വീണ്ടും അവളുടെ ചോദ്യങ്ങൾ കേട്ട് രമേശൻ്റെ തല പെരുത്തു.
“ഞാൻ നിങ്ങളോട് പറഞ്ഞത് അല്ലേ എനിക്ക് ബെഞ്ചമിനിയും അറിയില്ല, ഒരു കോപ്പും അറിയില്ല.” അവൻ്റെ സംസാരത്തിൽ യാചനയായിരുന്നു.
“പിന്നെ നിങ്ങൾ ഇവിടെ എങ്ങനെ എത്തി.”
“എനിക്ക് അറിയില്ല, രാത്രി ഞാൻ കടയിൽ നിന്നും വരുന്ന വഴി മുന്നിൽ ഒരു വലിയ കുഴി, ഞാൻ ജീവിതത്തിൽ ഇങ്ങനെ ഒരു കുഴി കണ്ടിട്ടില്ല.
പെട്ടെന്നായിരുന്നു ആക്രമണം, മുഖം മുടി ധരിച്ച ആൾ എന്നെ ഈ കുഴിയിൽ തള്ളി ഇട്ടു, പിന്നെ എനിക്ക് ബോധം വരുമ്പോ ഈ ഗ്ലാസിനുള്ളിൽ.”
അവൻ പറഞ്ഞ കാര്യങ്ങൾ കേട്ടു അവൾ ഞെട്ടി തരിച്ചു നിന്നു.
“അപ്പൊ അപ്പൊ അത് പ്രവർത്തിച്ചു തുടങ്ങി ഓ എനിക്ക് വിശ്വസിക്കാൻ പറ്റുന്നില്ല.”
ടീന പിറുപിറുത്തു.
“നിങ്ങള് എന്താ പറയുന്നേ ?.” രമേശൻ ചോദിച്ചു.
ടീന പിറുപിറുപ്പുകൾ നിർത്തി കൊണ്ട് പറഞ്ഞു.
“അവൻ വിജയിച്ചു, ബെഞ്ചമിൻ വിജയിച്ചു.”
അവൾ അട്ടഹസിച്ചു.
രമേശൻ ഒന്നും അറിയാത്തവനെ പോലെ അവളെ നോക്കി നിന്നു.
“ഫക്ക് ബെഞ്ചമിൻ ഫക്ക്” അവൾ ഉറക്കെ പറഞ്ഞു.
അവളുടെ ശബ്ദം കേട്ടു ഇപ്പൊ ആ ആളുകൾ ഓടി വരും എന്ന് തോന്നിയത് കൊണ്ട് രമേശൻ പറഞ്ഞു.
“നിങ്ങൾ ഒന്നു മിണ്ടാതെ നിൽക്ക്, അവർ ഇപ്പോ വരും, നിങ്ങൾക്ക് അറിയാലോ ഞാൻ ബെഞ്ചമിൻ അല്ലെന്ന്, നിങ്ങള് എന്നെ ഒന്നു തുറന്നു വിട്.”
“നീ എങ്ങോട്ട് പോകാനാ ?.” പരിഹാസത്തോടെ അവൾ ചോദിച്ചു.”
“വീട്ടിലേക്ക്.” അവൻ മറുപടി പറഞ്ഞു.
“ഫൂൾ നീ ഇപ്പൊ എവിടെയാണ് എന്ന് അറിയോ.,
എടാ നീ ഇവിടെ നിന്നും ഇറങ്ങിയാലും നീ നിൻ്റെ നാട്ടിലും വീട്ടിലും എത്താൻ പോകുന്നില്ല,” അവൾ ഉറക്കെ ചിരിച്ചു.
“നിങ്ങൾ എന്തു ഭ്രാന്താ പറയണത്.”
“എടാ അറിയാത്തവർക്ക് ഭ്രാന്ത് ആയി തോന്നുന്നും. നിനക്ക് മൾട്ടിവർസ് തിയറി അറിയോ ? ടെലിപോർട്ടിങ് അറിയോ ?.”
രമേശൻ ഒന്നും മിണ്ടാതെ അവളെ നോക്കി ഇരുന്നു.
ടീന അവളുടെ ചിരി നിർത്തി അല്പം ഗൗരവത്തോടെ സംസാരിക്കാൻ തുടങ്ങി.
“രമേശാ ഇനി ഞാൻ പറയുന്ന കാര്യങ്ങൾ ശ്രദ്ധിച്ചു കേൾക്കണം. നിനക്ക് ചിലപ്പോ അത് വിശ്വസിക്കാൻ ബുദ്ധിമുട്ടായിരിക്കും. എന്നൽ ഞാൻ പറയുന്നതിന് ഓരോ ഒരു തെളിവ് ജീവിച്ചിരിക്കുന്ന നീയാണ്.”
ടീന ഗ്ലാസ് ബോക്സിന് മുന്നിൽ ചേർന്നു നിന്നു പറഞ്ഞു തുടങ്ങി..
“ബെഞ്ചമിൻ, ഈ ലോകത്തെ തന്നെ മാറ്റിമറിക്കാൻ കഴിയുന്ന ഒരു ബുദ്ധി രാക്ഷസൻ. അവൻ്റെ പല കണ്ടുപിടുത്തങ്ങളും ലോക ശ്രദ്ധ ആകർഷിച്ചു. എന്നൽ ഈ ലോകത്തെ തന്നെ മാറ്റിമറിക്കാൻ ഉള്ള ഒരു കണ്ടുപിടിത്തം.
അതായിരുന്നു ബെഞ്ചമിൻ്റെ ജീവിത ലക്ഷ്യം. അതിനായി അവൻ ഉണ്ടാക്കിയ പ്രോജക്റ്റാണ് ‘The Hole.’ Mulitiverse തിയറിയാണ് ഈ പ്രോജക്ടിൻ്റെ പ്രധാന ആശയം.
Mulitiverse തിയറി അനുസരിച്ച് നമ്മൾ ജീവിക്കുന്ന ഈ പ്രപഞ്ചം മാത്രമല്ല ഉള്ളത് രമേശാ. നമ്മുടേതിന് സമാനമായി അനന്തമായ അനേകം പ്രപഞ്ചങ്ങൾ ഒരേ സമയം നിലനിൽക്കുന്നുണ്ട്.
ഈ ഓരോ ലോകത്തിലും രമേശനെപ്പോലെ, എന്നെപ്പോലെ ആൾക്കാരുണ്ടാകും. പക്ഷേ, അവരുടെ ജീവിതവും സ്വഭാവവും സാഹചര്യങ്ങളും വേറെയായിരിക്കും.”
അവൾ ഇടനാഴിയുടെ ഇരുട്ടിലേക്ക് ഒരു നിമിഷം കണ്ണോടിച്ച് തുടർന്നു.
“ബെഞ്ചമിൻ കുറെ നാളത്തെ റിസർച്ച് ആയിരുന്നു ഈ സമാന്തര ലോകങ്ങളെ തമ്മിൽ ബന്ധിപ്പിക്കുന്ന ഒരു പോർട്ടൽ, ഒരു ഹോൾ. ബെഞ്ചമിൻ ഇന്നു കിട്ടാവുന്ന ടെക്നോളജി ഉപയോഗിച്ച് അങ്ങനെ ഒരു ഹോൾ ഉണ്ടാകാൻ.
അതിന് ബെഞ്ചിന് ഒരുപാട് ഫണ്ട് ആവശ്യമായിരുന്നു. ബെഞ്ചമിൻ തൻ്റെ റിസർച്ച് പലരുമായി സംസാരിച്ചു എങ്കിലും ആ പ്രോജക്ടിൽ
ആരും വിശ്വസിച്ചില്ല. അങ്ങനെ നിരാശനായ ബെഞ്ചമിൻ വിവേകിനെ ഒരു പാർട്ടിയിൽ വെച്ചു കാണുന്നത്.
വിവേക് നഗരത്തിലെ ഒരു ഗ്യാങ്സ്റ്റർ ആയി തുടക്കം, അയാളുടെ ഗ്യാങ്സ്റ്റർ ബന്ധം വെച്ച് രാഷ്ട്രീയക്കാരും സിനിമാക്കാരും ബിസിനസുകാരും അവരുടെ ഇല്ലീഗൽ മണി അവനെ ഏല്പിച്ചു, ആ മണി മുഴുവൻ അവൻ പല ബിസിനസ്സിൽ ഇൻവെസ്റ്റ് ചെയ്തു വൈറ്റ് മണിയാക്കി കൊടുത്തു.
അങ്ങനെ പതിയെ വിവേക് ഒരു ബിസിനസുകാരനായി.