💖മംഗല്ല്യധാരണം – 6 29അടിപൊളി 

 

“…എന്താടി ഇത് കാര്യമായിട്ട് വല്ലതും ഉണ്ടോ…” ദിയ എനിക്ക് നേരെ നീട്ടിയ ഗിഫ്റ്റ് വാങ്ങി ഞാൻ ചോദിച്ചു.

 

“…തുറന്ന് നോക്ക്…” അത് കേട്ടതും ഞാൻ ഗിഫ്റ്റ് തുറന്നു നോക്കി എന്റെയും ചരുവിന്റെയും ഒരു ഫോട്ടോ വരച്ചത് ആയിരുന്നു.

 

“… കൊള്ളാലോ.സംഭവം കളർ ആയിട്ടുണ്ട്…”

 

“…എന്ത് ചെയ്യാൻ എനിക്ക് ഇച്ചിരി കഴിവ് കൂടി പോയില്ലേ…” ദിയ സ്വയം പുകഴ്ത്തി.

 

“…അതേ നീ ഒരു കഴുവേറി തന്നെ…” കാർത്തി അവന്റെ പണി തുടങ്ങി.

 

“… രണ്ടും കൂടി അണിഞ്ഞൊരുങ്ങി നിൽക്കുന്നത് കണ്ടാൽ ഇന്ന് നിങ്ങളുടെ കല്യാണം ആണെന്ന് തോന്നുമല്ലോ…” രണ്ടുപേരെയും അടിമുടി നോക്കി ഞാൻ പറഞ്ഞു.

 

“…ഇവൻ ഒന്ന് മൂളിയാൽ ഇപ്പൊ കെട്ട് നടത്താൻ ഞാൻ തയ്യാറാണ്…” കാർത്തിയെ നോക്കി ദിയ പറഞ്ഞു.

 

“…ഞാൻ അങ്ങനെ ഇപ്പൊ മൂളുന്നില്ല…” കാർത്തിയുടെ ഉത്തരവും എത്തി.

 

“… ഇവന്റെ സിഗ്മ ആറ്റിട്യൂട് ഇതുവരെ മാറിയില്ലേ…”

 

“… കുറച്ചുകൂടി ഉണ്ട് അത് ഞാൻ ഉടനെ മാറ്റി എടുക്കും…”

 

“… മോനെ… എല്ലാരും വെയിറ്റ് ചെയ്യാടാ…” ഇനിയും ഫോട്ടോ എടുക്കാൻ നിൽക്കുന്നവരെ കാണിച്ചു അമ്മ പറഞ്ഞു.

 

“… എന്നാ ശരിയട നിങ്ങൾ പോയി ഊണ് കഴിക്ക്…” അവരെ കഴിക്കാൻ ആയി അയച്ചു പിന്നയും ഒരു ചിരി മുഖത്തു ഫിറ്റ്‌ ചെയ്ത് പൊസ് തുടങ്ങി.

പിന്നെയും ഒരുപാട് പേര് വന്നു ഫോട്ടോ എടുത്തു. ഫോട്ടോ എടുത്തവർ കഴിക്കാനും കഴിച്ചവർ ഫോട്ടോ എടുക്കാനും വന്നുകൊണ്ടിരിക്കുന്നു. ഈ ലൂപ് ഇങ്ങനെ എത്ര നേരം തുടരും എന്ന് ഒരു പിടിത്തവും ഇല്ല. ഇതിന്റെ ഇടയിൽ എന്റെ കോളേജ്, സ്കൂൾ, ജിം, അങ്ങനെ ഓരോ ഇടങ്ങളിലേയും കൂട്ടുകാർ വന്നു പൊയ്‌കൊണ്ട് ഇരുന്നു. ഇവർ എല്ലാരും വരും എന്ന് ഞാൻ ഒട്ടും തന്നെ പ്രതീക്ഷിച്ചില്ല.

കുറച്ചു കഴിഞ്ഞ് വലിയൊരു ഗിഫ്റ്റുമായി എവിടെയോ കണ്ട് പരിചയം ഉള്ള ഒരു പട നമ്മുടെ അടുത്തേക്ക് വന്നു. അടുത്ത് എത്തിയപ്പോഴാണ് അത് ചരുവിന്റെ കോളേജ് ഫ്രണ്ട്‌സ് ആണെന്ന് മനസ്സിലായെ. അത്രയും നേരം ചിരിച്ചോണ്ട് ഇരുന്ന എന്റെ മുഖം ഒരാളെ കണ്ടപ്പോ കടുത്തു. ഞാൻ പറയാതെ തന്നെ നിങ്ങൾക്ക് ആളെ മനസിലായികാണും. അതേ അവൻ തന്നെ ചരുവിന് കൈ കൊടുത്ത് നേരെ എനിക്ക് നേരെ കൈ നീട്ടി.ഞാൻ അവന്റെ കൈ പിടിച്ചു ഒന്ന് മുറുക്കി. എന്നെ ആലിംഗനം ചെയ്ത് എന്റെ കാതിൽ പറഞ്ഞു.

 

“…എന്നോടുള്ള ദേഷ്യം ഇപ്പോഴും മാറിയില്ല അല്ലെ. നീ ചാരുവിനെ കെട്ടിയത് നന്നായി ഇല്ലങ്കിൽ എനിക്ക് അവളെ കെട്ടേണ്ടി വന്നേനെ…”

 

“…നീ എന്റെ വീട്ടിൽ കേറി ഷോ ഓഫ്‌ നടത്തിയ അന്ന് രാത്രി നിനക്ക് കിട്ടിയത് ഒന്നും പോരെ. കാർത്തി തടഞ്ഞത് കൊണ്ട നിന്നെ അന്ന് ജീവനോടെ വിട്ടേ. ഇല്ലകിൽ എന്റെ പെങ്ങളെ നോക്കിയ ഈ കണ്ണ് രണ്ടും ഞാൻ കുത്തിപ്പൊട്ടിച്ചേനെ…” ദേഷ്യം കടിച്ചമർത്തി ഞാൻ ചോദിച്ചു.

 

“… അയ്യോ ഞാൻ പേടിച്ചു പോയി 😏. അന്നത്തെ ആ തല്ല് 1 ആഴ്ച മരുന്ന് ഇട്ടപ്പോൾ തന്നെ സെരിയായി.അത് കൊണ്ട് നീ അത് വിട് ഇപ്പൊ അതിനേക്കാൾ വലിയ ഒരു ഗിഫ്റ്റ് അല്ലെ നിനക്ക് ഞാൻ തന്നത്…” ചാരുവിനെ അവൻ ഒന്ന് പാളിനോക്കി എന്റെ കാതിൽ പറഞ്ഞു

 

“…അല്ലെങ്കിലും എന്റെ എച്ചിൽ നക്കാനെ നിനക്ക് യോഗം ഉള്ളു…” അരുൺ എന്റെ രണ്ട് തോളിലു പിടിച്ചു നേരെ നിർത്തി ചിരിച്ചു.

 

എനിക്ക് ദേഷ്യം കൊണ്ട് വിറങ്ങലിച്ചു വന്നു അരുണിനെ ഇടിക്കാനായി കൈ പൊക്കിയതും ചാരു എന്റെ കൈയിൽ കയറി പിടിച്ച് കണ്ണുകൊണ്ട് വേണ്ട എന്ന് ആംഗ്യം കട്ടി. ഞാൻ അവളുടെ കൈ കുടഞ്ഞെറിഞ്ഞു. അപ്പോഴേക്കും ഫോട്ടോഗ്രാഫർ അരുണിനെ സൈഡിലായി നിർത്തി ഫോട്ടോ എടുത്ത് വിട്ടു.

 

“…അവൻ എന്താ പറഞ്ഞത് ആദി…” സ്റ്റേജിൽ നിന്നും അവർ ഇറങ്ങിയതും ചാരു എന്നോട് ചോദിച്ചു.

ഞാൻ ഒന്നും മിണ്ടാതെ കത്തുന്ന കോപത്താൽ അവളെ നോക്കി. എന്റെ ഭാവമാറ്റം കണ്ട് പേടിച്ചിട്ടാവണം പിന്നെ എന്നോട് ഒന്നും ചോദിച്ചില്ല. ഇതെല്ലാം കണ്ട് കാർത്തി മുന്നിൽ ഇരിക്കുന്നുണ്ടായിരുന്നു. കണ്ണുകൊണ്ട് അവൻ എന്താ എന്ന് ചോദിച്ചു. ഞാൻ അരുൺ നിന്ന സൈഡിലേക്ക് നോക്കി അവനും അവിടേക്ക് നോക്കി. അവന് കാര്യം മനസിലായി. എല്ലാം അവൻ നോക്കിക്കോളാം എന്ന് ആംഗ്യം കാണിച്ചു ദിയയെ അവിടെ ആക്കി അവൻ പിന്നിലേക്ക് പോയി.