————————————————————-
രണ്ട് ദിവസത്തെ അവധി കഴിഞ്ഞ് തിങ്കളാഴ്ച സ്കൂളിലെത്തിയപ്പോൾ വിനുവിന്റെ ഭാവം ആകെ മാറിയിരുന്നു. വീട്ടിലെ ആ രണ്ട് ദിവസം അവന് നരകതുല്യമായിരുന്നു. അമ്മ അവനെ പുറത്തിറങ്ങാൻ പോലും സമ്മതിക്കാതെ റൂമിലിരുത്തി പഠിപ്പിക്കുകയായിരുന്നു.
ഇടവേള സമയത്ത് വിനു പതിവ് പോലെ പഴയ കെട്ടിടത്തിന് പിന്നിലെ മതിൽക്കടുത്ത് അജിത്തിനെയും കൂട്ടരെയും കാണാൻ എത്തി.
അജിത്ത് ബൈക്കിൽ ചാരിയിരുന്ന് പുക വിടുകയായിരുന്നു. വിനു വരുന്നത് കണ്ടപ്പോൾ അവൻ ചിരിച്ചു.
”എന്താടാ വിനു, രണ്ട് ദിവസം കണ്ടില്ലല്ലോ? വീട്ടിൽ അമ്മയുടെ ‘പ്രത്യേക പരിഗണന’ ആയിരുന്നോ?” അജിത്ത് പരിഹാസത്തോടെ ചോദിച്ചു.
”ഒന്നും പറയണ്ടടാ… എനിക്ക് മടുത്തു. ശനിയാഴ്ചയും ഞായറാഴ്ചയും എന്നെ റൂമിൽ പൂട്ടിയിട്ടാ പഠിപ്പിച്ചത്. പുറത്തോട്ട് ഒന്ന് നോക്കാൻ പോലും സമ്മതിക്കില്ല. ചായ കുടിക്കാൻ താമസിച്ചതിന് ഇന്നും കിട്ടി ചീത്ത,” വിനു അരിശത്തോടെ നിലത്ത് ചവിട്ടി.
”നീ ഇപ്പോഴും ആ ചട്ടമ്പി ടീച്ചറുടെ പാവയാണല്ലോടാ,” നിതിൻ ചിരിച്ചു.
“നിനക്ക് ഈ 18 വയസ്സിലും സ്വന്തമായിട്ട് ഒരു കാര്യം ചെയ്യാൻ പറ്റില്ലേ? നിന്റെ അമ്മയ്ക്ക് നല്ല ഗമയാണല്ലോ?”
വിനുവിന്റെ ഉള്ളിലെ ദേഷ്യം പുറത്തുവന്നു. “അമ്മയ്ക്ക് നല്ല അഹങ്കാരമാടാ. സ്കൂളിൽ എല്ലാവരും ബഹുമാനിക്കുന്നത് കൊണ്ട് വീട്ടിലും അവർ വലിയ ആളാണെന്നാ വിചാരം. അച്ഛൻ ഇല്ലാത്തതുകൊണ്ട് എന്നെ ഇങ്ങനെ അടക്കി ഭരിക്കാമെന്ന് അവർ വിചാരിക്കുന്നുണ്ടാകും. സത്യം പറഞ്ഞാൽ എനിക്ക് ആ മുഖം കാണുന്നതേ ഇപ്പൊ ദേഷ്യമാ.”
സച്ചിൻ അവന്റെ തോളിൽ കയ്യിട്ടു. “അങ്ങനെ പറടാ! നീ ഇപ്പൊ ഒരു ആണായി. ടീച്ചർ സുന്ദരിയാണെന്ന് എല്ലാവരും പറയും, പക്ഷേ ഇത്രയും ക്രൂരത സ്വന്തം മോനോട് കാണിക്കുന്നത് ശരിയല്ല. അവർക്ക് പുറത്ത് ഒരു മുഖവും വീട്ടിൽ വേറെ ഒരു മുഖവുമാണ്. അല്ലേ?”
”അതെടാ,” വിനു ആവേശത്തോടെ തുടർന്നു. “പുറത്ത് എല്ലാവരോടും ചിരിച്ച് സംസാരിക്കും. വീട്ടിൽ വന്നാൽ ഒരു ഭീകരരൂപിയാ. എപ്പോഴും എന്നെ കുറ്റം പറച്ചിൽ മാത്രം. അമ്മയ്ക്ക് എന്നെ ഒരു വിലയുമില്ല. അവർക്ക് അവരുടെ കാര്യങ്ങൾ നടക്കണം, അത്ര തന്നെ.”
അജിത്ത് തന്റെ പോക്കറ്റിൽ നിന്ന് തിളങ്ങുന്ന ഒരു പുതിയ സ്മാർട്ട് ഫോൺ പുറത്തെടുത്തു. വിനുവിന്റെ കണ്ണുകൾ വിടർന്നു.
”ദാ, ഇത് നിനക്കുള്ളതാ. ഞങ്ങൾ പറഞ്ഞില്ലേ, നീ ഞങ്ങളുടെ ചങ്കാണെന്ന്. ഇതിൽ നെറ്റും കാര്യങ്ങളും ഒക്കെ സെറ്റാണ്. നീ ഇത് വീട്ടിൽ കൊണ്ട് പോയി വെക്ക്,” അജിത്ത് ഫോൺ അവന് നീട്ടി.
”എനിക്ക്… ഇത് അമ്മ കണ്ടാൽ…” വിനു പേടിയോടെ കൈ വലിച്ചു.
”എടാ മണ്ട ചാരേ, നീ എന്തിനാ അമ്മയെ പേടിക്കുന്നത്?” രാഹുൽ ഇടയ്ക്ക് കയറി. “രാത്രി അമ്മ ഉറങ്ങുമ്പോൾ നിനക്ക് ഇതിൽ ഇഷ്ടമുള്ളത് കാണാം. ഞങ്ങൾ മെസ്സേജ് അയക്കും. സ്കൂളിൽ വരുമ്പോൾ ഇത് ബാഗിൽ ഒളിപ്പിച്ചു വെച്ചാൽ മതി. ടീച്ചർ നിന്റെ ബാഗ് തുറന്ന് നോക്കാറുണ്ടോ?”
”ഇല്ല,” വിനു ഫോൺ കയ്യിലെടുത്തു. അതിന്റെ തണുപ്പും ആ തിളക്കവും അവന് ഒരു പുതിയ ആവേശം നൽകി.
”അതാണ് മോനെ! നീ ഇത് ഉപയോഗിക്ക്. അമ്മയോട് റിവഞ്ച് എടുക്കാനുള്ള ആദ്യത്തെ വഴി ഇതാ. അമ്മ നിന്നെ പൂട്ടിയിടുമ്പോൾ നീ ഈ ഫോണിലൂടെ പുറംലോകം കാണണം. ഞങ്ങൾ ഇതിൽ ചില വീഡിയോസ് ഒക്കെ അയച്ചു തരാം,” അജിത്ത് കണ്ണിറുക്കി.
”നിങ്ങൾ നല്ല കൂട്ടുകാരാടാ… അമ്മയെക്കാൾ എന്നെ മനസ്സിലാക്കുന്നത് നിങ്ങളാണ്,” വിനു ഫോൺ പതുക്കെ പോക്കറ്റിലിട്ടു.
————————————————————-
ദിവസങ്ങൾ പിന്നെയും കടന്നു പോയി.അജിത്ത് കൊടുത്ത ആ പുതിയ ഫോൺ വിനുവിന്റെ ലോകം തന്നെ മാറ്റിമറിച്ചു.
രാത്രിയിൽ അമ്മ ഉറങ്ങിയെന്ന് ഉറപ്പുവരുത്തി, പുതപ്പിനുള്ളിൽ ചുരുണ്ടുകൂടി അവൻ ആ ചെറിയ സ്ക്രീനിലേക്ക് നോക്കിയിരുന്നു. അജിത്ത് അയച്ചു കൊടുത്ത വീഡിയോകൾ അവൻ ആദ്യമായി കാണുകയായിരുന്നു.