💖മംഗല്ല്യധാരണം – 4 20അടിപൊളി 

 

 

“… ഹലോ…” മൈര് കൃത്യസമയത്ത് തന്നെ ചരുവിനു ഫോൺ വന്നു.

 

 

“… ഹ കഴിച്ചായിരുന്നു……..

രാവിലെ എത്തും ……..

കുഴപ്പം ഇല്ല രാവിലെ എക്സാം ആയോണ്ട് നേരെ അങ്ങോട്ട് പോവും……..

അല്ലെ എക്സാം……….

എക്സാം കഴിഞ്ഞുള്ള ആദ്യ ട്രെയിനിൽ കയറും …..” ഇതെല്ലാം ഫോൺ വിളിച്ച ആൾക്ക് ചാരു കൊടുത്ത മറുപടികൾ ആണ്.

 

 

എന്നാലും ആരായിരിക്കും ഈ സമയത്ത് വിളിച്ചേ. ഇത്രക്ക് ഡീറ്റൈൽ ആയിട്ടു കാര്യങ്ങൾ പറയണം എങ്കിൽ അവളുടെ അമ്മ ആയിരിക്കും. എന്റെ ഈ ചോദ്യങ്ങൾക്ക് വല്യ ആയുസ്സ് ഇല്ലായിരുന്നു.

 

 

“…ഗുഡ് നൈറ്റ്‌ അരുൺ. രാവിലെ അവിടെ എത്തിയിട്ട് വിളിക്കാം…” അത്രയും പറഞ്ഞു ചാരു ഫോൺ കട്ടാക്കി.

 

 

ചാരു പറഞ്ഞ ആ പേര് എന്റെ കാതിൽ എക്കോ പോലെ കേട്ടുകൊണ്ടിരുന്നു. ജനൽ വഴി തണുത്ത കാറ്റ് ഉള്ളിലേക്ക് അടിക്കുന്നെങ്കിലും ഞാൻ വെട്ടി വിയർക്കാൻ തുടങ്ങി തലയെല്ലാം കറങ്ങുന്ന പോലെ. ഇപ്പോഴും അവൻ ഇവളെ വിളിക്കാറുണ്ടോ…? നാളെ തിരിച്ചു വിളിക്കാം എന്നല്ലേ ചാരു പറഞ്ഞെ അതിനർത്ഥം ഇവർ തമ്മിൽ എപ്പോഴും കോൺടാക്ട് ഉണ്ട് എന്നല്ലേ…? രാത്രി ഈ സമയത്തും ഇവളെ വിളിച്ചു കാര്യങ്ങൾ ചോദിച്ചെങ്കിൽ ഇവർ തമ്മിൽ ഫ്രണ്ട്ഷിപ് മാത്രം ആണോ…? അല്ലെങ്കിൽ തന്നെ ഇതിനൊക്കെ ഞാൻ എന്തിനാ ടെൻഷൻ ആവുന്നേ…? ഉത്തരങ്ങൾ ഇല്ലാത്ത ചോദ്യങ്ങൾ എന്റെ ഉള്ളിൽ അലയടിച്ചോണ്ട് ഇരുന്നു.

 

 

“… ആദി…ആദി…” ചരുവിന്റെ തട്ടിവിളിയാണ് എന്നെ സ്വയനിലവിലേക്ക് കൊണ്ട് വന്നത്.

 

 

“… ആരാ ഫോൺ വിളിച്ചേ…” ഞാൻ ഉദ്ദേശിച്ച ഉത്തരം ആവരുതെ എന്ന പ്രാർത്ഥനയിൽ എന്റെ ഉള്ളിൽ ഉണ്ടായിരുന്ന ചോദ്യം പുറത്തേക്ക് വന്നു.

 

 

“…ആദി…അത്… അരുൺ ആണ് വിളിച്ചേ…” ചെറിയൊരു ഭയത്തോടെയാണ് ചാരുപറഞ്ഞെ.

 

 

“… ഓ കോളേജിൽ ഉള്ള അരുൺ ആണോ…” എനിക്ക് കൺഫോർമേഷൻ വേണമായിരുന്നു.

 

 

“… അതെ…” തലകുനിച്ചു അവൾ പറഞ്ഞു.

 

 

“… എനിക്ക് ഒരു കാര്യം പറയാൻ ഉണ്ട് ആദി…” പ്രദീക്ഷയോടെ ചാരു എന്നെ നോക്കി.

 

 

ആ സമയത്ത് തന്നെ എന്റെ ഫോൺ റിങ് ചെയ്തു. ആരാ വിളിച്ചത് എന്നുപോലും നോക്കാതെ യാന്ത്രികമായി ഫോൺ അറ്റൻഡ് ചെയ്ത് കാതിൽ വച്ചു.

 

 

“… ഹലോ… ഹലോ…. ആദിയേട്ട… ഹലോ… ആദിയേട്ട…. കേൾക്കുന്നുണ്ടോ…” ഞാൻ ഒന്നും മിണ്ടാത്തത് കൊണ്ട് റേഞ്ച് ഇല്ലാന്ന് കരുതികാണും.

 

 

മനസ്സിലേക്ക് അരുണും ചാരുവും റിലേഷണിൽ ആണോ എന്നുള്ള എന്റെ സംശയം കൂടി കൂടിവന്നു. ഞാൻ എന്തോ ഇവരുടെ മുന്നിൽ തോറ്റുപോകുന്നോ എന്നൊരു തോന്നൽ. അങ്ങനെ തോൽക്കാൻ ഈ ആദിക്ക് മനസ്സില്ല. ഒരു പെണ്ണിന് വേണ്ടി വിഷമിച്ചിരിക്കുന്നു എന്ന് ഇവർ കരുതാൻ പാടില്ല. ഒരു നിമിഷം കണ്ണുകൾ അടച്ചു ശ്വാസം ഒന്ന് ഉള്ളിലേക്ക് വലിച്ചു പുറത്തേക്ക് വിട്ടു. പിന്നെ കണ്ണ് തുറന്നത് തോൽക്കാൻ മനസ്സില്ലാത്ത ആദിയാണ്.

 

 

“…ഗായു മോളെ പറയടി മുത്തേ…” എന്റെ ആദ്യ വാക്കുകൾ കേട്ടപ്പോൾ തന്നെ ചരുവിന്റെ മുഖം മാറി.

 

 

“… എന്താ ആദിയേട്ടൻ ആദ്യം ഒന്നും മിണ്ടാതെ ഇരുന്നേ…”ഗായു തിരക്കി

 

 

“…ട്രെയ്നിൽ അല്ലെ മോളെ റേഞ്ച് കുറവാ. അതാ ഒന്നും കേൾക്കാത്തെ…”

 

 

“… എന്താ മോനെ ഒരു സ്നേഹ പ്രകടനം…” എന്റെ സംസാര രീതിയിലെ മാറ്റം ഗായുവിന് മനസിലായി.

 

 

“…എന്റെ കൊച്ചിനെ സ്നേഹിക്കാൻ എനിക്ക് പ്രേത്യേകം കാരണം വല്ലതും വേണോ…”

 

 

“…എന്നാ അങ്ങനെ ആയിക്കോട്ടെ. ചേട്ടൻ വല്ലതും കഴിച്ചായിരുന്നോ…”

 

 

“… അമ്മ ചപ്പാത്തിയും ചിക്കനും ഉണ്ടാക്കി തന്നു വിട്ടു അത് കഴിച്ചു…”

 

 

“… നിങ്ങൾ എപ്പോഴാ തിരിച്ചു വരുന്നേ…”

 

 

“…മറ്റന്നാൾ വീട്ടിൽ എത്തും. നീ ഒരു ദിവസം വീട്ടിലോട്ടു വാ. നിന്നെ കാണാത്തത്കൊണ്ട് വല്ലാതെ മിസ്സ്‌ ചെയ്യുന്നു…” ചാരുവിനെ നോക്കി എന്റെ പട്ടിഷോ കാണിച്ചോണ്ട് ഇരുന്നു.