മാത്യു: “ശരി നതാഷാ… നീ പോയി ഫ്രഷ് ആയി റെഡി ആയി വാ.
ആ പാവം സാമിന്റെ വിരഹം മാറ്റിയ നീ ആകെ ക്ഷീണിച്ചിട്ടുണ്ടാകും.
അല്ലെങ്കിൽ തന്നെ ഇങ്ങനത്തെ ആളോട് സംസാരിച്ചാൽ തന്നെ നമുക്ക് പ്രാന്ത് ആവും..
അപ്പൊ അയാൾക്ക് ട്രീറ്റ്മെന്റ് ചെയ്യുന്ന നിന്റെ കാര്യം പറയണ്ടാലോ….
പോയി വാ..നമുക്ക് ഇന്ന് ഒന്നിച്ച് ബ്രേക്ക്ഫാസ്റ്റ് കഴിക്കാം.”
നതാഷ തിരിഞ്ഞു നടക്കുമ്പോൾ മാത്യു ആ ബിയർ കുപ്പിയിലേക്ക് നോക്കി.
അയാളുടെ മനസ്സിൽ സാമിന്റെ രൂപം ഒരു നിഴൽ രൂപമായി വന്നു. എന്തോ അവളുടെ ആകെയുള്ള വെപ്രാളം കണ്ടപ്പോ സാം എന്ന പേര് അവളുടെ വായിൽ നിന്നും അറിയാതെ വീണുപോയതായി തോന്നി അയാൾക്ക്..
തന്റെ ഭാര്യയുടെ നാവിലൂടെ തന്നെ ആ ഒരു പേര് പുറത്തു വന്നതിൽ അയാൾക്ക് എന്തെന്നില്ലാത്ത സന്തോഷം തോന്നി.
അവൾ പതുക്കെ മുകളിലേക്ക് കയറിപ്പോകുന്നത് മാത്യു നോക്കി നിന്നു. അവൾ കാഴ്ചയിൽ നിന്നും മറഞ്ഞതും മാത്യുവിന്റെ ശാന്തത പാടെ മാറി.
അവളുടെ ആ പുതപ്പിനുള്ളിൽ മറഞ്ഞിരിക്കുന്ന രഹസ്യങ്ങൾ ഓരോന്നായി പുറത്തെടുക്കണമെന്ന് താഴെ സോഫയിൽ ഇരിക്കുന്ന അയാൾ ഉറപ്പിച്ചു കഴിഞ്ഞു.
അതേസമയം നാതാഷയുടെ ഉള്ളിൽ ആകെ തീകുണ്ഡമായിരുന്നു.
മാത്യു അത് വിശ്വസിച്ചോ അതോ വിശ്വസിച്ചതായി നടിക്കുകയാണോ?!!
അവൾ ബാത്ത്റൂമിൽ കയറി വാതിലടച്ചു.
ഷവറിന് താഴെ നിൽക്കുമ്പോഴും അവളുടെ ശരീരം വിറയ്ക്കുന്നുണ്ടായിരുന്നു.
സാമിന്റെ പേര് തന്നെ മാത്യുവിന് മുന്നിൽ പറയേണ്ടി വന്നല്ലോ എന്നോർത്ത് അവൾ സ്വന്തം തലയിൽ കൊട്ടി.
താഴെ ലിവിംഗ് റൂമിൽ മാത്യുവിന്റെ മുഖത്തെ ആ ശാന്തത മാറിയിരുന്നു.
അയാൾ പതുക്കെ എഴുന്നേറ്റ് ഗസ്റ്റ് ബെഡ്റൂമിന് നേരെ നടന്നു.
മുറിക്കുള്ളിൽ കടന്ന മാത്യു അവിടെയുള്ള ഓരോ വസ്തുവിനെയും ഒരു വേട്ടക്കാരനെപ്പോലെ നിരീക്ഷിക്കുകയായിരുന്നു…
മുറിക്കുള്ളിൽ നതാഷയുടെ പെർഫ്യൂമിനോടൊപ്പം മറ്റൊരു പുരുഷഗന്ധം കലർന്നു നിൽക്കുന്നുണ്ട്.
അത് സിഗരറ്റിന്റെയും ബിയറിന്റെയും പിന്നെ ആ അപരിചിതന്റെ വിയർപ്പിന്റെയും രൂക്ഷമായ മണമായിരുന്നു.
കിടക്കയിൽ അലങ്കോലമായി കിടക്കുന്ന ബെഡ്ഷീറ്റ്.
നതാഷ അത് ഒതുക്കി വെക്കാൻ ശ്രമിച്ചിട്ടുണ്ടെങ്കിലും ആ വിരിപ്പിലെ ചുളിവുകൾ അവിടെ നടന്ന രതി നിമിഷങ്ങളുടെ സാക്ഷ്യപത്രമായിരുന്നു.
മാത്യു അത് മുറുക്കിപ്പിടിച്ചു. അയാളുടെ പല്ലുകൾ ദേഷ്യം കൊണ്ട് ഞെരിഞ്ഞു.
മാത്യു: (സ്വയം മന്ത്രിച്ചു) “വിരഹത്തിലായ പേഷ്യന്റ് അല്ലേ നതാഷാ… ചതിക്കപ്പെട്ട കാമുകനെ നീ സ്വന്തം ശരീരം നൽകി ഇങ്ങനെയാണോ ആശ്വസിപ്പിച്ചത്?!!”
അയാൾ അൽപനേരം ആ ബെഡിൽ തന്നെ എന്തോ ആലോചിച്ചു ഇരിപ്പായി..
മുകളിൽ നിന്നും നതാഷ ഷവർ ഓഫ് ചെയ്ത ശബ്ദം അയാൾ കേട്ടു.
അവൾ കുളി കഴിഞ്ഞു ഇറങ്ങി എന്ന് തോന്നുന്നു..
മാത്യു പതുക്കെ സ്റ്റെയർകെയ്സിനടുത്തേക്ക് നടന്നു.
മുഖത്ത് പഴയ ആ ചിരി അയാൾ വീണ്ടും വരുത്തി ആ ലിവിങ് റൂമിലെ നീളമുള്ള സോഫയിൽ ഇരുന്നു..
പക്ഷേ ഉള്ളിൽ അയാൾ നതാഷയെയും സാമിനെയും എങ്ങനെ ഇഞ്ചിഞ്ചായി തകർക്കണം എന്ന പ്ലാൻ തയ്യാറാക്കി കഴിഞ്ഞിരുന്നു.
ഓരോ വാക്കിലും അവൾ പതറിയത് അയാൾ വ്യക്തമായി അറിഞ്ഞിരുന്നു..
സാമും അവന്റെ ‘വിരഹവും’ ഒക്കെ വെറും കെട്ടുകഥകളാണെന്നും തന്റെ മുന്നിൽ നേരത്തെ നിന്നത് തന്നിൽ നിന്നും പാതി വഴിയിൽ അകന്നുപോയ ഒരു വഞ്ചകിയാണെന്നും അയാൾക്ക് ഉറപ്പായി.
നതാഷ ഓരോ കള്ളങ്ങൾ പറഞ്ഞപ്പോളും മാത്യുവിന്റെ തലയ്ക്കുള്ളിൽ രക്തം തിളയ്ക്കുകയായിരുന്നു.
അവൾ പേഷ്യന്റിനെക്കുറിച്ചുള്ള കള്ളങ്ങൾ തനിക്ക് നേരെ ഒന്നിനുപുറകെ ഒന്നായി നീട്ടുമ്പോൾ ഇപ്പോൾ ബുദ്ധിമറന്നു പ്രതികരിച്ചാൽ അത് ശരിയാകില്ലെന്ന് മാത്യുവിന് തോന്നി.
ഓരോ വാക്കും സൂക്ഷിച്ചു വേണം പ്രയോഗിക്കാൻ.