💖മംഗല്ല്യധാരണം – 10 27അടിപൊളി 

 

 

“… എനിക്ക് ഒരു നാണക്കേടും ഇല്ല. പിന്നെ ഞാൻ നിന്നെ വിടില്ല എന്നൊന്നും പറഞ്ഞില്ലല്ലോ. ഞാൻ ചോദിച്ചത് തന്നാൽ നിനക്ക് ഇപ്പൊ പോവാം…”

 

 

 

“… ശോ. ഇത് എന്തൊരു കഷ്ട്ട. ഒരെണ്ണമേ തരു. പിന്നെ ചോദിക്കരുത്…” ആ ഉടമ്പടിക്ക് സമ്മതം കൊടുത്തതും മിന്നായം പോലെ കവിളൊരു ഉമ്മ കിട്ടി.

 

 

“… അയ്യേ ഇത് എന്ത് ഉമ്മ. ഇത് ആർക്ക് വേണം ഞാൻ മുമ്പേ പറഞ്ഞതാ കവിളിലേ ഉമ്മ ഒന്നും വരവ് വയ്ക്കില്ല എന്ന്…”

 

 

“…പ്ലീസ് ആദി ഞാൻ പോട്ടെ…”

 

 

“… ഞാൻ പറഞ്ഞല്ലോ ഞാൻ ചോദിച്ചത് കിട്ടിയാൽ നിനക്ക് പോവാം…” ഒരു വിട്ടുവീഴ്ചക്കും ഞാൻ തയാറല്ലായിരുന്നു.

 

 

“… എന്നാ കണ്ണടക്ക്…”

 

 

മറുത്തൊന്നും പറയാതെ ഞാൻ കണ്ണടച്ചു. അവളുടെ ആ അദരങ്ങൾക്കായി ഉള്ളൊന്ന് പിടച്ചു. പക്ഷെ ആ പിടച്ചിൽ അധികം നേരം നീണ്ടു നിന്നില്ല. മനസ് ഒന്ന് ചഞ്ചലപെട്ടപ്പോ കൈകൾ അയഞ്ഞു ആ സമയം കൊണ്ട് ചാരു എന്റെ കൈയിൽ നിന്നും വഴുതിപോയി.പിന്നെ പറയണ്ടല്ലോ പഴയതുപോലെ എന്നെ കൊഞ്ഞനം കുത്തി ചിരിച്ചോണ്ട് അമ്മക്ക് അരികിലേക്ക് ഓടി. പിന്നെ കക്ഷി ഉച്ചക്കുള്ള ചോറും മരുന്നുകളുമായാണ് വന്നത്. എന്നെ പറ്റിച്ചേ എന്നുള്ള ഒരു കള്ളച്ചിരി ആ മുഖത്ത് കാണാം. അവളെ മൈന്റ് ചെയ്യാതെ ഞാൻ പതിയെ കൊന്തി കൊന്തി പോയി കൈ കഴുകി വന്നു. പുള്ളിക്കാരി കാര്യമായി എന്നെ നോക്കുന്നുണ്ട് ഞാൻ അതിന് വലിയ ശ്രെദ്ധ കൊടുക്കാൻ പോയില്ല.

 

 

 

“… പിണക്കമാണോ എന്നോട്…” ഞാൻ ചോർ കഴിക്കവേ ചെറുപുഞ്ചിരിയോടെ ചാരു തിരക്കി.

 

 

അവൾ പറയുന്നത് ഒന്നും വലിയ വില കൊടുക്കാതെ ചോർ കഴിക്കുന്നതിൽ ശ്രെദ്ധ കൊടുത്തു. സത്യം പറഞ്ഞ ഇങ്ങനൊരാൾ ഇവിടില്ല എന്ന മാട്ടിലായിരുന്നു എന്റെ പെരുമാറ്റം. ഞാൻ മൈന്റ് ചെയ്യുന്നില്ല എന്ന് കണ്ടപ്പോ ചരുവിന്റെ മുഖം വാടി. എന്നെ വിഷമത്തോടെ നോക്കി നിൽക്കാനേ അവൾക്ക് ആയോളു.

 

 

 

“… ഞാൻ പിടിക്കാം…” കഴിച്ചു കഴിഞ്ഞ് കൈ കഴുകാൻ എഴുനേൽക്കവേ ചാരു പറഞ്ഞു.

 

 

 

വേണ്ടന്ന് പറഞ്ഞു ഞാൻ തനിയെ വീണ്ടും കൊന്തി കൊന്തി പോയി കൈ കഴുകി തിരികെ ബെഡിൽ വന്ന് കിടന്ന് ഫോൺ കുത്താൻ തുടങ്ങി. ഒളിക്കണ്ണിട്ട് ചാരുവിനെ നോക്കിയപ്പോ. ഇവിടെ ഇപ്പൊ എന്താ ഉണ്ടായേ എന്നമട്ടിൽ കണ്ണൊക്കെ നിറഞ്ഞു നിൽക്കാണ് പെണ്ണ്. സത്യം പറഞ്ഞ അ കാഴ്ച എന്റെ ചങ്ക് തകർക്കുന്നത് ആയിരുന്നു.ഇമോഷൻസ് സ്വയം അടക്കി ഞാൻ കിടന്നു.

 

 

 

“… എന്താ പോണില്ലേ. അമ്മ തിരക്കും വേഗം ചെല്ല്…” കളിയാക്കുന്ന മട്ടിൽ ഞാൻ പറഞ്ഞു.

 

 

 

തിരിച്ചൊരു അടിയോ നല്ലൊരു മറുപടിയൊ പ്രതീക്ഷിച്ച എനിക്ക് തെറ്റി. കണ്ണുകൾ തുടച്ച് ഞാൻ കഴിച്ച പാത്രവുമായി താഴേക്ക് പോയി. ചെയ്തത് ഇച്ചിരി കൂടിപ്പോയോ എന്നൊരു സംശയം. കുറച്ചു കഴിയുമ്പോൾ വരുവല്ലോ അപ്പൊ എല്ലാം ശെരിയാക്കാം. അതൊക്കെ ചിന്തിച്ചു ഞാൻ ഉറങ്ങിപ്പോയി. പിന്നെ വൈകിട്ടാണ് എഴുന്നേറ്റത്. ഉണർന്നപ്പോൾ അമ്മ അടുത്ത്‌ ഇരുന്ന് മുടിയിൽ തഴുകുന്നു.

 

 

 

“… എന്താടാ ഇങ്ങനെ നോക്കണേ…” അമ്മയെ നോക്കി കിടന്ന എന്നോട് അമ്മ ചോദിച്ചു.

 

 

 

“… എന്റെ അമ്മക്കുട്ടിക്ക് കുറച്ചു സൗന്ദര്യം കൂടിയോ എന്നൊരു ഡൌട്ട് അത് നോക്കുവായിരുന്നു…”

 

 

 

“…പോടാ കള്ള ചുമ്മാ മനുഷ്യനെ വട്ട് ആക്കാൻവേണ്ടി…”

 

 

 

“… ചുമ്മാ പറഞ്ഞത് അല്ല അമ്മേ സത്യമായിട്ടും. ഇപ്പൊ ഒരു 10 വയസ് കുറഞ്ഞപോലെ ഉണ്ട്…”

 

 

 

“… ഉവ്വ് ഉവ്വേ…”ഞാൻ അമ്മയുടെ കൈ പിടിച്ചു ഒരു ഉമ്മ കൊടുത്തു.

 

 

 

“…അതൊക്കെ പോട്ടെ ചാരു എവിടെ…” അമ്മയുടെ വലുപോലെ നടക്കുന്നവളെ ഒപ്പം കാണാത്തതുകൊണ്ട് ഞാൻ ചോദിച്ചു.

 

 

 

“… ആ പെണ്ണിന് എന്തോ പറ്റി. അവിടെ വിഷമിച്ചിരിക്കുന്നുണ്ട്. നീ വഴക്ക് വല്ലതും പറഞ്ഞോ…”