“അസ്‌ലാൻ…” “അസ്‌ലാനോ? ആരാ അയാൾ? എന്തിനാ അയാൾ നിങ്ങളെ ഒക്കെ കടത്തിക്കൊണ്ട് പോയത്? ജാനകി പറഞ്ഞത് കേട്ട് എക്സ് ചോദിച്ചു. “അയാൾ ഒരു ഗുണ്ടാ തലവൻ ആണ്, ഇമ്മോറൽ ട്രാഫികിന് ആയിട്ടാണ് അയാൾ ഞങ്ങളെ എല്ലാം തട്ടിക്കൊണ്ടു പോയത്. തട്ടിക്കൊണ്ടു പോയവരെ ഒക്കെ അയാൾ വലിയ വലിയ ആളുകൾക്കു വിൽക്കും അല്ലെങ്കിൽ ഏതെങ്കിലും വേശ്യാലത്തിനു വിൽക്കും. ഇത്പോലെ ഉള്ള പെൺകുട്ടികളെ ലക്ഷങ്ങൾ കൊടുത്തു വാങ്ങാൻ ആളുകൾ ഉണ്ട് നമ്മുടെ രാജ്യത്ത്.” അത് പറഞ്ഞു കഴിഞ്ഞതും അവൾ കരഞ്ഞു പോയിരുന്നു.
ഒരുപക്ഷേ ഇന്ന് ഞാൻ ഇവളെ കണ്ടുമുട്ടിയില്ലായിരുന്നു എങ്കിൽ ഇവളെയും അവർ ഏതെങ്കിലും വേശ്യാലത്തിനു വിറ്റ് കാശാക്കുമായിരുന്നു. അത് ഓർത്തതും അവന്റെ മനസ്സിൽ ഒരു കൊള്ളിയാൻ മിന്നി. അവൻ ജാനകിയെ ചേർത്ത് പിടിച്ചു.
“ഇനി ഒരുത്തനും ഇവളുടെ മേൽ കൈ വെക്കാൻ ഞാൻ അനുവദിക്കില്ല…” അവൻ ജാനകിയെ തന്റെ കൈകൊണ്ട് വലയം ചെയ്തു മനസ്സിൽ പറഞ്ഞു. അവൾക്കും അത് എന്തെന്നില്ലാത്ത ഒരു സുരക്ഷിതത്വ ബോധം നൽകി.
“ജാനകി… നിങ്ങൾ എല്ലാം വിചാരിക്കും പോലെ ഇത് വെറും ഇമ്മോറൽ ട്രാഫിക് അല്ല. നിങ്ങൾക്ക് ആർക്കും ഒരു പോറൽ പോലും വരാൻ അവൻ സമ്മതിക്കില്ല. കാരണം നിങ്ങൾ ആരോഗ്യത്തോടെ ഇരുന്നാൽ മാത്രമേ അവനു അവനുദ്ദേശിക്കുന്ന കാര്യം നടക്കു.” കിഷോർ പറഞ്ഞത് ആർക്കും പക്ഷേ പൂർണമായി മനസിലായില്ല.
“മനസിലായില്ല കിഷോർ എന്താ ഉദ്ദേശിച്ചത്. ശെരിക്കും അപ്പോ അയാൾ എന്തിനാ ഇവരെയൊക്കെ കടത്തിക്കൊണ്ട് പോയത്.” ശ്രീഹരി അക്ഷമനായി ചോദിച്ചു.
“ഓർഗൻ ട്രാഫിക്കിങ്…അതിന് വേണ്ടി ആണ് ഇവൻ എല്ലാവരെയും കടത്തി കൊണ്ട് പോയത്.” കിഷോർ പറഞ്ഞത് കേട്ട് എല്ലാവരും ഒരുപോലെ ഞെട്ടി.
“അതെ.. ഇന്ന് ഈ ലോകം നേരിടുന്ന ഏറ്റവും വലിയ ഓർഗനൈസ്ഡ് ക്രൈം ആണ് ഓർഗൻ ട്രാഫിക്കിങ് അഥവാ അവയവ കടത്തു. ലോകത്ത് നടക്കുന്ന എല്ലാ അവയവ മാറ്റ ശാസ്ത്രക്രിയകളുടെയും 10% അവയവം ഇത്പോലെ ഇല്ലീഗൽ അവയവ കടത്തു വഴി ആണ്. അതിൽ ഏറ്റവും പ്രധാന അവയവം ആണ് കിഡ്നി. കണക്കുകൾ നോക്കുവാണെങ്കിൽ ഒരു വർഷം ഇത്പോലെ കൈമാറ്റം ചെയ്യപ്പെടുന്ന കിഡ്നിയുടെ എണ്ണം 10000 നും മുകളിൽ ആണ് അതായത് ഒരു മണിക്കൂറിൽ ഒന്നിൽ കൂടുതൽ.”
“പക്ഷേ..പക്ഷേ ഇതെങ്ങനെ സാധ്യമാവും, ഒരാളുടെ സമ്മതം ഇല്ലാതെ എങ്ങനെ അയാളുടെ അവയവം എടുക്കാൻ പറ്റും.” രാധികയുടെ സ്വരത്തിൽ ഭീതി നിറഞ്ഞിരുന്നു.
“അതിനുള്ള ഉത്തരം ആണ് നമ്മൾ ഇന്നിവിടെ ഈ ഇരുട്ടിന്റെ മറപറ്റി നിൽക്കുന്നത്. നമ്മളുടെ സമ്മതം ഇല്ലാതെ ആണ് അവർ നമ്മളുടെ അവയവങ്ങൾ കൈക്കലാക്കുന്നത്. അത്കൊണ്ടാണ് ഇത് ഒരു ക്രൈം ആയതും. സാധാരണ രീതിയിൽ പല വികസിത രാജ്യങ്ങളിൽ നിന്നും ഉള്ള ആളുകൾ ഏജന്റ്മാർ വഴി ദരിദ്ര രാജ്യങ്ങളിൽ നിന്നുള്ള ദരിദ്രരായ ആൾക്കാരെ കണ്ടെത്തി പണം കൊടുക്കാം എന്ന് പറഞ്ഞു സ്വാധീനിച്ചു അവരെ കൊണ്ട് സമ്മതിപ്പിക്കും. എന്നിട്ട് വെറും 70000 രൂപക്ക് ഒക്കെ അവരുടെ കിഡ്നി തട്ടിയെടുക്കും. അതിൽ തന്നെ മുഴുവൻ ക്യാഷ് ആ പാവങ്ങൾക്ക് കൊടുക്കില്ല. അതിൽ പകുതി ഏജന്റ് മുക്കും.
അതും പോരാഞ്ഞിട്ട് അവരുടെ ആ കിഡ്നി കസ്റ്റമർക് ലക്ഷങ്ങൾ വാങ്ങി വിൽക്കും. പണത്തിന് ആർത്തി മൂത്ത നായ്ക്കൾ. ത്ഫൂ…” കിഷോർ അവന്റെ അമർഷം പുറത്തേക്ക് തുപ്പി.
“പക്ഷേ ഞങ്ങളോട് അങ്ങനെ ആരും വന്നു അവയവം ദാനം ചെയ്യുന്നോ എന്ന് ചോദിച്ചില്ലലോ. ഞങ്ങളെ എല്ലാം ബലം പ്രയോഗിച്ചു തട്ടിക്കൊണ്ടു വന്നതാണ്.” ജാനകി പറഞ്ഞു.
“ശെരിയാണ്… ഞാൻ ഇപ്പൊ പറഞ്ഞത് ലോക്കൽ ഏജന്റ്മാരെ പറ്റിയാണ്, പക്ഷേ അസ്‌ലാനേ പോലെയുള്ള കൊടും ക്രിമിനൽസ് അതല്ല ചെയ്യുന്നത്. ഇത്പോലെ ആരെയെങ്കിലും ഒക്കെ തട്ടിക്കൊണ്ടു പോയി അവരുടെ അറിവോ സമ്മതമോ കൂടാതെ അവരുടെ അവയവങ്ങൾ എല്ലാം തട്ടിയെടുക്കും. അതായത് നിങ്ങളെ അവൻ കൊല്ലും. കിഡ്നി, ഹൃദയം, കണ്ണ്, മജ്ജ എന്ന് വേണ്ട ഒരു ശരീരത്തിൽ നിന്ന് എന്തെല്ലാം എടുക്കാൻ പറ്റുന്നുവോ അതെല്ലാം അവർ എടുത്തിരിക്കും. നിങ്ങളുടെ ഒരാളുടെ ശരീരം കൊണ്ട് അവനു കോടികൾ സമ്പാദിക്കാം.” കിഷോറിന്റെ കലിപൂണ്ട വാക്കുകൾ കേട്ട് ആ കൂട്ടം മുഴുവൻ നടുങ്ങി.
“വിശ്വസിക്കാനാവുന്നില്ല… പണത്തിന് വേണ്ടി ഇത്പോലെ ഒക്കെ ചെയ്യുക എന്ന് പറഞ്ഞാൽ…” ശ്രീഹരി എന്ത് പറയണം എന്നറിയാതെ കുഴങ്ങി.
“വിശ്വസിക്കണം… വിശ്വസിച്ചേ പറ്റു… കാരണം നമ്മൾ എല്ലാം ഇപ്പൊ അതിലെ ഇരകൾ ആണ്. ഹരിക്ക് അറിയുമോ ഇത് ലോകം മുഴുവൻ വ്യാപിച്ചു കിടക്കുന്ന ഒരു നെറ്റ്‌വർക്ക് ആണ്. ഒരു വർഷം ഇതിൽ നിന്നും വരുന്ന പൈസ എന്നത് ഏകദേശം 1.7 ബില്യൺ ഡോളർ ആണ്. ഇതിൽനിന്നു തന്നെ മനസിലാക്കാം ലോകത്ത് ഇത് എത്രയും വ്യാപിച്ചു കിടക്കുന്നു എന്നത്. പല രാജ്യങ്ങളിലും ഇപ്പോൾ ട്രാൻസ്‌പ്ലാന്റ് ടൂറിസം എന്ന പേരിൽ തന്നെ ആളുകളെ ഒരു രാജ്യത്ത് നിന്ന് മറ്റു രാജ്യത്തേക്ക് അവയവം സ്വീകരിക്കാനായി കടത്തി കൊടുക്കുന്ന വൻ ലോബികൾ ഉണ്ട്. മറ്റു ചില രാജ്യങ്ങളിൽ ഹ്യൂമൻ ഫാർമിംഗ് തന്നെ ഉണ്ട്. അതായത് മനുഷ്യരെ ഇതിനായി വേണ്ടി മാത്രം വളർത്തുന്ന ജയിൽ പോലത്തെ സ്ഥലം. ഒരു അറവ്മാടിനെ പോലെ അവിടുള്ളവർ ജീവിതം തള്ളി നീക്കുന്നു. ഇന്ത്യയിൽ തന്നെ നമ്മൾ കേട്ടിട്ടുള്ള പല മാൻ മിസ്സിംഗ്‌ കേസുകൾക്ക് പിന്നിലും ഇതുപോലൊരു വൻ ശൃംഖല ഉണ്ടാവും. പല വൻകിട മൾട്ടി സ്പെഷ്യലിറ്റി ഹോസ്പിറ്റലുകൾക്കും ഇതിൽ പങ്കുണ്ട്. അവരെയൊക്കെ സപ്പോർട്ട് ചെയ്യുന്ന കൊമ്പത്തെ അധികാരികളും ഉണ്ട്. എല്ലാവർക്കും വേണ്ടത് ഒന്ന് മാത്രം…. പണം…
ചില രാജ്യങ്ങൾക്ക് അവയവ ദാനത്തിനു ഒരു റൂൾ ഉണ്ട്, അതായത് അവയവം സ്വന്തം രാജ്യത്ത് ഉള്ളവർക്ക് മാത്രമേ ദാനം ചെയ്യാൻ പാടുള്ളു. പക്ഷേ ഇതെല്ലാം കാറ്റിൽ പറത്തി ആണ് ഇതുപോലുള്ള നാറികൾ ഇതെല്ലാം ചെയ്യുന്നത്.”
“പക്ഷേ ഇവരെ എല്ലാം തട്ടിക്കൊണ്ടു വന്നിട്ട് 3 മാസത്തിൽ കൂടുതൽ ആയി, എന്നിട്ടും ഇവരെ എന്ത്കൊണ്ട് അവർ ഇത്പോലെ ഒന്നും ചെയ്തില്ല?” ശ്രീഹരി അവന്റെ സംശയം ചോദിച്ചു. “ഹരി ഇത് നമ്മൾ വസ്തു കൈമാറുന്ന പോലെ അല്ല, അവയവം ആണ് അത്കൊണ്ട് തന്നെ ഈ പെൺകുട്ടികളുടെ ബ്ലഡ്‌ സാംപിൾസ്‌ അവയവം സ്വീകരിക്കുന്ന ആളുടേതുമായി മാച്ച് ആവണം എന്നാൽ മാത്രമേ ഇത് നടക്കു. ഒരു പക്ഷേ അവർ അതിന് വേണ്ടി വെയിറ്റ് ചെയ്തത് ആവാം.”
“ശെരിയാണ് ഞങ്ങളുടെ ബ്ലഡ്‌ ഒക്കെ അവർ ശേഖരിച്ചിരുന്നു.” രാധിക പറഞ്ഞു.
എല്ലാവരും എന്തോ ദുസ്വപ്നം കാണുന്നവരെ പോലെ നിന്നുപോയി. “അടുത്തത് നമ്മൾ ചെയ്യണ്ടത് ഈ പിള്ളേരെ എല്ലാം അവരുടെ വീട്ടുകാരെ ഏൽപ്പിക്കണം. പക്ഷേ ഇത്രയും പേരെ ഒന്നിച്ചു കാണാതായിട്ട് എന്ത്കൊണ്ട് ഇത് ഒരു വലിയ വാർത്ത ആയില്ല?” ശ്രീഹരി ചോദിച്ചു
