അവർ ഒരു സൈഡിലേക്ക് നോക്കി എന്തോ പറയണത് കണ്ടു നോക്കിയപ്പോൾ 5 കോണ്ടം വേസ്റ്റ് ബാസ്കറ്റ് അടക്കം മറിഞ്ഞു താഴെ കിടപ്പുണ്ട് ….. സുഭാഷ് … വാണമടിക്കുമ്പോ ഇടുന്ന ശീലം ഉണ്ടെന്നു പറഞ്ഞാലോ, ഇല്ല്ല വിശ്വസിക്കില്ല , കിട്ടണ അടി, കൂടേം ചെയ്യും, മിണ്ടാതെ ഇരിക്കാം .
ഞാൻ മീനാക്ഷിയെ നോക്കി അവൾ ഉറക്കെ കരഞ്ഞു അച്ഛനോട് , എന്നെ ഒന്നും ചെയ്യരുതെന്നു പറയുന്നുണ്ട് .
എനിക്ക് വേണ്ടി ആരെങ്കിലും കരയുന്നതു, എന്റെ ഉള്ളിന്റെ ഉള്ളിൽ ഒരു നോവ് സമ്മാനിച്ചു എന്ന്
പറയാതിരിക്കാൻ വയ്യല്ലോ , അമ്മ ഉള്ളപ്പോഴും ശേഷവും വേറെ ആരും എനിക്ക് വേണ്ടി കരഞ്ഞിട്ടില്ല.
അത് നിർത്തണം, ഞാൻ ഈ മണ്ടന്മാരോട് സംസാരിച്ചു നോക്കാം എന്ന് വിചാരിച്ചു ,
: സതീശ നീ എനിക്ക് പറയാൻ ഉള്ള…..( മുഴുവനാക്കാൻ പറ്റിയില്ല, അടി വീണു)
: നിന്റെ പ്രഭാഷണം ഒക്കെ യൂട്യൂബിൽ മതീട നായെ
അഭി ദേഷ്യത്തോടെ മുന്നിലേക്ക് കയറി വരാൻ നോക്കുന്നുണ്ട് , അവനെ രതീഷ് തടഞ്ഞു വച്ച് എന്തൊക്കെയോ പറയുന്നുണ്ട് .
എനിക്ക് മീനാക്ഷി കരയുന്നതിൽ മാത്രമാണ് വിഷമം തോന്നിയത്.
ഞാൻ കളക്ടർ ചേട്ടനെ നോക്കി ആ കണ്ണ് നിറഞ്ഞിട്ടുണ്ട് , ഈ രണ്ടു വർഷത്തിൽ ഒരുപാട് വയസായതു പോലെ , ആ പഴേ ഊർജവും പ്രസന്നതയും ഒന്നും കാണാൻ ഇല്ല , അഭിയും അതുപോലെ തന്നെ അവനെ ഒരു നിറഞ്ഞ ചിരി ഇല്ലാതെ കാണാറേ ഇല്ല. ഇത്തവണയും ഇതിനൊക്കെ ഞാൻ തന്നെ കാരണം…
അവരെയെങ്കിലും സത്യം ബോധിപ്പിക്കണം എന്ന് എനിക്ക് തോന്നി ,
: ഞാൻ പറയുന്നത് ആരെങ്കിലും കേൾക്കണം , ഞങ്ങൾ തമ്മിൽ അങ്ങ..
അപ്പോഴാണ് മീനാക്ഷിയുടെ നിസ്സഹായമായ മുഖത്തു കണ്ണ് പതിച്ചത് , അവൾ ശാന്തമായിരിക്കുന്നു, എന്നെ നോക്കുന്ന ആ കണ്ണുകളിൽ മിഴിനീർ ഇനിയും തോർന്നിട്ടില്ല . ഞാൻ പറഞ്ഞത് മുഴുമിച്ചില്ല , അതവാളെ വളരെ മോശമായി ബാധിക്കും, എനിക്ക് തോന്നി.
രതീഷ് അവളെ മുടിക്ക് കുത്തിപിടിച്ചു പുറത്തേക്കു വലിച്ചു .
അപ്പോൾ ആ നിമിഷം എന്റെ കണ്ണുകളിൽ നിന്ന് അവളുടെ കണ്ണുകളെ ബലമായി പിടിച്ചു മാറ്റുന്ന ആ നിമിഷം, എനിക്കവളോടുള്ള തീർത്ത തീരാത്ത കടപ്പാടിന്റെ ഓര്മ എന്റെ മനസ്സിനെ കൊളുത്തി വലിച്ചു.
ഇല്ല എന്റെ ജീവിതം തകർന്നു തരിപ്പണം ആയാലും, അവൾ ഇഷ്ടപെട്ട ജീവിതം ജീവിക്കണം. അതിനു ഞാൻ അവളുടെ ഒപ്പം നിൽക്കും.
ഞാൻ സതീശന്റെ കൈ തട്ടി മാറ്റി , അവളുടെ ഇടതുകൈയിൽ പിടിച്ചു , അവൾ ഞെട്ടി തിരിഞ്ഞു നോക്കുമ്പഴേക്കും , ഞാൻ അവളെ എന്നിലേക്ക് വലിച്ചടുപ്പിച്ചു . ഒപ്പം വന്ന രതീഷിനെ മറുകൈ കൊണ്ട് തള്ളി മാറ്റി , അവൻ ടീപ്പോയിൽ അലച്ചു വീണു .
അവളുടെ കണ്ണുനീരും ചുടുനിശ്വാസവും , എന്റെ നെഞ്ചിൽ പടർന്നു .
സതീശൻ എന്റെ കോളറിൽ ഒരു കൈ കൊണ്ട് കടന്നു പിടിച്ച സമയത്തു , ആരോ ശക്തിയിൽ ചവിട്ടുപടികളെ ,ചവിട്ടി മെതിച്ചു കയറി വരുന്ന ശബ്ദം കേട്ട്, എല്ലാവരും വാതിലിന്റെ അവിടേക്കു നോക്കി , അജുവാണ് , പിന്നിൽ ശരത്തും ജോണും ഉണ്ട് …
തഴെ വണ്ടികൾ കണ്ടതുകൊണ്ടു, എന്റെ മേല് നൊന്തിട്ടുണ്ടാവും എന്ന് ഉറപ്പിച്ചാണ് അവൻ കയറി വന്നത് ,
കണ്ണൊക്കെ ചുവന്നു , അവൻ കയ്യൊക്കെ ചുരുട്ടിപിടിച്ചു, വിറച്ചിട്ടാണ് വരുന്നത് , എന്റെ കോളറിലെ സതീശന്റെ പിടുത്തവും , മുഖത്തെ പാടും കണ്ടോടെ കൂടെ അവൻ പിന്നെ ഒന്നും നോക്കിയില്ല . ചേട്ടനേം അഭീനേം തള്ളി മാറ്റി അവൻ ആദ്യത്തെ കാല് വച്ചതു സതീശന്റെ നെഞ്ചത്തായിരുന്നു . അവൻ തെറിച്ചു ചുമരിൽ അടിച്ചു വീണു , പിന്നെ അവിടെ അടി പൊടി പൂരം ആയിരുന്നു , അവര് മൂന്ന് പേരണ് കയറി വന്നതെങ്കിലും മുപ്പതു പേരുടെ ബഹളം ഉണ്ടാക്കി . ആരൊക്കെയോ തെറിച്ചു ചുമരി ഇടിച്ചു വീണു, ആരൊക്കെയോ ജനലിൽ കൂടെ പുറത്തേക്കു വീണു , ആരൊക്കെയോ കരയുന്നുണ്ട് , ആരുടെ ഒക്കെയോ എല്ലു ഒടിയുന്ന ശബ്ദം കേൾക്കുന്നുണ്ട് , ഞാൻ മീനാക്ഷിയെ ചേർത്ത് പിടിച്ചു അവളുടെ മുടിയിൽ മുഖം താഴ്ത്തി, ഈ കലാപത്തിനിടയിൽ നിന്നു . അജുവും ശരത്തും നിർത്താതെ തെറിവിളിക്കുന്നുണ്ട് , ജോൺ സൈലന്റ് ആയിട്ടു ഇരുന്നാലും നല്ല പണി പണിയുന്നുണ്ട്. ആരെയോ എടുത്ത് ബാൽക്കണിയിൽ നിന്ന് താഴേക്ക് എറിഞ്ഞത് അവനാണ്. ഞാൻ ചുറ്റും നോക്കി അഭിയും ചേട്ടനും രാഘവ മാമനും ഒഴിച്ച്, എല്ലാവരും നിലത്തു കിടക്കണുണ്ട്, ഒന്നിലും ഇല്ലാത്ത മനുവിനു വരെ തല്ലു കിട്ടിയിട്ടുണ്ട് , രാഘവ മാമനെ കൈ വക്കാഞ്ഞത് നന്നായി ഒരു ഹാർട്ട് അറ്റാക്ക് കഴിഞ്ഞ മനുഷ്യനാ , ചെലപ്പോ അതോടെ കൈയിൽ പെടും.