💖മംഗല്ല്യധാരണം – 4 20അടിപൊളി 

 

 

“… അതൊക്കെ ചെയ്യാം. പക്ഷെ പോവുമ്പോൾ ഡയറിമിൽക്ക് വാങ്ങി തരണം…” അമ്മുവിന്റെ ഡിമാന്റ് എത്തി.

വാങ്ങി കൊടുക്കാം എന്നുള്ള ഉറപ്പിന്മേൽ അമ്മു തലയിൽ മസ്സാജ് തുടങ്ങി. ഞാൻ അതും ആസ്വദിച്ചു അങ്ങനെ കിടന്നു.ഞാനും ഗായുവും അടിപിടി കൂടി അങ്ങോട്ടു ഇങ്ങോട്ടു കളിയാക്കിയും കിടന്നു. ചാരു നമ്മുടെ ചർച്ചകളിൽ പങ്കെടുക്കുന്നെങ്കിലും മുഖം അത്ര തെളിച്ചമില്ല.

 

 

പിറ്റേന്ന് രാവിലെ പെട്ടി ഒക്കെ പാക്ക് ചെയ്ത് ഇറങ്ങാൻ തീരുമാനിച്ചു. അമ്മുമ്മയുടെ മുറിയിലേക്ക് പോയി.

 

 

“… എന്റെ മക്കളെ കണ്ട് കൊതി തീർന്നില്ല…” അത് പറഞ്ഞു എനിക്കും അമ്മുവിനും അമ്മുമ്മ ഓരോ ചുംബനം തന്നു.

 

 

“…അതിനെന്താ അമ്മേ അവർക്ക് എപ്പോ വേണമെങ്കിലും വരാലോ…” ചാരുവിന്റെ അമ്മ പറഞ്ഞു.

 

 

“…ചാരുവും പോവണോ…” വിഷമത്തോടെ അമ്മുമ്മ തിരക്കി.

 

 

“… ഞാൻ പോയിട്ടു പെട്ടെന്ന് തിരിച്ചു വരില്ലേ…” അമ്മുമ്മയെ കെട്ടിപിടിച് ഒരു ഉമ്മ കൊടുത്ത് ചാരു പറഞ്ഞു. അമ്മുമ്മയുടെ ചങ്ക് ആണ് ചാരു അതിന്റെയ

 

 

“… എന്റെ മോൾക്ക് അവിടെ കുഴപ്പം ഒന്നും ഇല്ലല്ലോ അല്ലേ…” ചാരുവിനെ ഒന്ന് തലോടിക്കൊണ്ട് അമ്മുമ്മ തിരക്കി.

 

 

“… അതെന്താ അമ്മേ അങ്ങനെ ചോദിച്ചേ. അവൾക്ക് അവിടെ ഒരു കുറവും ഇല്ല. പൊന്നുപോലെയാ അവിടെ എല്ലാരും അവളെ നോക്കുന്നെ…” അമ്മ അത് പറഞ്ഞതും ചാരു എന്നെ തുറിച്ചു നോക്കി.

 

 

ആ നോട്ടത്തിന്റെ അർത്ഥം എനിക്ക് മനസിലായില്ല.പതിയെ ഞങ്ങൾ ഹാളിലേക്ക് നീങ്ങി.

 

 

“… മാമി ഗായു എവിടെ കാണാൻ ഇല്ലല്ലോ…” ഗായുവിനെ കാണാത്തത് കൊണ്ട് ഞാൻ ചോദിച്ചു.

 

 

“…അവൾ റൂമിൽ ഉണ്ട് എന്തോ അർജന്റ് കാൾ വന്നു. ഇവിടെ എല്ലാരും പോകുന്നതിന്റെ തിരക്ക് ആയോണ്ട് റൂമിലേക്ക് പോയതാ…” മാമി പറഞ്ഞു.

 

 

“… ആണോ. ഞാൻ അവളെ വിളിച്ചിട്ടു വരാം…” ഞാൻ അവളുടെ മുറിയിലേക്ക് പോയി.

 

 

“… എന്നാ മോളുസേ വല്യ ബിസി ആണെന്ന് തോന്നുന്നു…” ചെന്ന പാടെ ഫോണിൽ വിളിച്ചോണ്ട് ഇരുന്ന ഗായുവിനോട് ഞാൻ ചോദിച്ചു.

 

 

എന്തോ ഇമ്പോർട്ടന്റ് കാര്യം ആണ്. എന്നെ നോക്കി കൈ കൊണ്ട് ഒരു മിനിറ്റ് എന്ന് കാണിച്ചു പിന്നെയും ഫോണിൽ ശ്രദ്ധ കേന്ദ്രീകരിച്ചു. ഞാൻ അവൾക്കായി വെയിറ്റ് ചെയ്തു. ഫോൺ കാൾ കഴിഞ്ഞതും അവൾ എന്റെ അടുത്തേക്ക് വന്നു.

 

 

“…സോറി. അത്യാവശ്യ കാൾ ആയിരുന്നു അതാ ഇങ്ങോട്ട് വന്നേ. നിങ്ങൾ ഇറങ്ങാറായോ…” ഗായു തിരക്കി.

 

 

“… ആടി ഇറങ്ങാൻ നിൽക്കാണ്. നിന്നെ നോക്കിയപ്പോ അവിടെ കണ്ടില്ല അതാ ഇങ്ങോട്ട് വന്നേ…”

 

 

“…so നിങ്ങൾ പോവാണ്. ഇനി എപ്പോഴാ കാണുന്നെ…” ഗായു ചോദിച്ചു.

 

 

“… നീ ഒരു ദിവസം ഞങ്ങളുടെ നാട്ടിലേക്ക് വാ. അവിടെ കളർ ആക്കാം…”

 

 

“… ഞങ്ങടെ നാടും മോശം ഒന്നും അല്ല കേട്ടോ അങ്ങോട്ടും ഇറങ്ങാം…” അവളും കട്ടക്ക് നിന്ന്.

 

 

“… ഒരു ദിവസം എല്ലാരേയും കൂട്ടി അങ്ങോട്ട് ഇറങ്ങാം. പോട്ടെടി കാന്താരി …” ഞാൻ അതും പറഞ്ഞ് അവളെ കെട്ടിപിടിച്ചു.

 

“… I miss you…”അത് പറഞ്ഞു തിരിച്ച് അവൾ എന്നെ പുൽകി.

 

 

“…🗣️ ആദി…”

 

 

ആ അലർച്ച കേട്ട ഞാനും ഗായുവും ഞെട്ടി വാതിൽക്കൽ നോക്കി. കോപത്താൽ ഉറഞ്ഞു തുള്ളുന്ന ചാരുവുനെ ആണ് കണ്ടത്. എന്താ എന്നാ ഭാവത്തിൽ ഞാൻ ചാരുവിനെ നോക്കി

 

 

“… മാമി വിളിക്കുന്നു. ഇറങ്ങാൻ സമയമായി😡…” ഇത്രയും പറഞ്ഞു ചവിട്ടിതുള്ളി അവൾ പോയി.

 

 

“…ഇവൾക്ക് എന്താ വല്ല പ്രാന്തും ഉണ്ടോ…” ഒന്നും മനസ്സിലാവാതെ ഞാൻ ഗായുവിനോട് ചോദിച്ചു.

 

 

“… ആർക്ക് അറിയാം. ഇനിയിപ്പോ ലേറ്റ് ആവണ്ട പോവാം…” അതും പറഞ്ഞ് ഗായു എന്റെ കൈയ്യും പിടിച്ചു ഉമ്മറത്തേക്ക് എത്തി.

 

 

“… അപ്പൊ എല്ലാർക്കും ടാറ്റ. ഞങ്ങൾ പോയിട്ടു വരാം. നിങ്ങളും ഒരുദിവസം അങ്ങോട്ട് ഇറങ്ങ്…” എല്ലാരേയും കെട്ടിപിടിച് യാത്ര പറഞ്ഞ് ഞങ്ങൾ ഇറങ്ങി.