💖മംഗല്ല്യധാരണം – 10 27അടിപൊളി 

 

 

 

“… എടൊ സോറി. ഞാൻ ചെയ്തത് ഒക്കെ തനിക്ക് ഇത്രക്ക് ഹർട്ട് ആവും എന്ന് കരുതിയില്ല…” എന്റെ കൈയിൽ നിന്നും ഒഴിഞ്ഞ ചായ കപ്പ്‌ വാങ്ങാൻ വന്ന ചരുവിനോട് ഞാൻ പറഞ്ഞു.

 

 

 

“…എന്തിനാ ആദി എന്നോട് sorry ഒക്കെ പറയുന്നേ. അപ്പോഴത്തെ വിഷമത്തിൽ ഞാൻ എന്തൊക്കെയോ പറഞ്ഞെന്ന് കരുതി…”

 

 

 

“… എന്നാലും…”

 

 

 

“… ഒരു എന്നാലുമില്ല. ഞാൻ വേഗം പോയി ചായ കപ്പ് വച്ചിട്ട് വരാട്ടോ. ഞാൻ ഒപ്പം ഇരിക്കുന്നില്ല എന്നല്ലേ ഈ കള്ളന്റെ പരാതി…” എന്റെ മൂക്കിൽ പിടിച്ചു ആട്ടിയിട്ട് ചാരു ചായ കപ്പുമായി താഴേക്ക് പോയി. തിരിച്ചു വന്നവൾ എന്റെ അടുത്തിരുന്നു. കുറച്ചു സമയത്തേക്ക് ഞങ്ങൾക്ക് ഇടയിൽ മൗനം നിലനിന്നു.

 

 

 

“… ആദി ഞാൻ ഒരു കാര്യം ചോദിക്കട്ടെ…” എന്നോട് ചേർന്നിരുന്ന് എന്റെ ഒരു കൈ കെട്ടിപിടിച്ചു തോളിൽ തല ചായ്ച്ച് അവൾ തിരക്കി.

 

 

 

“… എന്താടി വല്ലാത്തൊരു സ്നേഹം കിഡ്നി വല്ലതും വേണോ…”

 

 

“… ഒന്ന് പോ ആദി എപ്പോഴും ഇങ്ങനെയാ. ഞാൻ ഒന്നും ചോദിക്കണില്ല😡…” എന്റെ കൈ തട്ടിമറ്റി അവൾ മുഖം തിരിച്ചു.

 

 

 

“… പിണങ്ങല്ലേ. ഇനി ഞാൻ കളിയാക്കില്ല എന്താ നിനക്ക് ചോദിക്കാൻ ഉള്ളെ …” ചരുവിന്റെ കൈപിടിച്ചു നേരത്തെ ഇരുന്നപോലെ വച്ചു.

 

 

 

“…അതെ ആദിക്ക് എപ്പോഴാ എന്നെ ഇഷ്ടയെ…”

 

 

 

“… ഇതാണോ വല്യ കാര്യം. ഹ്മ്മ് സത്യം പറയണോ കള്ളം പറയണോ…” ഒന്ന് ആലോചിച്ചോണ്ട് ചോദിച്ചു.

 

 

“… സത്യം പറയ്…” എന്റെ തോളിൽ തല ചായ്ച്ച് ചാരു പറഞ്ഞു.

 

 

 

“… എന്ന പറയാം. ആദ്യം നിന്നെ കണ്ടപ്പോ എനിക്ക് ഒട്ടും ഇഷ്ട്ടമല്ലായിരുന്നു…”

 

 

 

“… അതെന്താ എന്നെ ഇഷ്ട്ടപെടാത്തെ എന്താ എനിക്ക് ഒരു കുറവ് 😡…” ചാരു എന്നെ അടിക്കാനും പിച്ചാനും തുടങ്ങി.

 

 

 

“… ഹഹാ പറയട്ടെ. അമ്മയും നിന്റെ വീട്ടുകാരും തമ്മിലുള്ള പിണക്കം ആയിരുന്നു പ്രധാന കാരണം. പിന്നെ നിന്നോട് കൂടുതൽ ഇടപഴകിയപ്പോ ഒരു ഇഷ്ട്ടം തോന്നി. അത് എങ്ങനെ പ്രണയം ആയെന്ന് ഒന്നും എനിക്ക് അറിയാൻ മേല…”

 

 

 

“… കൊച്ചു കള്ളൻ ഇതൊക്കെ മനസ്സിൽ വച്ചോണ്ട് നടക്കാതെ അപ്പോഴേ പ്രൊപോസൽ ചെയ്യണ്ടേ …”

 

 

 

“…ആരു പറഞ്ഞു പ്രൊപ്പോസ് ചെയ്തില്ല എന്ന്. കോളേജിൽ ഓണ പരിപാടിക്ക് നീ അണിഞ്ഞൊരുങ്ങി വന്നപ്പോ എന്ത് സുന്ദരി ആയിരുന്നെന്നോ. നിന്നെ കണ്ട നിമിഷം എന്റെ കിളിയെല്ലാം പോയി എത്രയും പെട്ടന്ന് എന്റെ ഇഷ്ട്ടം തുറന്ന് പറഞ്ഞു നിന്നെ സ്വന്തം ആക്കണം എന്ന് തോന്നി .അന്ന് നിന്നെ പ്രൊപ്പോസ് ചെയ്യാൻ വേണ്ടിയാ നിന്റെ ക്ലാസ്സിലേക്ക് വന്നേ പക്ഷെ…” എന്റെ മുഖഭാവം മാറുന്നത് കണ്ട് ചാരു എന്റെ കയ്യിൽ ഒന്നുകൂടി അമർത്തി പുൽകി.

 

 

 

“… അന്ന് നടന്നതിനു മുഴുവൻ കാരണകാരി ഞാനാ. ആദിക്ക് അറിയാലോ ഞാൻ കോളേജിൽ ലേറ്റ് അഡ്മിഷൻ ആയിരുന്നു അതുകൊണ്ട് തന്നെ എല്ലാരുമായി അത്രപെട്ടെന്ന് സിങ്ക് ആവാൻ പറ്റിയില്ല. എന്നെ പോലെ ഒരു ഗപ്പിന് ശേഷം കോളേജിലേക്ക് വന്നതാ അരുണും. അതുകൊണ്ട് തന്നെ എക്സ്പീരിമെന്റ് ഗ്രൂപ്പിൽ എന്നെയും അവനെയും ഒരുമിച്ച് ആക്കി. പതിയെ പതിയെ ഞങ്ങൾ നല്ല ഫ്രണ്ട്‌സ് ആയി മാറി…” ഞാൻ ഇതെല്ലാം മൂളി കേട്ടു.

 

 

 

“…ക്ലാസ്സിലെ എന്റെ ഏറ്റവും നല്ല ഫ്രണ്ട് ആയിരുന്നു അവൻ. അങ്ങനെയുള്ള ഒരുത്തനെ യാതൊരു പ്രകോപനവും കൂടാതെ നീ വന്ന് ഇടിച്ചപ്പോ ഞാൻ പ്രതികരിച്ചു. ഇടി കൊണ്ടിട്ടും അരുൺ നിന്നോട് ദേഷ്യപ്പെടാതെ സോറി പറയുകയാ ചെയ്തേ അപ്പോഴും നിന്റെ ദേഷ്യം അടങ്ങുന്നുമില്ല. ആ ഒരു സമയത്ത് തെറ്റൊന്നും ചെയ്യാത്ത അവന്റെ കൂടെ നിൽക്കണം എന്ന് തോന്നി. അതാ ഞാൻ അങ്ങനെ പെരുമാറിയത്…”

 

 

“… അവൻ കോളേജിൽ എങ്ങനാ കുറെ കാലം വരാതിരുന്നത് എന്ന് നീ തിരക്കിയില്ലേ…”