ശ്യാമയ്ക്ക് എന്തോ പോലെ ആയി. തന്റെ ജീവൻ തന്നെ വലിച്ചെടുക്കുന്നത് പോലെ തോന്നി.
“ഏയ്! അല്ല ഇത് ഏതോ സോപ്പ് മണക്കുന്നത് തന്നെയാ..” സുധി പറഞ്ഞു.
ശ്യാമ സുധിയുടെ കൈയിൽ പിടിച്ചു മാറ്റാൻ ശ്രമിച്ചു കൊണ്ട് പറഞ്ഞു.
” അല്ല. ഇത് എന്റെ വിയർപ്പ് നാറുന്നത് തന്നെയാ.. ”
“ഏയ് അല്ല. ശ്യാമ കള്ളം പറയുന്നതാ. ഇത് വിയർപ്പ് നാറ്റം ഒന്നും അല്ല. നല്ല മണം ആണ്. അല്ലെങ്കിൽ ഒന്ന് കൂടെ മണത്തു നോക്കട്ടെ.”
എന്ന് പറഞ്ഞു ശ്യാമയുടെ അരയിലെ പിടുത്തം ഒന്ന് കൂടെ മുറുക്കി തന്റെ ശരീരത്തോട് കൂടുതൽ ചേർത്ത് വലിച്ചു. അങ്ങനെ വലിച്ചപ്പോൾ വീഴാതിരിക്കാൻ ശ്യാമ സുധിയുടെ പുറത്ത് പിടിച്ചു. ഇത്തവണ സുധി തല കുനിച്ചു ശ്യാമയുടെ വയറിൽ മുഖം അമർത്തിയാണ് മണത്തത്. സുധി ശ്യാമയുടെ അരയിൽ പിടിച്ചപ്പോൾ തെന്നി മാറിയ ചൂരിദാറിന്റെ ടോപ്പിന്റെ അടിയിലൂടെ ശ്യാമയുടെ നഗ്നമായ വയറിൽ ആണ് സുധി മുഖം അമർത്തിയത്.
ശ്യാമയുടെ മണം വലിച്ചെടുക്കുന്നതിനോടൊപ്പം ശ്യാമയുടെ വയറിൽ സുധി ഉമ്മ വെച്ചു.
എന്നിട്ട് തല ഉയർത്തിയിട്ട് പറഞ്ഞു.
“എന്തായാലും നല്ല മണം… ഇത് ശ്യാമയുടെ മണം ആണെങ്കിൽ.. എപ്പോഴും ഇങ്ങനെ ശ്യാമയെ ശ്വസിക്കാൻ തോന്നും. വെറുതെ അല്ല ആ കിളവൻ മാനേജൻ ശ്യാമയെ മോഹിച്ചത്.. അത്രമേൽ സുന്ദരിയും സുഗന്ധം ഉള്ളവളും ആണ് ശ്യാമ.”
“ശ്യാമയ്ക്ക് ഒരു പാട്ട് അറിയാമോ ? കുറച്ചു പഴയ പാട്ട് ആണ്..”
“ഏത് പാട്ട്..?” ശ്യാമ ചോദിച്ചു.
“എനിക്കും പാടാൻ അറിയില്ല.. എങ്കിലും അറിയുന്നത് പോലെ ഞാൻ പാടാം. ”
ശ്യാമ സുന്ദര പുഷ്പ്പമേ
എന്റെ പ്രേമസംഗീതമാണു നീ
ധ്യാനലീനമിരിപ്പൂ ഞാൻ
ധ്യാനലീനമിരിപ്പൂ ഞാൻ
ഗാനമെന്നെ മറക്കുമോ
എന്റെ ഗാനമെന്നിൽ മരിക്കുമോ
‘എന്താ ഈ പാട്ടിൽ ഉള്ളത്..? ” ശ്യാമ ചോദിച്ചു.
“ഈ പാട്ടിൽ ശ്യാമ ഇല്ലേ സുന്ദര പുഷ്പ്പം ആയി. അതുകൊണ്ട് ഈ ശ്യാമ പുഷ്പ്പത്തിന്റെ മണം ഒന്ന് കൂടെ ഞാൻ ശ്വസിക്കെട്ടെ..”
സുധി വീണ്ടും ശ്യാമയുടെ വയറിൽ മുഖം അമർത്തി. എന്നിട്ട് ആ വയറിൽ ഉമ്മ വെച്ചു. പിന്നെ ഒന്ന് നക്കി. അതിന് ശേഷം സുധി വീണ്ടും ശ്യാമയെ നോക്കി.
ശ്യാമയുടെ കണ്ണ് നിറഞ്ഞു.
“ഓഹ്!! സോറി ശ്യാമേ ഞാൻ അങ്ങനെ പിടിച്ചപ്പോൾ വയറിൽ വേദനിച്ചോ സോറി കേട്ടോ.. അത് ശ്യാമയുടെ മണം ആണെന്ന് പറഞ്ഞപ്പോൾ ഉള്ള ആവേശത്തിൽ പിടിച്ചു പോയതാ..വേദന ആയെങ്കിൽ ഞാൻ തടവിത്തരാം ”
അങ്ങനെ പറഞ്ഞു സുധി ശ്യാമയുടെ വയറിൽ തഴുകി. ശ്യാമ സുധിയുടെ കൈയിൽ പിടിച്ചു.
“ഏയ്! എനിക്ക് വേദനിച്ചൊന്നും ഇല്ല.. ”
ശ്യാമ കണ്ണീർ തുടച്ചു കൊണ്ട് പറഞ്ഞു.
“ആണോ. ഞാൻ കരുതി ശ്യാമയ്ക്ക് വേദന ആയെന്ന്. ”
സുധി ഒന്ന് കൂടെ ശ്യാമയെ അതുപോലെ പിടിച്ചു ചേർത്ത് നിർത്തിയിട്ട് പറഞ്ഞു.
“ആർക്കും കൊടുക്കില്ല ഞാൻ ശ്യാമയെ.. എനിക്ക് വേണം ഈ ശ്യാമയെ..’
ശ്യാമ ഞെട്ടി . എന്നിട്ട് വിളിച്ചു
“അപ്പു ഏട്ടാ.. അപ്പു ഏട്ടൻ എന്നോട് ഇങ്ങനെ ഒന്നും പറയല്ലേ. പെരുമാറല്ലേ..”
“അതിന് ഞാൻ എന്ത് പറഞ്ഞു …? എന്ത് പെരുമാറി..? ശ്യാമയുടെ അരയിലൂടെ ഒന്ന് കൈയിട്ട് പിടിച്ചതോ. അതോ സോപ്പിന്റെ മണം അല്ലെന്നു പറഞ്ഞപ്പോൾ മണത്തതോ..? അതോ ശ്യാമയെ ആർക്കും കൊടുക്കില്ല എന്ന് പറഞ്ഞതൊ.? ”
കുറച്ചു സമയം നിർത്തിയ ശേഷം സുധി വീണ്ടും തുടർന്നു
” ശ്യാമയെ ആരെങ്കിലും കൊണ്ട് പോയാൽ എനിക്ക് ആരാണ് , എനിക്ക് ഭക്ഷണം തരിക, എനിക്ക് മരുന്ന് തരിക, എനിക്ക് ഒന്ന് കുളിക്കണം എന്ന് തോന്നിയാൽ ഒന്ന് കുളിപ്പിച്ചു തരിക. എനിക്ക് പാട്ട് പാടിത്തരിക, എന്റെ ഡ്രെസ്സ് കഴുകി തരിക. കുറച്ചു സമയമെങ്കിലും ഈ സുഗന്ധം ആസ്വദിച്ചു സംസാരിക്കുക. ഇത്തിരി സ്നേഹം തരിക എനിക്ക് ഇതിനെല്ലാം ശ്യാമയെ വേണം. അതുകൊണ്ട് പറഞ്ഞതാ.. പറഞ്ഞത് ഇഷ്ട്ടം ആയില്ലെങ്കിൽ സോറി.””