💞💞മാറ്റകല്യാണം – 4💞💞 3അടിപൊളി  

” എന്നോട് ഷെമിക്കെടാ… എന്റെ അനിയനെ എനിക്കു വലിയ ഇഷ്ടം ആയിരുന്നു. അന്ന് നീ അവനെ അടിച്ചു എന്നറിഞ്ഞപ്പോൾ എനിക്കു സഹിക്കാൻ കഴിഞ്ഞില്ല…. അതാ കാരണം പോലും അന്നെഷിക്കാതെ ഞാൻ നിന്നോട് ദേശ്യപ്പെട്ടത്… എന്നോട് ഷെമിക്ക്…. ഞാൻ ഒന്നും അറിഞ്ഞിരുന്നില്ല…..”

അവളുടെ കണ്ണുകൾ നിറഞ്ഞു.. എന്റെ നെഞ്ച് എല്ലാം നനഞ്ഞു…ഞാൻ അവളെ നോക്കി ചിരിച്ചു.. ഞാൻ എന്തിനാ ചിരിക്കുന്നത് എന്ന് മനസ്സിലാകാതെ അവൾ എന്നെ നോക്കിയിരുന്നു..

” ഈ സോറി നേരത്തെ പറഞ്ഞിരുന്നേൽ എന്നെ നമ്മുടെ പ്രശ്നം എല്ലാം തീരുമായിരുന്നു.. ”

ഞാൻ അതും പറഞ്ഞു അവളെ നോക്കി പിന്നെയും ചിരിച്ചു….. എന്നാൽ അവളുടെ പ്രതികരണം എന്നെ ഞെട്ടിച്ചു.. അവൾ പിന്നെയും എന്റെ നെഞ്ചിലേക്ക് കിടന്നു.. അടുത്ത നിമിഷം എന്റെ നെഞ്ചിൽ അവളുടെ പല്ലുകൾ ആഴ്ന്നിറങ്ങി… അവൾ എന്റെ നെഞ്ചിൽ നല്ല ഒന്നാംതരം കടി തന്നു…. എന്റെ കണ്ണിൽ നിന്നു പൊന്നീച്ച പാറി.. കണ്ണ് നീര് വന്നു.. അവൾ അപ്പോൾ കടി വിട്ടു.. ഞാൻ നിറഞ്ഞ കണ്ണുമായി അവളെ നോക്കി…

“എന്തിനടി എന്നെ ഇപ്പോൾ കടിച്ചത്…”

അവൾ ദേഷ്യത്തിൽ എന്നെ നോക്കി എന്നിട്ട് പറഞ്ഞു…

“ദേ മിണ്ടിപ്പോകരുത്… ഞാൻ സോറി പറയാൻ വന്നപ്പോൾ സമ്മതിക്കാതെ .. എന്നിട്ട് ഇപ്പോൾ പറയുന്നോ… ”

ഞാൻ ഒന്നും മനസ്സിലാകാതെ അവളെ നോക്കി.. അത് കണ്ട അവൾ തുടർന്നു…

“അന്നത്തെ സംഭവത്തിന് ശേഷം ഞാൻ ഭയങ്കര സങ്കടത്തിൽ ആയിരുന്നു… വീട്ടിൽ വന്നു എപ്പോഴും കരച്ചിൽ തന്നെ ആയിരുന്നു… അനിയനെ പിന്നെ ഞാൻ നോക്കിയിട്ട് കൂടി ഇല്ല.. അവനെ ഞാൻ വീട്ടിൽ നിന്നും അകറ്റി… അമ്മയോടും അച്ഛനോടും അവൻ തെറ്റ് ചെയ്യാത്തത് കൊണ്ടാണ് എന്റെ വിഷ്മത്തിനു കാരണം എന്ന് പറഞ്ഞു ധരിപ്പിച്ചു.. നിന്നെ ഞാൻ അപ്പോഴും അതിൽ നിന്നു ഒഴിഞ്ഞു നിർത്തി..
അന്നത്തെ സമ്പത്തിന് ശേഷം എനിക്കു നിന്നോട് വന്നു സോറി പറയണം എന്ന് ഉണ്ടായിരുന്നു.. എന്നാൽ നിന്റെ മുന്നിൽ വരാനുള്ള ധൈര്യം എനിക്കു ഇല്ലായിരുന്നു… നിന്നെ മറക്കാൻ ഞാൻ ഒരുപാട് ശ്രെമിച്ചു..
എന്നാൽ എനിക്കു കഴിഞ്ഞില്ല… ഞാൻ നിന്നെ ഓർത്തു ഞാൻ എന്നും കരയും ആയിരുന്നു..
ഇനി ഒരു കല്യാണം വേണ്ട എന്ന് പറഞ്ഞു ഞാൻ എല്ലാത്തിൽ നിന്നും ഒഴിഞ്ഞു. അപ്പോഴാണ് ജാതക ദോഷം കണ്ടത്.. അത് എനിക്കു വലിയ ആശ്വാസം ആയി..നിന്നെ ഓർത്തു ഇനിയുള്ള കാലം ജീവിക്കാം എന്ന് ഞാൻ കരുതി ഇരുന്നപ്പോൾ ആണ്.. എനിക്കും അനിയനും ഈ മാറ്റകല്യാണം വരുന്നത്.. ആദ്യം ഒക്കെ വേണ്ടാന്ന് പറഞ്ഞു എങ്കിലും. VK ഗ്രൂപ്പ്‌ എന്നാ പേരും പയ്യൻ നീയും ആണെന്ന് പറഞ്ഞപ്പോൾ എനിക്കു നഷ്ട്പേട്ട ജീവൻ തിരിച്ചു കിട്ടിയപോലെ ആണ് തോന്നിയത്… എന്നാൽ നിനക്ക് എന്നോട് വെറുപ്പാകും നീ ഈ കല്യാണത്തിന് സമ്മതിക്കില്ല എന്ന് ഞാൻ കരുതി..
നീ പെണ്ണ് കാണാൻ വരുന്ന ദിവസം നിന്റെ കാലിൽ വിഴുന്നു സോറി പറഞ്ഞു. നിന്നെ എങ്ങനെ എങ്കിലും സമ്മതിപ്പിക്കണം എന്ന് കരുതി ആണ് ഞാൻ നിന്നത്..”

“എന്നാൽ നീ അന്ന് വളരെ സെൽഫിഷ് ആയിട്ടാണ് പെരുമാറിയത്.. നീ എന്റെയോ നിന്റെയോ ലൈഫ് നോക്കാതെ നിന്റെ അനിയത്തിക്ക് വേണ്ടി എന്റെ കാലുപിടിക്കാൻ തയാറായി… അത് കണ്ടപ്പോൾ നിന്നോട് ഉള്ള ഇഷ്ടം ഒറ്റനിമിഷം ഞാൻ മറന്നു.. അപ്പോൾ എന്റെ മനസ്സിൽ അത് നിന്നോടുള്ള വെറുപ്പിന്റെ ചെറിയ ഒരു അംശംആയി..
എനിക്കു നിന്നോട് അപ്പോൾ പുച്ഛവും വാശിയും ആണ് ഉണ്ടായതു. എന്നൽ പതുക്കെ നിന്നോട് പറഞ്ഞു ശെരിയാക്കാം എന്ന് പറഞ്ഞാണ് ഞങ്ങൾ ഇരുന്നത്….. കല്യാണ തിരക്കുകളിൽ കാണാൻ പറ്റുന്ന സമയം എല്ലാം നീ എന്നെ അവോയ്ഡ് ചെയ്തു.. എല്ലാം ശെരിയാക്കാം എന്ന് ഞാൻ മനസ്സിൽ വിശ്വാസിച്ചു..
കല്യാണം കഴിഞ്ഞു അന്ന് രാത്രിയും നീ എന്നോട് നന്ദി പറഞ്ഞപ്പോൾ എന്റെ ഉള്ളിൽ പിന്നെയും വെറുപ്പ് കൂടി… സ്വന്തം ജീവിതം മറന്നു അനിയത്തിക്ക് വേണ്ടി ഓരോന്ന് ചെയ്യുന്ന നിങ്ങളെ എനിക്കു വെറുപ്പും പുച്ഛവും കൂടി.. എന്നേലും നിങ്ങൾ ശെരിയാകും എന്ന് ഞാൻ വിശ്വാസിച്ചു…”