💖മംഗല്ല്യധാരണം – 4 20അടിപൊളി 

 

 

“…ഓ നിങ്ങൾ ഇല്ലാത്തോണ്ട് ഒരു സുഖമില്ല. അതോണ്ട് ഞാൻ എല്ലാം കെട്ടിപെറുക്കി തിരിച്ചു വന്നു. പിന്നെ എന്റെ ചെക്കന് എന്നെ മിസ്സ്‌ ചെയ്യുന്നു എന്ന് പറഞ്ഞു അപ്പൊ അവനെയും കാണാല്ലോ…”

 

 

“… അപ്പൊ കാമുകനെ കാണാൻ ഓടിയത് ആണ് എന്നിട്ട് ഞങ്ങൾ ഇല്ലാത്തോണ്ട് എന്ന് ഒരു തള്ളലും…”

 

 

“…ആ അങ്ങനെ തന്നെയാ. ഇതൊന്നും പെണ്ണും പെടക്കോഴിയും ഇല്ലാത്ത നിങ്ങളോട് പറഞ്ഞിട്ട് കാര്യം ഇല്ല…” അത് കേട്ടപ്പോ ഒരുനിമിഷം ചരുവിന്റെ മുഖം മനസ്സിൽ മിന്നി മറഞ്ഞു.

 

പിന്നയും നമ്മൾ ഒരുപാട് നേരം സംസാരിച്ചു. നമുക്ക് എല്ലാർക്കും കാണുമല്ലോ ഒരു ബെസ്റ്റ് ഫ്രണ്ട് പോലൊരു കസിൻ. ഗായു ഇപ്പൊ എനിക്ക് അങ്ങനെയാ. എന്ത് വേണമെങ്കിലും പറയാം സംസാരിക്കാം ☺️. അവൾക്കും ഏറക്കുറെ അത് പോലെ തന്നെയാ.

 

 

“… ഈ വരുന്ന തിങ്കളാഴ്ച നിനക്ക് വല്ല പരിപാടിയും ഉണ്ടോ…” രാത്രി ഫുഡ്‌ കഴിക്കുന്നതിന്റെ ഇടക്ക് അമ്മ ചോദിച്ചു.

 

 

“…കോളേജിൽ പോണം അത്രയേ ഉള്ളു…” നിസാരമായി പറഞ്ഞു.

 

 

“…എന്നാ നീ തമിഴ്നാട് വരെ ഒന്ന് പോണം…” അമ്മ പറഞ്ഞു.

 

 

“… അതിനെന്താ പോവാലോ…” വരാൻ ഇരിക്കുന്ന ആപത്തു മനസ്സിലാവാതെ സമ്മതവും മൂളി.

 

 

“… അല്ല എന്തിന ഞാൻ പോണേ…” കാര്യം അറിയണമല്ലോ.

 

 

“… ചാരുമോൾക്ക് ബാംഗ്ലൂരിൽ വച്ച് ഒരു എക്സാം ഉണ്ട് അപ്പൊ നീ ഒന്ന് കൂടെ ചെല്ലണം…” അത് കേട്ടതും കഴിച്ചോണ്ട് ഇരുന്ന ഫുഡ്‌ തനിയെ തൊണ്ടവഴി ഇറങ്ങിപോയി.

 

 

“…എന്തോന്ന്..? എനിക്ക് പോവാൻ പറ്റില്ല…”

 

 

“… അതെന്താ നിനക്ക് പോയാൽ…” ഗംഗയിൽ നിന്നും അമ്മ നാഗവല്ലിയായി മാറി.

 

 

“…അത്…അത്… എനിക്ക് അന്ന് ജിമ്മിൽ പോണം. മാച്ച് അടുത്ത് വരുന്നോണ്ട് പ്രാക്ടീസ് മുടക്കാൻ പറ്റില്ല…” വായിൽ വന്നത് അങ്ങ് തട്ടി വിട്ടു.

 

 

“… ഒരു ദിവസം പ്രാക്ടീസ് ചെയ്തില്ല എന്ന് വച്ച് ഒന്നും നടക്കാൻ പോണില്ല. ഞാനാ പറയുന്നേ നീ അവളുടെ കൂടെ പോയെ പറ്റു…” അമ്മ ചെക്ക്മേറ്റ് വച്ചു ഇനി ഒഴിയാൻ പറ്റില്ല.

 

 

“… എന്നാ ശെരി ഞാൻ പൊക്കോളാം…” വേറെ വഴിയില്ലാതെ സമ്മതിക്കേണ്ടി വന്നു.

 

 

രാത്രി എത്ര ഉറങ്ങാൻ നോക്കിയിട്ടും ഉറക്കം വരുന്നില്ല. അവളുടെ കൂടെ പോണം എന്ന് ആലോചിക്കുമ്പോൾ എന്തോ അസ്വസ്ഥത. അമ്മ ആദ്യം ചോദിച്ചപ്പോഴേ എന്തെകിലും പരിപാടി പറഞ്ഞു ഒഴിയാൻ ഉള്ളതായിരുന്നു. ഇതിപ്പോ 2, 3 ദിവസം അങ്ങനെ പോകും. ഒരുപാട് കാര്യങ്ങൾ ചിന്തിച്ചു നിദ്രയിൽ മുഴുകി.പിറ്റേന്ന് കോളേജിലും ചർച്ച ഇത് തന്നായിരുന്നു.

 

 

“… നീ പേടിക്കണ്ട അളിയ ഇതൊക്കെ ഒരു ചാലഞ്ച് അല്ലെ…” കാർത്തിയുടെ സമാധാനപെടുത്തൽ ആണ്.

 

 

“… ഞാൻ എന്തിനാ പേടിക്കുന്നെ. അല്ല ഇതിൽ എന്താ ഇത്ര വല്യ ചാലഞ്ച്…” മനസ്സിലാവാതെ ഞാൻ ചോദിച്ചു.

 

 

“… ഇതിൽ എന്തോ കുഴപ്പം ഉണ്ട് നീ തന്നെ ഒന്ന് ആലോചിച്ചു നോക്കിയേ ഇത്രയും നാൾ ഇല്ലാത്ത എക്സാം ഇപ്പൊ എവിടെ നിന്ന് വന്നു..? വേറെ ആരും ഇല്ലാത്തോണ്ട് ആണോ നിന്നെത്തന്നെ കൂടെചെല്ലാൻ പറഞ്ഞത് something fishy…”കാർത്തി അവന്റെ സംശയങ്ങൾ ഉന്നയിച്ചു.

 

 

“… എടാ അത് അച്ഛൻ തിരക്കിൽ ആയോണ്ട് ആണുങ്ങൾ ആരെങ്കിലും കൂടെ പോണ്ടേ അതാ എന്നോട് ചെല്ലാൻ പറഞ്ഞെ…”

 

 

“…അവളെ മൈൻഡ് കൂടി ചെയ്യാത്ത നിന്നെ തന്നെ കൂടെ കൊണ്ട് പോണമെങ്കിൽ. ഇത് ഒരു ട്രാപ്പ് ആണ്…” ഒരു ഡിക്റ്റേറ്റീവിനെ പോലെ കാർത്തി അവന്റെ കണ്ടുപിടിത്തം എല്ലാം നിരത്തി.

 

 

“… ട്രാപ്പോ, എന്ത് ട്രാപ്പ്…” ചെറിയ ഒരു ഭയം എന്നിൽ ഉടലെടുത്തു.

 

 

“… ഒന്ന് പോടാ അവന്റെ ഒരു കണ്ടുപിടിത്തം…” കാർത്തിയുടെ നിലപാടുകൾ ദിയ പാടെ തള്ളിക്കളഞ്ഞു.

 

 

“…അവളെ നീ നോവിച്ചതിനു പകരം വീട്ടാനാണ് അവൾ നിന്നെയും കൊണ്ട് പോണത്…” ക്രൂര ഭാവത്തിൽ കാർത്തി പറഞ്ഞു.