അന്ന് സ്റ്റാഫ് റൂമിൽ വെച്ച് അജിത്ത് മനസ്സിൽ ഉറപ്പിച്ചതാണ്, ഈ ഗർവ്വ് കാണിക്കുന്ന ‘അധ്യാപികയെ’ ഒരിക്കൽ തന്റെ കാൽക്കീഴിൽ കൊണ്ടുവരുമെന്ന്. പക്ഷേ ഒരിക്കൽ പോലും അതിനൊരവസരം അവന് കിട്ടിയില്ല. പകയോടെ അവൻ കാത്തിരിക്കുകയാണ്.
————————————————————-
പ്ലസ് ടു ക്ലാസ്സിലെ ഉച്ചസമയം.
വെയിൽ കടുപ്പമാണ്.ശാരദ ടീച്ചർ ക്ലാസ്സിൽ കെമിസ്ട്രി എടുത്തുകൊണ്ടിരിക്കുകയാണ്.
എല്ലാവരും ഉറക്കം തൂങ്ങി ഇരിക്കുമ്പോഴാണ് വിനുവിന്റെ ബെഞ്ചിൽ നിന്ന് ഒരു ശബ്ദം കേട്ടത്.
എല്ലാവരും അങ്ങോട്ടേക്ക് നോക്കി…
അറിയാതെ ഉറങ്ങിപ്പോയ വിനുവിന്റെ തല ഡെസ്കിൽ ഇടിച്ചതായിരുന്നു ആ ശബ്ദം.
ക്ലാസ്സിൽ ചിരി പടർന്നു. ശാരദ ടീച്ചറുടെ മുഖം ദേഷ്യം കൊണ്ട് ചുവന്നു. അവർ വിനുവിന്റെ അടുത്തേക്ക് നടന്നു വന്നു.
”എഴുന്നേൽക്ക് വിനു!” ടീച്ചർ അലറി.
വിനു പേടിച്ചു വിറച്ച് എഴുന്നേറ്റു. “അമ്മേ… അത്…”
”ക്ലാസ്സിൽ നീ എന്നെ ടീച്ചർ എന്ന് വിളിക്കണമെന്ന് എത്ര തവണ പറഞ്ഞു? നിനക്ക് വീട്ടിൽ കിടന്നുറങ്ങിക്കൂടെ? പഠിക്കാൻ വിവരമില്ല, പോരാത്തതിന് ഈ മടിയും. നിന്നെപ്പോലെ ഒരു മകനെ കിട്ടിയത് എന്റെ ശാപമാണ്,” ശാരദ ക്ലാസ്സിലെ മുഴുവൻ പിള്ളേരുടെയും മുന്നിൽ വെച്ച് അവനെ ആക്ഷേപിച്ചു.
വിനുവിന്റെ തല താഴ്ന്നു. അവന്റെ കണ്ണുകൾ നിറഞ്ഞു. ക്ലാസ്സിലെ സുന്ദരികളായ പെൺകുട്ടികൾ അവനെ നോക്കി കളിയാക്കി ചിരിക്കുന്നത് അവൻ കണ്ടു. പ്രത്യേകിച്ച് അജിത്തും സംഘവും അവനെ നോക്കി ആക്കുന്നുണ്ടായിരുന്നു.
”നീ പുറത്ത് പോയി നിൽക്ക്. ഇനി എന്റെ ക്ലാസ്സിൽ നിന്നെ കണ്ടു പോകരുത്,” ശാരദ കടുപ്പത്തിൽ പറഞ്ഞു.
വിനു വരാന്തയിലേക്ക് നടന്നു. അവന്റെ ഉള്ളിൽ അമ്മയോടുള്ള ദേഷ്യം പുകയുകയായിരുന്നു. ‘എല്ലാവരുടെയും മുന്നിൽ വെച്ച് എന്നെ ഇങ്ങനെ നാറ്റിക്കണമായിരുന്നോ? വീട്ടിൽ വന്നാൽ പിന്നെയും തുടങ്ങും ചീത്തവിളി. അച്ഛൻ ഇല്ലാത്തതുകൊണ്ട് അമ്മയുടെ അധികാരം മുഴുവൻ എന്റെ മേലിലാണ്.’ അവൻ പതുക്കെ ചിന്തിച്ചു. സ്വതവേ മണ്ടനായ അവനെ ദേഷ്യം കൂടി ആയപ്പോൾ തീരെ ചിന്താ ശേഷിയെ ഇല്ലാതായി..
പകയോടെ ടീച്ചറെ നോക്കുന്ന വിനുവിനെ കണ്ടപ്പോൾ അജിത്തൊന്ന് ഊറിചിരിച്ചു..
————————————————————-
സ്കൂൾ വിട്ടപ്പോൾ വിനു പതിവുപോലെ സൈക്കിളിൽ പോകാൻ തുടങ്ങുകയായിരുന്നു. അജിത്തും കൂട്ടുകാരും അവനെ തടഞ്ഞു.
”എന്താടാ വിനുവേ… നിന്റെ അമ്മ ഇന്ന് നിന്നെ ശരിക്കും എയറിൽ നിർത്തിയല്ലോ. കഷ്ടം തോന്നുന്നുണ്ട് കേട്ടോ,” അജിത്ത് അവന്റെ തോളിൽ കൈയിട്ടു പറഞ്ഞു.
”അമ്മയ്ക്ക് എപ്പോഴും ദേഷ്യമാണ്. ഞാൻ എന്ത് ചെയ്താലും കുറ്റമേ കാണൂ,” വിനു സങ്കടത്തോടെ പറഞ്ഞു. അപമാന ഭാരം അവന്റെ വാക്കുകളിൽ നിറഞ്ഞു.
”അത് നിന്റെ അമ്മയ്ക്ക് ഒരു അഹങ്കാരമുള്ളതുകൊണ്ടാടാ. സ്കൂളിലെ ഏറ്റവും വലിയ ടീച്ചറാണെന്ന വിചാരം. വീട്ടിൽ ചെന്നാൽ നിന്നെ ഒന്ന് ശ്വാസം വിടാൻ പോലും പോലും അവർ സമ്മതിക്കില്ലല്ലോ,” നിതിൻ കൂട്ടിചേർത്തു.
വിനു തല കുലുക്കി.
”അമ്മയെ ഒരു പാഠം പഠിപ്പിക്കണം. ഇല്ലെങ്കിൽ നിന്റെ ജീവിതം ഇങ്ങനെ തീരും. നിനക്ക് ഒന്ന് അടിച്ചുപൊളിക്കാൻ തോന്നുന്നില്ലേ? നല്ല വണ്ടി ഓടിക്കണ്ടേ? ഫോണിൽ പടം കാണണ്ടേ? ഒറ്റയ്ക്കു സിറ്റിയിൽ പോകണ്ടേ?” സച്ചിൻ ചോദിച്ചു.
”എനിക്ക് പേടിയാണ്. അമ്മ കണ്ടാൽ എന്നെ കൊന്നുകളയും,” വിനു വിറച്ചു.
”പേടിക്കണ്ടടാ. അമ്മയെ ഞങ്ങൾ ഒന്ന് ഒതുക്കി തരാം. അപ്പോൾ അമ്മ നിന്നെ ഒന്നും പറയില്ല. നിനക്ക് പണവും കിട്ടും, സ്വാതന്ത്ര്യവും കിട്ടും. ” രാഹുൽ പറഞ്ഞു നിർത്തി.
“എങ്ങനെ?” വിനു ആകാംഷയോടെ അവനെ നോക്കി.
“അതൊക്കെയുണ്ട്. പക്ഷേ നീ ഞങ്ങളെ ഒന്ന് സഹായിക്കണം,” അജിത്ത് വിനുവിനെ അല്പം മാറ്റി നിർത്തി.
”എന്ത് സഹായം?” വിനുവിന് ഒന്നും മനസ്സിലായില്ല.