💖മംഗല്ല്യധാരണം – 8 37അടിപൊളി 

 

 

 

“…ഇവിടന്ന് ഡിസ്റ്റർജ് ആവുമ്പോൾ ഈ ബെഡ് ബുക്ക്‌ ചെയ്തിട്ട് വേണം ഇറങ്ങാൻ. നിന്നെ നേരെ കാണാൻ ഞാൻ ഒന്നുകൂടി വരുന്നുണ്ട്…”ഞാൻ വാതിൽ തുറന്ന് പുറത്തേക്ക് ഇറങ്ങാൻ ഒരുങ്ങി

 

 

 

“…ഡോക്ടർ വരുമ്പോൾ ആ കൈ ഒന്ന് x-ray എടുത്തേക്ക്. എന്തായാലും bandage മാറ്റി പ്ലാസ്റ്റർ ഇടാം😏…”

 

 

 

അന്ന് ചരുവിനോട് ഒന്ന് സംസാരിച്ചിരുന്നെങ്കിൽ ഇങ്ങനെ ഒന്നും ഉണ്ടാവില്ലായിരുന്നു. ഓഫീസ് വർക്കിൽ ഒന്നും ശ്രദ്ധിക്കാനെ കഴിഞ്ഞില്ല. സമയം ഇഴഞ്ഞു നീങ്ങി.എന്റെ അസ്വസ്ഥത കണ്ട് കാർത്തി കാര്യം തിരക്കി. അരുണിനെ കണ്ടത് എല്ലാം ഞാൻ അവനോട് പറഞ്ഞു.

 

 

 

“… അപ്പൊ ആ മൈരൻ ഇതിന്റെ ഇടക്ക് നിന്ന് കളിച്ചതാണല്ലേ…”

 

 

 

“…അതേടാ. ഇനി എന്താ ചെയ്യേണ്ടത് എന്ന് ഒരു പിടുത്തവും കിട്ടുന്നില്ല…”

 

 

 

“…അപ്പൊ ചാരുവും അരുണും എങ്ങനെ ഫ്രണ്ട്സ് ആയി…”

 

 

 

“…ആ സംശയം എനിക്കും ഉണ്ട്. അവളുടെ തന്നെ ചോദിക്കാം…”

 

 

 

“…ഇനി എങ്കിലും രണ്ടും കൂടി മനസ് തുറന്ന് ഒന്ന് സംസാരിക്ക്…”

 

 

 

“… അവൾ തിരിച്ചു വരട്ടെ സംസാരിക്കാം…”

 

 

 

“…അതിന് അവൾ എവിടെ പോയി…”

 

 

 

“…ചാരു അവളുടെ വീട്ടിൽ ഉണ്ട്… ”

 

 

 

“… വിരുന്നിന് പോയിട്ട് അവളെ അവിടെ ആക്കി നീ തിരിച്ചു പോന്നോ…”അതിശയത്തോടെ കാർത്തി തിരക്കി.

 

 

 

“…അവൾക്ക് കുറച്ചു ദിവസം അവിടെ നിൽക്കണം എന്ന് പറഞ്ഞപ്പോ…”

 

 

 

“… ഉണ്ട. കെട്ടിയോനും കൊള്ളാം കെട്ടിയോളും കൊള്ളാം.എന്തായാലും അവളോട് ഒന്ന് സംസാരിക്കാൻ നോക്ക്…”

 

 

 

കാർത്തിയോട് സംസാരിച്ചപ്പോ ചെറിയൊരു ആശ്വാസം കിട്ടി. രാത്രി വീട്ടിൽ എത്തി ചോർ കഴിക്കാനായി ഇരുന്നു.

 

 

 

“… അമ്മേ ചാരു വിളിച്ചായിരുന്നോ…”ഞാൻ അമ്മയോട് ചോദിച്ചു

 

 

 

“…എന്നെ വിളിച്ചോ ഇല്ലയോ എന്ന് നീ എന്തിനാ അറിയുന്നേ…”

 

 

 

“… ഒന്നും ഇല്ല അവൾ എന്ന് വരും എന്ന് അറിയാൻ വേണ്ടിയാ…”

 

 

 

“… നിന്റെ കൈയിൽ ഫോൺ ഇല്ലേ..? വായിൽ നാക്ക് ഇല്ലേ..? വിളിച്ചങ്ങു ചോദിക്കണം 😡…”

 

 

 

ഇനി അമ്മയോട് ഇതെപ്പറ്റി ചോദിക്കുന്നത് പന്തി അല്ല. അതുകൊണ്ട് മിണ്ടാതെ ചോറും കഴിച്ച് പോയി കിടന്നു. ബെഡിൽ കിടന്നിട്ട് ഉറക്കം വരുന്നില്ല.

 

 

 

ചാരുവിനെ വിളിച്ചു ചോദിച്ചല്ലോ എന്നാ വരുന്നത് എന്ന്. അല്ലെങ്കിൽ വേണ്ട. അവളുടെ കൈയിലും ഫോൺ ഉണ്ടല്ലോ അവൾക്ക് എന്നെയും വിളിക്കാലോ. എന്തായാലും ഞാൻ വിളിക്കില്ല.

 

 

 

“…ഹെലോ ബ്രോ. ഞാൻ മാര്യേജ് ഷൂട്ട്‌ ചെയ്ത ഫോട്ടോഗ്രാഫർ ആണേ…”പിറ്റേന്ന് ഓഫീസിൽ ഇരിക്കുമ്പോഴാണ് ആ കാൾ വന്നത്.

 

 

 

 

“…ആഹ് പറഞ്ഞോളൂ…”

 

 

 

“… ആൽബം സെറ്റ് ചെയ്യാൻ ഉള്ള കുറച്ചു ഫോട്ടോസ് ഞാൻ ടെലിഗ്രാം വഴി സെന്റ് ചെയ്യാം. നിങ്ങൾക്ക് ഇഷ്ട്ട പെടുന്ന ഫോട്ടോസ് മാർക്ക്‌ ചെയ്ത് അയക്കാവോ…”

 

 

 

“… സെന്റ് ചെയ്തേക്ക്. ഞാൻ വീട്ടുകാരുമായി ഒന്ന് നോക്കിയിട്ട് നാളെ തന്നെ സെലക്ട്‌ ചെയ്ത് അയക്കാം പോരെ…”

 

 

 

“… ഓക്കേ. ഞാൻ അയച്ചേക്കാം…”

 

 

 

ചറപറാന്ന് നോട്ടിഫിക്കേഷൻ റിങ് അടിച്ചിച്ചു. ഞാൻ ഓരോ ഫോട്ടോസ് ആയി നോക്കി കൊണ്ട് ഇരുന്നു. ചാരുവിനെ കാണാൻ നല്ല രസം ഉണ്ട്. അറിയാതെ എന്റെ ചുണ്ടിൽ പുഞ്ചിരി തെളിഞ്ഞു. പെട്ടെന്ന് ചാരുവിനെ നേരിൽ കാണാൻ തോന്നുന്നു. ഇല്ലങ്കിൽ അവളുടെ ശബ്ദം എങ്കിലും ഒന്ന് കേൾക്കണം. ആ ഒരു തിടുക്കത്തിൽ ചാരുവിനെ കാൾ ചെയ്തു. റിങ് കേട്ടപ്പോഴാണ് വേണ്ട എന്നാ ബോധം ഉദിച്ചത്. അപ്പൊ തന്നെ കാൾ കട്ട്‌ ആക്കി. ഒരു 10 സെക്കന്റ്‌ കഴിഞ്ഞപ്പോ തന്നെ ചരുവിന്റെ കാൾ തിരിച്ചു വന്നു. നെഞ്ച് പട പാടാന്ന് ഇടിക്കാൻ തുടങ്ങി ആകെ ഒരു വെപ്രാളം എനിക്ക് എന്താ സംഭവിക്കുന്നത് എന്ന് ഒരു പിടിയും ഇല്ല വറയ്ക്കുന്ന കൈകളോട് ഞാൻ കാൾ എടുത്തു.