🏹🏹വേട്ടക്കാരികള്‍ – 3🏹🏹 12അടിപൊളി  

“മതി….ഇനി കടിച്ചാല്‍ എന്റെ ചെക്കന്റെ കവിള്‍ ചേച്ചീടെ വായിലിരിക്കും..! തല്‍കാലം ഇത്രേം മതി…ഇനീം ആവശ്യം വന്നാ കടിക്കാല്ലോ..!!”

അവള്‍ കണ്ണിറുക്കി ചിരിച്ചു.

പ്രതീക്ഷ നഷ്ടപ്പെട്ടതിന്റെ ഒരു കുണ്ഠിതം തോന്നിയെങ്കിലും അവളെ ഒന്ന് കെട്ടിപ്പിടിക്കാന്‍ വേറെ എന്തെങ്കിലും ഐഡിയ കിട്ടുമോ എന്ന് ഞാന്‍ മനസ്സിലൊന്ന് പരതി നോക്കി.

എന്നാല്‍ അതിനു സമയം കിട്ടിയില്ല. അപ്പോഴാണ്‌ ആരോ മുന്‍വശത്തെ വാതില്‍ തുറക്കുന്ന ശബ്ദം കേട്ടത്.

“യ്യോ..മമ്മി വന്നു…ഒന്നും പറയല്ലേ..!!”

കവിളിലെ കടിച്ച പാടില്‍ അമര്‍ത്തിയൊന്നു തുടച്ച് തന്നുകൊണ്ട് അടക്കിപ്പിടിച്ച സ്വരത്തില്‍ പറഞ്ഞിട്ട് ചേച്ചി തിടുക്കത്തില്‍ അടുക്കളയിലേക്ക് പോയിക്കളഞ്ഞു.

മമ്മി അറിഞ്ഞാല്‍ എന്ത് പ്രശ്നം..? ഞാന്‍ ഒന്നും മനസ്സിലാവാത്തപോലെ അവള്‍ പോയ വഴിയെ നോക്കി നിന്നു.

എന്തേലുമാവട്ടെ…!

ഞാന്‍ വേഗം കണ്ണാടിയില്‍ നോക്കി. പാട് മുക്കാലും മാഞ്ഞു കഴിഞ്ഞിരുന്നു…ഒരു നേര്‍ത്ത അടയാളം മാത്രമേ ഇപ്പൊ കാണാനുള്ളൂ. മമ്മി ഏതായാലും അത്ര സൂക്ഷിച്ചൊന്നും നോക്കാന്‍ പോകുന്നില്ല.

“ആഹാ…കുളിയൊക്കെ കഴിഞ്ഞ് അടിപോളിയായല്ലോ..!!”

പിന്നില്‍ നിന്നും മമ്മിയുടെ സ്വരം കേട്ടപ്പോള്‍ ഞാന്‍ തിരിഞ്ഞു.

“മമ്മി എവിടെപ്പോയതാ..?!!”

ഞാന്‍ ചിരിച്ചുകൊണ്ട് അടുത്തേക്ക്‌ ചെന്നു.

അവര്‍ എന്തോ പറയാനൊരുങ്ങി. ശേഷം സ്റ്റെയര്‍കേസിന്റെ നേരെ ഒന്ന് നോക്കി..?!!”

“പവി എവിടെ..??!”

ശബ്ദമില്ലാതെ ചുണ്ടുകള്‍ മാത്രം ഇളക്കി ഒരു പ്രത്യേകഭാവത്തോടെയാണ് ചോദ്യം.!

“കിച്ചണില്‍..!!!”

ഞാനും അതേഭാവത്തില്‍ അല്പം തമാശയുടെ മേമ്പൊടിയോടെ ആംഗ്യം കാണിച്ചു.

“വെയ്റ്റ്…പറയാം..!!”

ഒരു കള്ളച്ചിരിയോടെ പറഞ്ഞശേഷം അവര്‍ അടുക്കളയിലേക്ക്‌ നടന്നു.

ഇത്രയ്ക്ക് രഹസ്യമെന്താണാവോ എന്ന ചിന്തയോടെ ഞാനും അനുഗമിച്ചു.

“കഴിഞ്ഞില്ലേടീ..?!!”

മുകളിലെ ഷെല്‍ഫില്‍ നിരത്തി വച്ചിരിക്കുന്ന ഭരണികളിലേക്ക് നോക്കിക്കൊണ്ട്‌ മമ്മി ചേച്ചിയോടായി ആരാഞ്ഞു.

“കഴിഞ്ഞു..ഇതൂടെയേ ഉള്ളൂ..!!”

കയ്യിലിരുന്ന ഉഴുന്നിന്റെ പാക്കറ്റ് പൊട്ടിച്ച് ശ്രദ്ധയോടെ ഗ്ലാസ് ഭരണിയിലേക്ക് ചെരിഞ്ഞുകൊണ്ട് മുഖമുയര്‍ത്താതെ അവള്‍ മറുപടി കൊടുത്തു.

“അരിയോ..??”

“അത് ഞാന്‍ സ്റ്റോറില്‍ എത്തിച്ചിട്ടുണ്ട്..!!”

വലിയ എന്തോ കാര്യം ചെയ്തെന്ന ഭാവത്തില്‍ ഞാന്‍ പറഞ്ഞു.

“ആണുങ്ങള് വേണ്ടയിടത്ത് ആണുങ്ങള്‍ തന്നെ വേണം..!!”

മമ്മി ഒരു അഭിനന്ദനംപോലെ കവിളില്‍ മെല്ലെ തട്ടി.

“ഒറ്റയ്ക്കാണോ എന്ന് കൂടെ ചോദിക്ക് മമ്മീ..!!”

ഭരണി അടപ്പിട്ട് ഷെല്‍ഫിലേക്ക് വച്ചുകൊണ്ട് ചേച്ചി അമര്‍ത്തിച്ചിരിച്ചു.

ഞാനൊരു ചമ്മിയ ചിരിയോടെ കണ്ണിറുക്കി.

‘കുറുമ്പനെന്ന’ ഭാവത്തില്‍ ഒരു കൊഞ്ചലോടെ മുഖം ചുളിച്ചുകൊണ്ട് മമ്മി എന്റെ മൂക്കില്‍ പിടിച്ച് ഇളക്കി.

“മമ്മീ..ഞാനെന്നാ കുളിക്കട്ടെ…ആകെ വിയര്‍ത്തു.!!”

ഷെല്‍ഫിന്റെ ഗ്ലാസ് ഡോര്‍ അടച്ചുകൊണ്ട്‌ ചേച്ചി തിരിഞ്ഞു.

മമ്മി ഫ്രിഡ്ജിന്റെ ഡോര്‍ തുറന്ന് തണുത്ത വെള്ളമെടുത്തുകൊണ്ട് മൂളി.

“രണ്ടു പാക്കറ്റ് പൊട്ടിച്ചിടുമ്പോഴേക്കും വിയര്‍ത്തോ..!!!”

ഞാന്‍ അത്ഭുതം നടിച്ചുകൊണ്ട് കളിയാക്കി.

“ഇങ്ങു വന്നേ പറയാം..!!”

സ്റ്റെയര്‍കേസിന് നേരെ നടന്നുകൊണ്ട് ചേച്ചി ഒരു കുസൃതിയോടെ എന്റെ തോളിലൂടെ കയ്യിട്ടുപിടിച്ച് കഴുത്ത് കൈത്തണ്ടകൊണ്ട് മുറുക്കി.

“ഒറ്റയ്ക്ക് ഒരു ചാക്ക് അരിയൊക്കെ എടുക്കാറായോടാ നീ..!!”

അതേ പിടുത്തത്തോടെ ഒപ്പം നടത്തിക്കൊണ്ട് അവള്‍ കളിയാക്കി ചിരിച്ചു.

“ആഹ്…കഴുത്ത്..കഴുത്ത്..!!”

ചമ്മിയ ചിരിയോടെ ഒപ്പം നടന്നുകൊണ്ട് ഞാനവളുടെ കയ്യില്‍ കയറിപ്പിടിച്ചു.

ഹാളിലെത്തിയതോടെ അവള്‍ കയ്യയച്ചു.

ഒരു ആശ്വാസഭാവത്തോടെ ഞാന്‍ വേഗം വിട്ടുമാറി.

“വര്‍ഷ വിളിച്ചിരുന്നോടീ..?!”

മമ്മി ഞങ്ങളുടെ പിന്നിലൂടെ ബെഡ്റൂമിലേക്ക് നടക്കുന്നതിനിടയില്‍ ചോദിച്ചു.

“ആഹ്…കൊറച്ച് നേരായി മമ്മീ..!!”

മറുപടി കൊടുത്തുകൊണ്ട് അവള്‍ വീണ്ടും എന്റെ കഴുത്തില്‍ കയ്യിടാനൊരുങ്ങി. വിദഗ്ദമായി ഒഴിഞ്ഞു മാറിക്കൊണ്ട് ഞാന്‍ നാക്ക് പുറത്തിട്ട് കളിയാക്കി.