💖മംഗല്ല്യധാരണം – 10 27അടിപൊളി 

 

 

 

“…ആ പോത്ത് പോലെ കിടന്ന് ഉറങ്ങുന്നവനെ കണ്ടോ. അതാണ് എന്റെ കൂടെ നിൽക്കാൻ വന്നത്…” സ്ഥലകാല ബോധം ഇല്ലാതെ ഉറങ്ങുന്ന കാർത്തിയെ ചൂണ്ടി പറഞ്ഞു. അവന്റെ കിടപ്പ് കണ്ട് അവൾ ചിരിക്കാനും തുടങ്ങി.

 

 

 

“… ഇന്നലെ പിന്നെ ഇങ്ങോട്ട് കണ്ടില്ലല്ലോ…”

 

 

 

“… അതെന്താ മാഷേ എനിക്ക് ഡ്യൂട്ടി കഴിഞ്ഞു വീട്ടിലൊന്നും പോണ്ടേ…” ഞാൻ അതിന് ഒന്ന് വെളുക്കണേ ചിരിച്ചു.

 

 

 

“… ഇപ്പൊ ബുദ്ധിമുട്ട് ഒന്നും ഇല്ലല്ലോ. ഞാൻ ഡ്യൂട്ടി ഡോക്ടറുടെ കൂടെ വരാം. അപ്പോഴേക്കും ഫുഡ്‌ ഒക്കെ കഴിച്ചു സെറ്റ് ആയി ഇരിക്ക്…” എന്റെ സുഖ വിവരങ്ങൾ ഒക്കെ തിരക്കി അവൾ പോയി. ഇപ്പൊ അത് ആരാണെന്ന് മനസിലായി കാണും അല്ലോ ആര്യ ഇവിടത്തെ നേഴ്സ് ആണ്. ഒരു സുന്ദരി കുട്ടി😁.

 

 

 

“… ടാ പുല്ലേ എഴീക്കട നേരം വെളുത്തു…” ഒരു തലയണ എടുത്ത് അവനുനേരെ എറിഞ്ഞു.

 

 

 

“… ഇപ്പൊ ബെഡ് കോഫി വേണ്ട കുറച്ചു കഴിയട്ടെ…”

 

 

 

“… നിനക്ക് കോഫി അല്ലടാ ഹോർലിക്സ് കലക്കി തരാം…” ചീത്തയും വിളിച്ചു അവനെ വിളിച്ചുണർത്തി.

 

 

 

പിന്നെ അവൻ എഴുനേറ്റ് അടുത്തുള്ള വീൽ ചെയറിൽ എന്നെയും കൂട്ടി ബാത്‌റൂമിലേക്ക് പോയി. ഇച്ചിരി ബുദ്ധിമുട്ടി. അപ്പോഴേക്കും അവൻ പേസ്റ്റ് ആയി വന്നു. പല്ലൊക്കെ തേച്ചു തിരിച്ചു ബെഡിലേക്ക് എത്തിച്ചു.ചാരുവും അച്ഛനും വന്ന് ഡോക്ടർ പറഞ്ഞ ടെസ്റ്റ്‌ എല്ലാം എടുത്തു. ശേഷം ചാരു എനിക്കും കർത്തിക്കും കൊണ്ടുവന്ന ഫുഡ്‌ കഴിച്ചു ഡോക്ടറുടെ വരവിനായി കാത്തിരുന്നു.

 

 

 

“… കുഴപ്പം ഒന്നും ഇല്ല കുറച്ചുനാൾ റസ്റ്റ്‌ എടുക്കണം. കാലിൽ വെള്ളം വീഴാതെ നോക്കണം. ഇനി അടുത്ത മാസം വന്നൊന്ന് കാണിക്ക് കേട്ടോ…” X-ray നോക്കി ഇതെല്ലാം പറഞ്ഞു പുള്ളി പോയി കൂട്ടത്തിൽ ആര്യയും ഉണ്ടായിരുന്നു.

 

 

 

അച്ഛനും കാർത്തിയും മരുന്നൊക്കെ വാങ്ങി വന്ന ശേഷം എന്നെ വീൽ ചെയറിലേക്ക് എടുത്തിരുത്തി കാറിന്റെ അരികിലേക്ക് നീങ്ങി.

 

 

 

“…ഹാ നിങ്ങൾ ഇറങ്ങിയോ…”റൗണ്ട്സ് കഴിഞ്ഞു വന്ന ആര്യ തിരക്കി.

 

 

 

“… അതേല്ലോ. താൻ റൗണ്ട്സിൽ ആയോണ്ടാ പറയാൻ പരാതിരുന്നേ…”

 

 

“… അത് സാരമില്ല. മരുന്നൊക്കെ സമയത്തിന് കഴിക്കണം. കാലിനു അധികം സ്‌ട്രെയിൻ കൊടുക്കരുത്…” ഇതാരാ വൈഫ്‌ ആണോ ചാരുവിനെ നോക്കി ആര്യ ചോദിച്ചു.

 

 

 

“…അതെ. എന്നാ അടുത്ത വരവിനു കാണാം കേട്ടോ

 

 

 

“… ഓ ആയിക്കോട്ടെ…” അവളോട് ഒരു ബൈ പറഞ്ഞു നേരെ വീട്ടിലേക്ക്.

 

 

 

“… മോനെ ഇപ്പൊ എങ്ങനെ ഉണ്ടടാ. വേദന ഉണ്ടോ…” വീട്ടിൽ എത്തി കാറിൽ നിന്നും ഇറങ്ങാവെ അമ്മയുടെ അന്വേഷണം എത്തി.

 

 

 

“… കുഴപ്പം ഇല്ല അമ്മ…” കാറിൽ നിന്നും ഇറങ്ങി അമ്മയുടെ തോളിൽ കൈയിട്ടുകൊണ്ട് പറഞ്ഞു.

 

 

 

“…ഞാൻ വിഷമിക്കും എന്ന് കരുതി നീ അങ്ങനെ അല്ലെ പറയു…” എന്നെ മൊത്തത്തിൽ നോക്കി അമ്മ പറഞ്ഞു.

 

 

 

“… ഡോക്ടർ പറഞ്ഞതാ കുഴപ്പം ഒന്നും ഇല്ലന്ന്. അമ്മക്ക് സംശയം ഉണ്ടങ്കിൽ ദേ അച്ഛനോട് ചോദിക്ക്…”പിന്നെ അമ്മ ഒന്നും ചോദിച്ചില്ല. അമ്മയും അച്ഛനും എന്നെ താങ്ങി ഹാളിലെ സോഫയിൽ ഇരുത്തി.

 

 

 

“… എടാ എന്നാ ഞാൻ ഇറങ്ങട്ടെ…” കാർത്തി വീട്ടിൽ പോവാനായി ഇറങ്ങി.

 

 

 

“… എന്നാ ശെരിയാടാ നീ വിട്ടോ ഞാൻ വിളിച്ചോളാം…” അവൻ എല്ലാരോടും യാത്ര പറഞ്ഞു ഇറങ്ങി.

 

 

 

“… ചാരു എനിക്ക് ഒന്ന് കിടക്കണം ഹെൽപ് ചെയ്യടി…” ഞാൻ ചരുവിനോട് പറഞ്ഞു.

 

 

 

“…വാ അമ്മുവിന്റെ റൂമിലേക്ക് പോവാം…” അമ്മ ഓടി എന്റെ അടുക്കൽ വന്നു പറഞ്ഞു.

 

 

 

“… അങ്ങോട്ട് എന്തിനാ പോണേ… ”

 

 

 

“… നിനക്ക് കാൽ വയ്യാത്തത് അല്ലെ. അത് ശെരിയാവും വരെ അവളുടെ മുറിയിൽ കിടക്കാം…”