💖മംഗല്ല്യധാരണം – 10 27അടിപൊളി 

 

 

 

“… ഒരു ചെറിയ ഡോസ് കൊടുത്തിട്ടുണ്ട്…” അമ്മയെ നോക്കി ഞാൻ കണ്ണിറുക്കി.

 

 

 

“…ചുമ്മാതല്ല. എന്തിനാടാ ആ കൊച്ചിനെ വിഷമിപ്പിക്കുന്നെ…”

 

 

 

“… ഇതൊക്കെ ഒരു രസം അല്ലെ…”

 

 

 

“… അവന്റെ ഒരു രസം. നിനക്ക് കുറച്ചു കൂടുന്നുണ്ട്…”

 

 

പിന്നെയും ഞാനും അമ്മയും കുറെ സമയം സംസാരിച്ചു. അമ്മ താഴേക്ക് പോവാനായി ഒരുങ്ങിയതും വാതിൽക്കൽ ഒരു അനക്കം കണ്ടു.ആൾ ആരാണെന്ന് എനിക്ക് മനസിലായി. അമ്മ പോയതും പുള്ളിക്കാരിഅകത്തേക്ക് വന്നു എന്നെ മൈൻഡ് ചെയ്യാതെ മുറിയുടെ അവിടേയും ഇവിടേയും തൊട്ടും തലോടിയും നിന്നും. ഇതൊക്കെ കണ്ട് എനിക്ക് ചിരി വന്നു.

 

 

 

“…എനിക്ക് ഒന്ന് കുളിക്കണമായിരുന്നു…” ആരോടെന്നില്ലാതെ ഞാൻ പറഞ്ഞു. എന്നിട്ടും പുള്ളികാരി എന്നെ നോക്കിയില്ല. ഞാൻ പതിയെ എഴുനേറ്റ് നടക്കാൻ തുടങ്ങി. വെറുതെ വീഴാൻ പോകുന്നപോലെ അഭിനയിച്ചതും. പെട്ടെന്ന് ഒരു പിടിവന്നു.

 

 

 

“… വയ്യങ്കിലും അഹങ്കാരത്തിന് ഒരു കുറവും ഇല്ല 😡…” എന്നെ താങ്ങി ബാത്‌റൂമിലേക്ക് പോകവേ ചാരു പറഞ്ഞു. ഞാൻ ഉള്ളിൽ ചിരിച്ചു.

 

 

 

“…നീ കുളിച്ചായിരുന്നോ…” ബാത്‌റൂമിൽ എത്തിയതും ഞാൻ തിരക്കി.

 

 

“…ചുമ്മാ കിന്നരിക്കാതെ കുളിക്കാൻ നോക്ക്…” കാൽ വെള്ളം നനയാതെ പ്ലാസ്റ്റിക് കവർ കൊണ്ട് കെട്ടിവെയ്ക്കവേ ചാരു പറഞ്ഞു.

 

 

 

“…ചോദിച്ചതിന് മറുപടി പറയ്…”

 

 

 

“… ഇല്ല എന്തെ…”

 

 

 

“… എന്നാ പോയി കതക് അടച്ചിട്ടു വാ നമുക്ക് ഒരുമിച്ച് കുളിക്കാം…” വഷളൻ ചിരിയോടെ ഞാൻ പറഞ്ഞു.

 

 

 

“… അയ്യേ വൃത്തികെട്ടവൻ. ഒറ്റക്ക് അങ്ങ് കുളിച്ചാൽ മതി ഞാൻ പോണ്…” ചാരു ബാത്‌റൂമിൽ വാതിലും ചാരി പുറത്തേക്ക് പോയി.

 

 

 

പെണ്ണിന് നാണം കാണും. പതിയെ എല്ലാം മാറ്റിയെടുക്കാം സമയം ഉണ്ടല്ലോ. അങ്ങനെ ഓരോന്ന് ആലോചിച്ചു കുളിയും കഴിഞ്ഞ് തിരിച്ചു മുറിയിൽ എത്തി.

 

 

 

“… എന്താ ആദി ഇത് റൂമിലേക്ക് വരുമ്പോൾ എന്നെ വിളിക്കായിരുന്നല്ലോ…”

 

 

 

“… നിനക്ക് ഒരു ബുദ്ധിമുട്ട് ആവണ്ട എന്ന് കരുതി…”

 

 

 

“… എന്നാലേ ഇനി അങ്ങനെ ഒന്നും കരുതണ്ട…”

 

 

 

“… കരുതാതെ പിന്നെ നമ്മൾ എന്തെങ്കിലും പറഞ്ഞാൽ അനുസരിക്കാൻ വല്യ ഡിമാൻഡ് അല്ലെ…”

 

 

“… എന്തിനാ ആദി എന്നെ എപ്പോഴും ഇങ്ങനെ വേദനിപ്പിക്കണേ. അറിയാതെ എന്തെങ്കിലും തെറ്റ് ഞാൻ ചെയ്തിട്ടുണ്ടങ്കിൽ എന്നോട് ക്ഷമിക്ക്. അതോ പഴയതിനൊക്കെ എന്നോട് പക തീർക്കണോ…” ഏങ്ങൽ അടിച്ചു കരഞ്ഞു പെണ്ണ് ആകെ ചളമാക്കി.

 

 

 

“… അയ്യേ ഞാൻ ചുമ്മാ തമാശക്ക് ചെയ്യുന്നത് അല്ലെ ഇതൊക്കെ അതിന് നീ ഇങ്ങനെ കരഞ്ഞാൽ എങ്ങനെയാ…”

 

 

 

“… ആദി തമാശക്ക് ചെയ്യുന്നത് ആവും. എന്നാൽ എനിക്ക് അത് എത്രമാത്രം വേദനിക്കും എന്ന് ചിന്തിച്ചിട്ടുണ്ടോ…” അവളുടെ ചോദ്യങ്ങൾക്കുള്ള മറുപടി എന്റെ കൈവശം ഇല്ല.

 

 

 

“…കഴിഞ്ഞത് ഒക്കെ കഴിഞ്ഞു അതിന്റെ പേരിൽ ഇനി കരയണ്ട. നീ വന്നേ എന്നെ ഒന്ന് ബാൽക്കണിയിൽ ആക്കി താ. ഈ മുറിയിൽ ഇരുന്ന് മടുത്തു…”

 

 

 

അവളുടെ തോളിൽ കൈയിട്ടു കൊന്തി കൊന്തി ബാൽക്കണിയിൽ പോയി ഇരുന്നു. ചായ കൊണ്ട് വരാം എന്ന് പറഞ്ഞു ചാരു താഴേക്ക് പോയി. ഞാൻ തമാശക്ക് ചെയ്യുന്നത് ഇവൾക്ക് ഇത്രമാത്രം ഹർട്ട് ആവും എന്ന് കരുതിയില്ല. മോശം ആയിപ്പോയി. ചാരു ചായ കൊണ്ടുവന്ന് എനിക്ക് തന്നു. മഴ പെയ്തു തോർന്നത് കൊണ്ട് നല്ല തണുപ്പ് ആ സമയത്ത് ചൂട് ചായ ഊതി ഊതി കുടിക്കുമ്പോൾ കിട്ടുന്ന സുഖം. ആഹാ അന്തസ്. എനിക്ക് ഒപ്പം ഇരുന്ന് ചാരുവും ചായ കുടിക്കുവാ. അച്ഛന് ആണെങ്കിൽ പണ്ടത്തെപോലെ തീരെ ഉത്തരവാദിത്തം ഇല്ല ഒന്നുമില്ലെകിലും സ്വന്തം മകന്റെ കാൽ ഒടിഞ്ഞിരിക്കയല്ലേ അപ്പൊ ചായകുടിക്കുമ്പോൾ കഴിക്കാൻ കടി വല്ലതും വാങ്ങണ്ടേ. ഇതിപ്പോ ശേ മോശം മോശം. തന്തപടിയേ ഉപദേശിക്കേണ്ടിരിക്കുന്നു.