ഞെട്ടിപ്പോയി..ഇന്ന് ബസിൽ വെച്ച് തന്നെ ശല്യപ്പെടുത്തിയവൻ.. താൻ കരണക്കുറ്റിക്കടിച്ചവൻ..
“ അറിയോടീ നിയെന്നെ… ?..ബസിൽ വെച്ച് ഞാനൊന്ന് തൊട്ടെന്നും പറഞ്ഞ് നീ അടിച്ചത് എന്നെയാ… ഞാനത് മറക്കില്ല… നമുക്ക് ഒന്നു കുടി ഒന്ന് കാണണം… “..
അതും പറഞ്ഞ് അവൻ പകയോടെ ശോഭയെ ഒന്ന് നോക്കി.. പിന്നെ ഹെൽമറ്റ് താഴ്ത്തിയിട്ട് അവൻ ബൈക്കുമെടുത്ത് പോയി..
ശോഭ ശരിക്കും പേടിച്ചു..ആരാണിവൻ..?..തന്റെ പിന്തുടർന്നാണവൻ വന്നത്.. അവന്റെ മുഖത്ത് കത്തുന്ന പകയാണവൾ കണ്ടത്..എന്തിനാണ് തന്നോടിത്ര പക…..അവൻ തന്നെ ശല്യപ്പെടുത്തിയിട്ടല്ലേ അവനെ തല്ലിയത്..?.. നമുക്കൊന്ന് കൂടി കാണണം എന്നാണവൻ
പറഞ്ഞത്..എന്തിന്..?..ഒരു ഗുണ്ടയുടെ മുഖമാണവന്..
ശോഭ വേഗം ഗേറ്റ് തുറന്ന് അകത്തേക്ക് കയറി.. പിന്നേ… അവനിങ്ങ് വരട്ടെ..എന്താ ചെയ്യുകാന്ന് കാണാലോ.. ഇനി തന്നെ ശല്യപ്പെടുത്തിയാൽ ഇനിയും തല്ലും.. ഇവനെപ്പോലുളളവരെ പേടിച്ച് പുറത്തിറങ്ങണ്ടേ… ?..
വീട്ടിലേക്ക് കയറിയപ്പോഴേക്കും ശോഭ എല്ലാം മറന്നു.. ടേബിളിൽ ചൂടുള്ള പഴംപൊരിയും ചായയുമായി അവൾ വരുന്നതും കാത്തിരിക്കുകയാണ് അമ്മായച്ചനും, അമ്മായമ്മയും..
“”മോളേ… കയ്യും മുഖവും കഴുകി
വാ.. ചൂടാറുന്നതിന് മുൻപ് നമുക്ക് കഴിക്കാം…”..
ശോഭയെ കണ്ടതും അമ്മ പറഞ്ഞു…
“” ഞാനിപ്പ വരാം അമ്മേ…”..
അവൾ മുറിയിലേക്ക് കയറി ബാഗ് കൊണ്ട് വെച്ച് കയ്യും മുഖവും കഴുകി അവർക്കൊപ്പമിരുന്നു.. മൂന്നാളും വർത്തമാനമൊക്കെ പറഞ്ഞ് ചായയും പഴം പൊരിയും കഴിച്ചു..
“” അച്ചാ… അച്ഛന്റെ ഗുളിക നാളെ വാങ്ങാട്ടോ… ഇന്ന് ഓഫീസിന്റെ മുന്നിൽ നിന്ന് തന്നെ ഓട്ടോ വിളിച്ചാ പോന്നത്…””
“” സാരമില്ല മോളേ… അത് നാളെയോ, മറ്റന്നാളോ കിട്ടിയാലും മതി… “..
“” എന്താ മോളേ… ബസില്ലായിരുന്നോ..?”
അമ്മ ചോദിച്ചു…
“” എന്റമ്മേ… ബസൊക്കെ ഉണ്ടായിരുന്നു… രാവിലെ അങ്ങോട്ട് പോയപ്പോ തന്നെ മടുത്തു.,. എന്താ ഒരു തിരക്ക്…””..
“” സാരമില്ല മോളേ… മോളുടെ വണ്ടി ഞാൻ പഞ്ചറടച്ച് കൊണ്ടു വെച്ചിട്ടുണ്ട്…””..
ബസിൽ വെച്ചുണ്ടായ സംഭവവും,ഒരുത്തൻ തന്റെ പിന്നാലെ വന്ന് ഭീഷണിപ്പെടുത്തിയതും ശോഭ അവരോട് പറഞ്ഞില്ല.. ഇനിയെന്തെങ്കിലും ഉണ്ടായാൽ പറയാം എന്നാണവൾ വിചാരിച്ചത്…
അവർ എട്ട് മണിക്ക് തന്നെ ഭക്ഷണം കഴിച്ച് ഒമ്പത് മണിയോടെ കിടക്കും.. കഴിച്ച പാത്രം കഴുകാൻ പോലും അമ്മ ശോഭയെ സമ്മതിക്കില്ല.. അവൾ കഴിച്ച് കഴിഞ്ഞ് മുറിയിലേക്ക് പോയി.. വാതിലടച്ച് ബാത്ത്റൂമിൽ പോയി വന്ന് മൊബൈലുമായി ബെഡിലേക്ക് കിടന്നു.. നേരത്തേ കിടന്നാലും ശോഭ ഉറങ്ങുമ്പോ പന്ത്രണ്ട് മണിയാവും.. കുറേ സീരിയലൊക്കെ അവൾ മൊബൈലിൽ കാണും.. ഇടക്ക് സിനിമയും കോമഡിയുമൊക്കെ കാണും.. മലർന്ന് കിടന്ന് ഇയർ ഫോൺ ചെവിയിൽ കുത്തി സീരിയൽ കാണുകയാണ് ശോഭ.. ഇന്ന് രണ്ടാമത്തെ സീരിയലാണ്.. നേരം പത്ത് മണി കഴിഞ്ഞു.. അപ്പോഴാണ് മൊബൈലിലേക്ക് ഒരു കോൾ വന്നത്.. അറിയാത്ത നമ്പറാണ്.. എടുക്കണോ വേണ്ടേന്ന് അവളൊന്ന് ചിന്തിച്ചു.. ഈ നേരത്ത് ആരും വിളിക്കാറൊന്നുമില്ല..എന്തേലും അത്യാവശ്യമാകും.. അവൾ കോളെടുത്തു..
“” ഹലോ… ആരാണ്…?”
“” ശോഭയല്ലേ… ?””..
തീരെ പരിചയമില്ലാത്ത ഒരു പുരുഷ ശബ്ദം..
“” അതേ… ആരാണ്…?””..
“ എന്നെ മനസിലായില്ലേ ശോഭക്ക്…?””..
“” ഇല്ല… ആരാണ്… ?..എന്താ ഈ നേരത്ത്… ?””..
“ശോഭയെന്നെ മറക്കാൻ വഴിയില്ലല്ലോ….?”..
ഇത് ലൈൻ പഞ്ചാരയാണെന്ന് ശോഭക്ക് തോന്നി..
“”ആരായാലും കാര്യമെന്തെങ്കിലുമുണ്ടെങ്കിൽ പറയൂ.. അല്ലേൽ ഞാൻ കട്ടാക്കുകയാണ്..””..
താൽപര്യമില്ലാത്ത മട്ടിൽ ശോഭ പറഞ്ഞു..,
“”അങ്ങിനെയങ്ങ് കട്ടാക്കല്ലെ,, എനിക്ക് പറയാനുള്ളത് കേട്ടിട്ട് നീ കട്ടാക്കിയാ മതി… “..
അതിലുള്ള ഭീഷണിയുടെ സ്വരം ശോഭയെ ഞെട്ടിച്ചു..