ശ്യാമ ഞെട്ടിപ്പോയി കൈ ശക്തിയിൽ പിൻവലിച്ചു. എന്നിട്ട് ചോദിച്ചു.
“എന്താ ഈ കാണിക്കുന്നത് അപ്പു ഏട്ടാ.. അപ്പു ഏട്ടൻ എന്തിനാ ഇങ്ങനെ ചെയ്തത്…?”
“എന്തേ ശ്യാമയുടെ കൈ വേദനിച്ചോ..?”
“ഇല്ല. പക്ഷെ എന്തിനാ ഇങ്ങനെ ചെയ്തത്. ഇത് ഞാൻ അപ്പു ഏട്ടന്റെ മുഖത്തു അടിച്ച പോലെ ആയില്ലേ..? ”
സുധി ചിരിച്ചു എന്നിട്ട് പറഞ്ഞു.
“അടിച്ച പോലെ അല്ലേ ആയുള്ളൂ. വേണമെങ്കിൽ ശ്യാമ എന്നെ ശരിക്കും അടിച്ചോ.. ഞാൻ കൊണ്ടോള്ളാം.”
“എനിക്ക് അങ്ങനെ ഒന്നും ആവില്ല. ഞാൻ ഒരു പാവമാണ് അപ്പു ഏട്ടാ… അങ്ങനെ ചെയ്യാൻ എനിക്ക് ആവില്ല.. പറ എന്തിനാ അപ്പു ഏട്ടൻ ഇങ്ങനെ ചെയ്തത്..? ”
“അതോ.? .അത് ഞാൻ കാണിച്ച ചെറ്റത്തരം ക്ഷമിച്ചു ശ്യാമ എന്നോട് സ്നേഹം കാണിച്ചതിന്. ഞാൻ ഒരിക്കലും ശ്യാമയോട് അങ്ങനെ ഒന്നും ചെയ്യാൻ പാടില്ലായിരുന്നു. ഞാൻ വേണമെങ്കിൽ ശരിക്കും ശ്യാമയുടെ കാൽ പിടിച്ചു മാപ്പ് പറയാം.”
അതും പറഞ്ഞു സുധി താഴെ നിലത്ത് ഇരിക്കാൻ നോക്കി . ശ്യാമ സുധിയെ തടഞ്ഞു.
“വേണ്ട അപ്പു ഏട്ടാ. ഏട്ടൻ അങ്ങനെ ഒന്നും ചെയ്യേണ്ട.. ഇനിയെങ്കിലും എന്നോട് ഇങ്ങനെ ഒന്നും പെരുമാറാതിരുന്നാൽ മതി. അപ്പു ഏട്ടന് വേറെ എന്തു വേണമെങ്കിലും ഞാൻ ചെയ്തു തരാം..”
“ആണോ ? ഉറപ്പാണോ..? ”
“മ്. ഉറപ്പ്.. പക്ഷെ മോശം കാര്യമൊന്നും എന്നോട് പറയല്ലേ..?”
സുധി ചിരിച്ചു. എന്നിട്ട് പറഞ്ഞു.
“ആർക്ക് മോശം ആയ കാര്യം..? ശ്യാമയ്ക്കോ അതോ എനിക്കോ..? ”
ശ്യാമ ഒന്നും മിണ്ടിയില്ല. അങ്ങനെ തന്നെ നിന്നു സുധി വീണ്ടും പറഞ്ഞു
“അതൊക്കെ നമുക്ക് പിന്നെ സംസാരിക്കാം.. ഇപ്പോൾ എനിക്ക് നന്നായി വിശക്കുന്നുണ്ട്. ശ്യാമയ്ക്ക് വിശക്കുന്നില്ലേ…?”
“ഉണ്ട്. എന്നാൽ ഞാൻ പോയി അപ്പു ഏട്ടന് ചോറ് കൊണ്ട് വരട്ടെ ? ചോറ് കഴിച്ചിട്ട് പുറത്ത് പോയാൽ പോരെ..?”
“പോര.. ചോറ് വന്നിട്ട് രാത്രിയിൽ കഴിക്കാം. ഇപ്പോൾ നമുക്ക് പുറത്ത് നിന്ന് കഴിക്കാം. ശ്യാമ ആ ബേഗിൽ നിന്ന് ഒരു ട്രൗസർ എടുത്തു ഇട്ട് താ..
എനിക്ക് ആ ട്രൗസർ ഇട്ട് തന്നാൽ നമുക്ക് വേഗം പോകാമായിരുന്നു. ”
ശ്യാമ വേഗം ബേഗിൽ നിന്നും ഒരു ട്രൗസർ എടുത്തു എന്നിട്ട് ചോദിച്ചു.
“ഇതും ഉടുത്താണോ പുറത്തേക്ക് പോകുന്നത്. അയ്യേ നാണക്കേട്..”
‘എന്റെ ശ്യാമേ.. ശ്യാമ നാടൊന്നും കണ്ടിട്ടില്ലേ.. ഇപ്പോഴത്തെ പെൺ പിള്ളേരിൽ പലരും ഇതിലും ചെറിയ കുട്ടി നിക്കർ ഇട്ടാണ് പുറത്തെല്ലാം പോകുന്നത്.. ആ കുറച്ചു കഴിയട്ടെ ശ്യാമയും ഇതൊക്കെ ഉടുത്ത് തുടങ്ങും. ”
“അയ്യേ
ഞാൻ അങ്ങനെ ഉള്ളത് ഒന്നും ഉടുക്കില്ല..”
“അതൊക്കെ നമുക്ക് വഴിയേ കാണാം.. ഇപ്പോൾ ട്രൗസർ വേണ്ടെങ്കിൽ അതിൽ പാന്റ് ഉണ്ട് അത് എടുത്തോ.. പക്ഷെ അത് ഉടുക്കാൻ കുറച്ചു പാട് ആയിരിക്കും.”
” ആണോ..? എന്നാൽ വേണ്ട ഈ ട്രൗസർ തന്നെ ഉടുത്തോ.”
അതും പറഞ്ഞു ശ്യാമ സുധിയെ ട്രൗസർ ഉടുക്കാൻ സഹായിച്ചു. പിന്നെ ഒരു ടി ഷർട്ടും ഇട്ട് കൊടുത്തു. സുധി ട്രൗസറിന്റെ പോക്കറ്റിൽ പേഴ്സും ഫോണും എടുത്തു വെച്ച് പറഞ്ഞു.
“എന്നാൽ പോകാം..”
“ആയില്ല. ഒരു നിമിഷം. ഞാൻ ഈ മുടി ചീകി തരാം. എന്നിട്ട് പോകാം. ”
ശ്യാമ പറഞ്ഞു. സുധിയുടെ ബേഗിൽ കണ്ട വട്ട ചീപ്പ് എടുത്ത് സുധിയുടെ മുഖം പിടിച്ചു മുടി ചീകി കൊടുത്തു.
സുധി പതിയെ എഴുന്നേറ്റു.
എന്നിട്ട് പറഞ്ഞു
“ആ വാക്കിങ് സ്റ്റിക്ക് ഇങ്ങ് എടുക്ക്. എന്നിട്ട് ഇറങ്ങാം.. കൂടെ ഈ ഹെൽമെറ്റും. ”
“ഞാൻ ഇപ്പോൾ കൊണ്ട് വരാം. ”
നേരത്തെ ബാത്റൂമിൽ പോകാൻ വേണ്ടി സുധി വാക്കിങ് സ്റ്റിക്ക് എടുത്തിരുന്നു. അത് അവിടെ വെച്ചാണ് തിരിച്ചു റൂമിൽ ശ്യാമയുടെ കൂടെ വന്നത്.. ശ്യാമ വാക്കിങ് സ്റ്റിക്ക് എടുത്തു വന്നു.
“ഇനി ആ ഹെൽമെറ്റ് എടുത്തു തലയിൽ വെക്ക്.” സുധി പറഞ്ഞു.