💖മംഗല്ല്യധാരണം – 6 29അടിപൊളി 

 

“… ചാരു ഈ വിവാഹത്തിന് സമ്മതിച്ചോ…” എനിക്ക് അറിയേണ്ടത് അതായിരുന്നു.

 

“… ചേച്ചി ഇഷ്ടക്കേട് ഒന്നും പറഞ്ഞില്ല. അല്ലെങ്കിലും ഇത്രയും സുന്ദരനും സൽസ്വഭാവിയുമായ ചെക്കനെ വേറെ എവിടെ കിട്ടാനാ…” കിട്ടിയ ചാൻസിൽ അമ്മു എന്നെ വാനോളം പുകഴ്ത്തി.

 

“…അതിനു ചാരുചേച്ചിക്ക് എന്താടി കുഴപ്പം…” അമ്മു എന്നെ പൊക്കിയത് ഗായുവിന് അത്രക്ക് പിടിച്ചില്ല.

 

“…ചാരുചേച്ചിക്ക് കുഴപ്പം ഒന്നുമില്ല. രണ്ടുപേരും കൂടിയാൽ സൂപ്പർ ആയിരിക്കും…” ഓരോ മനക്കോട്ട കെട്ടി അമ്മു പറഞ്ഞു.

 

“…നിങ്ങൾക്ക് അടുക്കളയിൽ വേറെ പണിയൊന്നും ഇല്ലേ…” കലപില ശബ്ദം കേട്ടു തലപ്രാന്ത് എടുത്തു ഞാൻ ചോദിച്ചു.

 

“…ഓ ചേട്ടന് ഇനി ഭാവി കാര്യങ്ങളെകുറിച്ച് ഒരുപാട് ആലോചിക്കാൻ കാണും നമുക്ക് പോയേക്കാം…” എന്നെ കളിയാക്കി അമ്മുവിനെയും കൂട്ടി ഗായു പോയി.

 

ചാരു എന്തിനാ ഈ വിവാഹത്തിന് സമ്മതിച്ചേ. അവൾക്ക് അരുണിനെ ഇഷ്ട്ടാണെങ്കിൽ അത് ഇവരോട് പറഞ്ഞു ഒഴിഞ്ഞൂടെ.ചിലപ്പോ എന്നെപോലെ പെട്ട് പോയതാവും. ഇനി എന്റെ ഭാവി എന്താവും എന്തോ. ഞാൻ വിചാരിക്കുന്നത് ഒന്നുമല്ല എന്റെ ജീവിതത്തിൽ നടക്കുന്നത്. ഒരു ദീർഘ നെടുവീർപ്പെടുത്തു. അപ്പോഴേക്കും ഒരു കാൾ എത്തി.

“… പറയ് അളിയാ…” ഫോൺ എടുത്തപ്പോൾ തന്നെ കാർത്തിയോട് വിശേഷം തിരക്കി.

 

“… എനിക്ക് എന്ത് വിശേഷം. നിനക്ക് അല്ലെ വിശേഷം മുഴുവൻ…” കാർത്തി ഊക്കി തുടങ്ങി

 

“… എടാ തെണ്ടി നിന്റെ കല്യാണം ഉറപ്പിച്ചിട്ടു എന്നോട് പറഞ്ഞില്ലല്ലോ…” ദിയ പരിഭവപ്പെട്ടു.

 

“…എടി കാന്താരി നീ എപ്പോഴും ഇവന്റെ തോളിൽ തന്നെ…”

 

“…എന്ത് ചെയ്യാൻ അളിയാ തലയിൽ ആയി പോയില്ലേ.അത്കൊണ്ട് കൊണ്ട് നടന്നല്ലേ പറ്റു…” കാർത്തി അവളെ ഇളക്കാൻ നോക്കി.

 

“…സത്യം പറയടാ ആര് ആരാ തലയിൽ ആട ആയത്…” ദിയ കലിപ്പ് മൂഡ് ആയെന്ന് തോന്നുന്നു.

 

“… മതി മതി രണ്ടും നിർത്തിക്കോ…” ഞാൻ ഇടപെട്ടില്ലങ്കിൽ പെണ്ണ് ചെറുക്കനെ എടുത്ത് മറിച് വയ്ക്കും.

 

“… എന്ത് തീരുമാനിച്ചടാ…” ആവലാതിയോടെ കാർത്തി തിരക്കി.

 

“… വേറെ എന്ത് തീരുമാനിക്കാൻ വിവാഹത്തിന് സമ്മതിച്ചു…”

 

“… അപ്പൊ അവളോ…” ആകാംഷയോടെ കാർത്തി ചോദിച്ചു.

 

“… അവളും സമ്മതിച്ചു. ഇനി എത്രയും പെട്ടന്ന് കെട്ട് നടത്താനാ ഇവിടെ എല്ലാരുടെയും പ്ലാൻ…”

 

“…അത് നന്നായി. നിങ്ങളുടെ കല്യാണം കഴിഞ്ഞിട്ട് വേണം ഞങ്ങൾക്ക് കെട്ടാൻ…” ദിയ കുറുമ്പോട് പറഞ്ഞു.

 

“… അയ്യടാ. നിങ്ങൾക്ക് കെട്ടണം എങ്കിൽ അങ്ങ് കെട്ടിയാൽ പോരെ അതിന് എന്റെ കാര്യം നോക്കുന്നത് എന്തിനാ…”

 

“… ഞാൻ ആദ്യമേ ഇവനെ കെട്ടിയാൽ ഈ ആങ്ങള പെണ്ണൊന്നും കിട്ടാതെ സിഗ്മ കളിച് നടക്കുന്നത് ഞാൻ കാണണ്ടേ…” വിഷമം അഭിനയിച്ചു ദിയ എനിക്കിട്ട് ഒന്ന് കൊട്ടി.

 

“… തൽകാലം പുന്നാര പെങ്ങൾ എന്റെ അളിയന്റെ ഒപ്പം പ്രണയിച്ചുനടക്ക്. ഞാൻ പിന്നെ വിളിക്കാം…”

 

ഞാൻ ഫോൺ കട്ട്‌ ആക്കി രണ്ട് മൂന്നു ദിവസം അവിടെ തന്നെ കൂടി. അമ്മുമ്മക്ക് വയ്യാത്തത്കൊണ്ട് എല്ലാ തവണത്തെയും പോലെ ഒരു അടിച്ചുപൊളി ഇല്ലായിരുന്നു. കല്യാണം ആയത് കൊണ്ട് തന്നെ അതിന്റെ പിന്നിൽ തന്നായിരുന്നു ഓട്ടം മുഴുവൻ. ജാതകം നോക്കൽ കല്യാണ തിയതി കുറിക്കൽ അങ്ങനെ അങ്ങനെ. ജാതകത്തിൽ പ്രശ്നം വല്ലതും ഉണ്ടെങ്കിൽ അത് പറഞ്ഞു ഒഴിയാം എന്ന് വിചാരിച്ചപ്പോ ജാതകത്തിൽ ഒടുക്കത്തെ പൊരുത്തം. അങ്ങനെ അതും മൂഞ്ചി. ഒരു മാസത്തിനകത്തുള്ള കല്യാണ തീയതിയും കുറിച്ച് കിട്ടി. വിവാഹം ഇത്ര നേരത്തെ ആയത്കൊണ്ട് തന്നെ നിച്ഛയം അങ്ങ് ക്യാൻസൽ ചെയ്തു. വെറുതെ എന്തിനാ ഒരു പാഴ്ചിലവ്. ഇന്ന് കല്യാണ പുടവ പർച്ചെയ്‌സ് ആണ്. രണ്ടു കൂട്ടരും ബന്ധുക്കൾ ആയതോണ്ട് തന്നെ ഒരുമിച്ചാണ് പോക്ക് എല്ലാം. അച്ഛൻ വരുന്നില്ല എന്ന് പറഞ്ഞു ഒഴിഞ്ഞോണ്ട് അമ്മയെയും അമ്മുവിനെയും കൊണ്ട് ഞാനാണ് പോയത്. പിന്നെയാണ് ആ ചതി എനിക്ക് മനസ്സിലായത്. പൊന്ന് ഉരുക്കുന്നിടത്ത് പൂച്ചക്ക് എന്താ കാര്യം എന്ന് പറയുന്ന പോലെ പെണ്ണുങ്ങൾ ഡ്രസ്സ്‌ എടുക്കുന്ന ഇടത്ത് ഞാൻ പോസ്റ്റ്‌🥲. അവരുടെ പർച്ചെയ്‌സ് കാണാൻ കരുത്ത് ഇല്ലാത്തത് കൊണ്ട് ഞാൻ ഷോപ്പ്കാർ തന്ന ചായയും കുടിച്ച് ഫോണിൽ തോണ്ടി ഒരു മൂലക്ക് കൂടി. മോശം പറയരുത് അല്ലോ നല്ല ചായയായിരുന്നു.