💞💞മാറ്റകല്യാണം – 4💞💞 3അടിപൊളി  

അങ്ങനെ ഒരുപാട് ദിവസം ഉച്ചക്ക് ഓഫീസിൽ ജോലിയിൽ മുഴുകി ഇരിക്കുമ്പോൾ ആണ് അമ്മുന്റെ കാൾ വരുന്നത്.. ഞാൻ സന്തോഷത്തോടെ ഞാൻ അത് എടുത്തു..

“അമ്മുട്ടി… ”

“കുട്ടൂസ്സേ ഇന്ന് നേരത്തെ വരുമോ….. എനിക്കു ഒന്നു പുറത്തു പോകണം ആയിരുന്നു… ”

“അയ്യോ അമ്മുട്ടി.. ഇന്ന് വലിയ തിരക്കാണല്ലോ…. നമുക്ക് നാളെ പോയാൽ പോരേ.”

” എന്നാൽ സാരം ഇല്ല…. ഞാൻ പൊക്കോളാം കുഴപ്പം ഇല്ല… ലവ് യൂ കുട്ടൂസ്സേ ”

” ലവ് യു അമ്മു ”

അവൾ അതു പറഞ്ഞു ഫോൺ വച്ചു.. എന്റെ അമ്മു അങ്ങനെ ആണ് .. എന്റെ തിരക്കുകൾ അവൾക്കു അറിയാം അതുകൊണ്ട് അവൾ എന്നോട് അനാവശ്യ വാശി ഒന്നും കാണിക്കില്ല… എന്നെ അവൾ എല്ലാ രീതിയിലും മനസ്സിലാക്കിയിരുന്നു… എന്റെ പെണ്ണാണ് എന്റെ എല്ലാം…

അങ്ങനെ അന്ന് ഞാൻ ജോലി കഴിഞ്ഞു എത്തിയപ്പോൾ 8 മണി ആയി.. വീട്ടിൽ കയറി മണിക്കുട്ടിയെ കണ്ടു അവൾക്കുള്ള ഡയറി മിൽക്കും കൊടുത്തു എന്റെ അമ്മുനെ കാണാൻ ഞാൻ മുറിയിൽ പോയി… ഞാൻ പോകുമ്പോൾ പെണ്ണ് സാരി ഒക്കെ ഉടുത്തു നല്ലത് സുന്ദരി ആയിട്ടാണ് നിൽക്കുന്നെ… ഞാൻ പമ്മി പമ്മി അവളുടെ അടുത്ത് പോയി. പുറകിൽ കൂടി കെട്ടിപിടിച്ചു.. ഞെട്ടുമെന്ന് വിചാരിച്ച അവൾക്കു ഒരു മാറ്റവും ഇല്ലായിരുന്നു… അവൾ തിരിഞ്ഞ്.. എന്നെ കെട്ടിപിടിച്ചു എന്റെ ചുണ്ടിൽ ഉമ്മ വച്ചു..

” എടി പെണ്ണെ അപ്പടി വിയർപ്പാ… ഞാൻ കുളിച്ചിട്ടു വരാം…… ”

അവൾ കേട്ട ഭാവം നടിക്കാതെ എന്റെ കവിളിൽ എല്ലാം ഉമ്മകൾ വച്ചുകൊണ്ടിരുന്നു…. അവൾ എന്റെ കഴുത്തിൽ എല്ലാം മുഖം പുഴ്ത്തി അവിടെ എല്ലാം ഉമ്മ വച്ചു..

” എനിക്കു എന്റെ കുട്ടൂസ്സിന്റെ വിയർപ്പിന്റെ മണം ഒക്കെ ഇഷ്ട… ”

അവൾ എന്നെ പിന്നെയും ഉമ്മവച്ചിട്ടു വിട്ടുമാറി.. ഞാൻ കട്ടിലിൽ തന്നെ ഇരുന്നു.. അവൾ നേരെ പോയി അലമാര തുറന്നു ഒന്നു രണ്ടു കവറുകൾ എടുത്തു..

” കുട്ടൂസ്സേ ഞാൻ ഇന്ന് പുറത്തു പോയപ്പോൾ കുട്ടൂസ്സിനും എനിക്കും തുണി വാങ്ങി.. കൊള്ളാമോന്നു നോക്ക്.. ”

അവൾ അതും പറഞ്ഞു ഓരോ തുണി ആയിട്ട് എടുത്തു കട്ടിലിൽ വക്കാൻ തുടങ്ങി…

എനിക്കു ഒരു ലൈറ്റ് പച്ച ഷർട്ടും അതെ കര മുണ്ടും… അതിനു മുകളിൽ അവൾക്കു അതെ കളർ സാരി എടുത്തു വച്ചു.. ഞാൻ അതൊക്കെ നോക്കി നിന്നു എന്റെ ഷർട്ട്‌ ഊരി കൊണ്ടിരുന്നു…
അതിനു ശേഷം അവൾ അതിനു മുകളിൽ ഒരു സാധനം കൂടി എടുത്തു വച്ചു.. അത് കണ്ടപ്പോൾ ഞാൻ അവളുടെ മുഖത്തു സന്തോഷത്തോടെ നോക്കി.. അവൾ നോക്കി ചിരിച്ചു..
അവൾ ഞങ്ങൾക്ക് എടുത്ത അതെ കളറിൽ ഒരു കുഞ്ഞുടുപ്പും എടുത്തു വച്ചു..
ഞാൻ അവളുടെ മുഖത്തു നോക്കി ആണോ എന്ന് ചോദിച്ചു.. അവൾ നാണത്തോടെ കണ്ണുകൊണ്ടു ആണെന്ന് കാണിച്ചു…

ഞാൻ സന്തോഷം കൊണ്ട് അവളെ പോയി കെട്ടിപിടിച്ചു… അതെ ഞങ്ങളുടെ ഇടയിൽ ഒരുപാട് കുഞ്ഞു അഥിതി കൂടി വരാൻ പോകുന്നു.. അവൾക്കു എനിക്കും ഏറ്റവും സന്തോഷം നൽകുന്ന വാർത്ത.. അവൾ നല്ല സന്തോഷത്തിൽ ആയിരുന്നു.. ഞാൻ അവളുടെ മുഖം മുഴുവൻ ഉമ്മകൾ കൊണ്ട് മൂടി.. ഞാൻ മുട്ടിൽ ഇരുന്നു… സാരി കുറച്ചു മാറ്റി അവളുടെ നഗ്നമായ വയറിൽ അമർത്തി ഉമ്മ വച്ചു.. എന്റെ അവളുടെയും ഏറ്റവും വലിയ ആഗ്രഹം അവളുടെ വയറിൽ ആണ്… ഞാൻ ഇരുന്നു കൊണ്ട് തന്നെ അവളെ കെട്ടിപിടിച്ചു… അവളും.

ഞങ്ങൾ വീട്ടിൽ എല്ലാരോടും കാര്യം പറഞ്ഞു.. എല്ലാവർക്കും അത് വലിയ സന്തോഷം നൽകുന്ന വാർത്ത തന്നെ ആയിരുന്നു.. എന്റെ വീട്ടിലും അവളുടെ വീട്ടിലും എല്ലാം ഉത്സവം തന്നെ ആയിരുന്നു അത്.. മണിക്കുട്ടിക്കാണ് ഏറ്റവും സന്തോഷം ആയത്.. രണ്ടുപേർക്കും ഒരുമിച്ചു എല്ലാം ചെയ്യാമല്ലോ….

പിന്നെ അങ്ങോട്ട്‌ സന്തോഷത്തിന്റെ നാളുകൾ ആയിരുന്നു.. അവളെ എല്ലാരും ഒന്നു അനങ്ങാൻ പോലും സമ്മതിക്കാതെ സ്നേഹിച്ചു.. അവൾക്കു ഇഷ്ടം ഉള്ളത് എല്ലാം ചെയ്തു കൊടുത്തു.. അവളുടെ എല്ലാ ആഗ്രഹവും നടത്തി കൊടുത്തു.. ഓരോ ഇഷ്ടം ഉള്ള ആഹാരം എല്ലാം എന്നെ കൊണ്ട് വാങ്ങിപ്പിച്ചു. ഞാൻ ആണേൽ അവളുടെ ഒരു ആഗ്രഹത്തിനും ഒരു തടസ്സവും നിന്നില്ല…. അവളും ഒരുപാട് ഹാപ്പി ആയിരുന്നു.. പക്ഷെ പെണ്ണിന് ഇത്തിരി കുറുമ്പ് ഒക്കെ കൂടിയിട്ടുണ്ട്…. വല്ലാത്ത വാശിയും.. അവൾക്ക് മാത്രം അല്ല മണിക്കുട്ടിക്കും.. രണ്ടു ഗർഭിണികളും കൂടി വീട്ടിൽ വിലസ്സി നടന്നു.. അതിനിടയിൽ കിടന്നു വട്ടം തിരിയാൻ ഞാനും അലിയനും..