💖മംഗല്ല്യധാരണം – 8 37അടിപൊളി 

 

 

 

“…കുറച്ചു ദിവസം കഴിഞ്ഞ് വണ്ടി വല്ലതും ഞാൻ അറേഞ്ച് ചെയ്ത് തരാം. അപ്പൊ വീട്ടിലേക്ക് വന്നാൽ മതി. എന്താ അത് പോരെ…”

 

 

 

ഞാൻ പറഞ്ഞത് ഇഷ്ടപ്പെടാതെ എന്നെ വല്ലാത്ത ഒരു നോട്ടവും നോക്കി ലൈറ്റും ഓഫ്‌ ആക്കി എനിക്ക് മുഖം തരാതെ എതിർ ദിശ നോക്കി ചാരു കിടന്നു. ഇവൾ ഇപ്പൊ എന്തിനാ ഒന്നും മിണ്ടാതെ കിടക്കുന്നെ. ഞാൻ തെറ്റായിട്ട് ഒന്നും പറഞ്ഞില്ലല്ലോ. അവൾ ഒരു ആഗ്രഹം പറഞ്ഞപ്പോ ഞാൻ അത് നടത്തി കൊടുത്തത് അല്ലെ. അല്ലെങ്കിലും ഈ പെണ്ണുങ്ങളെ മനസ്സിലാക്കാൻ ഒരു പ്രതേക കഴിവ് തന്നെ വേണം.

 

 

 

പിറ്റേന്ന് ഉറക്കം ഉണർന്നത് മുതൽ കടന്നൽ കുത്തിയ പോലെയാ പെണ്ണിന്റെ മുഖം. എന്നോട് ഒന്നും മിണ്ടുന്നില്ല. പക്ഷെ എന്റെ ഓരോ കാര്യങ്ങളും യഥാക്രമം നോക്കി ചെയ്യുന്നുണ്ട്. ഉച്ചക്ക് ആഹാരവും കഴിഞ്ഞ് എല്ലാരോടും യാത്ര പറഞ്ഞു അമ്മുമ്മയുടെ അടുത്തേക്ക് പോയി.

 

 

 

“…അമ്മുമ്മേ ഞാൻ ഇറങ്ങാ…”അമ്മുമ്മക്ക് അടുത്ത്‌ ഇരുന്ന് പറഞ്ഞു.

 

 

 

“… മോനെ ഞാൻ പറഞ്ഞത് എല്ലാം ഓർമ ഉണ്ടല്ലോ…” ഞാൻ അതിന് ഒന്ന് പുഞ്ചിരിച്ചു.

 

 

 

“…നീ ഇവളെ കൊണ്ട് പോണില്ലേ…” ഡ്രസ്സ്‌ മാറാതെ ഇരിക്കുന്ന ചാരുവിനെ നോക്കി അമ്മുമ്മ ചോദിച്ചു.

 

 

 

“…ഇല്ല. അവൾക്ക് അമ്മുമ്മയുടെ കൂടെ കുറച്ചു ദിവസം നിൽക്കണം എന്നൊരു കൊതി…” ഞാൻ അത് പറഞ്ഞു ഒന്ന് പുഞ്ചിരിച്ചു. എന്നാൽ ചരുവിന്റെ മുഖത്ത് വലിയ സന്തോഷം കണ്ടില്ല.

 

 

 

എന്റെ ബാഗ് എല്ലാം കാറിൽ വച്ച് യാത്ര പറഞ്ഞിറങ്ങി. കാർ പതിയെ നീങ്ങി തുടങ്ങിയപ്പോ വിലപ്പെട്ട എന്തോ ഒന്ന് നഷ്ട്ട പെടുന്നപോലെ ഉള്ളിൽ ഒരു പിടച്ചിൽ. മിറർ വഴി പിന്നിലേക്ക് നോക്കിയപ്പോ നിറകണ്ണുകളോടെ ഞാൻ പോകുന്നത് നോക്കിനിൽക്കുന്ന ചരുവിനെയാണ് കണ്ടത്.രാത്രിയോടെ അടുപ്പിച്ചു ഞാൻ വീട് എത്തി.

 

 

 

“…നിങ്ങൾ ഇത്ര പെട്ടെന്ന് വന്നോ. മോൾ എവിടെ…” കാറിൽ നിന്നും വീട്ടിലേക്ക് നടക്കവേ കാറിൽ മൊത്തം പരതി അമ്മ തിരക്കി.

 

 

 

“…അവൾ കുറച്ചു ദിവസം കഴിയുമ്പോൾ വരും…” ഞാൻ ഹാളിലെ സോഫയിൽ ഇരുന്ന് നടു നിവർത്തി.

 

 

 

“…അതെന്താ നിങ്ങൾ തമ്മിൽ വഴക്ക് ആയോ…”

 

 

 

“… വഴക്ക് ഒന്നും ഇല്ല. അവൾക്ക് കുറച്ചു ദിവസം അവിടെ നിൽക്കണം എന്ന് പറഞ്ഞു എന്നാ അങ്ങനെ ആവട്ടെന്ന് ഞാനും പറഞ്ഞു…”

 

 

 

“… അവൾക്ക് ഒപ്പം നിന്നോടും അവിടെ നിൽക്കാൻ അവൾ പറഞ്ഞോ …”

 

 

 

“…ആഹ് പറഞ്ഞു. എനിക്ക് ഇവിടെ കുറച്ചു പണിയുള്ളത്കൊണ്ട് ഞാൻ ഇങ്ങു പോന്നു…”

 

 

 

“…മരപൊട്ടൻ. അവൾ അവിടെ നിന്നോട്ടെ എന്ന് ചോദിച്ചപ്പോ അതിനും തലയാട്ടി വന്നേക്ക…” 🤦🏻‍♀️ അതും പറഞ്ഞു അമ്മ അടുക്കളയിലേക്ക് പോയി.

 

 

 

“… അമ്മ ചോർ താ…”

 

 

 

“… തിന്ന ഉറങ്ങാ പണിക്ക് പോവാ. ഇതല്ലാതെ വേറൊന്നും അറിയില്ല😡…” അമ്മ പിറുപിറുത്തോണ്ട് ചോർ എടുത്ത് തന്നു.

 

 

 

ഇതെന്താ സംഭവം. അവൾ അവിടെ നിന്നാൽ കുറച്ചു സന്തോഷിക്കും എന്ന് വിചാരിച്ചല്ലേ അവളെ അവിടെ ആക്കിയിട്ടു വന്നത്. ഇപ്പൊ കുറ്റം മുഴുവൻ എനിക്ക് ആയോ. ആരും എന്നെ മനസ്സിലാക്കുന്നില്ല😤. ചോർ കഴിച്ചു ബെഡിൽ പോയി കിടന്ന് ഉറങ്ങി.

 

 

 

രാവിലെ എഴുനേറ്റ് ഫ്രഷ് ആയി വന്നപ്പോ ടേബിളിൽ ബെഡ് കോഫി ഇല്ല ഇസ്തിരി ഇട്ട ഷർട്ടും ഇല്ല. അപ്പൊ തന്നെ മനസ് ഒന്ന് മടിച്ചു. ഞാൻ ഷർട്ട്‌ തേച്ചിട്ട് താഴേക്ക് ചെന്നു. അമ്മ മുറ്റം അടിക്കുവാ അച്ഛൻ പത്രം വായിക്കുന്നു. ഡയനിങ്ങ് ടേബിളിൽ ആഹാരം എല്ലാം ഉണ്ട്. സ്വയം എടുത്ത് കഴിച്ച് പാത്രവും കഴുകി വച്ച് കാറുമായി ആശുപത്രിയിൽ പോയി.

 

 

 

ഒരു റൂമിൽ ആണ് അരുൺ കിടക്കുന്നത് കൂടെ വീട്ടുകാരുമുണ്ട് അവന്റെ കൂട്ടുകാരൻ ആണെന്ന് പറഞ്ഞു ഞാൻ അവന്റെ അടുത്ത് ഇരുന്നു. കണ്ണുതുറക്കുമ്പോൾ അരുൺ കാണുന്നത് അവനെ നോക്കി ഇരിക്കുന്ന എന്നെയാണ്.