💞💞മാറ്റകല്യാണം – 4💞💞അടിപൊളി  

“ആര്യ…. തന്നെ ഓക്കേ അല്ലേ…?”

ഞാൻ ചോദിച്ചതും അവൾ പിന്നെയും എന്നെ ദേഷ്യത്തോടെ നോക്കി

” നിങ്ങൾ ഇപ്പോൾ എന്തിനാ ഇപ്പോൾ എന്നോട് ചോദിക്കുന്നെ… നിങ്ങള്ക്ക് നിങ്ങളുടെ പെങ്ങളും അവളുടെ സന്തോഷവും എല്ലാം അല്ലേ വലുത്.. നിങ്ങള്ക്ക് നിങ്ങളുടെ അനിയത്തിയുടെ ജീവിതത്തിന് വേണ്ടി എന്തിനാ എന്തിനാ എന്റെ ജീവിതം ബലിയടക്കുന്നെ…. എന്റെ അനിയന് ഒരു ജീവിതം ഉണ്ടാവട്ടെ എന്ന് കരുതി ഞാൻ എല്ലാം സഹിച്ചു.. എന്നാൽ എന്റെ ജീവിതത്തിന് നിങ്ങള്ക്ക് ഒരു വിലയില്ലല്ലോ ”

അവൾ എന്നെ നോക്കി ദേഷ്യത്തിൽ എല്ലാം പറഞ്ഞു.. പറയുക അല്ലായിരുന്നു.. അവൾ അലരുകയായിരുന്നു..

” സ്വന്തം അനിയത്തിയുടെ സന്തോഷത്തിനു വേണ്ടി ഓരോന്ന് ചെയ്യുന്ന നിങ്ങൾ ഒരിക്കൽ എങ്കിലും എന്നെ ഒരു മനുഷ്യ സ്ത്രീ ആയി എങ്കിലും പരിഗണിച്ചിട്ടുണ്ടോ… നിങ്ങൾ എന്നോട് ഒന്നു സംസാരിച്ചിട്ടുണ്ടോ?? ”

എനിക്കു ഒന്നും പറയാൻ കഴിയാതെ ആയി…

” അനിയത്തിക്ക് വേണ്ടി അന്ന് എന്റെ കാലുപിടിക്കാം എന്ന് പറഞ്ഞ നിങ്ങളെ എനിക്കു പുച്ഛം ആണ്.. ഒരിക്കൽ എങ്കിലും എന്നോട് തുറന്നു സംസാരിച്ചിരുന്നു എങ്കിൽ………… ”

അവൾ അത്രയും പറഞ്ഞ വാക്കുകൾ മുഴുവിപ്പിക്കാൻ കഴിയാതെ കരയാൻ തുടങ്ങി.. എനിക്ക് എന്ത് പറയണം എന്നോ എന്ത് ചെയ്യണം എന്നോ.. അറിയാതെ നിന്നു…… അവൾ എന്നോട് ഉള്ള ദേഷ്യത്തിൽ പറഞ്ഞത് എല്ലാം സത്യം തന്നെ ആയിരുന്നു.. ഒരിക്കലും ഞാൻ അവളുടെ ഭാഗത്തു നിന്നു ചിന്തിക്കാൻ ശ്രെമിച്ചില്ല… ഞാൻ ഒരു സ്വർത്ഥനണെന്ന് എനിക്കു മനസിലായി… സ്വന്തം സന്തോഷം മാത്രം ആണ് ഞാൻ നോക്കിയത്.. ഞാൻ അവളെ ഒരിക്കലും പരിഗണിക്കാൻ ശ്രെമിച്ചില്ല.. എനിക്കു എന്നോട് തന്നെ വെറുപ്പ് തോന്നി..
ഇതിനെല്ലാം പ്രായശ്ചിത്തം ചെയ്യണം എന്ന് ഞാൻ മനസ്സിൽ കരുതി സ്റ്റിയറിങ്ങിൽ തല വച്ചു കുറച്ചു നേരം കിടന്നു…..

ഇനി അവൾ ഒരിക്കലും എന്നെ സ്നേഹിക്കാൻ കഴിയുമോ എന്നറിയില്ല.. എന്നാൽ ഇനി അവളെ ഞാൻ നല്ല രീതിയിൽ സ്നേഹിക്കും.. എന്നാൽ കഴിയുന്ന പോലെ.. അവൾ തിരിച്ചു സ്നേഹിക്കുന്നവരെ ഞാൻ കാത്തിരിക്കും….

പിന്നീട് അങ്ങോട്ട്‌ ഉള്ള യാത്രയിൽ ഞങ്ങൾ മൗനം ആയിരുന്നു… പരസ്പരം ഒന്നു നോക്കുവാൻ പോലും കഴിയാതെ ഞങ്ങൾ യാത്ര തുടർന്നു.. ഇടയ്ക്കു ആഹാരം കഴിക്കാൻ ആയി വണ്ടി നിർത്തി.. എന്നാൽ എനിക്കു ഒന്നും കഴിക്കാൻ കഴിഞ്ഞില്ല….. ഞാൻ ഓരോ ചിന്തയിൽ അങ്ങനെ നിന്നു.. എനിക്കു മനസ്സിനെ നിയന്ത്രണം ഇല്ലാത്ത പോലെ..

അങ്ങനെ യാത്രക്ക് ഒടുവിൽ ഞങ്ങൾ വീട്ടിൽ എത്തി.. എത്തിയപ്പോൾ സമയം 11 ആയിരുന്നു.. ഞാൻ നേരെ പോയി കുളിച്ചു ബാൽക്കണിയിൽ പോയി ഇരുന്നു.. എപ്പോഴോ അവിടെ ഇരുന്നു ഉറങ്ങിപ്പോയി..
ഒന്നു രണ്ടു ദിവസ്സങ്ങൾ പിന്നെയും പോയി.. അവൾക്കു എന്നെ വലിയ മൈൻഡ് ഒന്നും തന്നെ ഇല്ല ഇപ്പോൾ.. അത് എനിക്കു ചെറിയ വിഷമം ഒക്കെ ഉണ്ടാക്കി… എനിക്കു ചെറിയ വിഷമം ഒക്കെ ഉണ്ടായിരുന്നു.. എനിക്കു അവളോട്‌ അടുക്കാൻ പറ്റാതെ ആയി..

ഓഫീസിൽ ഇരിക്കുന്ന സമയവും അവളെ പറ്റി ആയിരുന്നു.. എന്റെ ചിന്ത അവൾക്കു എന്നോട് അന്ന് ഇഷ്ടം ആയിരുന്നില്ലേ എന്ന് ഞാൻ പലവട്ടം ആലോചിച്ചു.. എന്നാൽ ഇന്ന് അവൾക്കു എന്നോട് അങ്ങനെ ഒരു ഇഷ്ടം ഒന്നും ഉള്ളതായി എനിക്കു തോന്നുന്നില്ല.. ഞാൻ ആശയകുഴപ്പത്തിൽ തന്നെ പോന്നു….

എന്നാൽ ഞാൻ അവളെ സ്നേഹിക്കണം എന്ന് തന്നെ തീരുമാനിച്ചു.. എന്നാൽ എങ്ങനെ എന്ന് എനിക്കു വലിയ ധാരണ ഇല്ലായിരുന്നു…. അച്ചുവിനോട് ഞാൻ എല്ലാം കാര്യവും പറയുമായിരുന്നു.. എന്നാൽ അവൾ എല്ലാം ശെരിയാകും എന്ന് പറഞ്ഞു സമാധാനിപ്പിച്ചു.. അവളുടെ പ്രെസെൻസ് ഒരുപരിധി വരെ എനിക്കു ഉണർവ് നൽകി.. ഇതിനിടയിൽ ആര്യ എന്റെ മനസ്സിൽ കയറി കൂടിയിരുന്നു… അവളെ എനിക്കു ഇപ്പോൾ പഴയതിനെക്കലും ഇഷ്ടം ആണ്.. എന്നാൽ അത് പ്രകടിപ്പിക്കാൻ ഞാൻ തയാറായില്ല..

ഇപ്പോൾ അവളും എന്നെ നന്നായി അവോയ്ഡ് ചെയ്യാൻ തുടങ്ങി എന്ന് തോന്നി.. ഇപ്പോ മുറിയിൽ അവൾ എന്നെ ഒന്നു നോക്കുന്നു കൂടി ഇല്ലായിരുന്നു.. ഞാൻ ആകെ വട്ടുപിടിച്ച അവസ്ഥ…. ഒരുമിച്ചു ഒരേ കട്ടിലിൽ കിടക്കുമെങ്കിലും ഞങ്ങൾ അപരിചിതർ ആയിരുന്നു…

ഇപ്പോൾ അവൾ എന്നെ രാവിലെ വിളിച്ചുണർത്താറില്ല അവളും അവളുടെ വാശികളും ആയി മുന്നോട്ടു പോയി… അമ്മ മാർക്ക് ചെറിയ സംശയം ഒക്കെ തോന്നി തുടങ്ങി എന്ന് എനിക്കു തോന്നി.. കാരണം ഇപ്പോൾ ഞാനും അവളും മറ്റുള്ളവരുടെ മുന്നിൽ പോലും വലിയ അടുപ്പം ഒന്നും കാണിക്കുന്നില്ല.. എന്നാൽ അവർ ഒന്നും ചോദിച്ചുമില്ല…..

എന്നാൽ എനിക്കു അവളെ അങ്ങനെ വിടാൻ ഉദ്ദേശം ഇല്ലായിരുന്നു.. ഞാൻ അവളെ നല്ല രീതിയിൽ തന്നെ ശ്രെദ്ധിച്ചു… അവളുടെ സൗന്ദര്യം കാണുമ്പോൾ എനിക്കു ചിലനേരം അസ്സുയയും കുറ്റബോധവും ഒക്കെ തോന്നും.. ഞാൻ എന്നെ തന്നെ പലപ്പോഴും തെറിവിളിക്കും.. എന്റെ ഈഗോ ആണ് എല്ലാത്തിനും കാരണം എന്നു എനിക്കു അറിയാം..

ഞാൻ ഇപ്പോൾ ഓഫീസിൽ നിന്നും നേരത്തെ ഇറങ്ങാൻ തുടങ്ങി.. എന്നും പോകുമ്പോൾ അവൾക്കു എന്തേലും സാധനം ഒക്കെ വാങ്ങി കൊണ്ടുപോകും.. അവൾക്ക് മസാലദോശ യും, മട്ടൻ ബിരിയാണിയും, സ്റ്റൗബെറി ഐസ്ക്രീം ഒക്കെ ഭയങ്കര ഇഷ്ടം ആണ്… മിക്ക ദിവസ്സവും ഞാൻ അവൾക്കു അത് ആരും കാണാതെ വാങ്ങി കൊണ്ട് കൊടുക്കും.. കയ്യിൽ കൊടുക്കില്ല ഞാൻ ബെഡിൽ വച്ചിട്ട് ഒരു സ്മൈലി ബോളും എടുത്തു വാക്കും.. അവൾ അതൊക്കെ കഴിക്കും എന്നാണ് ഞാൻ വിശ്വശ്ശിക്കുന്നത്.. എന്നാൽ അവൾ അതിനെ പറ്റി ഒന്നും തന്നെ എന്നോട് പറയുകയോ ഒന്നും തന്നെ ചെയ്യുന്നില്ലായിരുന്നു….
ഓരോ ദിവസ്സംവും ഓരോ സാധനം ഞാൻ അവൾക്കായി കൊണ്ട് കൊടുക്കും.. അവളുടെ മുഖത്തു ഇപ്പോൾ ചെറിയ പുഞ്ചിരി ഒക്കെ കാണാം എന്നാൽ ഞാൻ കാണുമ്പോൾ അതൊക്കെ മറയ്ക്കും.. എനിക്കും അത് കാണുമ്പോൾ സന്തോഷം വരാൻ തുടങ്ങി.. എന്നാൽ അവളോട്‌ എല്ലാം തുറന്നു സമാരിക്കാൻ ഒന്നും കഴിയുന്നില്ല…

ചില ദിവസ്സം ഞാൻ അവൾക്കു വീട്ടിൽ ഇടാൻ പാകത്തിന് ഉള്ളത് ഡ്രസ്സ്‌ ഒക്കെ വാങ്ങി കൊടുക്കും അവൾ അതൊക്കെ ഇട്ടോണ്ട് വരുമ്പോൾ എനിക്കു വലിയ സന്തോഷം ആണ്.. അവൾക്കു എന്നോട് ഇപ്പോഴും ഇഷ്ടം ഉണ്ടെന്നു എനിക്കു മനസിലായി..

മണിക്കുട്ടി ഇടയ്ക്കു വിളിക്കും… അവർ പോയിട്ട് ഇപ്പോൾ ഒരാഴ്ച ആയി… അവർ അവിടെ അടിച്ചു പൊളിക്കുക ആണ്.. എന്നാൽ എന്നെ വിളിക്കുമ്പോൾ അവൾക്കു എന്നെ മിസ്സ്‌ ചെയ്യുന്നു ഒക്കെ പറയും… ഞങ്ങൾ കൂടി ഒപ്പം പോകാൻ ഉള്ളതായിരുന്നു എന്ന് ഒക്കെ പറയും… ഞാൻ അവളെ സമാധാനിപ്പിച്ചു വിടും.

ഇടക്ക്ക് ചില ദിവസ്സങ്ങളിൽ ഞങ്ങൾ ആര്യയുടെ വീട്ടിൽ പോയി നിൽക്കുമായിരുന്നു.. അവർക്കും അത് വലിയ സന്തോഷം ആണ്… ഇടയ്ക്കു അവളുടെ അച്ഛനുമായി ചെറിയ രീതിയിൽ വെള്ളം ഒക്കെ അടിക്കും ഓവർ ആകില്ല എന്നാലും ഒരു സന്തോഷം എന്നാ രീതിയിൽ… എന്നാൽ ഇതൊന്നും അവൾക്കു ഇഷ്ടം ആകുന്നില്ലായിരുന്നു അവൾ എന്നോട് നേരിട്ട് പറയില്ല.. അവളുടെ അച്ഛനെയും പിടിച്ചു എന്തൊക്കയോ പറഞ്ഞു വഴക്ക് പറയും..
അദ്ദേഹം അത് എന്നോട് പറയും അതൊക്കെ കേൾക്കുമ്പോൾ എനിക്കു ചിരി വരും.. അവൾക്കു എന്നോട് സ്നേഹം ഉണ്ട്.. എന്നാൽ അവൾക്കു എന്തൊക്കയോ വാശിയും….. ഇണക്കവും പിണക്കവും ആയി ഞങ്ങളുടെ ജീവിതം മുന്നോട്ടു പോയി…

+107

-13