💞💞മാറ്റകല്യാണം – 4💞💞അടിപൊളി  

ഞാൻ നോക്കുമ്പോൾ നിറവയറുമായി ഒരു സുന്ദരി നടന്നു വരുന്നു.. സുന്ദരൻ ആയ ഒരു പയ്യനും…

അവൻ എന്റെ ഫ്രണ്ട്……………….
ഗോകുലും 🥰ഭാര്യ രമിതയും🥰.
ആയിരുന്നു…….

ഗോകുൽ എന്റെ ഫാമിലി ഫ്രണ്ട് ആണ്.. അവനും ഞാനും നാലാൾ കമ്പനി ആണ്.. അവൻ ഇപ്പോൾ ഞങ്ങളുടെ കോഴിക്കോട് ഓഫീസിൽ മാനേജർ ആണ്… രമിത അവിടെ തന്നെ അക്കൗന്റ്സിൽ ആണ്.. അവൾ പ്രെഗ്നന്റ് ആയതു കൊണ്ടാണ് രാവിലെ വരാൻ പറ്റാത്തത്..

ഞാൻ അവരെ ആര്യക്ക് പരിചയ പെടുത്തി….. ആര്യ രമിതയുടെ സുഗവിവരം എല്ലാം ചോദിച്ചു.. അവർ കുറച്ചു നേരം നിന്നു പിന്നെ പിരിഞ്ഞു…..

അങ്ങനെ പിന്നെയും ഞങ്ങൾ നോക്കുകുത്തികൾ പോലെ കുറേനേരം നിന്നു… പിന്നെ ഞങ്ങൾ പോയി ഫുഡ്‌ ഒക്കെ കഴിച്ചു.. അപ്പോഴേക്കും പരുപാടി എല്ലാം കഴിയാറായി.. ഞങ്ങൾ രണ്ടുപേരും വല്ലാതെ തളർന്നു……. എങ്ങനെ എങ്കിലും ഈ ഡ്രസ്സ്‌ ഒക്കെ മാറ്റി ഒന്നു കിടന്നാൽ മതി എന്നാ അവസ്ഥ ആയിരുന്നു..
9 മണി ആയപ്പോൾ എല്ലാം ഒതുക്കി ഞങ്ങൾ തിരിച്ചു പോകാൻ ഒരുങ്ങി.. ഞാൻ വിചാരിച്ച പോലെ തന്നെ അവിടെ കൂട്ട കരച്ചിൽ ആയി… അമ്മമാരും.. മണിക്കുട്ടിയും, ആര്യയും അവരുടെ വീട്ടിക്കാരും എല്ലാം കിടന്നു കരഞ്ഞു.. എന്നാൽ ഞാൻ മാത്രം കല്ല് പോലെ നിന്നു.. മണിക്കുട്ടി എന്നെ കെട്ടിപിടിച്ചു ആണ് കരയുന്നത്.. എന്റെ കണ്ണിൽ നിന്നു എന്തോ വെള്ളം ഒക്കെ വന്നു.. എന്നാലും ഞാൻ കല്ല് പോലെ നിന്നു…..

ഒരുപാട് നേരത്തെ കരച്ചിലിന് ഒടുവിൽ ഞാൻ മണിക്കുട്ടിയെ എന്നിൽ നിന്നു അടർത്തി.. അവൾ അപ്പോഴും കിടന്നു കരയുക ആയിരുന്നു…. ഞാൻ അവളെ കാര്യം പറഞ്ഞു സമാധാനിപ്പിച്ചു….. കുറച്ചു ദിവസ്സത്തെ കാര്യമേ ഒള്ളു പിന്നെ എന്നും കാണാല്ലോ.. ഒരുമിച്ചു താമസികാമല്ലോ എന്നൊക്കെ പറഞ്ഞു ഒരുവിധം സമാധിനിപ്പിച്ചു കാറിൽ കയറ്റി.. അമ്മമാർക്കും അവളെ പിരിയുന്നതിൽ വിഷമം ഉണ്ടായിരുന്നു.. എന്നലും അവർ എല്ലാം കണ്ടറിഞ്ഞു ചെയ്തു.

ആര്യയും അവളുടെ അമ്മയെ കെട്ടിപിടിച്ചു കരഞ്ഞു നിന്നു.. അവസാനം അവർ എല്ലാവരും കൂടി അവളെ സമാധാനിപ്പിച്ചു കാറിൽ കയറ്റി.. അങ്ങനെ അവിടെ നിന്നും രണ്ടു വീടുകളിലേക്കും യാത്ര ആയി….

🔥……..🔥……… 🔥……… 🔥……… 🔥………. 🔥

വീട്ടിൽ ചെന്ന ഞാൻ ആദ്യം പോയത് എന്റെ റൂമിൽ ആണ്.. ഞാൻ ആ ഡ്രസ്സ്‌ എല്ലാം വലിച്ചു പറിച്ചു മാറ്റി.. നേരെ ബാത്‌റൂമിൽ കയറി കുളിച്ചു.. തലയിലും ദേഹത്തും തണുത്ത വെള്ളം വീണപ്പോൾ എന്തൊരു ആശ്വാസം… ഞാൻ 30 മിനിറ്റ് ഓളം കുളിച്ചു.. അവിടെ നിന്നും ഇറങ്ങി ഒരു ട്രാക്ക് പാന്റും t ഷർട്ടും എടുത്തിട്ട്.. സൂട്ടിൽ വീർപ്പു മുട്ടി കിടന്ന എനിക്കു അപ്പോൾ ഒരു സ്വാർഗ അനുഭൂതി ആണ് ഉണ്ടായതു…..

കുറച്ചു നേരം റൂമിൽ ഇരുന്നിട്ട് ഞാൻ നേരെ താഴെ പോയി.. അപ്പോഴേക്കും കുറച്ചു ബന്ധുക്കൾ എല്ലാം പോയിരുന്നു.. കുറച്ചു പേർ അപ്പോഴും അവിടെ തന്നെ ഉണ്ട്.. ഞാൻ താഴെ പോയി എല്ലാവരോടും സംസാരിച്ചു നിന്നു.. എനിക്കു നല്ലത് ക്ഷീണം ഉണ്ടായിരുന്നു… എന്നാൽ ഇപ്പോഴേ റൂമിൽ പോയാൽ ഇവരൊക്കെ എന്ത് വിചാരിക്കും…ഇന്ന് തന്നെ രണ്ടു വട്ടം കിളി ആയതാ അത് കൊണ്ട് സഹിച്ചു നിന്നു.. അവളെ അവിടെ ഒന്നും കണ്ടില്ല.. അകത്തായിരിക്കും എന്ന് കരുതി…

ഞാൻ നേരെ പുറത്തു ഇറങ്ങി. അച്ഛനും എല്ലാവരും അവിടെ സംസാരിച്ചു നിൽക്കുന്നു… ഞാൻ അങ്ങോട്ട്‌ പോയി..എല്ലാവരോടും സംസാരിച്ചു നിന്നു.. പിന്നെ അമ്മ എന്നെ വിളിച്ചു റൂമിൽ പോകാൻ പറഞ്ഞു.. എനിക്കു സ്വർഗം കിട്ടിയ പോലെ ആയി.. എനിക്കു അവിടെ നിന്നു തുള്ളി ചാടാൻ തോന്നി… എന്നാലും ഞാൻ കണ്ട്രോൾ ചെയ്തു.. എങ്ങാനും സന്തോഷിച്ചാൽ. കാണുന്നവർ ഇവനെ ഇത്രയും ആക്രാന്തമോ എന്ന് കരുതും..

അമ്മ എന്റെ നെറ്റിയിൽ ഒരു ഉമ്മയും തന്നു.. എന്നെ നോക്കി ചിരിച്ചിട്ട് പോകാൻ പറഞ്ഞു.. ഞാൻ നേരെ മുറിയിൽ പോയി.. അപ്പോൾ തന്നെ കിടന്നു ഉറങ്ങണം എന്ന് ഉണ്ടായിരുന്നു എന്നാൽ അവൾ വരാതെ ഉറങ്ങിയാൽ മോശം അല്ലേ.. ഞാൻ അങ്ങനെ ഇരുന്നു..
അപ്പോൾ ആണ് എന്റെ ഫോൺ അടിക്കുന്നത് നോക്കുമ്പോൾ മണിക്കുട്ടി ആണ്.. ഞാൻ സന്തോഷത്തോടെ ഫോൺ എടുത്തു..

“ഹലോ മണിക്കുട്ടി…. മോളെ “

അപ്പുറത്ത് നിന്നും കരച്ചിൽ ആയിരുന്നു.

“കുട്ടേട്ടാ എനിക്കു കുട്ടേട്ടനെ കാണണം… എന്നെ വന്നു കൊണ്ട് പോ… എനിക്കു കാണണം “

അവൾ അതും പറഞ്ഞു കരയാൻ തുടങ്ങി..

“അയ്യേ എന്തിനാ കരയുന്നെ.. കുട്ടേട്ടന്റെ മണിക്കുട്ടി.. മോളു ഇന്ന് നിന്റെ കല്യാണം ആയിരുന്നു ഓർമയുഡോ നീ ഇപ്പോൾ കൊച്ചു കൊച്ചൊന്നും അല്ല… അയ്യേ.. ഇങ്ങനെ കരയല്ലേ… എനിക്കു വിഷമം ആകുലേ നീ കരഞ്ഞാൽ..”

“പറ്റൂല ചേട്ടാ എനിക്കു കാണണം…”

“കാണാല്ലോ… ഇന്ന് ഇപ്പോൾ രാത്രി ആയില്ലേ.. നാളെ ഞാൻ രാവിലെ തന്നെ മോളെ വന്നു കാണാം.. ഓക്കേ… ഇപ്പോൾ നല്ലത് കുട്ടി ആയിരിക്കു…”

” നാളെ തന്നെ വരണം പറ്റിക്കല്ലേ… അല്ലേൽ ഞാൻ അങ്ങ് വരും.. “

അവൾ കരച്ചിൽ ഒന്നു നിർത്തി.. എന്നോട് പറഞ്ഞു…

“ഉറപ്പായും നാളെ വരാം… പിന്നെ ആകാശ് എവിടെ..അവനു ഫോൺ കൊടുക്കുമോ “

ഞാൻ അവളോട്‌ പറഞ്ഞപ്പോൾ അവൾ അവൻ അടുത്തുണ്ടെന്നു പറഞ്ഞു ഫോൺ കൊടുത്തു……

“അളിയാ ഒന്നും വിചാരിക്കല്ലേ.. അവൾ പാവം ആണ്… എന്നോട് ഉള്ള ഇഷ്ടം കൊണ്ട. പതുക്കെ ശെരിയാകും.. “

“കുഴപ്പം ഇല്ല ചേട്ടാ… എനിക്കു മനസ്സിലാകും.. ഇവിടെ വന്നപ്പോഴും കരച്ചിൽ ആയിരുന്നു… ഇപ്പോഴാ ഒന്നു നിർത്തിയത്..”

“ഓക്കേ ഡാ… പിന്നെ ഇത്തിരി കുറുമ്പി ആണ് എന്നെ ഒള്ളു അവൾ നിന്നെ നന്നായി നന്നായി നോക്കും.. നീ എന്റെ പൊന്നിനെ നോക്കിക്കോണേ “

“ഞാൻ പൊന്നുപോലെ നോക്കും ചേട്ടാ… എന്റെ ചേച്ചി എവിടെ?”

“അവൾ താഴെയാടാ ഇതുവരെ വന്നില്ല…… അപ്പോൾ ഓൾ ദി ബെസ്റ്റ്… ഗുഡ് നൈറ്റ്‌ “

ഞാൻ ഒരു ചിരിയോടെ അത് പറഞ്ഞു… അവൻ എന്നോടും തിരിച്ചു പറഞ്ഞു…. പിന്നെ ഞാൻ ഫോൺ വച്ചു… വാട്സ്ആപ്പ് ഓക്കേ ഒന്നു നോക്കി ഇരുന്നു.. കുറച്ചു വിഷസ് ഒക്കെ വന്നിട്ടുണ്ട്… അതിനൊക്കെ റിപ്ലേ കൊടുത്തു കൊണ്ടിരുന്നു…..
വാതിലിനു അടുത്ത് ഒരു കാൽപെരുമാറ്റം കേട്ടപ്പോൾ ഞാൻ അങ്ങോട്ട്‌ നോക്കി… പച്ച ബ്ലൗസും സെറ്റ് സാരിയും ഉടുത്തു ആര്യ അവിടെ നിൽക്കുന്നു.. അവിടെ നിന്നു അവള്ക്കു കയറാൻ ഒരു മടിപോലെ എനിക്കു ചിരിവന്നു എങ്കിലും ഞാൻ അവളെ നോക്കി അവളും എന്നെ നോക്കി.. ഞാൻ അകത്തോട്ടു വരാൻ കൈ കൊണ്ട് കാണിച്ചു… അവൾ പതുക്കെ അകത്തോട്ടു വന്നു.. അവളുടെ കയ്യിൽ ഒരു ഗ്ലാസ്‌ പാൽ ഉണ്ടായിരുന്നു….
ഇതൊക്കെ സിനിമയിൽ മാത്രമേ ഒള്ളു എന്ന് കരുതിയതാ.. അപ്പോൾ ജീവിതത്തിലും ഉണ്ടല്ലേ…….

അവൾ പാല് കൊണ്ട് മേശക്ക് മുകളിൽ വച്ചു അവിടെ നിന്നു… ഞാൻ അവളോട് കട്ടിലിൽ ഇരിക്കാൻ പറഞ്ഞു. അവൾ ഒന്നു ആലോചിച്ചു എന്നിട്ട് വന്നിരുന്നു.. ഞാൻ അവളുടെ അടുത്ത് നിന്നു അല്പം നീങ്ങി ഇരുന്നു….. രണ്ടുപേരും പരസ്പരം നോക്കുന്നുമില്ല.. മുറിക്കകത്തു മൊത്തം നിശബ്ധം… ഞങ്ങൾ അങ്ങനെ കുറച്ചു നേരം ഇരുന്നു….

+107

-13