🏹🏹വേട്ടക്കാരികള്‍ – 3🏹🏹 12അടിപൊളി  

“മ്..മ്മ്….മ്മ…!!!”

ഇളംചൂടുള്ള കാറ്റുപോലൊരു ശബ്ദം പതിഞ്ഞുയര്‍ന്നു.

ഞാനാകെ കോരിത്തരിച്ചുപോയി. എപ്പോഴും ചേര്‍ത്തുപിടിക്കാറൊക്കെയുണ്ടെങ്കിലും ആദ്യമായാണ് ചേച്ചി എന്നെ ഉമ്മ വെക്കുന്നത്.

എനിക്കത് വല്ലാത്തൊരു അനുഭൂതിയായി. എങ്കിലും ഗൌരവം വിടണ്ട എന്ന് കരുതി ഞാനൊരു പതികരണവും കാണിച്ചില്ല.

“മ്ഉം…!!!!!”

ഉമ്മവച്ച് കഴിഞ്ഞപോലെ മുഖം പിന്‍വലിച്ചശേഷം ആ തുടുത്ത കവിള്‍ എന്റെ നേരെ കാണിച്ചുകൊണ്ട് എന്തോ ആവശ്യപ്പെടുന്നപോലെ അവളൊന്നു മൂളി.

എന്നിലൊരു കുളിര് പടര്‍ന്നു. തിരിച്ചും ഒരു ഉമ്മ ആവശ്യപ്പെടുകയാണവള്‍..!

“മ്ഉം…..!!!!”

ഞാന്‍ വൈകുന്നതുകണ്ട്‌ ആ മൂളലിന്റെ കനമൊന്നു കൂടി.

രോമാഞ്ചംകൊണ്ട് മൂടിപ്പോയ ഞാന്‍ പിന്നൊന്നും ആലോചിച്ചില്ല. വലംകൈ കൊണ്ട് അവളുടെ ഇടത്തേ കവിള്‍ താങ്ങിപ്പിടിച്ച് ഞാനാ വലത്തേ കവിളില്‍ പതിയെ ചുണ്ടുകളമര്‍ത്തി.

അതിലോലമായ സ്പോഞ്ച് പാളിയിലെന്നപോലെ ചുണ്ടുകള്‍ ആഴ്ന്നുപോയതുപോലെയാണ് എനിക്ക് തോന്നിയത്. എന്തൊരു മൃദുലത…! ചുണ്ടുകള്‍ പിന്‍വലിക്കാന്‍ തോന്നിയില്ല.

ഉമ്മ നീളുന്നതറിഞ്ഞിട്ടും അവളൊന്നും പ്രതികരിക്കുന്നില്ലെന്ന് കണ്ടപ്പോള്‍ മനസ്സില്‍ എന്തോ ഒരു ധൈര്യം വന്നുപോയി. പെട്ടെന്ന് തോന്നിയ‍ ഒരു കുസൃതിയ്ക്ക് ഞാന്‍ വായ തുറന്ന് ആ കവിളില്‍ പയ്യെ ഒന്ന് കടിച്ചു വിട്ടു.

“ആആഹ്…….!!!!!!!!!!!!!!”

ഒരു ആന്തലോടെ അവള്‍ മുഖം വെട്ടിച്ചു.

“കടിക്കാനാണോടാ പറഞ്ഞെ…ഉമ്മ വെക്കാനല്ലേ..!!”

നേര്‍ത്ത ഒരു കുസൃതിപ്പുഞ്ചിരിയില്‍ പൊതിഞ്ഞ കപടദേഷ്യത്തോടെ അവള്‍ കയ്യോങ്ങി.

കള്ളച്ചിരിയോടെ കണ്ണിറുക്കിക്കൊണ്ട് ഞാന്‍ പിന്നോട്ട് മാറിക്കളഞ്ഞു.

“നാളെ ക്ലാസ് തുടങ്ങുന്നതാ….പാടൊന്നും ഉണ്ടാവല്ലേ ഈശ്വരാ..!!”

വേവലാതി നിറഞ്ഞ സ്വരത്തില്‍ പിറുപിറുത്തുകൊണ്ട് അവള്‍ തിടുക്കത്തില്‍ ഡൈനിംഗ് ഹാളിലേക്ക് നടന്നു. എന്തിനുള്ള പുറപ്പാടാണെന്നറിയാന്‍ ഞാനും പിന്നാലെ ചെന്നു.

ബേസിന്റെ ചുമരിലെ വലിയ കണ്ണാടിയുടെ മുന്നിലെത്തി അവള്‍ കവിള്‍ നല്ലപോലെ പരിശോധിക്കാന്‍ തുടങ്ങി. കടിച്ച പാടിന്റെ ലാഞ്ചനയെങ്കിലും കാണുന്നുണ്ടോ എന്ന ആകാംക്ഷ ആ മുഖത്തു നിറഞ്ഞു നിന്നു. ആ കാഴ്ച എന്നില്‍ ശരിക്കും ചിരിയുണര്‍ത്തി.

“ഒന്നൂല്ല…നോക്കണ്ട..!!”

ഞാന്‍ കളിയാക്കി.

“പോടാ ചതിയാ..!!’

കണ്ണാടിയിലൂടെ എന്നെ തുറിച്ചു നോക്കിക്കൊണ്ട് അവള്‍ പിണക്കം ഭാവിച്ചു ചിരിച്ചു.

“ഇപ്പൊ മനസ്സിലായില്ലേ ആരോടാ കൂടുതലിഷ്ടമെന്ന്‍..!!”

വായ തുറന്ന്‍ അണ്ണാനെപ്പോലെ ശബ്ദമുണ്ടാക്കിക്കൊണ്ട്‌ ഞാന്‍ കണ്ണിറുക്കി കാണിച്ചു.

ആ കണ്ണുകളൊന്നു കുറുകി. കണ്ണാടിയിലൂടെ തന്നെ രണ്ടു സെക്കന്റ് തറപ്പിച്ചു നോക്കിനിന്നശേഷം പെട്ടെന്നവളെന്റെ നേരെ തിരിഞ്ഞു. ഒഴിഞ്ഞു മാറാന്‍ കഴിയുന്നതിനു മുന്നേതന്നെ രണ്ടു കൈകളും അവളെന്നെ മുറുകെ ബന്ധിച്ചുകൊണ്ട് കെട്ടിപ്പിടിച്ചുകളഞ്ഞു.

“എന്താ പറഞ്ഞെ…ഇഷ്ടം കൂടുതലാണേല്‍ കടിക്കും അല്ലെ..!!”

ആ മുഖത്തൊരു പ്രതികാരവാഞ്ജയുടെ കലിപ്പന്‍ ചിരി വിരിഞ്ഞു. അവളെന്തിനുള്ള പുറപ്പാടാണെന്ന് എനിക്ക് പെട്ടെന്ന് മനസ്സിലായി. കുതറി മാറാന്‍ നോക്കിയെങ്കിലും അനങ്ങാന്‍ കഴിഞ്ഞില്ല. രണ്ടു കയ്യുമടക്കമാണ് കൂട്ടിപ്പിടിച്ചിരിക്കുന്നത്.

“എനിക്കും ഭയങ്കര ഇഷ്ടമാണ്….കടിക്കട്ടെ…? ങ്ഹേ…കടിക്കട്ടെ..?!”

കണ്ണുകള്‍ മിഴിച്ച് ഒരു വില്ലന്‍ ചിരിയോടെ അവള്‍ കടിക്കാനെന്നപോലെ വായ തുറന്നു. എന്നെക്കാള്‍ ഒരിത്തിരി ഉയരക്കൂടുതലുണ്ടായിരുന്നതിനാല്‍ അവള്‍ക്കത് ഈസിയായി ചെയ്യാന്‍ കഴിയുമായിരുന്നു.

“യ്യോ..ചേച്ചീ..സോറി സോറി….അറിയാതെ പറ്റിപ്പോയതാ…ഒന്നും ചെയ്യരുത്..!!”

അബദ്ധം പിണഞ്ഞുപോയ ഒരു ചിരിയോടെ ഞാന്‍ മുഖം വെട്ടിച്ചു.

അതുകൊണ്ടൊന്നും കാര്യമില്ല മോനേ എന്നഭാവത്തില്‍ കീഴ്ചുണ്ട് മലര്‍ത്തിക്കൊണ്ട് അവള്‍ നിഷേധാര്‍ത്ഥത്തില്‍ തലയിളക്കി.

“അതിനിടയില്‍ എന്നെ ‘എടീ’ന്നും വിളിച്ചു അല്ലേ….! അഹങ്കാരം.. അഹങ്കാരം..! അപ്പോ അതുംകൂടെ ചേര്‍ത്ത് ഈ രണ്ടു കവിളിലെയും ഇറച്ചി ഞാനിന്നു കടിച്ചു പറിക്കും…ഇങ്ങോട്ടു കാണിക്കെടാ…!!”