💞💞മാറ്റകല്യാണം – 4💞💞അടിപൊളി  

വീട്ടിൽ എത്തിയപ്പോൾ സമയം 9 മണിയായി… വരുന്നവഴി ഞാൻ മസാലദോശ കഴിച്ചു അത് കൊണ്ട് അമ്മ കഴിക്കാൻ വിളിച്ചപ്പോൾ ഞാൻ വേണ്ടാന്ന് പറഞ്ഞു മുറിയിൽ പോയി.. അവൾ മുറിയിൽ ഉണ്ടായിരുന്നു.. അവളുടെ കണ്ണുകൾ എല്ലാം ചുവന്നിരുന്നു.. കണ്മഷി എല്ലാം പടർന്നിരുന്നു… അവൾ കരയുക
ആയിരുന്നു എന്ന് എനിക്കു മനസ്സിലായി.. എന്നാൽ ഞാൻ അവളെ മൈൻഡ് ചെയ്യാതെ ടവൽ എടുത്തു കുളിക്കാൻ കയറി….. ഒരു 30 മിനിറ്റ് എടുത്തു ഞാൻ കുളിച്ചിറങ്ങി.. അപ്പോൾ അവൾ റൂമിൽ ഇല്ലായിരുന്നു… ഞാൻ ഡ്രസ്സ്‌ ഒക്കെ മാറി.. കട്ടിലിൽ കയറി കിടന്നു…..

ഞാൻ കുറച്ചു നേരം ഫോൺ നോക്കി ഇരുന്നു.. മണിക്കുട്ടി കുറച്ചു ഫോട്ടോ ഒക്കെ അയച്ചിട്ടുണ്ട്. അതൊക്ക നോക്കി ഇരുന്നു… അവൾ ബുധനാഴ്ച തിരിച്ചു വരും..അവരുടെ ഹണിമൂൺ ഒക്കെ അപ്പോൾ കഴിയും… കട്ടിലിൽ ചാരി ഫോണും നോക്കി ഇരുന്നു.. കുറച്ചു കഴിഞ്ഞപ്പോൾ ആര്യ റൂമിൽ വന്നു.. നേരെ ബാത്‌റൂമിൽ ഒക്കെ പോയി അവൾ വന്നു കട്ടിലിൽ കിടന്നു.. ഞാൻ അവളെ നോക്കാൻ പോയില്ല.. അവളെ ഇങ്ങനെ വട്ടു കളിപ്പിക്കുന്നത് എനിക്കു ഇഷ്ടം ആയിരുന്നു…

ലൈറ്റ് ഒക്കെ ഓഫ് ചെയ്തു നൈറ്റ്‌ ലമ്പ് ഇട്ടു. ഇപ്പോൾ അതിന്റ വെട്ടം മാത്രം ഉണ്ട് റൂമിൽ… ഞാനും അങ്ങനെ കിടന്നു… അവൾ കിടന്നു കരയുന്നോ എന്ന് തോന്നി ഇത് സ്ഥിരം പരുപാടി ആയിരുന്നത് കൊണ്ട് ഞാൻ മൈൻഡ് ചെയ്തില്ല…

നോക്കുമ്പോൾ എന്റെ ഫോൺ അടിക്കുന്നു..ഞാൻ കൈ എത്തിച്ചു ലൈറ്റ് ഇട്ടു.. ഫോൺ നോക്കുമ്പോൾ അപ്പു ആണ്.. ഞാൻ അത് എടുത്തു.. ആര്യയെ
വട്ടിളക്കാൻ ഞാൻ ഉറച്ചു തന്നെ സംസാരിച്ചു

“എന്താ അപ്പു…… ഉറക്കം വന്നില്ലേ..”

ഞാൻ ആര്യ ശ്രെദ്ധിക്കാൻ കണക്കിന് പറഞ്ഞു…

കുറച്ചു നേരം ഞങ്ങൾ സംസാരിച്ചു.. അവസാനം ഞാൻ ഉറക്കെ ഒരുപാട് കാര്യം പറഞ്ഞു

“അപ്പു നമുക്ക് വേണമെങ്കിൽ ഇന്ന് വൈകിട്ട് പറഞ്ഞ കാര്യം ഒന്നു ആലോചിക്കാം കേട്ടോ… നമുക്ക് തമ്മിൽ അങ്ങ് ഒന്നു കൂടെ കെട്ടാം ”

അത്രയും പറഞത് മാത്രം എനിക്കു ഓർമയുണ്ട്.. നോക്കുമ്പോൾ എന്റെ ഐഫോൺ എറിൽ കൂടി പറന്ന് പോകുന്നു.. അവൻ പറന്നു പോയി ചുമരിൽ ഇടിച്ചു തറയിൽ വീണു.. അവൻ നിഴ്ചലം ആയി.. ഞാൻ തല തിരിച്ചു ഒന്നു നോക്കിയപ്പോൾ ചുവന്ന് കണ്ണുകളും ആയി എന്നെ നോക്കി ദാഹിപ്പിക്കുന്ന ഒരുപാട് ഭദ്രകാളിയെ ആണ് കണ്ടത്.. ഒരു നിമിഷം ഞാൻ ഒന്നു ഭയന്ന് പോയി..

കരഞ്ഞു കരഞ്ഞു ആ കണ്ണുകൾ ചുവന്നു കലങ്ങി കിടന്നു… അവൾ എന്നെ വല്ലാതെ നോക്കി.. എന്നിട്ട് ഒറ്റ മറിച്ചിലിന് എന്റെ മുകളിൽ വന്നു കിടന്നു.. എന്നെ മുറുക്കെ അവൾ കെട്ടിപിടിച്ചു… എന്നിട്ട് അവൾ കരയാൻ തുടങ്ങി.. അവൾ അവളുടെ സങ്കടം എല്ലാം കരഞ്ഞു തീർത്തു… എന്നെ കെട്ടിപിടിച്ചു കരഞ്ഞു.. ഒരുപാട് ആഗ്രഹിച്ച കാര്യം ആയതു കൊണ്ട് ഞാൻ അങ്ങനെ കിടന്നു…
“എന്നെ വിട്ടു പോകല്ലേടാ എനിക്കു നിന്നെ ഒരുപാട് ഇഷ്ടം ആണ്.. നീ ഇല്ലേൽ ഞാൻ മരിച്ചു പോകും.. എന്നെ ഉപേക്ഷിക്കല്ലേ…എനിക്കു നിന്നെ അത്രക്കും ഇഷ്ടം ആണ്… ”

അവൾ പറഞ്ഞത് കേട്ടപ്പോൾ എനിക്കു എന്തെന്നില്ലാത്ത സന്തോഷം വന്നു.. ഒരുപാട് നാളുകൾ ആയി ഞാൻ കേൾക്കാൻ കാത്തിരുന്ന കാര്യം കേട്ടപ്പോൾ ഞാൻ അങ്ങനെ നിന്നു… ഒന്നു ചാലിൽക്കാൻ പോലും കഴിയാതെ ഞാൻ കിടന്നു.. അവൾ എന്നെ അനങ്ങാൻ പറ്റാത്ത രീതിയിൽ വലിഞ്ഞു മുറുക്കി… സന്തോഷം കൊണ്ട് എന്റെ കണ്ണിൽ നിന്നും കണ്ണുനീർ വന്നു..
അവൾ തുടർന്നു

“എനിക്കു നിന്നെ അന്ന് ക്ലാസ്സിൽ കണ്ടപ്പോഴേ ഇഷ്ടം ആയിരുന്നു.. എന്നാൽ ഞാൻ നിന്റെ ടീച്ചർ ആയിരുന്നു എന്നും നീ എന്നേക്കാൾ ഇളയത് ആണെന് കരുതി ഒരു നിമിഷം ഞാൻ നിന്നു.. എന്നാൽ നീ അന്ന് നിന്റെ പ്രായം പറഞ്ഞപ്പോൾ എനിക്കു എന്തെന്നില്ലാത്ത സന്തോഷം ആയി..കാരണം ഒറ്റക്കാഴ്ചയില്ല തന്നെ നീ എന്റെ ഉള്ളിൽ അത്രയും ആഴ്ത്തിൽ പതിഞ്ഞു… നിന്നെ കാണുമ്പോൾ എനിക്കു എന്താന്നില്ലാത്ത സന്തോഷം ആണ് വന്നുകൊണ്ടിരുന്നത്.. നീ എന്റേത് മാത്രം ആകണം എന്ന് ഞാൻ ഒരുപാട് ആഗ്രഹിച്ചു.. എന്നാൽ നിനക്ക് എന്നെ ഇഷ്ടം ആകുമോ എന്നായിരുന്നു എന്റെ പേടി.. നീ ക്ലാസ്സിലെ മറ്റു പെൺകുട്ടികളും ഒക്കെ ആയി സംസാരിക്കുമ്പോൾ എനിക്കു നല്ല ദേഷ്യവും സങ്കടവും ആണ് വന്നത്… കാരണം നിന്നെ ഞാൻ അത്രയും സ്നേഹിച്ചിരുന്നു…

അവൾ പറഞ്ഞു എന്റെ മുഖത്തു നോക്കി.. ഞാൻ അവളുടെ കണ്ണിൽ തന്നെ നോക്കി ഇരുന്നു..

“നീ അന്ന് അടിയുണ്ടാക്കി ഹോസ്പിറ്റലിൽ കിടന്നപ്പോൾ അശ്വതി കരയുന്നത് ഒക്കെ കണ്ടപ്പോൾ എനിക്കും സങ്കടം ആയി.. നിനക്ക് ഒന്നും പട്ടരുത് എന്ന് ഞാൻ മനസ്സുരുകി പ്രാർത്ഥിച്ചു.. അന്ന് അവൾ കരഞ്ഞതിനേക്കാളും കൂടുതൽ ഞാൻ കരഞ്ഞു.. അടുത്ത ദിവസ്സം നിന്നെ ഹോസ്പിറ്റലിൽ കാണാൻ വന്നു നിനക്ക് വലിയ കുഴപ്പം ഒന്നും ഇല്ലെന്നു കണ്ടപ്പോൾ ആണ് എനിക്കു സമാധാനം ആയതു….. നിനക്ക് അച്ചുവിനോടുള്ള സ്നേഹം കാണുമ്പോൾ എനിക്കു അവളോട്‌ വലിയ അസ്സുയ ആയിരുന്നു ഉണ്ടായിരുന്നത്.. നീ എന്നെയും അതുപോലെ സ്നേഹിച്ചിരുന്നേൽ എന്നു ഞാൻ എന്നും ആഗ്രഹിക്കും..
നിന്നോട് ഉള്ള ഇഷ്ടം കാരണം ആണ് നമ്പർ തപ്പി പിടിച്ചു ഞാൻ നിനക്ക് മെസ്സേജ് അയച്ചത്.. നിന്നോട് സംസാരിക്കുന്ന ഓരോ നിമിഷവും എനിക്കു എന്നെ തന്നെ നഷ്ടം ആകുക ആയിരുന്നു… ഇനി പിടിച്ചു നിൽക്കാൻ കഴിയില്ല എന്ന് കണ്ടാണ് നിന്നോട് ഒരു കാര്യം പറയാൻ ഉണ്ടെന്നു പറഞ്ഞതു.. നിനക്ക് എന്നോട് എന്തോ പറയാൻ ഉണ്ട് എന്ന് പറഞ്ഞപ്പോൾ എനിക്കും സന്തോഷം ആയി.. അന്നത്തെ ദിവസ്സം
ഒരുപാട് സന്തോഷിച്ചാണ് ഞാൻ ക്ലാസ്സിൽ വന്നത്… എന്നാൽ…..”

അവൾ ഒന്നു പറഞ്ഞു നിർത്തി എന്നെ ഒന്നു കൂടി മുറുക്കി കെട്ടിപിടിച്ചു…

” എന്നോട് ഷെമിക്കെടാ… എന്റെ അനിയനെ എനിക്കു വലിയ ഇഷ്ടം ആയിരുന്നു. അന്ന് നീ അവനെ അടിച്ചു എന്നറിഞ്ഞപ്പോൾ എനിക്കു സഹിക്കാൻ കഴിഞ്ഞില്ല…. അതാ കാരണം പോലും അന്നെഷിക്കാതെ ഞാൻ നിന്നോട് ദേശ്യപ്പെട്ടത്… എന്നോട് ഷെമിക്ക്…. ഞാൻ ഒന്നും അറിഞ്ഞിരുന്നില്ല…..”

അവളുടെ കണ്ണുകൾ നിറഞ്ഞു.. എന്റെ നെഞ്ച് എല്ലാം നനഞ്ഞു…ഞാൻ അവളെ നോക്കി ചിരിച്ചു.. ഞാൻ എന്തിനാ ചിരിക്കുന്നത് എന്ന് മനസ്സിലാകാതെ അവൾ എന്നെ നോക്കിയിരുന്നു..

” ഈ സോറി നേരത്തെ പറഞ്ഞിരുന്നേൽ എന്നെ നമ്മുടെ പ്രശ്നം എല്ലാം തീരുമായിരുന്നു.. ”

ഞാൻ അതും പറഞ്ഞു അവളെ നോക്കി പിന്നെയും ചിരിച്ചു….. എന്നാൽ അവളുടെ പ്രതികരണം എന്നെ ഞെട്ടിച്ചു.. അവൾ പിന്നെയും എന്റെ നെഞ്ചിലേക്ക് കിടന്നു.. അടുത്ത നിമിഷം എന്റെ നെഞ്ചിൽ അവളുടെ പല്ലുകൾ ആഴ്ന്നിറങ്ങി… അവൾ എന്റെ നെഞ്ചിൽ നല്ല ഒന്നാംതരം കടി തന്നു…. എന്റെ കണ്ണിൽ നിന്നു പൊന്നീച്ച പാറി.. കണ്ണ് നീര് വന്നു.. അവൾ അപ്പോൾ കടി വിട്ടു.. ഞാൻ നിറഞ്ഞ കണ്ണുമായി അവളെ നോക്കി…

+107

-13