ശ്യമ ഹെൽമെറ്റ് എടുത്ത് സുധിയുടെ തലയിൽ വെക്കാൻ നോക്കി. അത് കണ്ട് പറഞ്ഞു.
“എടി മണ്ടി പെണ്ണേ .. എന്റെ തലയിൽ അല്ല. ഈ പെണ്ണിന്റെ തലയിൽ തന്നെ.”
“എന്റെ തലയിലോ..”
“ആ അതേ…ഈ മണ്ടി പെണ്ണായ ശ്യാമയുടെ തലയിൽ തന്നെ.. ” അതും പറഞ്ഞു സുധി ചിരിച്ചു. എന്നിട്ട് വാക്കിങ് സ്റ്റിക്കും പിടിച്ചു
സുധി താഴെ ഇറങ്ങി. ശ്യാമ വാതിൽ പൂട്ടിയ ശേഷം സുധിയുടെ പിന്നാലെ താഴെ ഇറങ്ങി. താഴെ എത്തിയപ്പോൾ സുധി പറഞ്ഞു.
“ശ്യാമേ ആ പണവും എടുത്തോ.. അത് ആവശ്യം വരും..”
“ശരി അപ്പു ഏട്ടാ ഇപ്പോൾ കൊണ്ട് വരാം.”
അങ്ങനെ പറഞ്ഞു ശ്യാമ അകത്തേക്ക് പോയി. പണവും എടുത്തു തിരിച്ചു വന്നു. സുധിക്ക് നേരെ നീട്ടി.
“വേണ്ട അത് ശ്യാമയുടെ ബാഗിൽ വെച്ചാൽ മതി. എന്നിട്ട് ബേഗ് സ്കൂട്ടറിന്റെ ഡിക്കിയിൽ വെക്കാം.” സുധി പറഞ്ഞു. ശ്യാമ അത് പോലെ അനുസരിച്ചു.
ശ്യാമ വേഗം സ്കൂട്ടറിൽ കയറി സുധി ശ്യാമയുടെ പിറകിൽ ഇരുന്നു. എന്നാൽ ശ്യാമയെ പിടിച്ചില്ല. സ്കൂട്ടർ എടുത്തപ്പോൾ സുധി ഒന്ന് രണ്ട് തവണ ചെരിഞ്ഞു. അത് കണ്ടു സ്കൂട്ടർ നിർത്തി ശ്യാമ ചോദിച്ചു.
“അപ്പു ഏട്ടൻ ശരിക്കും പിടിച്ചില്ലേ..?”
“എനിക്ക് ഇങ്ങനെ പിടിച്ചു ശരിക്കും ഇരിക്കാൻ പറ്റുന്നില്ല. ഞാൻ നേരത്തെ പിടിച്ചത് പോലെ ശ്യാമയെ പിടിച്ചോട്ടെ..?”
സുധിയുടെ ആ ചോദ്യം കേട്ടപ്പോൾ ശ്യാമയ്ക്ക് എന്തോ പോലെ ആയി. സുധി അധികാരത്തോടെ എന്നപോലെ അവളെ പിടിക്കും എന്നാണ് ശ്യാമ കരുതിയത്. ശ്യാമ പറഞ്ഞു.
“മ്. പിടിച്ചോ. ”
അത് കേട്ട് മനസ്സിൽ ചിരിച്ചു കൊണ്ട് സുധി ശ്യാമയോട് ചേർന്ന് ഇരുന്ന് ശ്യാമയുടെ വയറിൽ ചുറ്റി പിടിച്ചു.
ശ്യാമ വീണ്ടും സ്കൂട്ടർ എടുത്തു. സുധിയുടെ കൈകൾ സാവധാനം ശ്യാമയുടെ സാരിയുടെ അടിയിലൂടെ കയറി ശ്യാമയുടെ നഗ്നമായ വയറിൽ പിടിച്ചു. ശ്യാമയ്ക്ക് എന്തോപോലെ ആയെങ്കിലും ശ്യാമ ഒന്നും പറഞ്ഞില്ല.
“ശ്യാമേ ഇങ്ങനെ ശരിക്കും പിടിച്ചു ഇരിക്കാൻ പറ്റുന്നുണ്ട്. നല്ല പഞ്ഞിയിൽ പിടിക്കും പോലെ സുഖവും ഉണ്ട്..”
ശ്യാമ വെറുതെ മൂളി. എന്നിട്ട് ചോദിച്ചു.
“എവിടെയാ അപ്പു ഏട്ടാ പോകേണ്ടത്..?”
“ആദ്യം നല്ലൊരു ഹോട്ടലിൽ പോകാം . അത് കഴിഞ്ഞു ശ്യാമയുടെ മോതിരം എടുക്കാൻ പോകാം.”
ശ്യാമ ഒന്ന് മൂളിയ ശേഷം സ്കൂട്ടർ കുറച്ചു കൂടെ വേഗത്തിൽ ഓടിച്ചു. സുധി ചോദിച്ചു.
“ശ്യാമ കുറേ ആയോ..സ്കൂട്ടർ ഒടിക്കാൻ പഠിച്ചിട്ട്..?”
“മ്. അച്ഛന് ഒരു സ്കൂട്ടർ ഉണ്ടായിരുന്നു അതിൽ പഠിച്ചതാ..”
“എന്നിട്ട് ആ സ്കൂട്ടർ എവിടെ..?”
“അത് അത്.. അച്ഛന് അപകടം പറ്റിയപ്പോൾ വിറ്റു. ”
“ഓഹ്! എന്തായാലും ശ്യാമ സ്കൂട്ടർ ഒടിക്കാൻ പഠിച്ചത് കൊണ്ട് നന്നായി. നമുക്ക് രണ്ടാൾക്കും ഈ സമയവും എവിടെ വേണമെങ്കിലും പോകാലോ..”
“ഇങ്ങനെ കൂടുതൽ യാത്ര ചെയ്താൽ കാൽ വേദനിക്കില്ലേ..? പരിക്ക് മാറാൻ സമയം എടുക്കില്ലേ..?”
“എന്നെയും കൊണ്ട് യാത്ര ചെയ്യാൻ ശ്യാമയ്ക്ക് ബുദ്ധിമുട്ട് ഉണ്ട് അല്ലേ..?”
“അയ്യോ!! ഞാൻ അതുകൊണ്ട് പറഞ്ഞത് അല്ല. അപ്പു ഏട്ടന് വേദന ആകും എന്നത് കൊണ്ട് പറഞ്ഞതാ..”
“ശരി. ഇന്ന് കഴിഞ്ഞാൽ പിന്നെ നമുക്ക് ഹോസ്പിറ്റലിൽ മാത്രം പോകാം ”
സുധി ശ്യാമയുടെ വയറിൽ പതിയെ തഴുകികൊണ്ട് ഓരോന്ന് സംസാരിച്ചു കൊണ്ടിരുന്നു. സുധി തന്റെ മുഖം ശ്യാമയുടെ തോളിൽ പതിയെ അമർത്തി.
“ശ്യാമ ഏത് എണ്ണയാ മുടിയിൽ തേക്കുന്നത്.. മുടിയും നല്ല മണം. ഇനി അതും ശ്യാമയുടെ തലയിലെ വിയർപ്പ് മണക്കുന്നതാണോ..?”
ശ്യാമ ചിരിച്ചു. എന്നിട്ട് പറഞ്ഞു
“അല്ല. അത് കാച്ചിയ വെളിച്ചെണ്ണയാ..”
“ആണോ? എന്തായാലും നല്ല മണം.”
ഇതാണ് പറയുന്നത്. നായയുടെ വാല് ഓടകുഴലിൽ ഇട്ട് നിവർക്കാൻ നോക്കരുത് എന്ന്. ഓടക്കുഴൽ വളഞ്ഞു പോകുമോ എന്നേ നോക്കേണ്ടു. .