💖മംഗല്ല്യധാരണം – 4 20അടിപൊളി 

 

“… ഗായു വിളിക്കാം കേട്ടോ…” കാറിൽ കേറുമ്പോൾ കൈകൊണ്ട് ഞാൻ ആംഗ്യം കാണിച്ചു

ഇത്തവണ കാർ ഞാൻ എടുത്തു. അച്ഛൻ എന്റൊപ്പവും.

 

 

“… ഇവടന്ന് പോവാൻ തോന്നുന്നില്ല അല്ലെ…” പുറത്തേക്ക് നോക്കി അമ്മു പറഞ്ഞു.

 

 

“… അതെ നല്ല വെക്കേഷന് ആയിരുന്നു…” ഞാനും അഭിപ്രായപെട്ടു

 

 

“… ഇങ്ങോട്ട് വരുന്ന കാര്യം പറഞ്ഞപ്പോ നിനക്ക് എന്ത് ജാട ആയിരുന്നു. ഇപ്പൊ എങ്ങനെ ഉണ്ടട…” അമ്മ ചോദിച്ചു.

 

 

“… ഓ പിന്നെ ഗായു ഇല്ലായിരുന്നെങ്കിൽ ഞാൻ പിറ്റേന്ന് തന്നെ പോയേനെ. അവൾ ഉള്ളത്കൊണ്ട് ബോർ അടി ഇല്ലായിരുന്നു…” അത് പറഞ്ഞു മിറർ വഴി ചാരുവിനെ ഒന്ന് പാളി നോക്കി.ചാരു എന്നെ നോക്കി ദഹിപ്പിക്കുന്നുണ്ടായിരുന്നു.

 

വൈകുന്നേരത്തോടെ ഞങ്ങൾ വീട്ടിൽ എത്തി.യാത്ര ഷീണം കാരണം ചെന്ന ഉടനെ കട്ടിലിൽ കേറി കിടന്നു. പിറ്റേന്ന് രാവിലെ ആണ് ഉറക്കം എഴുന്നേറ്റത്. പതിവുപോലെ കാപ്പികുടിയൊക്കെ കഴിഞ്ഞ് ജിമ്മിൽ പോയി. കാർത്തി നേരുത്തേ അവിടെ ഹാജർ ആയിട്ടുണ്ടായിരുന്നു. അവനോട് വെക്കേഷൻ പോയ സംഭവ വികസങ്ങൾ ഒക്കെ പറഞ്ഞു. വൈകിട്ട് വീട്ടിൽ എത്തി.

 

 

“… ഇന്നെങ്കിലും നേരുത്തേ വന്നുടായിരുന്നോ. നാളെ അല്ലെ കോളേജ് തുറക്കുന്നെ…” അമ്മ പറഞ്ഞു

 

 

“… സോറി അമ്മക്കുട്ടി. എന്തായാലും ഞാൻ എത്തിയില്ലേ…” എല്ലാരും അത്താഴം കഴിക്കാനായി ഇരുന്നു.

 

 

“… ഗായു വിളിച്ചായിരുന്നു…” എനിക്ക് വിളമ്പുന്നതിന്റെ ഇടക്ക് അമ്മ പറഞ്ഞു.

 

 

“… ആണോ എന്നിട്ട് എന്ത് പറഞ്ഞു…”

 

 

“…അവർ ഇന്ന് വീട്ടിൽ പോവാണെന്നു പറഞ്ഞു. നിന്നെ ഒരുപാട് വിളിച്ചു എന്നിട്ട് കിട്ടിയില്ല എന്ന് പറഞ്ഞു അതാ എന്നെ വിളിച്ചേ…”അമ്മ അത് പറഞ്ഞതും ചാരു ഇക്കിൾ വെട്ടാൻ തുടങ്ങി.

 

 

“… അയ്യോ എന്ത് പറ്റി മോളെ. വെള്ളം കുടിക്ക്…” അമ്മ അവൾക്ക് വെള്ളം ഒഴിച്ച് കൊടുത്തു.

 

 

ഇവൾക്ക് എന്തിനാ ഇപ്പോ ഇക്കിൾ വെട്ടിയത്. ആർക്ക് അറിയാം ആർത്തി മൂത്ത് തിന്നപ്പോ തൊണ്ടയിൽ കുരുങ്ങി കാണും

 

 

“… ഫോൺ ചാർജ് തീർന്നു പോയി അമ്മേ. അതാ അവൾ വിളിച്ചപ്പോ കിട്ടാത്തെ. കുഴപ്പമില്ല കിടക്കാൻ നേരത്ത് ഞാൻ വിളിച്ചോളാം…” സാധാരണ കഴിക്കുന്നതിലും നേരുത്തേ ഞാൻ ഫുഡ്‌ കഴിച്ച് തീർത്തു അമ്മുവിന്റെ റൂമിൽ കുത്തിയിട്ട ഫോൺ സ്വിച്ച് ഓൺ ആക്കിയതും ഗായുവിന്റെ കാൾ വന്നു.

 

 

“…വീട്ടിൽ എത്തിയിട്ട് ഒരു കാൾ ചെയ്യാൻ തോന്നിയോട

…പട്ടി…തെണ്ടി…ചെറ്റേ…” ഫോൺ എടുത്തപാടെ ഗായു തുടങ്ങി.

 

 

“… സോറി… സോറി… വിളിക്കാൻ മറന്നു പോയി 😁…” അവളെ അനുനയിപ്പിക്കാൻ നോക്കി.

 

 

“…ഓഹോ ഇവിടന്നു പോയപ്പോ നമ്മളെ എല്ലാം മറന്നു അല്ലെ. ഇനി ഒന്നും പറയണ്ട…” അവൾ ഫോൺ കട്ടാക്കി പോയി.

 

 

“… എന്താടാ…” എന്റെ കാട്ടികൂട്ടൽ കണ്ട് അമ്മ കാര്യം തിരക്കി

 

 

“… അവിടന്ന് വന്നിട്ട് അവളെ വിളിക്കാത്തതിന്റെ പരിഭവം ആണ്…”

 

 

“… ആഹ്ഹ് അനുഭവിച്ചോ. മോൾക്ക് 1 ചപ്പാത്തി കൂടി വയ്ക്കട്ടെ…” എന്നെ നോക്കികൊണ്ടിരുന്ന ചരുവിനോട് അമ്മ ചോദിച്ചു.

 

 

അവൾ വേണ്ടന്ന് പറഞ്ഞു കഴിപ്പ് മതിയാക്കി. ഫോണുമായി ഞാൻ ബാൽക്കണിയിലേക്ക് പോയി. ഒരുപാട് തവണ വിളിച്ചിട്ടും ഗായു ഫോൺ എടുത്തില്ല. അവസാനം വാട്സ്ആപ്പ് വഴി സോറി ഒക്കെ പറഞ്ഞിട്ടാണ് അവൾ ഫോൺ എടുത്തേ.

 

 

“…എന്താ മാഷേ ഫോൺ എടുക്കാൻ ഒക്കെ ഒരു മടി…” ഞാൻ ചോദിച്ചു

 

 

“… നമ്മളെ ഓർക്കാത്തവരെ നമ്മൾ എന്തിനു ഓർക്കണം 😒…”

 

 

“…ഇപ്പോഴും പിണക്കം മാറിയില്ലേ…”

 

 

“… ഇല്ലങ്കിൽ..?”

 

 

“… സോറി മുത്തേ ക്ഷമിക്ക്. ഇവിടെ എത്തിയപ്പോ താമസിച്ചു ക്ഷീണം കൊണ്ട് ഉറങ്ങി പോയി അതാ വിളിക്കാത്തെ…”

 

 

“… Hmm ഇത്തവണ ക്ഷമിച്ചിരിക്കുന്നു…”

 

 

“… ഉത്തരവ്.അല്ല നീ നാളെയല്ലേ വീട്ടിൽ പോവുന്നുള്ളു എന്ന് പറഞ്ഞെ…”