കേട്ട ഞങ്ങൾ പരസ്പരം അകന്നു മാറി കണ്ണുകൾ എല്ലാം തുടച്ചു….
മായയായിരുന്നു അത് തിരിച്ചു വന്നപ്പോൾ അവളുടെ കയ്യിൽ ഒരു ബുക്ക് ഉണ്ടായിരുന്നു….കണ്ടാൽ തന്നെയറിയാം നല്ല കാലപ്പഴക്കം ചെന്ന ബുക്ക് ആണ് എന്ന്…
അവൾ വേഗം വന്ന് എന്റെയും കല്ല്യാണിയുടെ അടുത്തായി ഇരുന്നു….
“ഏതാ ഈ ബുക്ക്…..”
“അറിയില്ല…. ഞാൻ ഇത് സ്വപ്നത്തിൽ കണ്ടതാ… ഇവിടുത്തെ മുത്തശ്ശിയുടെ റൂമിൽ ഉണ്ടായിരുന്നു……”
അപ്പോ ഈ സ്വപ്നം കാണുന്നത് ഒക്കെ കുടുംബത്തിലെ എല്ലാർക്കും ഉണ്ട് ലേ…. 😐
“നീ ഈ ബുക്ക് എടുക്കുന്നത് മുത്തശ്ശി കണ്ടോ… ”
കല്ല്യാണി ഒരു അമ്പരപ്പോടെ ചോദിച്ചു….
“ഏയ് ഇല്ല, ഇത് ഞാൻ ആരും അറിയാതെ പോയി എടുത്തതാ…നല്ല പഴക്കമുള്ള ഒരു ബോക്സിൽ ആയിരുന്നു ഇത്.മുഴുവൻ മാറാലയും പൊടിയുമൊക്കെയായി….. കണ്ടാൽ തന്നെയറിയാം വര്ഷങ്ങളായി ആരും ആ പെട്ടി തൊട്ടിട്ടു പോലുമില്ല എന്ന് പിന്നേ ചോദിക്കാനും പറയാനും ഒന്നും നിന്നില്ല ഞാനിതങ്ങ് എടുത്തു… ”
മായ വളരെ കൂൾ ആയി പറഞ്ഞു…
അവളുടെ പറച്ചിൽ കേട്ടു വായും പൊളിച്ചു ഇരിക്കുകയാണ് ഞാനും കല്ല്യാണിയും…
“തുറന്ന് നോക്കിയാലോ….. ”
മായ ഞങ്ങളെ രണ്ടു പേരെയും നോക്കി പറഞ്ഞു…..
അതിന് എന്തിനാ ഇവൾ ഇത്രേം എക്സ്പ്രഷൻ ഇടുന്നെ എന്നായിരുന്നു എന്റെ ചിന്ത…..
അങ്ങനെ അവൾ ബുക്ക് തുറന്നു…..
തുറന്നതും ഞങ്ങൾ മൂന്ന് പേരും ഒരേ സമയം അത്ഭുതപെട്ടു….
ഇതേത് ഭാഷ….. 😤😐
“എടാ ഇത് സംസ്കൃതം അല്ലേ നിനക്ക് അറിയോ…. ”
കല്ല്യാണി എന്നോട് ചോദിച്ചു….
ഇവൾ ഇതൊക്കെ എന്തിനാ എന്നോട് ചോദിക്കുന്നെ ആദ്യമായിട്ടാണ് ഈ സാധനം തന്നെ കാണുന്നത്….
എന്റെ മുഖത്തെ എക്സ്പ്രഷനിൽ നിന്നും അവൾക്ക് മനസ്സിലായി എനിക്ക് അറിയില്ല എന്ന്…
അവളുടെ അടുത്ത നോട്ടം മായയുടെ നേർക്കായി….
അവിടെയും സ്ഥിതി മറിച്ചല്ലായിരുന്നു….
“ഇനി എന്ത് ചെയ്യും…. ”
മായ ചോദിച്ചു…..
ഏറെ നേരത്തെ ചിന്തക്കൊടുവിൽ എന്റെ തലയിൽ ഒരു ഐഡിയ തെളിഞ്ഞു….😌
തറവാട്ടിൽ തന്നെ ഒരു എൻസൈക്ലോപീഡിയ ഉണ്ടല്ലോ പിന്നെന്താ….
“ഞാൻ ഇപ്പോ വരാം…. ”
ഞാൻ അവരോടായി പറഞ്ഞു റൂമിൽ നിന്നും ഇറങ്ങി വൈശുവിന്റെ മുറി ലക്ഷ്യമാക്കി നടന്നു…
വാതിൽ ചാരിയിട്ടേ ഉണ്ടായിരുന്നുള്ളു….
ഞാൻ പതിയേ വാതിൽ തുറന്നു, തുറന്നപ്പോൾ കാണുന്നത് കണ്ണാടിക്കുമുന്നിൽനിന്നും മുടിയൊതുക്കുന്ന വൈശുവിനെയാണ്..
അവൾ ഇപ്പോൾ കുളിച്ചു വന്നിട്ടേ ഉള്ളു എന്ന് അവളുടെ ദേഹത്തെ വെള്ളത്തുള്ളികളിൽ നിന്നും ഞാൻ വ്യക്തമാക്കി….