പോസിറ്റീവ് അയ ഒരു പ്രെഗ്നസി കിറ്റ്ന്റെ ഫോട്ടോ ആയിരുന്നു അത്.
അവൾ തന്നിരുന്ന നമ്പറിൽ ഞാൻ പിന്നീട് വിളിച്ചപ്പോൾ ഒന്നും കിട്ടിയിരുന്നില്ല. പക്ഷെ അതിൽ ഒന്നുകൂടി ട്രൈ ചെയ്യാം എന്ന് വിചാരിച്ചു ഞാൻ ആ നമ്പറിൽ വിളിച്ചു. റിങ് ഉണ്ട്. മുന്ന് ബെല്ലിന് ശേഷം അവൾ ഫോൺ എടുത്തു. അവൾ ഫോൺ എടുത്തു എന്ന് മനസിലാക്കിയ ഉടനെ ഞാൻ ചോദിച്ചു.
” എന്താ ബ്ലാക്‌മെയ്ൽ ചെയ്യാനുള്ള പരിപാടി ആണോ ”
” മെയിൽ കണ്ടായിരുന്നോ ”
” കണ്ടു അതുകൊണ്ടല്ലേ വിളിച്ചത് ”
” ഞാൻ എന്തിനാ നിങ്ങളെ ബ്ലാക്ക്മെയിൽ ചെയ്യുന്നത് “
” നിന്നെ ഒന്നും വിശ്വസിക്കാൻ പറ്റില്ല….. ആദ്യം ആയിട്ട് ഒന്നും ആയിരിക്കില്ലലോ നീ പ്രെഗ്നന്റ് ആവുന്നത് എന്ത് ചെയ്യണം എന്ന് നിനക്ക് അറിയില്ലേ ”
” നിങ്ങളുടെ എഗ്രിമെന്റഇൽ ഉണ്ടായിരുന്ന കാര്യം ആണ്‌ ഇത് അതുകൊണ്ടാ നിങ്ങളെ അറിയിക്കാം എന്ന് കരുതിയത് ”
” എന്ത് എഗ്രിമെന്റ്…. അതെല്ലാം കഴിഞ്ഞില്ലേ……… നീ അബോർട്ട് ചെയ്യ് ”
” അങ്ങനെ തന്നെയാണ് തീരുമാനിച്ചത്….. പക്ഷെ എനിക്ക് പറ്റുന്നില്ല ഈ കുഞ്ഞിനെ എനിക്ക് വേണം…… ഞാൻ പ്രേസവിക്കാൻ തീരുമാനിച്ചു ”
” നീ വിളച്ചിൽ എടുക്കല്ലേ ”
” നിങ്ങൾക്ക് ഇത് മൂലം ഒരു പ്രേശ്നവും വരില്ല…. അറിയിക്കണം എന്ന് തോന്നി അതുകൊണ്ട് പറഞ്ഞു….. ഞാൻ ആ മെയിൽ അയച്ചില്ലായിരുന്നു എങ്കിൽ നിങ്ങൾ അറിയുക പോലും ഇല്ലായിരുന്നു ”
” നീ ഇപ്പോൾ എവിടെ ഉണ്ട് ”
” സിറ്റിയിൽ തന്നെ ഉണ്ട് ”
” ഇത് വേറെ ആർക്കെങ്കിലും അറിയാമോ ”
” ഇല്ല ”
” നിനക്ക് പാസ്പോർട്ട്‌ ഉണ്ടെങ്കിൽ ഡീറ്റെയിൽസ് സെന്റ് ചെയ്….. വേറെ ദുരുദ്ദേശം ഒന്നും ഇല്ലെങ്കിൽ ഞാൻ പറയുന്ന ഫ്ലൈറ്റിൽ കേറണം.”
ഫോൺ വെച്ച് കഴിഞ്ഞു എനിക്ക് വല്ലാത്തൊരു മരവിപ്പ് ആയിരുന്നു. എപ്പോയോ തോന്നിയ ഒരു ഭ്രാന്ത് കാരണം എന്റെ കുഞ്ഞിനെ ഒരു വേശ്യ പ്രസവിക്കണം എന്ന് പറയുന്നു. ഒരു അച്ഛൻ അവൻ പോകുന്നു എന്നറിഞ്ഞ സന്തോഷവും. വല്ലാത്തൊരു ആശയകുഴപ്പത്തിൽ ആയിരുന്നു ഞാൻ. ഒരുപാട് സംശയങ്ങളും എന്നിൽ നിറഞ്ഞു.
തൽക്കാലം അവളെ ഇങ്ങോട്ട് കൊണ്ടുവരാം എന്ന് ഞാൻ തീരുമാനിച്ചു. അവൾ അയച്ചു തന്ന ഡീറ്റെയിൽസ് വെച്ച് ഞാൻ വിസ അപ്ലൈ ചെയ്തു. 14 ദിവസം കഴിഞ്ഞപ്പോൾ അവളുടെ വിസ റെഡി ആയി. ആ സമയത്ത് പല കാര്യങ്ങളും ഞാൻ തീരുമാനിച്ച് ഉറപ്പിച്ചിരുന്നു. എന്റെ മൂഡ് മാറിയത് മഹാലക്ഷ്മിയും മറ്റുള്ളവരും അറിയാതിരിക്കാൻ ഞാൻ അവരിൽ നിന്നും അകന്നു.
ഒരു മാസം കഴിഞ്ഞ് എല്ലാ ക്ലീറൻസും കഴിഞ്ഞു അവൾ ഇന്ന് ഇവിടെ എത്തും. ഞാൻ അവളെ പിക്ക് ചെയ്യാൻ എയർപോർട്ടിൽ ചെന്നു.
ദുരെ നിന്നും ട്രോളിയും തള്ളിവരുന്ന അവളെ ഞാൻ കണ്ടു. എനിക്ക് അവളോട് വെറുപ്പ് ഉണ്ടായിരുന്നെങ്കിലും അവളുടെ ഉദ്ദേശം അറിയാൻ വേണ്ടി ഞാൻ അവളോട് ഉള്ള ദേഷ്യം അടക്കി പിടിച്ചു. അവൾ എന്നെ കണ്ട് ചിരിച്ചു. ഞാൻ അവൾ എന്നെ കണ്ടെന്നു മനസിലാക്കി കാറിനടുത്തേക്ക് നടന്നു. അവൾ ട്രോളിയും ആയി എന്റെ പുറകെ നടന്നു. കാറിൽ കയറിയ ഞാൻ ഡിക്കി തുറന്നു കൊടുത്തു. അവൾ അവളുടെ ബാഗ് ഡിക്കിയിൽ വെച്ച് കാറിന് പിന്നിൽ കയറി. ഞാനോ അവളോ ഒന്നും തന്നെ മിണ്ടിയില്ല. ഞാൻ അവളെയും കൊണ്ട് നേരെ ലേക്‌-എരി ഹോസ്പിറ്റലിലേക്ക് ആണ്‌ പോയത്. കാർ ഹോസ്പിറ്റലിൽ നിറുത്തി അവളോട് ഇറങ്ങാൻ പറയാൻ അവളെ നോക്കിയപ്പോൾ അവളുടെ ചുണ്ടിൽ ഒരു പുഞ്ചിരി ഞാൻ കണ്ടു. അത് കണ്ട് എനിക്ക് ദേഷ്യം ആണ്‌ വന്നത്.
” ഇറങ്ങ് ”
ഞാൻ അവളോട് പറഞ്ഞുകൊണ്ട് കാറിൽ നിന്നും ഇറങ്ങി. അവൾ എന്റെ പുറകെ നടന്നു. ഞാൻ നേരെ അവിടുത്തെ ലാബ് സെക്ഷൻ ലേക്കാണ് പോയത്.
” ഞാൻ പറഞ്ഞത് കള്ളം ആണെന്ന് തോന്നുന്നുണ്ടോ ….. ”
അവൾ എന്നോട് ചോദിച്ചപ്പോൾ ഞാൻ അവളോട് പറഞ്ഞു.
” നീ പ്രെഗ്നന്റ് ആണെന്ന് നിന്നെ കണ്ടാൽ തന്നെ മനസിലാവും…… പിന്നെ നീ കള്ളം പറഞ്ഞിട്ടുണ്ടോ എന്ന് നോക്കാൻ തന്നെയാണ് ഇവിടെ വന്നിട്ടുള്ളത്…. നീ വാ ”
ഹോസ്പിറ്റലിൽ ഞാൻ നേരത്തെ അപ്പോയിമെന്റ് എടുത്തിട്ടുള്ളത് കൊണ്ട്. ഒരു സിസ്റ്റർ എന്നെയും അവളെയും അകത്തേക്ക് കുട്ടികൊണ്ട് പോയി. അവളുടെയും എന്റെയും ബ്ലഡ്‌ സാമ്പിൾസ് എടുത്തു. അവൾ ഒന്നും മനസിലാവാതെ എന്നെ നോക്കി.
” കാർത്തി ”
ഹോസ്പിറ്റലിൽ നിന്നും കാറിൽ കേറുമ്പോൾ അവൾ എന്നെ വിളിച്ചു.ഞാൻ തിരിഞ്ഞു നിന്നു അവളോട് പറഞ്ഞു.
” നീ പ്രെഗ്നന്റ് ആണ്‌ അത് എനിക്ക് മനസിലായി. പക്ഷെ കുഞ്ഞ് എന്റേത് ആണെന്ന് ഞാൻ ഉറപ്പു വരുത്തണ്ടേ…… നിന്റെ തൊഴിൽ അങ്ങനതെത് ആണല്ലോ ”
” ഞാൻ അന്ന് നിന്റെ വീട്ടിൽ നിന്നും ഇറങ്ങിയ ശേഷം ഒരു ക്ലൈന്റ്നെയും അറ്റന്റ് ചെയ്തിട്ടില്ല “
” ഇപ്പോൾ നമ്മൾ ബ്ലഡ്‌ സാമ്പിൾസ് കൊടുത്തത് കുഞ്ഞിന്റെ ഡി എൻ എ ടെസ്റ്റ്‌ന് വേണ്ടിയാണ് റിസൾട്ട്‌ പത്ത് ദിവസത്തിനകം വരും……. അത് വരെ നമുക്ക് ഈ വിഷയം സംസാരിക്കേണ്ട……. നിനക്ക് വേണം എങ്കിൽ ചെക്ക്അപ്പ്‌ ചെയ്യാം ഇവിടെ നല്ല ഡോക്ടർസ് ഉണ്ട് ”
” വേണ്ട ”
” ഒക്കെ എങ്കിൽ കാറിൽ കേറൂ ”
ഞാൻ അവളെ ഹോസ്പിറ്റലിന് അടുത്തുള്ള ഒരു വില്ലയിലേക്ക് കൊണ്ട് പോയി. അവൾക്ക് വേണ്ടി ഞാൻ റെന്റിന് എടുത്തത് ആയിരുന്നു അത്. അതിന് മുന്നിൽ കാർ നിർത്തി. എന്നിട്ട് അവൾക്ക് നേരെ എന്റെ കയ്യിൽ ഉണ്ടായിരുന്ന കീ കൊടുത്തുകൊണ്ട് ഞാൻ പറഞ്ഞു.
” ഇവിടെയാണ് തൽക്കാലം നീ താമസിക്കുന്നത്. ഒരു വീട്ടിൽ വേണ്ട എല്ലാ കാര്യങ്ങളും അതിനുള്ളിൽ ഉണ്ട് എന്തെങ്കിലും അത്യാവശ്യം ഉണ്ടെങ്കിൽ മാത്രം എന്നെ വിളിച്ചാൽ മതി……… ഞാൻ റിസൾട്ട്‌ കിട്ടിയിട്ട് ഇങ്ങോട്ട് വരാം അത് കഴിഞ്ഞു നമ്മുക്ക് ബാക്കി കാര്യങ്ങൾ തീരുമാനിക്കാം ”
അവൾ ഒന്നും മിണ്ടാതെ കാറിൽ നിന്നും ഇറങ്ങി. ഞാൻ ഡിക്കി തുറന്നു കൊടുത്തു. അവൾ ബാഗ് എടുത്ത് ഡിക്കി അടച്ചതും ഞാൻ വണ്ടി മുന്നോട്ട് എടുത്തു.
പിന്നീട് മഹാലക്ഷ്മിയെ കണ്ടപ്പോൾ അവൾ എന്റെ മാറ്റം ശ്രെദ്ധിച്ചു. അവൾ അത് എന്നോട് ചോദിച്ചെങ്കിലും ഞാൻ ഒന്നും പറയാതെ ഒഴിഞ്ഞുമാറി.
പത്താം ദിവസം ഹോസ്പിറ്റലിൽ നിന്നും കാൾ വന്നു. ഞാൻ ഹോസ്പിറ്റലിൽ പോയി റിസൾട്ട്‌ വാങ്ങി.
ഒരിക്കലും സത്യം ആവല്ലേ എന്ന് വിചാരിച്ചത് തന്നെ നടന്നിരിക്കുന്നു. അവളുടെ വയറ്റിൽ ഉള്ളത് എന്റെ കുഞ്ഞ് തന്നെയാണെന്ന് റിസൾട്ട്‌ പറയുന്നു.
ഞാൻ റിസൾട്ടും മറ്റ് ചില പേപ്പർസും ആയി നേരെ അവളുടെ വില്ലയിലേക്ക് പോയി.
ഞാൻ അവളുടെ വില്ലയുടെ ഡോറിൽ മുട്ടി. അവൾ വാതിൽ തുറന്നു .എന്നെ കണ്ട ഉടൻ തന്നെ അവൾ ചോദിച്ചു.
” ഇപ്പോൾ വിശ്വാസം ആയോ ”
ഞാൻ അവളോട് ഒന്നും മിണ്ടാതെ വില്ലക്ക് ഉള്ളിലേക്ക് നടന്നു.
ഞാൻ അവിടെ ഉണ്ടായിരുന്ന കസേരകളിൽ ഒന്നിൽ ഇരുന്നുകൊണ്ട് അവളോട് പറഞ്ഞു.
” ഇരിക്ക് ”
