💖മംഗല്ല്യധാരണം – 8 37അടിപൊളി 

 

 

 

ഇപ്പൊ എന്താ ഉണ്ടായേ തെറ്റായിട്ട് ഒന്നും ഞാൻ പറഞ്ഞില്ലല്ലോ. പുള്ളി നല്ല കലിപ്പിലാ കാര്യം എന്താണെന്ന് പിടി കിട്ടുന്നും ഇല്ലല്ലോ.

 

 

 

“… വീട്ടുകാരുടെ സുഖ വിവരം അന്വേഷിക്കാൻ വന്നേക്ക. ബാക്കി ഉള്ളർ ചത്തോ ജീവനോടെ ഉണ്ടോ എന്ന് ആർക്കും അറിയണ്ട. ഒന്നുമില്ലെങ്കിലും എങ്ങനെ എങ്ങനെ വന്നെന്നു പോലും ചോദിച്ചില്ല ദുഷ്ടൻ…” പുള്ളികാരി പിറുപിറുത്തത് ആണെങ്കിലും ഞാൻ അത് നല്ലപോലെ കേട്ടു.

 

 

 

അപ്പൊ ഇതാണ് കാര്യം. അവളുടെ കാര്യങ്ങൾ അനേഷിക്കാത്തതിന്റെ പരിഭവം ആണ്. ചാരുവിനെ നെഞ്ചോട് ചേർത്ത് എല്ലാ പരിഭവവും തീർക്കണം എന്നുണ്ട്. പക്ഷെ അതിനുള്ള സമയം ആയിട്ടില്ല

 

 

 

രാവിലെ കുളിച്ചിട്ട് വന്നപ്പോ ബെഡിൽ കോഫി ഉണ്ടായിരുന്നു. എല്ലാം പഴയത് പോലെ ആയി. കാപ്പി കുടിക്കാൻ ചെന്നപ്പോ ചാരു തന്നെ എല്ലാം എടുത്ത് തന്നു. മനസ്സിൽ എന്തോ വല്ലാത്ത സന്തോഷം. ഓഫീസിൽ എല്ലാരേയും വിഷ് ചെയ്തോണ്ട് കേബിനിലേക്ക് കയറി. ഇതുവരെ ഇല്ലാത്ത ഒരു ഉന്മേഷം.

 

 

 

“…എന്താടാ രാവിലെ തന്നെ ഒരു ഇളക്കം…” വല്ലാതെ ആക്റ്റീവ് ആയ എന്നെ കണ്ട് കാർത്തി ചോദിച്ചു.

 

 

 

“…ഒന്നും ഇല്ല…”

 

 

 

“… അതല്ല. ഇന്നലെ വളരെ sad അടിച്ചു ഇരുന്ന നീ ഇന്ന് വല്ലാത്ത സന്തോഷത്തിൽ. കാര്യം പറയടാ…”

 

 

 

“… ഒന്നും ഇല്ല ചാരു തിരിച്ചു വന്നു…”

 

 

 

“… ഓ അങ്ങനെ വരട്ടെ. പൊണ്ടാട്ടി തിരിച്ചു വന്നതിന്റെ സന്തോഷമാണ് ഈ കാണുന്നത്…” ഞാൻ അതിനൊന്നും ചിരിച്ചു കാണിച്ചു.

 

 

 

“…എന്താ മോനെ വീണ്ടും പ്രേമം പൂത്തു തുടങ്ങിയോ…”

 

 

 

“… പ്രേമം ഒന്ന് പോടാ. അവളെ ഒറ്റക്ക് അവിടെ ആക്കി വന്നതിന്റെ ഒരു കുറ്റബോധം ഉണ്ടായിരുന്നു. തിരിച്ചു വന്നപ്പോ അത് മാറി അത്രയേ ഉള്ളു…”

 

 

 

“…അത്രയേ ഉള്ളോ..?” സംശയത്തോടെ കാർത്തി ചോദിച്ചു. ഞാൻ അതെന്ന് മൂളി.

 

 

 

വൈകിട്ട് വല്ലാത്ത സന്തോഷത്തോടെയാണ് വീട്ടിൽ എത്തിയത്. കാരണം നിങ്ങൾക്ക് അറിയാലോ. കുറച്ചു നേരം ചരുവിനോട് സംസാരിക്കണം എന്ന് തോന്നി. പക്ഷെ കക്ഷി അടുക്കളയിൽ നല്ല പണിയിൽ ആയിരുന്നു.

 

 

 

“… എന്തടാ ഇവിടെ കിടന്ന് കറങ്ങുന്നെ…” പതിവില്ലാതെ അടുക്കളയിൽ കണ്ട എന്നെ നോക്കി അമ്മ ചോദിച്ചു.

 

 

 

“…ഞാൻ കുറച്ചു വെള്ളം കുടിക്കാൻ വന്നതാ…”

 

 

 

 

അമ്മ ഒന്ന് ഇരുത്തി മൂളി. ഫ്രിഡ്ജ് തുറന്ന് വെള്ളം എടുത്ത് ഞാൻ തിരിച്ചു പോന്നു. രാത്രി വരെ പെണ്ണിനെ കൈയിൽ കിട്ടിയില്ല. രാത്രി അമ്മയും, അമ്മുവും ചാരുവും സീരിയൽ കാണാൻ തുടങ്ങി. ഞാൻ പതിയെ ചരുവിന്റെ അടുത്തായി ഇരുന്നു. സീരിയൽ കാണാത്ത ഞാൻ TV മുന്നിൽ ഇരിക്കുന്നത് കണ്ട് ചാരു അതിശയത്തോടെ എന്നെ നോക്കി. ഞാൻ അതിന് ഒന്ന് ചിരിച്ചു കാണിച്ചു. എന്റെ കാട്ടികൂട്ടൽ എല്ലാം കണ്ട് അമ്മു എന്നെ നോക്കി ആക്കിചിരിച്ചു. ഇവളോട് എന്തെങ്കിലും സംസാരിക്കണം അല്ലോ. എങ്ങനാ ഇപ്പൊ തുടങ്ങ ആഹ് കിട്ടി.

 

 

 

“… ചാരു കല്യാണ ആൽബം സെറ്റ് ചെയ്യാൻ ക്യാമറാമാൻ കുറച്ചു ഫോട്ടോ അയച്ചു നല്ലത് നോക്കി പറയാൻ പറഞ്ഞു…” ഞാൻ ഫോൺ ഓപ്പൺ ആക്കി അവൾക്ക് നേരെ നീട്ടി.

 

 

 

“… എവിടെ നോക്കട്ടെ…” അമ്മ എന്റെ കൈയിൽ നിന്നും ഫോൺ വാങ്ങികൊണ്ട് പോയി.

 

 

 

“… തള്ള സമ്മതിക്കില്ല…” ഞാൻ പിറുപിറുത്തു.

 

 

 

“…ഫോട്ടോസ് ഒക്കെ കൊള്ളാലോടാ. വാ മോളെ…” എന്റെ അടുത്ത് ഇരുന്നവളെ പിടിച്ചു അമ്മയുടെ കൂടെ ഇരുത്തി.

 

 

 

ഇപ്പൊ ഞാൻ ആരായി. ഇനി അവിടെ ഇരുന്ന് പുഴുക്കണ്ടന്ന് കരുതി ഉമ്മറത്ത് അച്ഛന്റെ അടുത്തേക്ക് പോയി.

 

 

 

“… എന്താടാ നിന്നെ അവിടന്ന് ഇറക്കി വിട്ടോ…” ഫോണിൽ തന്നെ കുത്തികൊണ്ട് അച്ഛൻ ചോദിച്ചു.