മംഗല്യധാരണം 8

Mangaallyadharanam Part 8 | Author : Nishinoya

[ Previous Part ] [ www.kambi.pw ]

---

 

“…അമ്മുമ്മയുടെ ഭാഗത്ത് തെറ്റ് ഒന്നും ഇല്ല. സത്യത്തിൽ എനിക്ക് ഈ കല്യാണത്തിന് താല്പര്യം ഇല്ലായിരുന്നു. കൂടെ ഉള്ള എല്ലാവരും ഈ ബന്ധം ഇഷ്ട്ടപെട്ടപ്പോൾ അവരെ വിഷമിപ്പിക്കാൻ തോന്നിയില്ല. അതാ ഞാൻ ഈ വിവാഹത്തിന് നിന്നു കൊടുത്തേ…” ഞാൻ അമ്മുമ്മയുടെ കൈകൾ ചേർത്ത് പിടിച്ചു.

 

 

 

“… ഞാൻ കാരണം ചാരു ഇത്രയൊക്കെ വിഷമങ്ങൾ അനുഭവിക്കുന്നു എന്ന് എനിക്ക് അറിയില്ലായിരുന്നു. അറിയാൻ ശ്രമിച്ചിട്ടില്ല എന്നതാണ് സത്യം. എനിക്ക് കുറച്ചു സമയം വേണം എല്ലാത്തിനോടും ഒന്ന് പൊരുത്തപെടാൻ…”

 

 

 

അമ്മുമ്മ എന്റെ തലയിൽ തലോടി ഒന്ന് പുഞ്ചിരിച്ചു. എനിക്ക് അത് മാത്രം മതിയായിരുന്നു. ഉടഞ്ഞ മനസ്സുമായാണ് ഞാൻ അമ്മുമ്മയുടെ മുറി വിട്ട് ഇറങ്ങിയത്.

 

 

 

“… എന്തായിരുന്നു അമ്മുമ്മയും കൊച്ചുമോനും തമ്മിൽ ഒരു രഹസ്യം…” ഹാളിലേക്ക് എത്തിയ എന്നോട് ചാരു ചോദിച്ചു അതിന് ഞാൻ ഒരു പുഞ്ചിരി നൽകി.

 

 

 

“…കുളിക്കാൻ ഉള്ള തോർത്തും മാറാനുള്ള ഡ്രെസ്സും ഞാൻ കട്ടിലിൽ വച്ചിട്ടുണ്ട്. സമയം കളയാതെ കുളിച്ചിട്ടു വാ. രാവിലെ കഴിച്ചത് അല്ലെ വിശപ്പ്‌ കാണും ഞാൻ ചോർ എടുത്ത് വയ്ക്കാം…” അതിനെല്ലാം തലയാട്ടാൻ മാത്രമേ എനിക്ക് കഴിഞ്ഞുള്ളു.

 

 

 

കല്യാണം കഴിഞ്ഞ അന്ന് മുതൽ എന്റെ എല്ലാ കാര്യങ്ങളും കണ്ടറിഞ്ഞ് അവൾ ചെയ്യുന്നുണ്ട്. ഞാൻ വിലക്കിയിട്ടുപോലും അതൊന്നും മുഖവിലയ്ക്ക് എടുക്കാതെ അവളുടെ ജോലി ഭംഗിയായി ചെയ്തു. എന്തിനാ ഇവൾ എന്നെ ഇങ്ങനെ സ്നേഹിക്കുന്നെ. അതിനുമാത്രം ഞാൻ അവൾക്കുവേണ്ടി ഒന്നും ചെയ്തിട്ടില്ല. വേദനകൾ മാത്രമേ നൽകിയിട്ടുള്ളു. ഷവറിന്റെ കീഴിൽ നിൽക്കുമ്പോഴും മനസ്സ് നീറി പുകഞ്ഞു. കുളിച് വന്നപ്പോ എനിക്കുള്ള ചോർ വിളമ്പായിരുന്നു ചാരു. അവളുടെ അമ്മ അവളെയും നിർബന്ധിച്ചു എനിക്ക് ഒപ്പം ഇരുത്തി. അമ്മ ബാക്കി കറികൾ വിളമ്പാൻ ആരംഭിച്ചു.

 

 

 

“…ആ കറി ആദിക്ക് വെക്കേണ്ട അമ്മേ. ആദിക്ക് അത് ഇഷ്ട്ടല്ല അതുകൊണ്ടുതന്നെ അവൻ കഴിക്കത്തില്ല …” എന്റെ ഇലയിൽ ആ കറി വിളമ്പാൻ അനുവദിക്കാതെ ചാരു തടഞ്ഞു.

 

 

 

“… ആണോ മോനെ…മോൻ ഈ കറി കഴിക്കില്ലേ…” ഞാൻ ഇല്ലന്ന് പറഞ്ഞു.

 

 

 

“… ഭർത്താവിന്റെ ഇഷ്ട്ടങ്ങൾ എല്ലാം പഠിച്ചല്ലോ…” അമ്മ അവൾക്കും കറികളും ചോറും വിളമ്പി.

 

 

 

കഴിച്ചു കഴിഞ്ഞു റൂമിൽ പോയി കിടന്നു. മനസിന്‌ എന്തോ പിടച്ചിൽ പോലെ. എന്റെ ഇഷ്ട്ടനുഷ്ട്ടങ്ങൾ വരെ ഇവൾ മനസിലാക്കിയിരിക്കുന്നു. ഉച്ച ഊണ് കഴിഞ്ഞത് കൊണ്ട് ആ ഒരു മന്തതയിൽ ഉറങ്ങി പോയി. വൈകിട്ട് ചാരു വിളിച്ചുണർത്തി ചായ തന്നു. രാത്രിവരെ അവരോട് എല്ലാവരോടും സംസാരിച്ചു സമയം കളഞ്ഞു. രാത്രി ഞാൻ ബെഡിൽ കിടന്നപ്പോൾ ചാരു ഡ്രസ്സ്‌ എല്ലാം ഒതുക്കുന്ന കൂട്ടത്തിലാ.

 

 

 

“… നാളെ ഉച്ച കഴിഞ്ഞ് ഇറങ്ങാം കേട്ടോ…” കൈ തലയ്ക്കൽ വച്ച് കറങ്ങുന്ന ഫാൻ നോക്കി ഞാൻ പറഞ്ഞു.

 

 

 

“…ആദി… അതേ…” ചാരു പതിയെ ബെഡിൽ വന്നിരുന്നു എന്നോട് എന്തോ പറയാനായി ഒരുങ്ങി. ഞാനും കേൾക്കാനായി ചരിഞ്ഞു അവളെ നോക്കി.

 

 

 

“…നമുക്ക് കുറച്ചു ദിവസം ഇവിടെ നിന്നിട്ട് പോയാൽ പോരെ…”

 

 

 

“… എന്താ ഇപ്പൊ അങ്ങനെ തോന്നാൻ…”

 

 

 

“… അമ്മുമ്മയുടെ കൂടെ കുറച്ചു ദിവസം നിൽക്കണം എന്നൊരു തോന്നൽ അതാ…”

 

 

 

“…എന്നാ നീ കുറച്ചു ദിവസം കഴിഞ്ഞിട്ട് വന്നോ. എനിക്ക് നാളെ പോണം…”

 

 

 

“…ആദി ദേഷ്യത്തിൽ പറയുന്നത് ആണോ…” ഞാൻ ഇഷ്ടപ്പെടാതെ പറഞ്ഞതാണോ എന്ന് ചോദിച്ചതാ

 

 

 

“…ഏയ്യ് അല്ല ഞാൻ സീരിയസ് ആയിട്ടു പറഞ്ഞതാ. എനിക്ക് നാട്ടിൽ ചെന്നിട്ടു ചെയ്യേണ്ട കുറച്ചു ജോലികൾ ഉണ്ട്. നി ഇവിടെ രണ്ട് ദിവസം നിന്നിട്ട് വന്നാൽ മതി…” പക്ഷെ അവളുടെ മുഖത്ത് വലിയ തെളിച്ചം ഒന്നും കണ്ടില്ല.