💖മംഗല്ല്യധാരണം – 6 29അടിപൊളി 

 

“… ചാരുവോ 😲…” വിശ്വസിക്കാൻ ആകാതെ കാർത്തി ചോദിച്ചു.

 

“… അതേടാ. മൈര് ഓരോ മാരണങ്ങൾ എന്റെ തലയിൽ തന്നെ വന്നു പതിക്ക. ഞാൻ എന്ത് ചെയ്യാനാ…” എന്റെ ആവലാതി അവനെ പറഞ്ഞറിയിച്ചു.

 

“…ടെൻഷൻ ആവണ്ടടാ. നിന്റെ മനസ്സിൽ എന്താണെന്ന് എനിക്ക് അറിയാം ആലോചിച്ചു നല്ലൊരു തീരുമാനം എടുക്ക്…” അവന്റെ വാക്കുകൾ എന്നും എനിക്ക് ഒരു ആശ്വാസം മാത്രെ തന്നിട്ടുള്ളൂ.

 

ഫോൺ കട്ട്‌ ആക്കി വിദൂരതയിലേക്ക് നോക്കി ഇരുന്നു. കഴിഞ്ഞത് ഒന്നും അത്ര പെട്ടെന്ന് എനിക്ക് മറക്കാനും പൊറുക്കാനും പറ്റില്ല.

 

“…മോനെ ആദി…” അച്ഛൻ എന്റെ ഒപ്പം പടിക്കെട്ടിൽ വന്നിരുന്നു.

 

“… നീ എന്താണ് ആലോചിക്കുന്നത് എന്ന് എനിക്ക് നല്ലപോലെ അറിയാം…” ദൈനീയമായി അച്ഛനെ നോക്കി. അച്ഛൻ എന്നെ നോക്കാതെ മുന്നോട്ട് നോക്കിത്തന്നെ തുടർന്നു.

 

“…ആരും പറയുന്നത് നീ മുഖവിലയ്ക്ക് എടുക്കണ്ട. നിന്റെ മനസ്സിൽ തോന്നുന്നത് നീ ചെയ്തോ അച്ഛൻ എന്തായാലും നിന്റെ ഒപ്പം ഉണ്ടാവും…” എന്റെ കൈയിൽ അമർത്തി പിടിച്ചു എനിക്ക് വിശ്വാസം തന്നു.

 

അച്ഛൻ ഒരിക്കൽ പോലും എന്നോട് ഇങ്ങനെ സംസാരിച്ചിച്ചിട്ടില്ല. അറിയാതെ എന്റെ കണ്ണുകൾ നിറഞ്ഞു. അത് കണ്ടിട്ടാവണം അച്ഛൻ എഴുനേറ്റ് അകത്തേക്ക് പോയി.

 

ഇന്നത്തെ ദിവസം ആരും എന്നോട് പ്രത്യേകിച്ച് ഒന്നും മിണ്ടാൻ വന്നില്ല. ഗായു പോലും എന്നിൽ നിന്നും അകന്നു നടന്നു ഒരുപക്ഷെ എനിക്ക് കുറച്ചു സമാധാനം തരാൻ ആയിരിക്കും. ഉച്ചക്ക് ഭക്ഷണം കഴിക്കുമ്പോൾ പോലും ആരും പരസ്പരം സംസാരിച്ചില്ല. ആഹാര ശേഷം മുറിയിൽ തന്നെ കിടന്നു.

 

“… ഏട്ടാ…എല്ലാരും ഏട്ടനെ തിരക്കുന്നു…” മുറിയിൽ കിടന്ന എന്നെ അമ്മു വന്നു വിളിച്ചു.

“…നിനക്ക് ഈ കല്യാണത്തെകുറിച്ച് എന്താ അഭിപ്രായം…” ഉമ്മറത്തേക്ക് പോകും വഴി അമ്മുവിനോട് ഞാൻ തിരക്കി.

 

“…എന്താ ഏട്ടാ അങ്ങനെ ചോദിച്ചേ…”

 

“…എല്ലാരും അവരവരുടെ അഭിപ്രായങ്ങൾ എന്നോട് പറഞ്ഞു. നിന്റെ അഭിപ്രായവും അറിയണം അല്ലോ…”

 

“…അങ്ങനെ ചോദിച്ചാൽ. ചാരു ചേച്ചി പാവമാ. ചാരു ചേച്ചി ഏട്ടത്തിയായി വന്നാൽ നല്ല രസമായിരിക്കും …” അവളുടെ അഭിപ്രായവും അറിഞ്ഞു.

 

എല്ലാരും എനിക്കായി ഉമ്മറത്തു കാത്തിരുന്നു.ചാരുവിനെ മാത്രം ആ കൂട്ടത്തിൽ കണ്ടില്ല. ചിലപ്പോ അമ്മുമ്മയുടെ കൂടെയായിരിക്കും.

 

“… അമ്മ പറഞ്ഞ കാര്യത്തിൽ നിന്റെ തീരുമാനം അറിയാന ഞങ്ങൾ ഇപ്പൊ നിന്നെ വിളിച്ചേ. നമുക്ക് എല്ലാർക്കും ഈ വിവാഹത്തിന് പൂർണ സമ്മതം ആണ്…” ചരുവിന്റെ അച്ഛൻ പറഞ്ഞു.

 

കൂടിനിന്നവർ എന്നെ തന്നെ നോക്കുന്നു. അമ്മയുടെ കണ്ണിൽ പ്രദീക്ഷയുടെ തിളക്കം കാണാം അമ്മുവിന്റെയും ഭാവം അത് തന്നെ. അച്ഛനെ നോക്കിയപ്പോ ഞാൻ കൂടെ ഉണ്ടടാ എന്നുള്ള ഭാവം ആയിരുന്നു. ഒരു നിമിഷം കണ്ണടച്ചു ദീപ് ബ്രീത് എടുത്തു. കണ്ണ് തുറന്നു.

 

“… എനിക്ക് ഈ വിവാഹത്തിന് സമ്മതം…”

 

എന്റെ ആ വാക്കുകൾ കേട്ട് എല്ലാവരും പരസ്പരം മുഖത്തോട് മുഖം നോക്കി പുഞ്ചിരി തൂകി. അമ്മയുടെ മുഖത്ത് ഈ അടുത്ത് ഒന്നും ഇത്രയും സന്തോഷം ഞാൻ കണ്ടിട്ടില്ല. അതിൽ നിന്ന് തന്നെ അമ്മ എത്രമാത്രം ഇത് ആഗ്രഹിച്ചിരുന്നു എന്ന് എനിക്ക് മനസിലായി. സത്യം പറഞ്ഞാൽ എന്റെ ഈ തീരുമാനത്തിന് വലിയൊരു പങ്ക് അമ്മയുടെ ഈ പുഞ്ചിരിക്കാണ്.

 

“… എന്നാ മോൻ പൊയ്ക്കൊ ഞങ്ങൾ കാര്യങ്ങൾ ഒക്കെ തീരുമാനിക്കട്ടെ…” ഗായുവിന്റെ അച്ഛൻ പറഞ്ഞു.

 

ഞാൻ ഒന്ന് മൂളി ഉള്ളിലേക്ക് പോയി. പിന്നാലെ ഗായുവും അമ്മുവും എത്തി.

 

“… കൊച്ചു കള്ള വിവാഹത്തിന് താല്പര്യം ഇല്ല. ഇഷ്ട്ടമല്ല എന്നൊക്കെ തള്ളിയത് ആണല്ലേ…” ബെഡിൽ കിടന്ന എന്റെ അടുത്തായി ഇരുന്നുകൊണ്ട് ഗായു കളിയാക്കി.

 

“… Hmm 😏…” കൂടുതൽ ഒന്നും പറയാൻ സാധിച്ചില്ല.

 

“…അമ്മുമ്മക്ക് ഇപ്പൊ എങ്ങനെ ഉണ്ട്…” കറങ്ങുന്ന ഫാൻ നോക്കി ഞാൻ ചോദിച്ചു.

 

“… ഇപ്പൊ കുഴപ്പം ഇല്ല. ഇതുകൂടി കേൾക്കുമ്പോൾ അമ്മുമ്മക്ക് കൂടുതൽ സന്തോഷമാവും…” പുഞ്ചിരി തൂകി അമ്മു പറഞ്ഞു.