💖മംഗല്ല്യധാരണം – 4 20അടിപൊളി 

 

 

“…അതിനു ഞാൻ അവളെ എങ്ങനെ നോവിച്ചെന്ന നീ പറയുന്നേ..?അവൾ എന്നെ അല്ലെ നോവിച്ചേ…” കഴിഞ്ഞ കാലങ്ങൾ എന്റെ മനസിലൂടെ മിന്നിമറഞ്ഞു

 

 

“… ശാരീരികമായി നോവിച്ചില്ലെങ്കിലും മാനസികമായി നീ അവളെ നോവിച്ചിട്ടുണ്ട്. അതിനു അവൾ പ്രതികാരം ചെയ്യും…” കാർത്തി പിന്നെയും എന്നെ പേടിപ്പെടുത്തി.

 

 

“… നീ പേടിക്കാതെടാ ഇവന് പ്രാന്ത…” ദിയ എന്നെ അശ്വസിപ്പിക്കാൻ ശ്രെമിച്ചു.

 

 

“… ഇവൻ പറയുന്നത് പോലെയൊന്നും ആയിരിക്കില്ല. എന്റെ അഭിപ്രായത്തിൽ ഈ യാത്രയോടെ നിങ്ങൾ തമ്മിലുള്ള എല്ല പ്രേശ്നങ്ങളും മാറും. അതിന് നീ ആദ്യം ചരുവിന് പറയാനുള്ളത് കേൾക്ക് …” ദിയ അഭിപ്രായപെട്ടു.

 

 

“… ഇവൾ പറയുന്നത് ഒന്നും നീ കേൾക്കണ്ട. തരം കിട്ടിയാൽ നിന്നെ ട്രെയിനിൽ നിന്നും തള്ളി ഇടാനും അവൾ മടിക്കില്ല പെൺപിള്ളേരെകുറിച്ച് നിനക്ക് അറിയാതോണ്ടാ…” ദൈവമേ ഈ തെണ്ടി മനുഷ്യനെ പറഞ്ഞു പേടിപ്പിക്കോലോ

 

 

“…പിന്നെ പെൺപിള്ളേരെകുറിച്ച് അരച്ച് കലക്കി കുടിച്ച ഒരുത്തൻ വന്നിരിക്കുന്നു. നിന്നോട് ഒക്കെ ഏതെങ്കിലും പെൺപിള്ളേർ മിണ്ടോടാ…” ദിയ കാർത്തിയെ പുച്ഛിച്ചു തള്ളി.

 

 

“… എനിക്ക് ഒരുത്തിയെയും വിശ്വാസം ഇല്ല. അതുകൊണ്ട് എന്നോട് ആരും മിണ്ടാനും വരണ്ട 😏…” കാർത്തി അവന്റെ നിലപാട് പറഞ്ഞു

 

 

“… അല്ലെങ്കിൽ പെണ്ണ്പിള്ളേർ നിന്റെ പിന്നിൽ ക്യു നിൽക്കെല്ലേ. ഒന്ന് പോടാ ചെക്ക…” ദിയയുടെ വക പിന്നയും പുച്ഛം

 

 

“… ആദി നീ ഇവളെ വിളിച്ചോണ്ട് പോ ഇല്ലങ്കിൽ ഇവളുടെ മുഖത്തിന്റെ ഷേപ്പ് ഞാൻ മാറ്റും…” കാർത്തി കോപം കൊണ്ട് വിറങ്ങലിച്ചു.

 

 

“… പിന്നെ എന്റെ കൈ മാങ്ങാ പറിക്കാൻ പോവല്ലേ…”ദിയയും കൊമ്പ് കോർത്തു.

 

 

“… ഒന്ന് നിർത്തോ രണ്ടുംകൂട. നിങ്ങളോട് കാര്യങ്ങൾ പറഞ്ഞ എന്നെ പറഞ്ഞാൽ മതിയല്ലോ 🤦🏻‍♀️…” ഞാൻ സ്വയം പഴിച്ചു.

 

 

“… ആദി സൂക്ഷിച്ചാൽ ദുഖിക്കേണ്ട. മുമ്പ് പട്ടിയെ പോലെ കരഞ്ഞത് ഒന്നും മറന്നിട്ടില്ലല്ലോ..?” ഇത്രയും പറഞ്ഞു കാർത്തി പോയി.

 

 

“… എടാ കുഴപ്പം ഒന്നുമില്ല നീ ഹാപ്പി ആയി പോയിട്ടു വാ…”ദിയ ധൈര്യം പകർന്നു.

 

 

കൂട്ടുകാരുടെ ധൈര്യവും വീട്ടുകാരോടുള്ള വിശ്വാസത്തിന്റെ പുറത്തും ഞാൻ ചരുവിനോപ്പം ട്രെയിൻ കയറി. സ്ലീപ്പർ കിട്ടിയൊണ്ട് സുഗമായി പോവാം.ഞായർ വൈകുന്നേരം ആണ് ഞങ്ങൾ കയറിയത്. ലോവർ ബെഡും മിഡിൽ ബെഡുമാണ് കിട്ടിയേ. ഞാൻ മിഡിൽ ബെഡിൽ കയറി ഹെഡ് സെറ്റും വച്ചു സിനിമ കാണാൻ തുടങ്ങി ചാരുവിനെ ഞാൻ അതികം ശ്രദ്ധിക്കാൻ പോയില്ല. രാത്രി അമ്മ തന്നു വിട്ട ആഹാരം കഴിച്ചു. ഉറങ്ങാനായി എന്റെ ബെഡിൽ തയ്യാർ എടുക്കുമ്പോൾ ആണ് കാലിൽ ഒരു തോണ്ടൽ അനുഭവപ്പെട്ടത്.

 

 

“… അതെ ഒന്ന് വരുമോ…” ആശങ്കയോടെ ചാരു ചോദിച്ചു.

 

 

“… എവിടേക്ക്…” മനസ്സിലാവാതെ ഞാൻ ചോദിച്ചു.

 

 

“… ഒന്ന് വരവോ…” വീണ്ടും അതെ ചോദ്യം. ഞാൻ ബെഡിൽ നിന്നും ഇറങ്ങി.

 

 

“… എന്തിനാ എന്നെ വിളിച്ചേ…” വല്യ താല്പര്യം ഇല്ലാതെ ചോദിച്ചു.

 

 

“…ബാത്‌റൂമിൽ പോണം…”

 

 

“…അതിനു ഞാൻ ഇപ്പൊ എന്ത് ചെയ്യാനാ. നിന്നെ ഇവിടെ ആരും പിടിച്ചു വച്ചിട്ടൊന്നും ഇല്ലല്ലോ…”

 

 

“… അതല്ല അവിടെ 2,3 പേര് നിൽപ്പുണ്ട് അവരെ കാണുമ്പോൾ തന്നെ പേടിയാവുന്നു…” അവളുടെ കണ്ണിലെ ഭയം ഞാൻ കണ്ടു

 

 

“…ഇവളെ കൊണ്ട് . നടക്ക് അങ്ങോട്ട് ഞാൻ കൂടെ വരാം…” നിവർത്തി ഇല്ലാതെ അവളുടെ കൂടെ പോയി.

 

 

ചാരു പറഞ്ഞത് ശെരിയ. ആജാനബാഹുവിനെ പോലെ മൂന്നു പേര് അവിടെ നിൽപ്പുണ്ട്. കണ്ട തന്നെ പേടിയാകും. അവളെ ടോയ്ലറ്റിൽ പറഞ്ഞയച്ചിട്ടു ഞാൻ പുറത്ത് വെയിറ്റ് ചെയ്തു. അവർ എന്നെ രൂക്ഷമായി നോക്കുന്നുണ്ട് അത് എന്തിന് ആണോ ആവോ അടി വല്ലതും ഉണ്ടായാൽ ഇവന്മാർ എന്നെ എടുത്ത് പുറത്തേക്ക് എറിയും. ചാരു ബാത്രൂമിൽ നിന്നും ഇറങ്ങിയപ്പോ അവളെയും കൂട്ടി തിരിച്ചു വന്നു. ചാരു ബെഡിൽ ഇരുന്നു വെള്ളം കുടിക്കാൻ തുടങ്ങി. വന്ന ഉറക്കം അതേപോലെ തിരിച്ചു പോയത് കൊണ്ട് ഞാൻ അതിനു എതിർ വശം അവളെ നോക്കി ഇരുന്നു.ചുമ്മാ ഇരുന്നു ബോർ അടിക്കുന്നു. ചരുവിനോട് എന്തെങ്കിലും സംസാരിച്ചാലോ. ചിലപ്പോ ദിയ പറഞ്ഞപോലെ അവൾക്ക് എന്നോട് എന്തെങ്കിലും പറയാൻ ഉണ്ടങ്കിലോ. ഞാൻ തന്നെ സംസാരിക്കാൻ മുൻകൈ എടുത്തു.