💖മംഗല്ല്യധാരണം – 10 27അടിപൊളി 

 

 

“… അന്ന് നീ എന്നോട് വഴക്കുണ്ടാക്കി പോയതിന് ശേഷം. അരുൺ എന്നോട് ഒരുപാട് sorry പറഞ്ഞു അവൻ കാരണം നമ്മൾ തമ്മിൽ തെറ്റിയതിനെ ചൊല്ലി. ഞാൻ ചോദിച്ചു നിങ്ങൾ തമ്മിലുള്ള പ്രശ്നം…”

 

 

“… അവൻ അപ്പൊ എന്തോ പറഞ്ഞു 😏…”

 

 

 

“…നിന്റെ ക്ലാസ്സിലെ പെങ്കൊച്ചിനെ പ്രൊപ്പോസ് ചെയ്തത് ഇഷ്ടപ്പെടാതെ നീ ഇടിച്ചെന്ന പറഞ്ഞെ…”

 

 

 

“… ആ നായിന്റെമോൻ അത്രയേ പറഞ്ഞോളോ…”അതിന് ചാരു മൂളിയതെ ഉള്ളു.

 

 

 

“… നിന്നോട് ഇതെപ്പറ്റി സംസാരിക്കാൻ ഞാൻ എന്തോരം ശ്രെമിച്ചെന്നോ. എന്നാൽ എന്റെ ഒരുവാക്ക് പോലും കേൾക്കാൻ നീ തയാറായില്ല. അന്ന് രാത്രി നീ കുടിച്ചിട്ട് വന്നതിന്റെ കാരണക്കാരി ഞാൻ ആണെന്ന് മനസ്സിലായപ്പോ എനിക്ക് എന്തുമാത്രം വേദനിച്ചെന്നോ. പോരാത്തതിന് അമ്മയുടെ പക്കൽ നിന്നും തല്ലും കിട്ടി. ആ സമയങ്ങളിൽ എന്റെ വിഷമം മനസ്സിലാക്കാനോ പറയനോ ആരും ഉണ്ടായിരുന്നില്ല…” ചാരു എന്റെ തോളിൽ ചാരി കരയാൻ തുടങ്ങി. ഞാൻ അവളെ അശ്വസിപ്പിച്ചു.

 

 

 

“… കോളേജിൽ ഒരു ഉണർവും ഇല്ലാതെ വിഷമിച്ചു നടന്ന എന്നോട് എന്ത് പറ്റിയെന്നു ചോദിക്കാൻ ആരും ഉണ്ടായിരുന്നില്ല. ഉള്ളുതുറന്ന് സംസാരിക്കാൻ പോലും നല്ലൊരു ഫ്രണ്ട് ഇല്ലാത്ത അവസ്ഥ. അ സമയത്ത് എന്നോട് സംസാരിച്ചു എന്റെ പ്രശ്നങ്ങൾ മനസ്സിലാക്കി ഇതിനൊരു പരിഹാരം കാണാം എന്ന് ഉറപ്പ് തന്നത് അരുൺ ആയിരുന്നു. അവൻ കാരണം ഉണ്ടായ പ്രശനം അല്ലെ അപ്പൊ അവൻ തന്നെ സഹായിക്കാം എന്ന് പറഞ്ഞു…”

 

 

 

“… എനിക്ക് ഉറപ്പുണ്ടായിരുന്നു നിന്നോട് മനസുതുറന്നു സംസാരിച്ചാൽ തീരാവുന്ന പ്രശ്നങ്ങളെ നമുക്ക് ഇടയിൽ ഉള്ളുവെന്ന്. എന്നാൽ നീ എന്നെ കാണുമ്പോൾ ഒഴിഞ്ഞുമാറുന്നത് മൂലം അതിന് പറ്റിയില്ല. അങ്ങനെ ഇരിക്കയാ എനിക്ക് തമിഴ്നാട്ടിൽ എക്സാം വന്നത്. അമ്മയോട് പറഞ്ഞു എന്നോടൊപ്പം വരാൻ ഇരുന്ന അച്ഛന് പകരം നിന്നെയും കൂട്ടി പോകാം എന്ന് നിർബന്ധം പിടിച്ചപ്പോ നിന്റെ അമ്മ അതിന് സമ്മതിച്ചു. ആ യാത്രയിൽ നിന്നോട് സംസാരിച്ചു എല്ലാം ക്ലിയർ ചെയ്യാനായിരുന്നു എന്റെ ഉദ്ദേശം അതിന് ഫുൾ സപ്പോർട്ട് തന്നത് അരുൺ ആയിരുന്നു. അന്നത്തെ ദിവസം ഇടക്ക് ഇടക്ക് എന്തായി കാര്യങ്ങൾ എന്ന് അറിയാൻ അവൻ എന്നെ വിളിച്ചോണ്ട് ഇരുന്നു. പ്രശ്നങ്ങൾ എല്ലാം പറഞ്ഞു ഒതുക്കി എന്റെ ഇഷ്ട്ടം നിന്നോട് പറയാൻ ഇരുന്നപ്പോഴാ ഗായുവിന്റെ കാൾ നിനക്ക് വന്നത്. നിങ്ങളുടെ സംസാരം കേട്ടപ്പോ ഒരുപക്ഷെ നിങ്ങൾ തമ്മിൽ ഇഷ്ടത്തിൽ ആണോ എന്നെനിക്ക് തോന്നി. അതെ പറ്റി അപ്പോൾ തന്നെ നിന്നോട് ചോദിച്ചു പക്ഷെ നീ വ്യക്തമായ ഉത്തരം തന്നില്ല. അത് എന്നെ ആകെ തളർത്തി എനിക്ക് ഏറ്റവും വിലപ്പെട്ട എന്തോ ഒന്ന് എന്നെ വിട്ടുപോകുന്ന ഫീൽ ആയിരുന്നു. ആ ഒരു അവസ്ഥയിൽ എന്താ സംസാരിക്കേണ്ടത് എങ്ങനാ സംസാരിക്കേണ്ടത് എന്ന് പിടിയും കിട്ടിയില്ല. എന്നിൽ നിന്നും നീ അകലുന്നത് എനിക്ക് ഒരിക്കലും ചിന്തിക്കാൻ കഴിയാത്തതാണ്. അതോർത്തു അന്ന് അ രാത്രി മുഴുവൻ ഞാൻ കരഞ്ഞു…” എന്തൊക്കെയാ ഇവൾ പറയുന്നേ എന്നൊരു അവസ്ഥയിൽ ആയിരുന്നു ഞാൻ.

 

 

 

“…ആ ട്രെയിൻ യാത്രക്ക് ശേഷം നീ എന്റെ ആവും എന്ന് കരുതിയ എനിക്ക് തെറ്റി. നീ മറ്റൊരാൾക്ക് സ്വന്തം ആണെന്നുള്ള തിരിച്ചറിവ് എന്നെ ആകെ തകർത്തു. എന്നാലും നിന്നെ മറക്കാനോ വെറുക്കാനോ എനിക്ക് ആയില്ല. ദൂരത്ത് നിന്നായാലും നിന്റെ ജയത്തിലും സന്തോഷത്തിലും പങ്കുചേരണം എന്നെ ആഗ്രഹിച്ചിട്ടുള്ളു…” ചാരുവിനെ തോളിലൂടെ കൈയിട്ടു ചേർത്ത് നിർത്താനെ എനിക്ക് കഴിഞ്ഞുള്ളു.

 

 

“… ആ ഇടക്ക് മറ്റൊരു കോളേജിൽ വച്ചു നടന്ന നിന്റെ ബോക്സിങ് മാച്ച് കാണാൻ എനിക്ക് വല്ലാത്ത ആഗ്രഹം തോന്നി. എന്നാൽ ദൂരം കൂടുതൽ ആയത് കൊണ്ട് എന്റെ ഒപ്പം വരാൻ ആരും തയാറായില്ല. എന്റെ അവസ്ഥ കണ്ട അരുൺ എന്റെ ഒപ്പം വരാൻ തയ്യാറായി. അന്ന് റിങ്ങിൽ വച്ച് എന്നെ കണ്ടതിനുശേഷം ഒരു ദയാദാക്ഷണ്യവും ഇല്ലാതെ എതിരാളിയെ നീ ഇടിച്ചതിൽ നിന്നും എന്നോട് എന്ത്മാത്രം വെറുപ്പ് ഉണ്ടന്ന് മനസിലായി. പിന്നെ അവിടെ അധികനേരം നിൽക്കാൻ തോന്നിയില്ല…”