________________
ഞാൻ നേരെ സാഹിലിന്റെ മാൻഷനിൽ എത്തിച്ചേർന്നു.. അവിടെ ഗേറ്റിൽ എത്തിയതിന് ശേഷം ഞാൻ അവിടുത്തെ സെക്യൂരിറ്റിയേ സാഹിലിനെ കാണാമെന്നു പറഞ്ഞു…
അയാൾ എന്നോട് വെയിറ്റ് ചെയ്യാൻ വേണ്ടി പറഞ്ഞു..
കുറച്ചു നേരം വെയിറ്റ് ചെയ്തു..
5 മിനിറ്റിന് ശേഷം അയാൾ തിരിച്ചു വന്നിട്ട് എന്നോട് അകത്തേക്ക് കയറാൻ പറഞ്ഞു..
ഞാൻ മെല്ലെ ആ കോമ്പൗണ്ടിലേക്ക് കയറി…
സാഹ കുടുംബകാരുടെ ബംഗ്ലാവ് കഴിഞ്ഞാൽ വളരെ ആഡംബരം നിറഞ്ഞ ഒരു വീടായിരുന്നു അത്.ഒറ്റവാക്കിൽ അങ്ങനെ പറഞ്ഞോതുക്കാം..
ഞാൻ മെല്ലെ ആ വീടിന്റെ വാതിൽക്കൽ എത്തിച്ചേർന്നു…അവിടെ സാഹിൽ എന്നെ കാത്തിരിക്കുന്നുണ്ടായിരുന്നു.. ഞാൻ അവന്റെ അടുക്കൽ എത്തി ചേർന്നു…
സാഹിൽ : ഹലോ, അരുൺ..
ഞാൻ : ആ.. ഹലോ..
സാഹിൽ : എന്താ ഇവിടെ?..
ഞാൻ : ഒരു അന്വേഷണം ഇവിടെ കൊണ്ടെത്തിച്ചു…
സാഹിൽ : വരൂ നമുക്ക് അകത്തിരിക്കാം..
ഞാൻ സാഹിലിന്റെ വീട്ടിലേക്ക് ക്ഷണിക്കപ്പെട്ടു..
ഞാൻ ആ വീടിന്റെ ഭംഗിയിൽ കുറച്ചു നേരത്തേക്ക് മയങ്ങിപ്പോയി..
N B :ഓഹ്.. ഒരു കാര്യം മറന്നു…സാഹിൽ ഒരു വകീലാണ്…
സാഹിൽ :എന്ത് വേണം, കുടിക്കാൻ?
ഞാൻ : ഒരു ചായ ആയിക്കോട്ടെ..
സാഹിൽ ഉള്ളിലെ അസിസ്റ്റന്റിനെ വിളിച്ചു ഒരു ചായ പറഞ്ഞു…
ഞാൻ ചിരിച്ചു കൊണ്ട് പറഞ്ഞു : സാഹ കുടുംബത്തിലെത്തിന് ശേഷം ആദ്യമായി ഒരു വലിയ വീട് കാണുകയാ..
സാഹിൽ അത് കേട്ട് ഒന്ന് മൂകമായി തല താഴ്ത്തി..
ഞാൻ : അർമാൻ..
സാഹിൽ : ഇന്നലതന്നെ അറിഞ്ഞു..
ഞാൻ : ആര് പറഞ്ഞു?
സാഹിൽ : ശാന്തനു അവസ്തി..
അത് കേട്ട് എനിക്കു നല്ല ദേഷ്യം വന്നു…
എന്നാൽ ഞാനത് പ്രകടിപ്പിക്കാതെ തുടർന്നു..
എനിക്ക് സിയയോട് സംസാരിക്കാൻ പറ്റുമോ?
അത് കേട്ട മാത്രയിൽ സാഹിലിന്റെ ഭാവം മാറി…
അപ്പോൾ അതാണ് കാര്യം… രഹസ്യം ചുഴിന്നു നോക്കാൻ വന്നതാണല്ലേ..
അവന്റെ പെട്ടന്നുള്ള ഭാവമാറ്റം എന്നെ ഒന്ന് പതറിച്ചു…ഞാൻ പെട്ടന്ന് റൂട്ട് മാറ്റി പിടിച്ചു..
ഞാൻ :വേറൊന്നും കൊണ്ടല്ല…നിത്യയെ കണ്ടുപിടിക്കാൻ ഇത് സഹായികുംമെന്ന് എനിക്കുറപ്പുണ്ട്
സാഹിൽ : എങ്ങനെ?
ഞാൻ ഇന്നലത്തെ കാര്യങ്ങൾ പറഞ്ഞു കൊടുത്തു.. അത് കേട്ട് സാഹിൽ ഒന്നു മിഴിച്ചു…
ഞാൻ : സിയ യ്ക്ക് ഇതിൽ പങ്കില്ലെന്നു എന്നിക്കുറപ്പുണ്ട്.. പക്ഷേ, അവൾ സത്യം പറയണം..അങ്ങനെയാണെകിൽ എന്റെ സഹായമുണ്ടാകും..
സാഹിൽ ഒന്നും മിണ്ടാതിരുന്നു…
ഒന്നു വെയിറ്റ് ചെയ്യു…
സാഹിൽ പടി കയറി മുകളിലേക്കു പോയി..
ഞാൻ കുറച്ചു നേരം കാത്തിരുന്നു.. മുകളിന്ന് സിയയുടെ കരച്ചിൽ കേൾക്കാമായിരുന്നു..
ഞാൻ അതൊന്നും ശ്രദ്ധിക്കാതെ അവൾക്കു വേണ്ടി കാത്തിരുന്നു…
കുറച്ചു സമയത്തിന് ശേഷം സാഹിൽ സിയയെയും കൂട്ടി താഴെ വന്നു..
അവളുടെ അവസ്ഥ വളരെ പരിതാപകരമായിരുന്നു…
അർമാന്റെ മരണം അവളെ നല്ല രീതിയിൽ ബാധിച്ചിട്ടുണ്ടെന്ന് തോന്നുന്നു..
സാഹിൽ മെല്ലെ അവളെ പിടിച്ചു കൗച്ചിലിരുത്തി
ഞാൻ :സിയ, ആർ യൂ ഓക്കേ?
ഒരു ഉത്തരവുമില്ല…
ഞാൻ : എനിക്ക് തന്നെ..
സാഹിൽ : ഞാൻ പറഞ്ഞിട്ടുണ്ട്, അരുൺ…
ഞാൻ : ഓക്കേ, നിങ്ങളും അർമാനും തമ്മിൽ…??
മൗനം മാത്രം….
പിന്നെ
സിയ : സിയ അർമാനേ ഇഷ്ടമായിരുന്നു…
പിന്നെ അവൾ മെല്ലെ വിതുമ്പി…
സാഹിൽ അവളെ ആശ്വസിപ്പിച്ചു…
എനിക്ക് അവനെ കുട്ടികാലം തൊട്ടേ ഇഷ്ടമായിരുന്നു.. പക്ഷേ അവൻ എന്നെ ഒരു കൂട്ടുകാരിയെ പോലെ കണ്ടു…ഞാൻ എന്റെ മനസ്സിലിലുള്ളത് തുറന്നു പറഞ്ഞു പക്ഷെ അവനു എന്റെ കാര്യത്തിൽ അത്ര താല്പര്യം ഇല്ലായിരുന്നു 😔..
പിന്നെ അവൻ നിത്യയുമായി ഇഷ്ടത്തിലായി..
അന്ന് മുതൽ എനിക്കു നിത്യയോട് അസൂയയായിരുന്നു…
അങ്ങനെ ഒരു ദിവസം…
ഞാൻ അവനെ അവന്റെ ബോട്ടിൽ കാണാൻ ചെന്നു…
അവൻ നല്ല രീതിയിൽ മദ്യപ്പിച്ചിരിക്കുകയായിരുന്നു…സാധാരണ അവൻ വളരെ സങ്കടപ്പെട്ടിരിക്കുമ്പോഴോ ദേഷ്യപ്പെട്ടിരിക്കുമ്പോ ഇങ്ങനെ ചെയ്യാറുണ്ട്.. ഞാൻ അവനെ തട്ടി വിളിച്ചു…കുറച്ചു നേരത്തിന് ശേഷം എഴുന്നേറ്റ അവൻ എന്നെ കേറി പിടിച്ചു…
പിന്നെ…
എല്ലാം കഴിഞ്ഞതിനു ശേഷം അവൻ ചെയ്തത് എന്താണെന് അവനു മനസിലായി.. അവൻ എന്നോട് മാപ്പു പറഞ്ഞു.. പക്ഷേ ഞാൻ അതൊരു അവസരമായി മുതലെടുത്തു…
അവൾ നിർത്തി…
ഞാൻ : ഇന്നലെ അവനെ കാണാൻ പോരായിരുന്നോ?..
അവൾ അതേയെന്നു തലയാട്ടി…
ഞാൻ :എത്ര മണിക്ക്?
അവൾ : 4 നു പോയി, അര മണിക്കൂറിനു ശേഷം തിരിച്ചു പോയി..
അങ്ങനെ ഏതെങ്കിലും സന്ദർഭത്തിൽ ആ മാല ഊരിപോയതായിരിക്കാം…