അവന്റെ വായിൽ നിന്നും വന്ന അലർച്ച ആ കംപാർട്മെന്റിനുള്ളിൽ പ്രതിധ്വനിച്ചു. പാഞ്ഞടുത്ത നാലാമൻ എക്സിന്റെ മുതുകിൽ ആഞ്ഞു ചവിട്ടി. അവൻ തെറിച്ചു ഒന്നാമന്റെ മുന്നിൽ ചെന്ന് വീണു. മുഖം പൊത്തി ഒരിടി ഒന്നാമന്റെ വക എക്സിന് കിട്ടി. രണ്ടാമത്തെ അടിക്ക് അവൻ തയ്യാറാകുന്ന സമയം എക്സ് അവന്റെ കാല് രണ്ടിലും പിടിച്ചു മുന്നിലേക്ക് വലിച്ചു.
അടിതെറ്റി അവൻ മറിഞ്ഞു വീണു. എന്നാൽ നാലാമനും സമനില വീണ്ടെടുത്ത മൂന്നാമനും ചേർന്ന് വീണ്ടും എക്സിന്റെ മുതുകിൽ തന്നെ തൊഴിച്ചു. അന്നേരം കൊണ്ട് ആ ബോഗിയുടെ മറുതലക്കൽ നിന്നും അഞ്ചാമത് ഒരാൾ കൂടി ഊരി പിടിച്ച കത്തിയുമായി അവരുടെ അടുത്തേക്ക് വന്നുകൊണ്ടിരിന്നു.
ജീവൻ വീണ്ടും കൈ വിട്ട് പോകാൻ പോകുന്നു എന്നൊരു തോന്നൽ ഒരു മിന്നൽ പോലെ അവന്റെ ഉള്ളിൽ വീശിയടിച്ചു. മുന്നിൽ നിൽക്കുന്നവർ ആരാണെന്നു അറിയില്ല. എന്നാൽ അവരുടെ രണ്ട് പേരുടെയും ചുണ്ടിൽ ചിരി വിടരുന്നത് എക്സ് കണ്ടു.കമ്പിസ്റ്റോറീസ്.കോം അവരുടെ പിന്നിൽ അഞ്ചാമനും വന്നു നിന്നു.
“ആരാടാ നായെ നീ? പൊലീസോ? നിന്റെ വേഷോം ഭാവോം ഒക്കെ കണ്ടിട്ട് അങ്ങനെ തോന്നുന്നില്ലല്ലോ. എന്തിനാ നീ ഇതിൽ വലിഞ്ഞു കയറിയത്?” അഞ്ചാമൻ അവനു നേരെ ചീറിക്കൊണ്ട് ചോദിച്ചു.
“നാവിറങ്ങി പോയോട കള്ള കഴുവേർടെ മോനേ??” മൂന്നാമന്റെ മുഷ്ടി അവന്റെ മുഖം പൊളിക്കാൻ ആയി പാഞ്ഞു വന്നതും അവൻ ഒരു ആർത്തനാദത്തോടെ എക്സിന്റെ മുകളിൽ കൂടി തെറിച്ചു വീണതും ഒന്നിച്ചായിരുന്നു. എന്താണ് സംഭവിച്ചത് എന്നറിയാൻ തിരിഞ്ഞ അഞ്ചാമന്റെ അലർച്ച കേട്ട് എക്സും നാലാമനും ഒരുപോലെ നടുങ്ങി. ബോഗിയുടെ രണ്ട് വശത്തും ഉള്ള ബെർത്തിന്റെ കമ്പിയിൽ തൂങ്ങി അഞ്ചാമന്റെ നെഞ്ചിലും കഴുത്തിലും ഒരേപോലെ മാറി മാറി ചവിട്ടുന്ന ഒരു പെൺകുട്ടിയെ കണ്ട് എക്സ് ഞെട്ടി.
ഞൊടിയിടയിൽ സമനില വീണ്ടെടുത്ത എക്സ് അവൾക്ക് നേരെ തിരിഞ്ഞ നാലാമനെ പിന്നിൽ നിന്നും പിടിച്ച് ട്രെയിനിന്റെ ജനലിൽ തല ചേർത്ത് ഇടിച്ചു.
ഇടതടവില്ലാതെ ഉള്ള അവളുടെ പ്രഹരങ്ങൾ കൊണ്ട അഞ്ചാമൻ മൂക്കിൽ നിന്നും വായിൽ നിന്നും ചോര ഒലിപ്പിച്ചു നിലത്തേക്ക് വീണു. തികഞ്ഞ ഒരു അഭ്യാസിയുടെ മെയ്വഴക്കം ആയിരുന്നു അവളിൽ.
അപ്പോഴേക്കും പിടഞ്ഞെഴുനേറ്റ ഒന്നാമന്റെ തുടയിൽ രണ്ടാമന്റെ കാലിൽ നിന്നും ഊരിയെടുത്ത കത്തി അവൾ കയറ്റിയിരുന്നു. പച്ച മാംസത്തിൽ ഇരുമ്പ് ഉരഞ്ഞു കയറിയ സുഖം അയാൾ നല്ലോണം തന്നെ അനുഭവിച്ചു. നിമിഷ നേരം കൊണ്ട് അവർ രണ്ടുപേരും ചേർന്ന് അവന്മാരെ എല്ലാം കീഴ്പെടുത്തി. അവളുടെ മനസ്സാന്നിധ്യവും ആയോധന മികവും അവനെ ശെരിക്കും അത്ഭുതപെടുത്തി.
ഒരു നിമിഷം അവർ രണ്ടും മുഖത്തോട് മുഖം നോക്കി നിന്നു. അവൻ നോക്കി നിൽക്കെ അവളുടെ കണ്ണുകൾ നിറഞ്ഞു ഒഴുകാൻ തുടങ്ങി. എന്ത് കൊണ്ടോ എന്തോ അവന്റെ കണ്ണും അറിയാതെ നിറഞ്ഞുപോയി.
അവൾ ഓടി വന്ന് എക്സിനെ കെട്ടിപിടിച്ചു വരിഞ്ഞു മുറുക്കി നെഞ്ചിൽ തല ചായ്ച്ചു വിങ്ങിപ്പൊട്ടി. അവൻ കണ്ടു… അവളുടെ കയ്യിലെ പച്ച കുത്തിയ പറവക്കൂട്ടത്തെ.
“ഏട്ടാ….” അവളുടെ ആ വിളി കേട്ട് അവൻ ചലനമറ്റു നിന്നുപോയി. കയ്യും കാലും ഒക്കെ തളരുന്ന പോലെ.
“ഏട്ടനെ അന്ന് അവർ കൊന്നു എന്ന് തന്നെയാണ് ഞാൻ വിചാരിച്ചത്. എന്റെ ബോധം മറയുന്നതിനു മുൻപ് ഞാൻ കണ്ടത് അവർ ഏട്ടനെ തൂക്കി കാട്ടിലേക്ക് എറിയുന്നത് ആണ്.” അവൾ കരഞ്ഞുകൊണ്ട് അത്രയും പറഞ്ഞു ഒപ്പിച്ചു.
“ഏട്ടൻ…. അതെ ഞാൻ ഇത്രനാൾ തേടി നടന്നത് വെറും ഒരു പെണ്ണിനെ ആയിരുന്നില്ല, എന്റെ സ്വന്തം അനിയത്തിയെ തന്നെ ആയിരുന്നു. ഒറ്റ രാത്രികൊണ്ട് അനാഥൻ ആണെന്ന് വിശ്വസിച്ചിരുന്ന എനിക്ക് ഒരു കുഞ്ഞിപ്പെങ്ങളെ കിട്ടിയിരിക്കുന്നു.” എക്സിന്റെ കൈകൾ യാന്ത്രികമായി അവളെ വലയം ചെയ്തു.
“മോളെ…” എക്സിന്റെ ശബ്ദം ചിലമ്പിച്ചു പോയി. അവന്റെ വിളി കേട്ടതും അവളുടെ കരച്ചിലിന് ശക്തി കൂടി. ട്രെയിൻ അപ്പോഴും ഓടിക്കൊണ്ടേ ഇരുന്നു.
“എനിക്ക്… എനിക്ക് നിന്നോട് ഒരുപാട് കഥകൾ പറയാനുണ്ട്, എല്ലാം മനസ്സിലാക്കി എടുക്കാനും അതൊക്കെ ഉൾക്കൊള്ളാനും നിനക്ക് കുറച്ച് സമയം വേണ്ടി വരും. പക്ഷേ അതിനൊക്കെ മുൻപ് എനിക്ക് ഇവിടെ എന്താണ് നടക്കുന്നത് എന്ന് നീ പറഞ്ഞു തരണം.” രണ്ട് പേരുടെയും കരച്ചിൽ തെല്ലൊന്ന് അടങ്ങിയപ്പോൾ അവൻ ചോദിച്ചു.