നിതിൻ വിനുവിനെ ഒന്ന് കുത്തി. “ടാ, ടീച്ചർക്ക് നിന്നോട്സ്നേഹമൊന്നുമില്ലടാ. അവർക്ക് അവരുടെ ആ ‘സ്ട്രിക്റ്റ് ടീച്ചർ’ എന്ന ഇമേജ് നിലനിർത്തണം. അതിന് വേണ്ടി നിന്നെ അവർ ഒരു ബലിയാടാക്കുകയാണ്. നീ നന്നാകാനൊന്നുമല്ല അവർ ഇങ്ങനെ ചെയ്യുന്നത്, നിന്നെ ഒന്ന് ഒതുക്കി നിർത്താൻ വേണ്ടിയാണ്. സ്കൂളിൽ എല്ലാവരുടെയും മുന്നിൽ വെച്ച് നിന്നെ ചീത്ത പറയുന്നത് അവർക്ക് ഒരു രസമാണ്.”
”പക്ഷേ, അമ്മയ്ക്ക് എന്നെ …” വിനു സംശയത്തോടെ പറഞ്ഞു.
”ഒന്നുമില്ല , അത് അഹങ്കാരമാണ്,” അജിത്ത് കടുപ്പത്തിൽ പറഞ്ഞു.
“സ്കൂളിലെ പിള്ളേരൊക്കെ ടീച്ചറെ നോക്കി വെള്ളമിറക്കുന്നത് നീ കാണാറില്ലേ? സുന്ദരിയായ ടീച്ചർ, സ്ട്രിക്റ്റ് ടീച്ചർ… ഈ പവർ തലയ്ക്ക് പിടിച്ചതുകൊണ്ടാണ് നിന്നെ അവർ മനുഷ്യനായി കാണാത്തത്. നിന്റെ അച്ഛൻ അയക്കുന്ന കാശൊക്കെ അവര്എന്ത് ചെയ്യുന്നു എന്ന് നീ എപ്പോഴെങ്കിലും ചോദിച്ചിട്ടുണ്ടോ? നിനക്ക് ഒരു നല്ല ഫോൺ പോലുമില്ല. എന്നാൽ ടീച്ചറുടെ പത്രാസ് കണ്ടില്ലേ? സ്വർണ്ണമാലയും പുതിയ സാരിയും… നീ വെറും പാഴ്ജന്മമായി വീട്ടിലിരിക്കണം എന്നാണ് അവരുടെ ആഗ്രഹം.”
രാഹുൽ സിഗരറ്റ് കത്തിച്ച് പുക വിട്ടുകൊണ്ട് പറഞ്ഞു, “വിനു, നീ നോക്കിക്കോ… നീ ഇങ്ങനെ പോയാൽ നിനക്ക് ഒരു പെണ്ണ് പോലും കിട്ടില്ല. പെണ്ണുങ്ങളുടെ മുന്നിൽ വെച്ചല്ലേ ഇന്നലെ ടീച്ചർ നിന്നെ നാണം കെടുത്തിയത്? അതൊക്കെ കണ്ടിട്ട് അവൾമാർ ചിരിക്കുന്നത് നീ കണ്ടോ? നിന്നെ ഒരു ആണായിട്ട് ആരെങ്കിലും കാണണമെങ്കിൽ നിന്റെ കയ്യിൽ കാശും ഫോണും വണ്ടിയും വേണം. അതിന് ടീച്ചറെ ഒന്ന് നിലയ്ക്ക് നിർത്തണം.”
”ഞാൻ എന്ത് ചെയ്യാനാണ്? അമ്മയോട് എതിർത്ത് സംസാരിക്കാൻ എനിക്ക് പേടിയാ,” വിനു പതുക്കെ പറഞ്ഞു.
”അതിനാണ് ഞങ്ങൾ ഉള്ളത്,” അജിത്ത് പതുക്കെ വിനുവിന്റെ ചെവിയിൽ പറഞ്ഞു. “നീ ഒന്നും ചെയ്യണ്ട. ഞങ്ങൾ പറയുന്നത് പോലെ ഒന്ന് നിന്നാൽ മതി. ടീച്ചറുടെ ആ ഗമ ഒന്ന് കളഞ്ഞാൽ പിന്നെ അവർ നിന്റെ കാലുപിടിക്കും. നിനക്ക് വേണ്ടതൊക്കെ അവർ വാങ്ങിത്തരും. സ്വാതന്ത്ര്യം വേണോ അതോ ഇങ്ങനെ അമ്മയുടെ അടിമയായി ജീവിക്കണോ? നീ ആലോചിക്ക്. ഞങ്ങൾ നിന്റെ ചങ്ക് ബ്രോസ് ആയതുകൊണ്ട് പറയുന്നതാണ്. നിന്റെ ഈ ഗതികേട് കാണാൻ ഞങ്ങൾക്ക് വയ്യടാ.”
വിനുവിന്റെ ഉള്ളിൽ ആ വാക്കുകൾ പതുക്കെ വിഷമായി പടരാൻ തുടങ്ങി. അമ്മയുടെ കർക്കശമായ മുഖം ഓർക്കുമ്പോൾ അവന് ദേഷ്യം തോന്നി.
അജിത്ത് തന്റെ തോളിൽ കയ്യിട്ടു. “അതാണ് ഞാൻ പറയുന്നത്. നിനക്ക് ആ 18 വയസ്സിന്റെ ഒരു തന്റേടം ഇല്ലെന്ന്. അവർക്ക് നിന്നെ ഇങ്ങനെ എല്ലാവരുടെയും മുന്നിൽ വെച്ച് നാണം കെടുത്തുന്നതാണ് സുഖം.”
”എന്ത് ചെയ്യാനാടാ? വീട്ടിൽ പോയാലും ഇതേ അവസ്ഥയാ,” വിനു പറഞ്ഞു.
സച്ചിൻ ചിരിച്ചുകൊണ്ട് ഇടയ്ക്ക് കയറി. “ടാ വിനു, നീ ഒരു കാര്യം ആലോചിച്ചു നോക്കിയട്ടുണ്ടോ? നിന്റെ അമ്മ ഇത്ര സുന്ദരിയായിട്ടും നിന്നെ കാണാൻ എന്തിനാ ഇങ്ങനെ ഒരു പിച്ചക്കാരനെ പോലെ നടക്കുന്നത്? അവർക്ക് പുതിയ സാരി വേണം, സ്വർണ്ണം വേണം. നിനക്കോ? ഒരു ഐഫോൺ ചോദിച്ചിട്ട് ഇതുവരെ തന്നോ?”
”ഇല്ലടാ, പഠിച്ചിട്ട് മതിയെന്നാ പറയുന്നത്,” വിനു തലതാഴ്ത്തി.
”പഠിച്ചിട്ട് മതി പോലും! ആ ലാലുവിനെ കണ്ടോ? അവന്റെ അമ്മ അവന് അപ്പാചേ ബൈക്ക് വാങ്ങി കൊടുത്തു. നിന്നെ അവർ ഇങ്ങനെ ഒരു പേടിത്തൊണ്ടനായി വളർത്താനാണ് പ്ലാൻ. വീട്ടിൽ ഇരുന്നാൽ നീ അമ്മയുടെ അടിമ. സ്കൂളിൽ വന്നാൽ ടീച്ചറുടെ പ്യൂൺ. നിനക്ക് മടുക്കുന്നില്ലേ ഇതൊക്കെ?” നിതിൻ ചോദിച്ചു
.
”മടുക്കുന്നുണ്ട്. പക്ഷേ എന്ത് ചെയ്യും?” വിനു നിസ്സഹായനായി ചോദിച്ചു.
അജിത്ത് അവന്റെ മുഖത്തേക്ക് നോക്കി. “നീ ഒന്നും ചെയ്യണ്ട. ഞങ്ങൾ പറയുന്നത് പോലെ ഒന്ന് കേട്ടാൽ മതി. നിനക്ക് കാശും കിട്ടും, അമ്മയെ പേടിക്കുകയും വേണ്ട.”
”അതെങ്ങനെ?”
”അതൊക്കെ ഉണ്ട്.” അജിത്ത് എന്തോ പറയാൻ തുടങ്ങിയതും ബെൽ അടിക്കുന്ന ഒച്ച കേട്ടു.